Молитвослов

Автор Раб божий Константин, марта 10, 2012, 02:13:14

« назад - далее »

Раб божий Константин

Глава 60. Прокимени, апостоли, аллилуиаре, евангелиа, и причастни на всяку потребу различнии.

[spoiler]На освящение елеа 6 иереев.

Первый иерей глаголет: прокимен, глас 1: Буди Господи милость твоя на нас, якоже уповахом на тя. Стих: Радуйтеся праведнии о господе, правым подобает похвала. Апостол иаковля послания, зачало 56. Аллилуиа, глас 8. Стих: милость и суд воспою тебе Господи. евангелие луки, зачало 53.

Вторый иерей глаголет: прокимен, глас 2: Крепость моя и пение мое господь, и бысть мне во спасение. Стих: Наказуя наказа мя господь, смерти же не предаде мя. Апостол к римляном, зачало 116. Аллилуиа, глас 5: милости твоя Господи во век воспою. евангелие луки, зачало 90д.

Третий иерей глаголет: прокимен, глас 3: Господь просвещение мое, и спаситель мой, кого убоюся? Стих: Господь защититель живота моего, от кого устрашуся? Апостол к коринфяном, зачало 153. Аллилуиа, глас 2. Стих: На тя Господи уповах, да не постыжуся во век. евангелие матфеа, зачало 34 от полу.

Четвертый иерей глаголет: прокимен, глас 4: Воньже аще день призову тя, скоро услыши мя. Стих: Господи услыши молитву мою, и вопль мой к тебе да приидет. Апостол к коринфяном, зачало 182 от полу. Аллилуиа, глас 2. Стих: Терпя потерпех Господа, и внят ми. евангелие матфеа, зачало 27.

Пятый иерей глаголет: прокимен, глас 5: Ты Господи сохраниши ны, и соблюдеши ны от рода сего и во век. Стих: спаси мя Господи, яко оскуде преподобный. Апостол к коринфяном, зачало 168. Аллилуиа, глас 5. Стих: милости твоя Господи во век воспою. евангелие матфеа, зачало 104.

Шестый иерей глаголет: прокимен, глас 6: Помилуй мя Боже по велицей милости твоей. Стих: Сердце чисто созижди во мне Боже, и дух нрав обнови во утробе моей. Апостол к галатом, зачало 113. Аллилуиа, глас 6. Стих: блажен муж бояйся Господа, в заповедех его восхощет зело. евангелие матфеа, зачало 62.

Седмый иерей глаголет: прокимен, глас 6: Господи, да не яростию твоею обличиши мене, ниже гневом твоим накажеши мене. Стих: Помилуй мя Господи, яко немощен есмь. Апостол к солуняном. зачало 273. Аллилуиа, глас 6. Стих: услышит тя Господь в день печали, защитит тя имя бога иаковля. евангелие, матфеа, зачало 30.

Августа в 1-й день, на освящение воды: Прокимен, глас 3: Господь просвещение мое: Стих: Господь защититель живота моего: Апостол ко евреем, зачало 307. Аллилуиа, глас 6. Стих: отрыгну сердце мое слово благо. Стих: Глаголю аз дела моя цареви: евангелие Иоанна, зачало 14.

На освящение церкве: Прокимен, глас 4: Дому твоему подобает святыня Господи, в долготу дний. Стих: Господь воцарися в лепоту облечеся. Апостол ко евреем, зачало 307. Аллилуиа, глас 1: основания его на горах святых, любит Господь врата сионя паче всех селений иаковлих. Стих: Преславная глаголашася о тебе граде Божий. евангелие Иоанна, зачало 36 от полу. Причастен: Господи, возлюбих благолепие дому твоего, и место селения славы твоея.

На основание и на обновление града: Прокимен, глас 4: Дому твоему подобает святыня Господи, в долготу дний. Стих: Ибо утверди вселенную, яже не подвижится: Апостол деяний, зачало 40 от полу. Аллилуиа, глас 2: основания его на горах святых: Стих: Преславная глаголашася о тебе граде Божий. евангелие матфеа, зачало 67. Причастен: Господи, возлюбих. благолепие дому твоего: Воследование в бездождие: Прокимен, глас 4: Бразды земныя упой, и умножи жита ея. Стих: В каплях ея возвеселится возсияющи. Апостол иаковля послания, зачало 56. Аллилуиа, глас 8: благословиши венец лета благости твоея, и поля твоя исполнятся тука. Стих: Разботеют красная пустыни, и радостию холми препояшутся. евангелие матфеа, зачало 65. Причастен: Чашу спасения прииму: Во время безведрия: Прокимен, глас 4: спаси мя Боже, яко внидоша воды до души моея. Стих: углебох в тимении глубины, и несть постояния. Апостол к римляном, зачало 98. Аллилуиа гласа, спаси мя от брения, да не углебну, и от глубоких вод. Стих: Да не потопит мене буря водная, ниже да пожрет мене глубина. евангелие матфеа, зачало 20 от полу. Во страх труса: Прокимен, глас 8: Господи, да не яростию твоею обличиши мене. Стих: Не отврати лица твоего от отрока твоего: Апостол ко евреем, зачало 331 от полу. Аллилуиа, глас 5: Боже отринул ны еси, и низложил еси нас. Стих: Стрясл еси землю, и смутил еси ю: исцели сокрушение ея, яко подвижеся. евангелие матфеа, зачало 27. Причастен: Призираяй на землю, и творяй ю трястися.

Воследование во время язв: Прокимен, глас 4: Господи, да не яростию твоею обличиши мене: Стих: Несть исцеления в плоти моей, от лица гнева твоего. евангелие луки, зачало 17.

Воследование во общенуждии: Прокимен, глас 4: Даждь нам помощь о скорби: Стих: о бозе сотворим силу: евангелие марка, зачало 51.

Воследование за императора, и за люди во время брани: Прокимен, глас 4: Господи, силою твоею возвеселится царь, и о спасении твоем возрадуется зело. Стих: Желание сердца его дал еси ему, и хотения устну его неси лишил его. Апостол ко ефесеем, зачало 233. Аллилуиа, глас 2: услышит тя Господь в день печали, защитит тя имя бога иаковля. Стих: Господи, спаси царя, и услыши ны, воньже аще день призовем тя. евангелие марка, зачало 51. Причастен: Хвалите Господа с небес: В нашествии варвар: Прокимен, глас 4: Да воскреснет бог, и расточатся врази его. Стих: яко исчезает дым, да исчезнут. Апостол к ефесеем, зачало 220. Аллилуиа. Стих: Господь сокрушаяй брани: евангелие луки, зачало 70. Причастен: Господь крепок и силен, Господь силен во брани.

о умирении и соединении православныя веры: Прокимен, глас 6: Господь крепость людем своим даст, Господь благословит люди своя миром. Стих: В храме его всякий глаголет славу. евангелие матфеа, зачало 20 от полу.

о умирении и соединении церкве: Прокимен, глас 4: Да воскреснет бог: Стих: яко исчезает дым: евангелие марка, зачало 51.

Воследование за творящих милостыню: Прокимен, глас 4: уповай на Господа, и твори благостыню. Стих: Весь день милует, и взаим дает праведный. евангелие матфеа, зачало 20 от полу.

В запалении огня: Прокимен, глас 1: Буди Господи милость твоя на нас, якоже уповахом на тя. Стих: Се очи господни на боящияся его, и уповающия на милость его. Апостол ко евреем, зачало 330. Аллилуиа: Щедр и милостив господь, всем призывающим его. евангелие луки, зачало 69.

Над болящим,

Прокимен, глас 1: Аз рех: Господи помилуй мя, исцели душу мою, яко согреших тебе. Стих: блажен разумеваяй на нища и убога, в день лют избавит его господь. Апостол иаковля послания, зачало 56. Аллилуиа, глас 8: Призри на мя и помилуй мя. 1-е, евангелие матфеа зачало 27. 2-е, евангелие марка, зачало 21. 3-е, евангелие Иоанна, зачало 13. Причастен: Чашу спасения прииму: На пострижение монахов: Прокимен, глас 3: Господь просвещение мое: Стих: Господь защититель живота моего: Апостол к ефесеем, зачало 233. Аллилуиа, глас 1: Сей нищий воззва. и Господь услыша и, и от всех скорбей его спасе и. евангелие матфеа, зачало 39. Причастен: Чашу спасения прииму: За всякое прошение: евангелие матфеа, зачало 20 от полу. Или марка, 51: Или луки, зачало 88.

На крещении человеков: Прокимен, глас 3: Господь просвещение мое: Стих: Господь защититель живота моего: Апостол к римляном, зачало 90а. евангелие матфеа, зачало 116.

Во время брака: Прокимен, глас 8: Положил еси на главах их венцы, от каменей честных: живота просиша у тебе, и дал еси им. Стих: яко даси им благословение в век века, возвеселиши я радостию с лицем твоим. Апостол к ефесеем, зачало 230. Аллилуиа, глас 5: Стих: Ты Господи сохраниши ны, и соблюдеши ны от рода сего, и во век. евангелие Иоанна, зачало 6.

Исповеданию: евангелие матфеа, зачало 30: или луки, зачало 78.

Жен исповеданию: евангелие Иоанна, зачало 28.

Над имущим дух недуга: евангелие матфеа, зачало 28: или 72. Марка, зачало 19: или 40. Луки, 46.

На погребении мирян: Прокимен, глас 6: блажен путь, воньже идеши днесь душе, яко уготовася тебе место упокоения. Стих: К тебе Господи воззову: Апостол к солуняном, зачало 170. Аллилуиа, глас 6: блажен, егоже избрал, и приял еси Господи. евангелие Иоанна, зачало 17.

На погребении монахов: Прокимен, глас 6: блажен путь, воньже идеши брате днесь. Стих: обратися душе моя в покой твой, яко Господь благодействова тя. Апостол, Аллилуиа, и евангелие, писан в погребении мирян.

На погребении иереев: Прокимен, глас 6: блажен путь, воньже идеши днесь душе: Стих: обратися душе моя в покой твой: Апостол к солуняном, зачало 270. Аллилуиа, глас 8: блажен, егоже избрал, и приял еси Господи. евангелие Иоанна, зачало 17.

Вторый прокимен, глас 6: блажен, егоже избрал: Стих: Тебе подобает песнь Боже в сионе: Апостол к римляном, зачало 89, от полу. Аллилуиа, глас 6: блажен, егоже избрал: евангелие Иоанна, зачало 15.

Третий прокимен, глас 6: блажен, егоже избрал: Стих: Память его в род и род: Апостол к коринфяном, зачало 118. Аллилуиа. Стих: блажен, егоже избрал: евангелие Иоанна, зачало 21. Четвертый прокимен, глас 6: Душа его во благих водворится: Стих: К тебе Господи воззову: Апостол к коринфяном, зачало 160. Аллилуиа: блажен муж бояйся Господа: Стих: Сильно на земли будет семя его. евангелие Иоанна, зачало 22.

Пятый прокимен, глас 6: блажен, егоже избрал: Стих: Душа его во благих водворится. Апостол к римляном, зачало 113. Аллилуиа, глас 6: блажен, егоже избрал, и приял еси Господи: Стих: Душа его во благих водворится. евангелие Иоанна, зачало 23.

На погребении младенцев: Прокимен, глас 6: блажен путь, воньже пойдеши душе: Стих: обратися душе моя в покой твой: Апостол к коринфяном, зачало 162. Аллилуиа. Стих: блажен егоже избрал, и приял еси, Господи. Стих: Душа его во благих водворится. евангелие Иоанна, зачало 21.

Последование в мир: Прокимен, глас 4: Мир мног любящим тя Господи. Стих: Чаях бога спасающаго мя: Апостол ко ефесеем, зачало 221. Аллилуиа, глас 4: Вопросите яже о мире иерусалима. евангелие Иоанна, зачало 48, от полу: Причастен: Чашу спасения прииму: [/spoiler]

Раб божий Константин

Глава 1. О Храмех Святаго или Святыя,
1 часть.
[spoiler]от месяца септемвриа до недели мытаря и фарисеа: от недели же мытаря, до понедельника первыя недели святаго поста, во всю святую 40-цу, и до самаго пресветлаго и тридневнаго Христова воскресения, и во всю светлую неделю, до новыя недели, от новыя же недели, сиречь фомины по пасце, во всю 50-цу, даже до недели всех святых, како поется служба храма святаго, или святыя, вечер, и утро, и На Литургии.

[Смотри] Подобает ведати, яко аще случится храм святаго симеона столпника в неделю. На Велицей Вечерни, по обычном псалме, кафисма вся. На Господи воззвах, стихиры воскресны 3: и индикта 3: и храма 4. Слава, храма: И ныне: богородичен 1-й гласа. Вход. Прокимен дне: и чтение индикта, и храма. На литии стихиры храма. Таже индикта: Слава, храма: И ныне, индикта. На стиховне стихиры воскресны, по алфавиту. Слава, храма: И ныне, индикта. На благословении хлебов, Тропарь, Богородице Дево: дважды, и храма, единожды. И Буди имя господне: трижды. и чтение в посланиих.

На Утрени, на Бог господь, тропарь воскресен дважды: Слава, храма: И ныне, индикта. По кафисмах седальны воскресны, и богородичны их: и чтение, полиелей, и седальны храма вси по единожды. Слава, храма. И ныне, индикта, и чтение: Степенна гласа. Прокимен храма. Всякое дыхание: и евангелие храма. Воскресение христово: псалом 50: стихира храма, и прочее, по обычаю. Канон воскресен, со ирмосом на 4: и индикта на 4: и храма на 6. Катавасиа: Крест начертав:

По 3- й песни, кондак индикта: и седален храма, дважды. Слава, и ныне, индикта, и чтение. По 6-й песни кондак и икос храма. На 9-й песни поем Честнейшую. Светилен воскресен: Слава, храма: И ныне, индикта. На хвалитех стихиры воскресны 3: и индикта самогласны 3: и храма 3, с припевы его: 1-й, Честна пред господем: 2-й, Блажен муж бояйся Господа: Слава, храма: И ныне, Преблагословенна еси: Славословие великое: и час 1-й. На 1-м часе стихира евангельская. Тропарь воскресен: Слава, индикта: И ныне, богородичен часов. По трисвятом кондак воскресен, и прочая: и совершенный отпуст. На 3-м часе, Тропарь воскресен: Слава, храма: И ныне, богородичен часов: По трисвятом кондак храма, и индикта, и воскресен глаголем пременяюще.

На Литургии. Блаженна воскресна на 4: и индикта песнь 3, на 4: И храма песнь 6, на 4. По входе тропарь воскресн, и индикта, и храма святаго. Кондак воскресен: Слава, храма: И ныне, индикта. Прокимен индикта, и храма. Апостол индикта, и ряд под зачало. Таже храма святаго. Аллилуиа, и евангелие, прежде индикта, и ряд под зачало. Таже храма святаго. Причастенъ индикта, и храма.

[Смотри] Тогоже дне вечера. Бывает отдание праздника за почесть храма, к вечерни трезвон без большаго. На Господи воззвах, стихиры храма 3: И святаго рядоваго 3. Слава, храма: И ныне, богородичен воскресен тогоже гласа: [Аще среда или пяток случится, тойже богородичен поем.] Прокимен дне: Сподоби Господи: Исполним вечернюю:

На стиховне, стихиры храма. Слава, храма, или святаго: И ныне богородичен воскресен. По трисвятом тропарь храма: Слава, святаго, аще есть: И ныне, богородичен воскресен. ектениа, и отпуст. И тако отдается служба храма непременно. На Утрени и На Литургии трезвона несть. Служба поется святаго рядоваго, со октоихом, по обычаю.

[Смотри] Аще ли случится на утрие храмоваго праздника: Неделя или праздник христов, или Богородицы, или великаго святаго имущаго бдение, или полиелей, или вход, или паремии, и тогда на вечерни храма отдание не бывает.

Глава 2. Аще ли храм святаго симеона, кроме недели в кой день случится: На малей вечерни стихиры храма на 4. Слава, храма: И ныне, индикта. На стиховне стихиры индикта: Слава, храма: И ныне, индикта: По трисвятом тропарь индикта: Слава, храма: И ныне: Радуйся благодатная: ектениа малая, и отпуст. На Велицей Вечерни, на Господи воззвах, стихиры индикта 3, и храма 5. Слава, храма: И ныне, индикта. Вход, прокимен дне: и чтение индикта, и храма. На литии стихиры индикта, и храма. Слава, храма: И ныне, индикта. На стиховне стихиры храма, с припевы: 1-й, Честна пред господем: 2-й, Блажен муж: Слава, храма: И ныне, индикта. На благословении хлебов тропарь храма, дважды. и Богородице Дево: единожды. И Буди имя господне: трижды. и чтение храма.

[Смотри] А идеже несть всенощнаго бдения:

По Ныне отпущаеши, тропарь индикта. Слава, храма. И ныне: Радуйся благодатная: и отпуст. На повечерии по трисвятом кондак храма: Слава, и ныне, индикта. На полунощнице, по 1-м трисвятом вместо, Се жених: тропарь храма: Слава, и ныне, индикта. По 2-м трисвятом вместо, Помяни Господи: кондак храма: Слава, и ныне, индикта. Таже, Господи помилуй, 12, и отпуст. Молитвы же, Помяни Господи в надежди: не глаголем. На Утрени: На Бог господь: тропарь индикта, дважды. Слава, храма: И ныне, богородичен: Радуйся благодатная: По 1-й кафисме седальны индикта, и чтение. По 2-й кафисме седален храма, дважды: Слава, и ныне, индикта. Полиелей и седален, и чтение храма. Степенна, 1-й антифон 4 гласа. Прокимен, и Всякое дыхание: и евангелие храма. псалом 50. и стихира храма. Канон индикта, со ирмосом на 6: и храма на 8. Катавасиа: крест начертав:

По 3-й песни кондак индикта: и седален храма дважды. Слава, и ныне, индикта. и чтение храма. По 6-й песни кондак и икос храма. По 9-й песни, светилен храма дважды. Слава, и ныне, индикта. На хвалитех стихиры индикта 4: и храма 4: с припевы их. Слава, храма: И ныне, индикта. Славословие великое. По трисвятом тропарь индикта: Слава, храма: И ныне, индикта. ектении и отпуст, и час 1-й. На часех тропарь праздника. Слава, храма. И ныне, богородичен часов. По Отче наш: кондак индикта, и храма, пременяюще глаголем.

На Литургии: Б30женна индикта, песнь 3-я на 4: и храма песнь 6-я на 4. По входе тропарь индикта, и храма. Слава, кондак, храма: И ныне, индикта. Прокимены индикта, и храма. Апостол, аллилуиа, евангелие, и причастен индикта и храма.

Глава 3. Аще храм святаго, или святыя будет в неделю: В субботу на вечерни, и в неделю на Утрени, и На Литургии, поем службу всю неизменно, якоже прилучившагося святаго имущаго бдение, в неделю, глава 3.

Глава 4. Аще случится храм святаго, или святыя, кроме недели: И поем службу во храме, вечер и утро, и На Литургии, якоже великаго святаго, емуже бывает бдение: зри главы септемвриа в 27-й день. Отдание же храма поем на вечерни, якоже указася в 1-й главе,

[Смотри] о томже: Аще случится во един день, на ряду во уставе другий великий святый с храмом, и поем службу его, когда настоятель восхощет, или церкве начальник, во ин день, аще и великий святый.

Глава 5. Аще случится храм святаго священномученка корнилиа в неделю: Поем службу храма, якоже преподобнаго симеона столпника храма в неделю, по тойже главе: предпразднства же канон поем на повечерии.

Глава 6. Аще случится храм обновления в неделю, или кроме недели: И поем службу всю на ряду обновления с предпразднством честнаго креста. Корнилиа же службу поем на повечерии.

Глава 7. Аще ли храм святаго корнилиа случится, кроме недели в кий день: И поем всю службу, вечер, и утро, обновления и храма, якоже симеона и индикта, вечер и утро, и На Литургии.

Глава 8. Аще ли храм случится покрова, или сретения пресвятыя Богородицы, или ин кий храм ея, в неделю: И поем всю службу, вечер, и утро, и На Литургии, во всем подобно, якоже рождества Богородицы в неделю, септемвриа во 8-й день.

Глава 9. Аще ли храм покрова Богородицы, или иный кий, случится кроме недели в кий день: Поем службу храма в тех днех, якоже на праздник указася на ряду, септемвриа во 8-й день. Такожде поем и иным храмом Богородицы, кроме недели. Апостола же анании и романа служба поется во ин день.

Глава 10. Аще ли храм анании, или романа случится в неделю: Поем храма их службу, с покровом Богородицы, яко указася храму симеона столпника, в неделю. А другаго святаго не храмоваго, поем службу, егда хощет настоятель, или на повечерии.

Глава 11. Аще ли техже преждеписанных, святаго коего храм будет кроме недели, в кий день: И поем службу покрова, и храма, вечер и утро, и На Литургии, во всем подобно, якоже индикта, и храма святаго симеона. Точию на благословении хлебов, тропарь: Богородице Дево: дважды: и храма, единожды. По кафисмах, седальны храма, по дважды: Слава, и ныне, Богородице. На хвалитех стихиры Богородице, три: и храма три.

Глава 12. Аще ли случится храм святаго великомученка димитриа селунскаго в неделю: И поем стихиры, и канон трясения, на повечерии: храма же святаго службу поем на ряду, якоже указася в главе 48-й.

Глава 13. Аще ли случится храм святаго или святыя, в неделю святых праоц: На малей вечерни стихиры воскресны: Слава, храма: И ныне, богородичен малыя вечерни. На стиховне стихира воскресна, и храма стиховна великия вечерни. Слава, и ныне, богородичен. Тропарь воскресен: Слава, храма: И ныне, богородичен. На Велицей Вечерни, на Господи воззвах, стихиры воскресны, 3: и праотцев со славным 4, и храма, 3: Слава, храма: И ныне, богородичен гласа. Вход. Прокимен. И чтение храма, и ектении. На литии стихиры, и Слава, храма: И ныне, праотцев. На стиховне стихиры воскресны: Слава, храма: И ныне, праотцев. На благословении хлебов, тропарь: Богородице Дево: единожды: и храма, единожды: и праотцев, единожды. И чтение в посланиях апостольских. На Бог господь, тропарь воскресен дважды: Слава, храма: И ныне, праотцев. По кафисмах седальны воскресны, с богородичны их. и чтение во евангелии толковом. Таже полиелей: и седальны храма: и чтение храма. Степенна гласа: прокимен храма. Всякое дыхание: и евангелие храма. воскресение христово: псалом 50, и стихира храма. Канон воскресен, со ирмосом на 4: и праотцев на 4: и храма, на 6. Катавасиа: Христос раждается:

По 3-й песни кондак и икос праотцев: и седален храма, дважды. Слава, и ныне, впакои праотцев: и чтение храма. По 6-й песни кондак и икос храма. На 9-й песни, поем Честнейшую: Светилен воскресен: Слава, храма: И ныне, праотцев. На хвалитех стихиры воскресны 3, и

восточен 1{анатолиевъ}, и храма, 3. Таже самогласну стихиру праотцев, юже на Слава поем с припевом: благословен еси Господи Боже отец наших: Слава, храма: И ныне, Преблагословенна еси: Славословие великое. Тропарь воскресен, ектении, и отпуст, и исхождение в притвор. Слава, и ныне, стихира евангельская. И час 1-й. На 1-м часе тропарь воскресен. Слава, праотцев: И ныне, богородичен часов. По Отче наш, кондак воскресен, и прочая: и совершенный отпуст. На 3-м часе тропарь воскресен. Слава, храма: И ныне, богородичен часов. По Отче наш, кондак храма, и праотцев, и воскресен, пременяюще глаголем. На Литургии блаженна гласа на 4: и праотцев песнь 3-я, на 4: и храма песнь 6-я, на 4. По входе тропарь воскресен, и праотцев, и храма. Кондак воскресен. Слава, храма: И ныне, праотцев. Вместо прокимена, песнь отцев: благословен еси Господи Боже отец наших: Таже храма. Апостол, аллилуиа, и евангелие праотцев, и ряд: таже храма. Причастен: Хвалите Господа с небес: Другий: Радуйтеся: [Смотри] Тогоже дне бывает отдание храма, яко предписася в первой главе. На Господи воззвах, стихиры храма, 3: и святаго, 3. Слава, храма: И ныне, богородичен воскресен, по гласу. Прокимен дне. На стиховне октоиха: Слава, храма: И ныне, богородичен воскресен, по гласу. По трисвятом, тропарь храма. Слава, святаго, аще есть. И ныне, богородичен. И отдается служба храма. Такожде поем службу и праотцев во отдание храма.

Глава 14. Аще ли храм святых триех отрок случится в прао90ескую неделю: Поем службу храма святых триех отроков, во всем, якоже предписася святаго симеона столпника храма в неделю, по тойже главе.

Глава 15. указ о храмех святых декемвриа во 18 день, севастиана, или в 19 день, вонифатиа.

Аще ли случится храм их в неделю святых отец, пред рождеством христовым, поем службу храма, по тойже главе, якоже якоже указася храму с праотцы в неделю: точию чтем паремии отцев и храма.

Глава 17. Аще ли случится храм святаго или святыя в неделю пред рождеством христовым святых отец, декемвриа в 20, в 21, в 22 и в 23 день. На малей вечерни стихиры воскресны 4. Слава, храма: И ныне, предпразднства. На стиховне стихира воскресна едина, и храма стиховна великия вечерни с припевы его. Слава, храма: И ныне, предпразднства. По трисвятом тропарь воскресен и отцев. Слава, храма: И ныне, предпразднства, ектениа малая, и отпуст. На Велицей Вечерни, на Господи воззвах, стихиры воскресны 3, и отцев со славным, 4: и храма 3. Слава, храма: И ныне, предпразднства. Вход. Прокимен дне, чтение отцев и храма, потом ектениа. На литии стихиры предпразднства, дне ряд, и храма святаго, и отцев. Слава, отцев: И ныне, предпразднства. На стиховне стихиры предпразднства, с припевы их. Слава, отцев, или храма: И ныне, предпразднства. На благословении хлебов, тропарь: Богородице Дево: единожды: и отцев, единожды. и храма, единожды: и чтение. На Утрени, на Бог господь, тропарь воскресен, единожды: и отцев, единожды: Слава, храма: И ныне, предпразднства. По кафисмах седальны воскресны, и богородичны их. и чтение во евангелии, еже от матфеа: Книга родства Иисуса Христа:

Таже полиелей храма, и седальны вси: и чтение храма. Степенна гласа. Прокимен храма. Всякое дыхание: и евангелие храма. Воскресение христово: и стихира храма. Канон воскресн со ирмосом на 4: и отцев на 4: и храма на 6. Катавасиа: Христос раждается:

По 3-й песни, кондак и икос отцев: и седален храма, дважды. Слава, и ныне, впакои отцев: и чтение. По 6-й песни, кондак и икос храма, и пролог. На 9-й песни, поем Честнейшую: Светилен воскресен, и отцев: Слава, храма: И ныне, предпразднства. На хвалитех стихиры воскресны 3: и восточен {анатолиев} един: и храма, 3. Таже припев: Благословен еси Господи Боже отец наших и поем самогласну стихиру отцев: Слава, храма: И ныне: Преблагословенна еси: Славословие великое, ектении, и отпуст, и исхождение в притвор. Слава, и ныне, стихира евангельская. И час 1-й. На 1-м часе тропарь воскресен. Слава, отцев: И ныне, богородичен часов. По трисвятом кондак воскресен, и прочая: и совершенный отпуст. На 3-м часе тропарь воскресен. Слава, храма: И ныне, богородичен часов. По трисвятом кондак воскресен, и храма, и отцев, пременяюще глаголем. На Литургии блаженны гласа, на 4: и отцев песнь 3-я, на 4: и храма песнь 6-я, на 4. По входе тропарь воскресен, и предпразднства, и отцев, и храма. Таже кондак воскресен, и отцев. Слава, храма: И ныне, предпразднства. Прокимен отцев, и храма. Апостол, аллилуиа, и евангелие недели пред рождеством христовым, и ряд под зачало, аще не будет отступки, потом храму. Причастен: Хвалите: Другий: Радуйтеся:

Глава 17. Аще ли храм случится преподобномученицы евгении в неделю пред рождеством христовым святых отец в предпразднство, декемвриа в 24 день. На Велицей Вечерни, на Господи воззвах, стихиры отцев, 3: и предпразднства, 3: и храма, со славным, 4. Слава, отцев: И ныне, предпразднства. Вход. Прокимен дне. Чтение отцев, и храма. На литии стихиры предпразднства, и храма: Слава, храма: И ныне, предпразднства. На стиховне стихиры предпразднства с припевы их. Слава, храма: И ныне, предпразднства. На благословении хлебов, тропарь отцев, единожды: и предпразднства, единожды: и храма единожды: и чтение. На Бог господь, тропарь воскресен, единожды: и отцев, единожды. Слава, храма: И ныне, предпразднства. По кафисмах седальны отцев. Слава, и ныне, предпразднства: и чтение. Полиелей, и седальны вси, и чтение храма. Степенна гласа. Прокимен, и евангелие храма. Воскресение христово: и стихира храма. Канон отцев, со ирмосом на 6: и предпразднства на 4: и храма на 4. Катавасиа: Христос раждается:

По 3-й песни, кондак и икос отцев, и седален храма: Слава, предпразднства: И ныне, впакои отцев, и чтение храма. По 6-й песни, кондак и икос храма. На 9-й песни, поем Честнейшую: Светилен воскресен, и отцев. Слава, и ныне, предпразднства. На хвалитех стихиры отцев, 3: и храма, 2: и предпразднства, 3: с припевы их. Слава, отцев: И ныне, Преблагословенна еси: Славословие великое, и прочее утрени.

Глава 18. О храмех святых случающихся по рождестве христове и до отдания.

Аще случится храм святаго, или святыя в неделю по рождестве христове: На Велицей Вечерни стихиры воскресны, 3: и богооnцев со славным, 4: и храма 3. Слава, храма: И ныне, богородичен 1-й гласа. Вход, прокимен дне, и чтения храма, 3. На литии стихиры праздника, и храма. Слава, храма: И ныне, праздника. На стиховне стихиры воскресны. Слава, храма: И ныне, праздника. На благословении хлебов, тропарь: Богородице Дево: единожды: и святых, единожды: и храма, единожды: и чтение храма. На Утрени на Бог господь: тропарь воскресен, единожды. и святых, единожды. Слава, храма: И ныне, праздника. и прочая до канона, якоже прежде явлено. Канон воскресен, со ирмосом на 4, и святых на 4, и храма на 6. Катавасиа праздника. По 3-й песни, кондак и икос святых, и седален храма: Слава, святых: И ныне, праздника:

По 6-й песни, кондак и икос храма. На 9-й песни, поем Честнейшую: Светилен воскресен. Слава, храма: И ныне, праздника. На хвалитех стихиры воскресны, 4: и храма, с припевы, 4: Слава, храма: И ныне: Преблагословенна еси: Славословие великое: ектении и отпуст: и исхождение в притвор. Слава, и ныне, стихира евангельская, и совершенный отпуст. На Литургии блаженны гласа на 4: и праздника песнь рядовая, на 4: и храма песнь 6-я на 4. и прочая служба богооnцев и храма.

[Смотри] Тогоже дне, Поем на вечерни отдание храму, якоже предписася в 1-й главе,

Аще случится храм преподобныя мелании, кроме недели декемвриа в 31 день. И поем храма ея подобне, якоже указася сего месяца в 27 день.

Глава 19. Аще ли храм преподобныя мелании случится в неделю со отданием праздника. И поем храма ея службу, якоже указася введению Богородицы отдание в неделю, со святым климентом, по той же главе яко писася в ряду в месяцеслове. святых же богоотцев поем службу прежде сего дне, когда хощет настоятель.

Глава 20. Аще случится ианнуариа в 1 день храм святаго василиа кесарийскаго: Или храм коего святаго, или святыя случится в неделю пред богоявлением, или во отдание богоявления: И поем в неделю, службу храма, пред богоявлением, якоже симеона столпника храму в неделю: а на отдание богоявления, поем службу храма, якоже бденнаго святаго в неделю, в немже предваряют вся праздника.

Глава 21. Аще ли храм собора Иоанна предтечи в неделю: И поем службу храма, якоже симеона столпника храму указася в неделю, точию зде поем на хвалитех стихиры воскресны 3: и храма, 2: и праздника, 3, с припевы их: Слава, храма: И ныне: Преблагословенна еси: Славословие великое, и прочее поем воскресно, и храма, и до отпуста. Такожде и На Литургии служба поется воскресна, и храма.

Глава 22. Аще случится храм святаго, или святыя в попразднстве в кий день, кроме недели. И поем всю службу, вечер, и утро, якоже бденнаго святаго в неделю. На Велицей Вечерни, на Господи воззвах, стихиры праздника, 3: и храма, 5. Аще храму двои стихиры, и поем праздника, 3: и храма, 6: и прочее все праздника, и храма.

Глава 23. Аще ли храм святаго, или святыя в попразднстве в неделю. И поем службу храма, якоже великаго святаго прилучится в неделю, а попразднства службу оставляем. На Утрени полиелей и седальны храма, евангелие храма, и прочее. Катавасиа праздника. Стихира евангельская. На 1-м часе, и На Литургии служба воскресна и храма.

Глава 24. Аще ли храм святаго, или святыя, случится с предпразднством, или со отданием коего святаго в неделю. И поем службу храма, вечер, и утро, якоже указася храму симеона столпника в неделю. Точию зде поем на хвалитех стихиры воскресны, 3: и храма 2: и праздника 3, со Слава. Припевы же глаголем праздника. Таже самогласну стихиру праздника поем с припевы его. Слава, храма. И ныне: Преблагословенна еси: и прочая служба, на Утрени, и На Литургии.

На вечерни же отдание храма, якоже предписася в первой главе.

Глава 25. О храмех святых случающихся быти от недели мытаря и фарисеа, до недели всех святых.

Аще случится храм святаго, или святыя, в неделю мытаря и фарисеа, или блуднаго, или мясопустную, или сыропустную. На Велицей Вечерни, Блажен муж: кафисма вся. На Господи воззвах, стихиры воскресны, 3: и триоди три: и храма 4. [Аще ли неделя мясопустная. Стихиры воскресны 3, и триоди 4: и храма 3:] Слава, триоди: И ныне, богородичен 1-й, гласа. Вход. Прокимен дне, и чтение храма. На литии стихиры храма, и триоди: зри всего последования службы сретения господня, егда случится в сия недели.

Глава 26. Аще случится храм святаго, или святыя, в субботу мясопустную: И поем всю службу, якоже сретению господню.

Глава 27. Аще случится храм святаго, или святыя, в понедельник, или во вторник, или в четверток сырныя недели. И поем службу храма, на малей, и Велицей Вечерни, и на Утрени, все храма святаго непременно, якоже указася в ряду: триодь бо с храмом не поется, якоже и сретению, в кий день ни прилучится на сырной недели, кроме субботы и недели, разве самогласна дне.

Глава 28. Аще случится храм святаго в среду или пяток сырныя недели. На малей, и Велицей Вечерни, и на Утрени, и На Литургии, совершается служба вся, якоже указася в понедельник сырный непременно. Бывают же на конец вечерни, и утрени, и коегождо часа, по 3 поклоны великия. На часех глаголем тропарь и кондак храма. На 6-м же часе глаголется тропарь паремии: и чтется паремиа. Литургиа же златоустаго совершается во свое время. Вечерню поем по дневному во свое время. На Господи воззвах, стихиры храма, 3: и святаго рядоваго, 3. Слава, храма: И ныне, богородичен. Прокимен дне, и паремиа. На стиховне триоди самогласен дне, дважды, и мученичен: Слава, храма: И ныне, богородичен. Тропарь храма: Слава, и ныне, богородичен: и отпуст.

Глава 29. Подобает ведати, аще случится храм святаго в субботу сырную. На малей и Велицей Вечерни, поется все последование храма, якоже сретению господню: точию стихиры отцев 4: и храма 4: и во всем предваряет служба отцев.

Глава 30. Подобает ведати, аще случится храм святаго или святыя в понедельник 1-я недели поста.[/spoiler]

Раб божий Константин

2 часть.
[spoiler]И поется вся служба храма в неделю сыропустную, якоже предписася на ряду.

Глава 31 и 32. Аще случится храм святаго, во вторник, или в среду, или в четверток, или в пяток, 1-я недели поста, и поется служба храма в субботу 1-я недели поста, с службою феодора тирона.

В пятокъ вечера, кафисма рядовая. На Господи воззвах, поем стихиры на 10: триоди самогласен дне, дважды: и храма, 4: и феодора, 4. Слава, храма: И ныне, богородичен 1-й гласа. Вход, и чтение дне, и храма: и прочая служба преждесвященных, и три поклоны великия. По заамвонней же молитве, поем канон святаго феодора над коливом, по обычаю: потом, Буди имя господне: и псалом: и отпуст.

[Смотри] При часе же 6-м нощи поем повечерие великое. По Слава в вышних, исхождение творим, и поем самогласны стихиры, и Слава, храма: И ныне, богородичен, в тойже глас. На стиховне стихиры храма: Слава, храма: И ныне, богородичен по гласу. На благословении хлебов, тропарь храма, дважды: и Богородице Дево: единожды: и чтение храма. На Утрени, на Бог господь, тропарь храма, дважды: Слава, феодора: И ныне, богородичен, гласа. По кафисмах седальны храма. и чтение святаго. Полиелей, и седальны святаго, дважды: Слава, и ныне, богородичен, и чтение. Степенна, 1-й антифон 4-го гласа. Прокимен, и евангелие, и стихира храма. Канон, феодора, со ирмосом на 6: и храма на 8. Катавасиа: отверзу уста моя: По 3-й песни, кондак и икос феодора: и седален его: Слава, храма: И ныне, богородичен, и чтение. По 6-й песни, кондак и икос храма. По 9-й песни, светилен феодора: Слава, храма: И ныне, богородичен. На хвалитех стихиры феодора, на 4: и храма на 4: Слава, храма: И ныне, богородичен его. Славословие великое. Тропарь, храма: Слава, феодора: И ныне, богородичен. ектении, и отпуст, и обычное исхождение: и час 1-й. На часех тропарь храма. Слава, феодора: И ныне, богородичен: По трисвятом кондак феодора и храма, пременяем: На Литургии блаженна храма, песнь 3-я, на 4: и феодора, песнь 6, на 4. По входе тропарь храма Христова, или Богородицы, и храма, и феодора: Кондак храма: Слава, феодора: И ныне, храма Богородицы, или Предстательство христиан:

Прокимен дне, и храма. Апостол, аллилуиа, и евангелие, прежде субботе, и феодору под зачало, потом храму. Причастен дне, и храма.

Глава 33. Аще случится храм святаго, в 1-ю неделю святаго поста. На Велицей Вечерни, по кафисме, на Господи воззвах, стихиры воскресны 3: и триоди 3: и храма со славным 4: Слава, триоди: И ныне, богородичен гласа. Вход, и чтения храма. На литии стихиры храма, и в триоди хвалитный стих. Слава, храма: И ныне, триоди. На стиховне стихиры воскресны: Слава, храма: И ныне, триоди. На благословении хлебов, тропарь: Пречистому твоему образу, единожды: и храма, единожды: и Богородице Дево, единожды: и чтение храма. На Утрени, на Бог господь, тропарь воскресен, дважды: Слава, храма: И ныне, Пречистому твоему образу: По кафисмах седальны воскресны, и богородичны их, и чтение во евангелии толковом. Полиелей, и седальны храма, вси по единожды: Слава, седальны храма: И ныне, богородичен: и чтение храма. Степенна гласа. Прокимен, евангелие, и стихира воскресна. Канон воскресен, со ирмосом на 4: и триоди на 4: и храма на 6. Катавасиа триоди. По 3-й песни, кондак и икос триоди: и седален храма, дважды: Слава, и ныне, триоди: и чтение. По 6-й песни, кондак и икос храма, и пролог, или синаксарий. Светилен воскресен: Слава, храма: И ныне, триоди. На хвалитех стихиры воскресны 3: и в триоди отцем два стиха, и храма святаго 3, со славным, с припевы его. Таже припев: Воскресни Господи Боже мой: и в триоди стихира самогласна. Слава, туюжде стихиру: И ныне, Преблагословенна еси: Славословие великое, и ектении, и отпуст, и исхождение, и стихира евангельская, и час 1-й в притворе. Тропарь воскресен. Слава, Пречистому твоему образу: И ныне, богородичен часов. По Отче наш, кондаки глаголем пременяюще, триоди и храма. На 3-м часе тропарь воскресен: Слава, храма, И ныне, богородичен. На Литургии блаженна гласа на 4, и триоди песнь 3-я, на 4, и храма песнь 6-я, на 4. По входе тропарь воскресен, и триоди, и храма: Кондак воскресен: Слава, храма: И ныне, триоди. Вместо прокимена, песнь отцев, Благословен еси Господи Боже отец наших: и другий прокимен, храма. Апостол, аллилуиа, евангелие, и причастен дне и храма.

Глава 34. Подобает ведати, аще случится храм святаго, или святыя, в понедельник 2, или 3, и 4-я, и 5-я, и 6-я недели святых постов. На Велицей Вечерни, по обычном псалме, поем Блажен муж, 1-ю Слава. На Господи воззвах, стихиры триоди подобны 3: и храма 5: Слава, храма: И ныне, богородичен 1-й, в тойже глас. Вход. прокимен великий дне, со стихи его, чтения храма, 3. На литии стихиры, и Слава, храма, И ныне, богородичен воскресен. На стиховне стихиры, и Слава, храма же: И ныне, богородичен воскресен. На благословении хлебов, тропарь храма, дважды: и Богородице Дево, единожды: и чтение храма. [Смотри] А идеже несть бдения, на Велицей Вечерни, Блажен муж, первый антифон. На Господи воззвах, стихиры в триоди самогласен дне, дважды, без мученична: и подобны в триоди же 3, и храма 5. Прочее же поем все, якоже предуказася на Велицей Вечерни. По Ныне отпущаеши, и по трисвятом, тропарь храма: Слава, и ныне, богородичен воскресен, и отпуст. [Смотри] Повечерие же поем малое с каноном. По трисвятом, кондак храма. По Честнейшую, 3 поклоны великия. Трисвятаго же не глаголем. [Смотри] Полунощницу поем по обычаю без поклонов, с кафисмою. По 1-м трисвятом, Вместо, Се жених: глаголем тропарь храма: Слава, и ныне, богородичен. По Честнейшую, 3 поклоны великия. По 2-м трисвятом, Вместо, Помяни Господи: кондак храма святаго, таже, Господи помилуй, 12. и отпуст. Молитвы же Помяни Господи в надежди, не глаголем. На Утрени, на Бог господь, тропарь храма, дважды: Слава, и ныне, богородичен в тойже глас. По 1-й кафисме и 2-й, ектений не глаголем, седальны глаголем в триоди, и чтение во ефреме. По 3-й кафисме глаголет иерей ектению малую, и седальны глаголем оба храма: Слава, и ныне, богородичен: и чтение храма. Полиелей и седален храма, дважды: Слава, и ныне, богородичен, и чтение храма. Степенна, 1-й антифон 4-го гласа. Прокимен храма, и евангелие. псалом 50. Стихира храма. Канон храма, песнь 1, со ирмосом на 6: и триоди на 8. Катавасиа, ирмос триоди. А идеже несть трипеснца, поем канон храма со ирмосом на 6. Катавасиа: отверзу уста моя:

По 3-й песни, седален храма, и чтение. По 6-й песни кондак и икос храма, и пролог, и осмую и девятую песнь с трипеснцем поем, якоже и первую. На 9-й песни, поем Честнейшую, Светилен храма, дважды: Слава, и ныне, богородичен. На хвалитех стихиры храма на 4: Слава, храма: И ныне, богородичен. На стиховне триоди самогласен дне, дважды, и мученичен: Слава, храма: И ныне, богородичен. По благо есть, и по Отче наш: тропарь храма. Слава, и ныне, богородичен. ектении, и поклоны 3 великия, и час 1. [Смотри] Аще ли понедельник 4-я недели: На 1-м часе творим поклонение кресту по чину его, якоже указася в 40-це. Тропарь и кондак храма. по честнейшую 3 поклоны великия, и отпуст. При часе же 3-м дне поем 3-й час, и 6-й, с кафисмами. Тропарь и кондак храма. На 6-м часе паремиа дне: и чтение храма. На часех же в кампан не ударяем. Такожде поем 9-й час с кафисмою. и по коемждо часе, по три поклоны великия: и чтение храма. блаженны скоро без пения, и Помяни нас Господи: По Отче наш: кондак храма: Слава, и ныне, Богородицы. Господи помилуй, 40. Слава, и ныне: Честнейшую и поклоны три великия. Трисвятаго не глаголем, но по молитве, Всесвятая Троице: и отпуст. И абие начинаем вечерню по обычаю, с кафисмою. На Господи воззвах, стихиры на 10: Самогласен дне, триоди дважды: и подобны 3: и храма 5. Слава, храма: И ныне, богородичен от менших. Вход с евангелием, паремии дне, и Да исправится молитва моя: ектениа малая не бывает. Прокимен, апостол, аллилуиа, и евангелие храма. Литургиа преждесвященная. Причастен храма.

Глава 35. Аще случится храм святаго в кийлибо день, 2-я, 3-я, 4-я, 5-я и 6-я недели постов, кроме субботы и недели: И поемъ на вечерни кафисму обычную без поклонов. На Господи воззвах, стихиры на 10: триоди самогласен, дважды: и подобны 3: и храма 5. Слава, храма: И ныне, богородичен 1, по гласу. Вход, и чтение дне, и храма: и прочая преждесвященныя. [Смотри] Аще же несть преждесвященныя: и на часех по ослаби остави: и по поклонех, трезвон во вся: и поем вечерню без поклонов, со обычною кафисмою. На Господи воззвах, стихиры триоди, подобны 3: и храма 5. Слава, храма: И ныне, богородичен 1-й тогоже гласа. Вход, прокимен, и чтение дне, и храма 3. Посем, Сподоби Господи: ектениа: Исполним вечернюю:

На стиховне триоди самогласен дважды: и мученичен. Слава, храма: И ныне, богородичен по гласу, воскресен. По трисвятом тропарь храма: Слава, и ныне, богородичен воскресен. Таже ектениа: Помилуй нас Боже: и поклоны 3 великия. и молитва: Всесвятая Троице: и Буди имя господне: с поклоны. Достойно есть: и отпуст. [Смотри] При часе же 5-м нощи поем повечерие великое. С нами бог: с пением оба лика. По 1-м трисвятом тропарь храма. Слава, и ныне, богородичен воскресен. По 2-м трисвятом кондак храма, и исхождение в притвор, и поем на литии стихиры, и Слава, храма: И ныне, богородичен, в тойже глас. На стиховне стихиры, и Слава, храма: И ныне, богородичен воскресен. На благословении хлебов, тропарь храма, дважды. и Богородице Дево: единожды: и чтение храма:

Аще же два канона храму: и другий канон поем на повечерии напреди. На Утрени на Бог господь, тропарь храма, дважды: Слава, и ныне богородичен воскресен, во глас тропаря. По 1-й, и по 2-й кафисмах седальны оба триоди. И чтение в ефреме. По 3-й кафисме глаголет иерей ектению, и седальны оба храма, по единожды: Слава, и ныне, богородичен, и чтение храма. Полиелей, и седален, дважды: Слава, и ныне, богородичен, и чтение храма:

Степенна, 1-й антифон 4-го гласа. Прокимен, и евангелие, и стихира храма. Канон храма со ирмосом на 6. А идеже трипеснец, и поем канон храма со ирмосом на 6: и триоди на 8. Катавасиа триоди, 2-го канона. По 3-й песни седален храма, дважды: Слава, и ныне, богородичен, и чтение. По 6-й песни кондак и икос храма. На хвалитех стихиры храма, на 4. Слава, храма: И ныне, богородичен. На стиховне триоди самогласен дне, дважды: и мученичен: Слава, храма. И ныне, богородичен воскресен по гласу. ектениа, и три поклоны великия, и час 1-й, с кафисмою. На 1-м часе тропарь и кондак храма, и в конец три поклоны великия, и отпуст. Поем же час 3, и 6, и 9, с кафисмами. На коемждо часе глаголем тропарь храма, и чтение храма. По Отче наш, кондак храма. И по коемждо часе, по честнейшую, творим 3 поклоны великия. На часех же в кампан не ударяем. По ослаби, остави: кондак храма: Слава, и ныне, храма Богородицы, или Предстательство христиан. Господи помилуй, 40: и поклоны 3 великия, и молитва: Всесвятая Троице: и отпуст. И абие начинаем вечерню с кафисмою, без поклонов. На Господи воззвах, стихиры на 10: триоди самогласен дне дважды: и мученичен: и подобны 3: и храма 4. Слава, храма: И ныне, богородичен, по гласу, обычный. Вход со евангелием: и чтение дне, и Да исправится молитва моя:

Ектении малыя не глаголем: точию прокимен, апостол, аллилуиа, и евангелие храма. Литургиа преждесвященная. Причастен храма.

Глава 36. Аще случится храм святаго в субботу 2-я, и 3-я, и 4-я недели постов. В пяток вечера, кафисма обычная:

На Господи воззвах, стихиры на 10: триоди самогласен, дважды: и храма на 8. Слава, храма: И ныне, богородичен 1-й настоящаго гласа. Вход. Прокимен, и чтение дне, и храма, и прочее преждесвященныя. И входим в трапезу, и ядим без елеа, и пием квас от жита. При часе же 5-м нощи поем повечерие великое, и С нами бог: с пением оба лика. По 1-м трисвятом тропарь храма: Слава, и ныне, богородичен воскресен, по гласу. По 2-м трисвятом, кондак храма. По Слава в вышних, исхождение в притвор, и поем литию, и Слава, храма: И ныне богородичен в тойже глас. На стиховне стихиры, и Слава храма: И ныне, богородичен воскресен, в тойже глас. На благословении хлебов, тропарь храма, дважды: и Богородице Дево, единожды: и чтение храма. [Смотри] Четверопеснец же субботный поем прежде на повечерии. На Утрени, на Бог господь, тропарь храма, дважды. Слава, и ныне, богородичен настоящаго гласа. По кафисмах седальны: и полиелей и седален, и чтение храма. Прокимен, и евангелие, и по 50-м псалме стихира храма. Канон храма Христова, или Богородицы со ирмосом на 6. Аще ли ни, поем канон Богородицы, со ирмосом на 6: и храма на 8. Катавасиа: отверзу уста моя:

По 3-й песни седален храма. Слава, и ныне, богородичен. По 6-й песни, кондак и икос храма: Светилен храма, дважды: Слава, и ныне, богородичен. На хвалитех стихиры храма, на 4. Слава, храма: И ныне, богородичен. Славословие великое. По трисвятом тропарь храма: Слава, и ныне, богородичен. ектении, и отпуст, и час 1-й. На часех тропарь храма: По трисвятом кондак храма. На Литургии блаженны храма, песнь 3-я и 6-я. По входе тропарь храма Христова, или Богородицы: таже тропарь храма святаго. Слава, кондак храма: И ныне, храма Христова, или Богородицы. Аще же ни, И ныне, Предстательство христиан:

Прокимен, апостол, аллилуиа, евангелие, и причастен храма. Ряд же чтем под зачало, или в субботу мимошедшую.

Глава 37. Аще случится храм святаго во 2-ю, или 4-ю, или 5-ю неделю постов: На Велицей Вечерни, по обычной кафисме, на Господи воззвах, стихиры воскресны на 4, и храма на 6. Слава, храма: И ныне, богородичен 1-й гласа. Вход. и чтения храма 3. На литии стихиры, и Слава, храма: И ныне, богородичен по гласу святаго. На стиховне стихиры воскресны. Слава, храма: И ныне, богородичен воскресен, во глас святаго. На благословении хлебов, тропарь: Богородице Дево, дважды, и храма, единожды: и Буди имя господне, трижды: и чтение храма. На Утрени, на Бог господь, тропарь воскресен, дважды. Слава, храма: И ныне, богородичен воскресен, по гласу тропаря храма. По кафисмах седальны воскресны: и чтение во евангелии толковом. По полиелеи седальны храма два, по единожды. Слава, иже по полиелеи седален: И ныне, богородичен, и чтение храма. Степенна гласа. Прокимен, евангелие, и стихира храма. Канон воскресен, со ирмосом на 4: и триоди на 4: и храма на 6. По 3-й песни, кондак триоди, и седален храма дважды. Слава, и ныне, богородичен, и чтение. По 6-й песни кондак и икос храма, и пролог. По 9-й песни светилен воскресен. Слава, храма: И ныне, богородичен воскресен. На хвалитех стихиры воскресны 4: и храма со славным 4, с припевы его. Таже припев: Воскресни Господи Боже мой: И поем самогласну стихиру триоди: Слава, туюжде: И ныне, Преблагословенна еси: Славословие великое, и ектении, и исхождение в притвор. Слава, и ныне, стихира евангельская, и час первый: и поучение студитово: и конечный отпуст. На часех тропарь воскресен. Слава, храма: И ныне, богородичен часов. По Отче наш: кондак храма, и триоди, пременяем. На Литургии блаженны гласа, на 6: и храма песнь 3, на 4. Прокимен гласа и храма. Апостол, евангелие, и причастен воскресен, и храма.

[Смотри] Святаго же григориа служба поется, в четвертую, или пятую неделю постов.

Глава 38. Аще случится храм святаго в неделю 3-ю поста:

И поется служба храма вечер и утро все, якоже в 1-ю неделю предызъявися. Бывает же поклонение и целование честнаго креста по чину его, поют же ся и стихиры обычныя креста.

Глава 39. Аще случится храм святаго в среду 4-ю поста, крестопоклонную: оставляется канон креста, и поется в понедельник тояже седмицы. Во вторник вечерню поем без поклонов, кафисму глаголем обычну. На Господи воззвах, стихиры на 10: Триоди самогласен дне дважды: и креста подобны 3, и храма 5: Слава, храма: И ныне, креста. Вход, прокимен, и чтение дне, и храма. и Да исправится молитва моя: и прочая преждесвященных. [Смотри] Аще ли не будет преждесвященныя, на Господи воззвах, стихиры в триоди креста, подобны 3, и храма 5. Слава, храма: И ныне, креста. Вход, прокимен, и чтение дне, и храма. Таже, Сподоби Господи: и ектениа: Исполним вечернюю:

На стиховне стихиры триоди, самогласен дне дважды: и мученичен. Слава, храма: И ныне, креста. По Ныне отпущаеши, тропарь храма, Слава, и ныне, богородичен. ектениа: Помилуй нас Боже: и 3 поклоны великия. и молитва: Всесвятая Троице: и Буди имя господне, с поклоны. Таже Достойно есть: и отпуст. [Смотри]При часе же 5-м нощи поем повечерие великое: С нами бог: с пением оба лика. Прочее же поем, якоже предуказася в день постен: точию на хвалитех, стихиры креста 3 оставшия: иже писаны на Господи воззвах, глас 4: Подобен: Дал еси знамение: и храма 3. Слава, храма: И ныне, креста. На стиховне стихиры триоди, самогласен дне, дважды: и мученичен. Слава, храма: И ныне, креста. Посем, благо есть: По трисвятом тропарь храма: Слава, и ныне, богородичен, в тойже глас. Таже, ектениа: и поклоны три великия, и час 1-й с кафисмою: и поклонение креста по чину его: и тропарь храма. И ныне, богородичен часов. кондак креста, и храма, пременяем. Прочая же поем на часех, и на вечерни, и На Литургии преждесвященной, якоже предуказася в день постен: точию на Господи воззвах, Слава, храма: И ныне, креста.

Глава 40. Аще случится храм святаго в среду 5-я недели поста:

И поем службу храма, якоже предызъявися в день постен: стихиры же великаго канона поем в понедельник, на вечерни, по чину его. Канон же великий поем во вторник, на Утрени с трипеснцем вторничным.

Глава 41. Аще случится храм святаго в четверток 5-я недели поста: И поем великий канон напреди во вторник тояже седмицы: храма же службу поем в четверток той. В среду вечера, и на Утрени, и На Литургии, поем во всем подобне, якоже предуказася в день постен, со стихирами и трипеснцем четвертка.

Глава 42. Аще случится храм святаго в субботу 5-я недели поста: В пяток вечера, кафисма обычная. На Господи воззвах, стихиры на 10: самогласен триоди дне, дважды: и Богородицы, 4, и храма 4. Слава, храма: И ныне, акафиста. Вход, прокимен, и чтение дне, и храма: и Да исправится молитва моя: и прочее преждесвященныя. Четверопеснец же утренний поем во ин день на повечерии. [Смотри]При часе же 6-м нощи клеплет в великое, и собравшеся во храм, поем повечерие великое: С нами бог: с пением. По 1-м трисвятом тропарь храма: Слава, и ныне, Богородицы: Повеленное тайно: По 2-м трисвятом кондак храма: Слава, и ныне, Взбранной воеводе:

По Слава в вышних, поем литию храма, и Слава, храма. И ныне, богородичен, в тойже глас. На стиховне стихиры, и Слава, храма: И ныне, богородичен в тойже глас. На благословении хлебов, тропарь храма, дважды, и Богородицы: Повеленное тайно, единожды: и чтение храма. На Утрени, на Бог господь, тропарь акафиста, дважды: Слава, храма. И ныне, акафиста. По 1-й кафисме кондаки 3, и икосы 3, и паки кондак 1-й, и чтение акафиста. По 2-й кафисме подобне кондаки, и икосы, и чтение акафиста. Таже полиелей, и седальны вси храма: и чтение храма. Степенна, 1-й антифон 4-го гласа. Прокимен, Всякое дыхание: и евангелие храма. псалом 50, и стихира храма. Канон акафиста, со ирмосом на 8, и храма на 6. Катавасиа, отверзу уста моя:

По 3-й песни, кондаки и икосы акафиста: таже кондак и икос храма: и седален, дважды. Слава, и ныне, богородичен: и чтение храма. По 6-й песни, кондаки и икосы акафиста, и паки икос, и кондак 1, и синаксарий. На 9-й песни, поем Честнейшую: Светилен храма и акафиста. На хвалитех стихиры акафиста 3, и храма 3. Слава, храма: И ныне, акафиста. Славословие великое. Тропарь храма и акафиста, и отпуст: и исхождение, и час 1-й в притворе. На 1-м часе тропарь акафиста, Слава, храма: И ныне, богородичен часов. По трисвятом кондак акафиста. На прочих же часех тропари глаголем такожде: кондаки же акафиста, и храма, пременяем. На Литургии блаженны акафиста, песнь 3-я, на 4: и храма песнь 6-я, на 4. По входе тропарь акафиста, и храма. Слава, кондак храма: И ныне, акафиста Богородицы. Прокимен, апостол, аллилуиа, евангелие и причастен акафиста и храма.

Глава 43. Аще храм святаго случится в субботу лазареву: В пяток 6-я недели на вечерни, по обычной кафисме, на Господи воззвах, стихиры на 10: самогласну стихиру, в триоди дне: Душеполезную: [малую] дважды. и святаго лазаря, и со славным 5, и храма три. Слава, храма: И ныне, лазаря, глас 8: Душеполезную: [великую]. Вход, прокимен: и чтение дне, и храма: и прочее службы преждесвященныя. [Смотри] Повечерие же поем малое, на немже поем канон лазаря, в триоди. При часе же 6-м нощи поем повечерие великое, и С нами бог: с пением. По 1-м трисвятом тропарь храма: Слава, и ныне, лазаря: общее воскресение: По 2-м трисвятом кондак храма. По Слава в вышних: поем литию в триоди, самогласны писаны на хвалитех. Таже стихиры, и Слава, храма: И ныне, триоди. На стиховне стихиры храма: Слава, храма: И ныне, триоди. На благословении хлебов тропарь храма, дважды, и лазаря, единожды. и чтение храма. На Утрени, на Бог господь: тропарь дне, дважды: общее воскресение: Слава, храма: И ныне, дне. По кафисмах седальны, и чтение дне. Полиелей, и седальны вси храма, и чтение. Степенна, 1-й антифон 4-го гласа. Прокимен, и Всякое дыхание: и евангелие храма, и Воскресение христово: псалом 50, и стихира храма, и прочая. Канон святаго лазаря, со ирмосом на 6: и храма на 4: и другий канон лазаря на 4. Катавасиа 2-го канона лазарева: Воду прошед:

По 3-й песни, кондак и икос храма, и седален дважды: Слава, и ныне, праздника: и чтение храма. По 6-й песни, кондак и икос лазаря, и пролог, или синаксарий. На 9-й песни, Честнейшую не поем. По 9-й песни: свят Господь Бог наш: на глас 1. Светилен лазаря: Слава, храма: И ныне, лазаря. На хвалитех стихиры святаго лазаря, на 4: и храма на 4, со славным, с припевы их. Слава, лазаря: И ныне, Преблагословенна еси: Славословие великое. По трисвятом тропарь храма. Слава, и ныне, лазаря. ектении, и отпуст, и час 1. На часех тропарь лазаря: Слава, храма. По Отче наш: кондак лазаря, и храма, пременяюще глаголем. На Литургии блаженны лазаря песнь 3-я, на 4: и храма песнь 6, на 4. По входе тропарь лазаря, и храма. Слава, кондак храма. И ныне, лазаря. Вместо трисвятаго: елицы во Христа крестистеся:

Прокимен, апостол, Аллилуиа, евангелие и причастен прежде лазаря, таже храма.

Глава 44. Аще ли храм святаго случится в неделю цветоносную. На Велицей Вечерни, по обычной кафисме, на Господи воззвах, поем стихиры ваий на 6: и храма на 4: Слава, храма: И ныне, ваий, 1-ю стихиру. Вход, прокимен дне. и чтение ваий, и храма. На литии стихиры ваий, и храма. Слава, храма: И ныне, праздника. На стиховне стихиры праздника: Слава, храма: И ныне, праздника. На благословении хлебов тропарь: общее воскресение: дважды, и храма единожды, и чтение праздника. На Утрени, на Бог господь, тропарь праздника дважды: Слава, храма: И ныне: Спогребшеся тебе: По кафисмах седальны, и чтение праздника. Полиелей, и седален праздника, и чтение. Степенна, и прокимен: Всякое дыхание: и евангелие праздника. псалом 50, и стихира праздника. и целуют братия святое евангелие, и покланяются настоятелю: и дает ветвие, и свещи. Канон праздника со ирмосом на 8, и храма на 6:

Катавасиа праздника. По 3-й песни, кондак и икос храма, и седален храма: Слава, и ныне, праздника: и чтение храма. По 6-й песни, кондак и икос праздника, и синаксарий. На 9-й песни, Честнейшую не поем, но по катавасии поем: свят Господь Бог наш: на глас 4. Светилен храма, дважды: и богородичен его. На хвалитех стихиры праздника на 4, и храма 4, с припевы его: Слава, храма: И ныне, праздника. Славословие великое: тропарь храма: Слава, и ныне: общее воскресение: ектении, и отпуст: и оглашение, и час 1-й. На 1-м часе тропарь праздника: и конечный отпуст. Бывает же и исхождение вне монастыря: и возвращшеся поем часы по обычаю. На часех глаголем тропарь праздника: Слава, храма: И ныне, богородичен часов. По трисвятом кондак праздника и храма, пременяюще глаголем. На Литургии блаженны праздника, песнь 3-я, на 4: и храма песнь 6-я, на 4. По входе тропарь праздника, и храма: Слава, кондак храма: И ныне, праздника. и поем трисвятое. Апостол, аллилуиа, евангелие, и причастен праздника, и храма.

Глава 45. Аще случится храм святаго, или святыя, в великий понедельник, или вторник, или среду, или четверток. И поем всю службу, вечер, и утро, в неделю ваий.

Глава 46. Аще случится храм святаго в пяток, или субботу, или в самый великий день пасхи. И поем всю службу храма, вечер, и утро, на светлой недели, в понедельник, или во вторник.

Глава 47. Аще ли случится благовещение пресвятыя Богородицы в великий понедельник: и аще храм ея, или храм архангела гавриила, поем со отданием. В неделю вечера, поем по уставу такожде и в понедельник:

Во вторник великий на Утрени, тропарь: Се жених: трижды. По кафисмах седальны триоди. Канон праздника со ирмосом на 8: ирмос по дважды. тропари на 6: и архангела на 6. Катавасиа Богородицы. [Смотри] А идеже трипеснец триоди, и поем канон Богородицы, со ирмосом на 4: и архангела 3 стиха на два, два за един: и триоди на 8:

Катавасиа триоди, оба лика вкупе. По 3-й песни, кондак Богородицы и седален ея. По 6-й песни, кондак триоди. Аще есть храм архангела гавриила, по 3-й песни, кондак триоди: по 6-й песни, кондак архангела. На 9-й песни, Честнейшую не поем. Светилен дне дважды: Слава, и ныне, Богородицы. На хвалитех стихиры в триоди 3, и архангела 3. Слава, триоди: И ныне, Богородицы. На стиховне стихиры, и Слава в триоди: И ныне, Богородицы: и прочая служба дне, и Богородицы. И аще восхощет настоятель, да поет и в прочия дни седмицы сея сию службу храма.

Глава 48. Аще ли храм святаго случится от понедельника светлыя недели до 4 недели по пасце:

И поем в те дни службу храма, якоже георгиа писася в месяцеслове.

Глава 49. Аще ли храм святаго или святыя будет от 4-я недели по пасце, и до субботы пентикостныя:

И поем службу храма в те дни, якоже иоанну богослову писася на ряду в месяцеслове.

Глава 50. Подобает ведати и сие: Аще храм святаго прилучится в среду пред вознесением, поется храма святаго служба вся, вкупе с праздником пасхи отдания, вечер и утро, непременно, якоже богослову со отданием пасхи: точию канон пасце со ирмосом на 4, и о слепом на 4, и храма на 6.
Глава 51. Аще храм святаго случится в четверток вознесения Христова:

Поется служба вся храма святаго вкупе с праздником вечера, и утро, непременно, якоже богослову с вознесением.

Глава 52. Аще храм святаго случится в неделю 6 по пасце святых отец: На малей вечерни, на Господи воззвах, стихиры воскресны 4: Слава, храма, И ныне, праздника. На стиховне стихира воскресна и храма стиховна великия вечерни, с припевы ея: Слава, храма: И ныне, праздника. По трисвятом, тропарь воскресн: Слава, храма: И ныне, праздника. ектениа малая, и отпуст. На Велицей Вечерни, на Господи воззвах, стихиры воскресны 3: и отцев со славным 4, и храма 3. Слава, храма: И ныне, богородичен 1-й гласа. Вход, прокимен дне, чтение отцев, и храма. На литии стихиры храма: и отцев хвалитныя и со славным. Слава, отцев, или храма: И ныне, праздника. На стиховне стихиры воскресны: Слава, храма: И ныне, праздника вознесения. На благословении хлебов тропарь, Богородице Дево, единожды: и отцев, единожды: и храма единожды: и чтение храма. На Утрени, на Бог господь: тропарь воскресн, единожды: и отцев единожды: Слава, храма: И ныне, вознесения. По кафисмах седальны воскресны, и богородичны их. и чтение во евангелии толковом. Полиелей, и седальны храма вси: Слава, седален храма, иже по полиелеи. И ныне, праздника. и чтение храма. Степенна гласа. Прокимен, и евангелие, и стихира храма. Воскресение христово: псалом 50. Канон воскресен, со ирмосом на 4: и отцев на 4: и храма на 6. Катавасиа вознесению. По 3-й песни кондак и икос отцев, и седален храма: Слава, отцев: И ныне, праздника, и чтение храма. По 6-й песни кондак и икос храма, и пролог. На 9-й песни, поем Честнейшую: Светильны, воскресен, и отцев. Слава, храма: И ныне, праздника. На хвалитех стихиры воскресны 4: и храма три. Таже припев, Благословен еси Господи Боже отец наших, и поем стихиру самогласну отцев. Слава, храма: И ныне, Преблагословенна еси: Славословие великое. Тропарь воскресен точию. ектении, и отпуст, и исхождение в притвор: Слава, и ныне, стихира евангельская: и час 1-й. На 1-м часе тропарь воскресен: Слава, отцев: И ныне, богородичен часов. По трисвятом кондак отцев, и совершенный отпуст. На 3-м и 6-м и на 9-м часех тропарь и кондак, отцев и храма, пременяюще глаголем. На Литургии блаженна гласа, на 4: и отцев песнь 3, на 4: и храма песнь 6, на 4. По входе тропарь воскресен, и отцев, и храма: Таже кондак воскресен, и отцев. Слава, храма: И ныне, вознесения. Вместо прокимена, песнь отцев: благословен еси Господи Боже отец наших: и другий храма. Апостол, аллилуиа, и евангелие, прежде неделя отцев, и храма. Причастный, Хвалите Господа: Другий, Радуйтеся:

Глава 53. Аще случится храм святаго в пяток 6-я недели по пасце, во отдание вознесения Христова, или в субботу пред неделею всех святых, во отдание 50-цы: поем службу храма со отданием вознесения. На Велицей Вечерни, по обычном псалме поем: Блажен муж, 1-ю Слава. На Господи воззвах, стихиры праздника 5, и храма 5. Слава, храма: И ныне, праздника. Вход. Прокимен дне, и чтения храма 3. На литии стихиры, и Слава, храма: И ныне, праздника. На стиховне стихиры праздника, с припевы праздника: Слава, храма: И ныне, праздника. На благословении хлебов тропарь храма, дважды, и праздника единожды. и чтение храма святаго. На Бог господь, тропарь праздника, дважды. Слава, храма: И ныне, праздника. По кафисмах седальны, и чтение праздника. таже полиелей, и седальны храма, вси по единожды. Слава, полиелейный седален: и ныне, праздника: и чтение храма. Степенна, 1-й антифон 4-го гласа. Прокимен, и евангелие. псалом 50. и стихира храма. Канон праздника со ирмосом на 6: и храма на 4: и другий канон праздника на 4. Катавасиа, божественным покровен:

По 3-й песни кондак и икос праздника: и седален святаго, дважды: Слава, и ныне, праздника. По 6- й песни, кондак и икос храма: и пролог. На 9-й песни, Честнейшую не поем. Светилен праздника: Слава храма: И ныне, праздника. На хвалитех стихиры праздника 3: и храма 3. Слава, храма: и ныне, праздника. Славословие великое. По трисвятом тропарь храма. Слава, и ныне, праздника. ектениа, и оглашение, и отпуст, и час 1-й в притворе. На часех тропарь праздника: Слава, храма: И ныне, богородичен часов. По Отче наш: кондак праздника, и храма, пременяюще глаголем. На Литургии блаженна от канона праздника песнь 9-я, и храма 6-я. По входе тропарь праздника, и храма: Слава, кондак храма: И ныне, праздника. Прокимен, аллилуиа, и причастен праздника и храма: апостол и евангелие дне, храма.

Глава 54. Аще ли храм святаго случится в субботу пентикостную. И поем всю службу в субботу на ряду храма святаго, якоже предписася прежде в главе 4. точию на Господи воззвах, Слава, храма, И ныне, догматик настоящаго гласа:

Субботы же поем службу о умерших, в мимошедшую субботу, или в четверток мимошедший.

Глава 55. Аще будет храм святаго в неделю 8 на сошествие святаго духа:

И поем храма службу, якоже богослова, с вознесением на ряду, такожде и зде.

Глава 56] Аще будет храм святаго в понедельник святаго духа, поем службу храма сице: На вечерни, на Господи воззвах, стихиры праздника на 4, и храма 4: Слава, храма, И ныне, праздника. Вход. Прокимен великий, Кто Бог велий, яко Бог наш: со стихи его. и чтения храма 3. и чтутся от иереа молитвы по обычаю, и ектении. Таже на стиховне стихиры святаго духа, самогласны, с привевы их: Слава, храма: И ныне, праздника, глас 8, Приидите людие: По трисвятом тропарь храма: Слава, и ныне, праздника: и отпуст. Повечерие поем по обычаю, и канон святаго духа. По Отче наш: кондак храма: Слава, и ныне, праздника. На полунощнице по 1-м трисвятом тропарь храма: Слава, и ныне, праздника. По 2-м кондак храма: Слава, и ныне, праздника. На Утрени на Бог господь, тропарь праздника, дважды: Слава, храма: И ныне, праздника. По кафисмах седальны праздника, и чтение праздника. Полиелей, и седальны вси храма, по единожды: Слава, храма: И ныне, праздника, и чтение храма. Степенна, 1-й антифон 4-го гласа. Прокимен, и Всякое дыхание: евангелие храма. псалом 50. стихира храма. Канон праздника, со ирмосом на 6: и храма на 6: и другий канон праздника, на 4. Катавасиа, божественным покровен: оба лика вкупе. По 3-й песни, кондак и икос храма, и седален его, дважды: Слава, и ныне, праздника. И чтение. По 6-й песни, кондак и икос праздника. На 9-й песни, честнейшую не поем. Светилен праздника: Слава, храма: И ныне, праздника. На хвалитех стихиры праздника 3, и храма 3: Слава, храма: И ныне, праздника. Славословие великое. По трисвятом тропарь храма, Слава, и ныне, праздника. ектении, и отпуст, и оглашение, и исхождение, и час 1-й в притворе. На часех тропарь праздника: Слава, храма: И ныне, богородичен часов. По Отче наш: кондак праздника, и храма, пременяюще глаголем. На Литургии блаженна праздника, песнь 3-я на 4: и храма песнь 6-я на 4. Входное, Вознесися Господи силою твоею, воспоем и поем силы твоя. Тропарь праздника, и храма: Слава, кондак храма: И ныне, праздника. Прокимен, апостол, Аллилуиа, евангелие, и причастен праздника, и храма.

Глава 57. Аще ли храм святаго или святыя, в кий день случится по празднице 50-цы, в седмице, кроме понедельника святаго духа. И поем службу всю храма, с праздником, якоже и прочим храмом, случающимся во уставе на ряду в попразднстве.

Глава 58. Аще ли храм святаго, или святыя, случится в неделю всех святых. И поем службу храма, якоже предызъявися в неделю 6-ю по пасце, со святыми отцы, непременно, точию зде поем к Слава, и ныне, богородичен 1-й, по гласу святаго.[/spoiler]

Раб божий Константин

3 часть.
[spoiler]Глава 59. Припевы

на господския владычни и богородичны праздники, поемыя на 9-й песни: Септемвриа в 8 день, на рождество пресвятыя Богородицы, на 9-й песни припев: Величай душе моя, преславное рождество божия матере.

Другий: Величай душе моя, от неплодове рождшуюся деву марию.

В 14 день, на воздвижение честнаго креста: Величай душе моя, пречестный крест господень.

Другий: Величай душе моя, животворящаго креста господня воздвижение.

Ноемвриа в 21 день, на введение пресвятыя Богородицы: Ангели вхождение пречистыя зряще удивишася: како дева вниде во святая святых.

Ангели вхождение всечистыя зряще удивишася: како со славою вниде во святая святых.

Ангели вхождение девы зряще удивишася: како преславно вниде во святая святых.

Ангели и человецы девы вхождение почтим: яко со славою вниде во святая святых.

Ангели вхождение девы зряще удивишася: како богоугодне вниде во святая святых.

Ангели взыграйте со святыми, девы сликовствуйте: ибо богоотроковица вниде во святая святых.

Ангели и человецы деву песньми возвеличим: боголепно бо вниде во святая святых.

Другаго канона припевы: Величай душе моя, приведенную во храм господень, и благословенную руками иереевыми.

На Слава: Величай душе моя, триипостаснаго и нераздельнаго божества державу.

На И ныне: Величай душе моя, честнейшую и славнейшую горних воинств, деву пречистую богородицу.

На рождество христово, на 9-й песни припевы: Величай душе моя, честнейшую и славнейшую горних воинств, деву пречистую богородицу.

Величай душе моя, от девы бога плотию рождшагося.

Величай душе моя, в вертепе рождшагося царя.

Величай душе моя, от волхвов бога покланяемаго.

Величай душе моя, от звезды волхвом возвещеннаго.

Величай душе моя, чистую деву, и едину богородицу рождшую Христа царя.

Волсви и пастырие приидоша поклонитися христу, рождшемуся в вифлееме граде.

Днесь дева раждает владыку внутрь вертепа.

Днесь владыка раждается яко младенец от матере девы.

Днесь пастырие видят спаса пеленами обвита, и лежаща во яслех.

Днесь владыка рубищем пеленается неосязный яко младенец.

Днесь всяка тварь веселится и радуется, яко Христос родися от девы отроковицы.

Небесныя силы рождшагося спаса Господа и владыку возвещают миру.

Вместо Слава: Величай душе моя, тривпостаснаго и нераздельнаго божества державу.

Вместо И ныне: Величай душе моя, избавльшую нас от клятвы.

На обрезание господне: Величай душе моя, по закону плотию обрезавшагося Господа.

Величай душе моя, во осмый день обрезание приемлюща.

Днесь владыка обрезуется плотию яко младенец, исполняя закон.

Днесь владыка плотию обрезася, Иисус наречеся.

Василию: Величай душе моя, во иерарсех василиа великаго.

Величай душе моя, вселенныя пресветлаго светильника.

Величай душе моя, от кесарии василиа великаго.

Вместо Слава: Величай душе моя, украсившаго христову церковь.

Вместо И ныне: Величай душе моя, честнейшую небесных воинств, деву пречистую богородицу.

На богоявление господне: Величай душе моя, честнейшую горних воинств деву пречистую богородицу.

Величай душе моя, от предтечи крещения просяща.

Величай душе моя, во иордане пришедшаго креститися.

Величай душе моя, от отеческаго гласа свидетельствованна.

Величай душе моя, единаго от троицы преклоншаго выю, и крещение приемша.

Пророче прииди ко мне, простри руку, и крести мя скоро.

Пророче остави ныне, и крести мя хотяща: исполнити бо приидох всяку правду.

Днесь владыка преклоняет выю под руку предтечеву.

Днесь иоанн крещает владыку во струях иорданских.

Днесь владыка водами погребает человеческий грех.

Днесь владыка свыше свидетельствуется сын возлюбленный.

Днесь владыка прииде освятити естество водное.

Днесь владыка крещение приемлет рукою предтечевою.

месяца ианнуариа в 30 день, трием святителем: василию великому, григорию богослову и иоанну златоусту,

на 9-й песни припевы: Величай душе моя, честнейшую небесных воинств, деву пречистую богородицу.

Величай душе моя, во иерарсех светила три великия.

Величай душе моя, трисиятельныя христовы церкве.

Величай душе моя, просвещающия христову церковь.

Величай душе моя, честнейшую небесных воинств, деву пречистую богородицу.

Величай душе моя, пресвятыя троицы три пастыри.

Величай душе моя, от трисолнечнаго светила три великия.

Величай душе моя, триипостаснаго и нераздельнаго божества державу.

Величай душе моя, честнейшую небесных воинств, деву пречистую богородицу.

Сретению господню на 9-й песни припевы: Богородице Дево, упование христианом, покрый, соблюди, и спаси на тя уповающих.

Богородице Дево, миру благая помощнице, покрый и соблюди от всякия нужды и печали.

Б3оносе симеоне, прииди, подыми Христа, егоже роди дева чистая мариа.

объемлет руками старец симеон содетеля закона и владыку всяческих.

Не старец мене держит, но аз держу его: той бо от мене отпущения просит.

Клеще таинственная, како угль носиши? како питаеши питающаго вся?

о дщи фануилева! прииди, стани с нами, и благодари Христа спаса сына божия.

Анна целомудренная провещает страшная, исповедающи Христа, творца небу и земли.

Непостижимо есть содеянное от тебе ангелом и человеком, мати Дево чистая.

Чистая голубица, нескверная агница, агнца и пастыря приносит в церковь.

о христе всех царю! победы на враги верному твоему рабу, императору нашему даруй.

о христе всех царю! подаждь ми слезы теплы, да плачу мою душу, юже зле погубих.

Вместо Слава: Трисиятельное и триипостасное божество благочестно да похвалим.

Вместо И ныне: о девце марие! просвети мою душу, помраченную люте житейскими сластьми.

Марта в 25 день, благовещению пресвятыя Богородицы, на 9-й песни припев: Б33овествуй земле радость велию, хвалите небеса божию славу.

На святую пасху припевы: Величит душа моя воскресшаго тридневно от гроба Христа жизнодавца.

Величит душа моя волею страдавша и погребена, и воскресшаго тридневно от гроба.

Христос новая пасха, жертва живая, агнец Божий вземляй грехи мира.

Ангел вопияше благодатней: чистая Дево радуйся, и паки реку, радуйся: твой сын воскресе, тридневен от гроба, и мертвыя воздвигнувый, людие веселитеся.

Возбудил еси уснув мертвыя от века, царски рыкавый яко от иуды лев.

Магдалина мариа притече ко гробу, и Христа видевши, яко вертоградаря вопрошаше.

Ангел облистаяй женам вопияше: престаните от слез, яко Христос воскресе.

Христос воскресе, смерть поправый, и мертвыя воздвигнувый, людие веселитеся.

Днесь всяка тварь веселится и радуется: яко Христос воскресе, и ад пленися.

Днесь владыка плени ада, воздвигнувый юзники, яже от века имяше люте одержимыя.

Слава: Величит душа моя триипостаснаго и нераздельнаго божества державу.

И ныне: Радуйся Дево, радуйся, радуйся благословенная, радуйся препрославленная: твой бо сын воскресе тридневен от гроба.

Вознесения: Величай душе моя, вознесшагося от земли на небо, Христа жизнодавца.

Другий: Ангели восхождение владыки зряще, ужасахуся, како со славою взятся от земли на горняя.

Августа в 6 день, на преображение господне, припев: Величай душе моя, на фаворе преобразившагося Господа.

В 15 день, на успение пресвятыя Богородицы припевы: Роди вси блажим тя едину богородицу.

Или: Ангели успение пречистыя видевше удивишася, како девая восходит от земли на небо.

Втораго творца: Величай душе моя, от земли на небо честное преставление божия матере.[/spoiler]

Раб божий Константин


Раб божий Константин

ВОССТАВ ОТ СНА
[spoiler]С Богом Святым, обдержай все последование по чину святых иерусалимских и честных монастырей.
Востав от сна, отлучися одра, и рцы:
Молитвами святых отец наших, Господи Иисусе Христе, Боже наш, помилуй нас, аминь.
Слава Тебе, Боже наш, слава Тебе.
Таже, Трисвятое: Пресвятая Троице: Отче наш:
И настоящия тропари, глас 1:
Воставше от сна, припадаем Ти, Блаже, / и ангельскую песнь вопием Ти, Сильне: / Свят, Свят, Свят еси, Боже, / Богородицею помилуй нас.
Слава: От одра и сна воздвигл мя еси, Господи, / ум мой просвети и сердце, / и устне мои отверзи, / во еже пети Тя, Святая Троице: / Свят, Свят, Свят еси, Боже, / Богородицею помилуй нас.
И ныне: Внезапно Судия приидет, / и коегождо деяния обнажатся, / но страхом зовем в полунощи: / Свят, Свят, Свят еси, Боже, / Богородицею помилуй нас.
Господи, помилуй, 12.
И молитву сию:
От сна востав, благодарю Тя, Святая Троице, яко многия ради Твоея благости и долготерпения не прогневался еси на мя, лениваго и грешнаго, ниже погубил мя еси со беззаконьми моими; но человеколюбствовал еси обычно и в нечаянии лежащаго воздвигл мя еси, во еже утреневати и славословити державу Твою. И ныне просвети мои очи мысленныя, отверзи моя уста поучатися словесем Твоим, и разумети заповеди Твоя, и творити волю Твою, и пети Тя во исповедании сердечнем, и воспевати всесвятое имя Твое, Отца и Сына и Святаго Духа, ныне и присно и во веки веков. Аминь.
Молитва иная:
Слава Тебе Царю, Боже Вседержителю, иже божественным Твоим и человеколюбным промыслом, сподобил мя еси грешнаго и недостойнаго от сна востати, и получити вход святаго дому Твоего: приими, Господи, и глас моления моего, якоже святых и умных Твоих сил, и благоволи сердцем чистым, и духом смиренным приноситися Тебе хвале от скверных устен моих, яко да и аз общник буду мудрым девам, со светлою свещею души моея, и славлю Тя, во Отце и Дусе славимаго Бога Слова, аминь.
[/spoiler]

Раб божий Константин

ПОЛУНОЩНИЦА ВСЕДНЕВНАЯ
[spoiler]По еже благословити священнику, глаголем:
Аминь. Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй нас. Трижды.
Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй, трижды. Слава, и ныне:

Отче наш, Иже еси на Небесех, да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Иерей: Яко Твое есть Царство: И мы: Аминь. Таже, Господи, помилуй, 12, Слава, и ныне:
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Псалом 50:
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы. Таже, кафисма седмаянадесять
(псалом 118):
Блажени непорочнии в путь, ходящии в законе Господни. Блажени испытающии свидения Его, всем сердцем взыщут Его, не делающии бо беззакония, в путех Его ходиша. Ты заповедал еси заповеди Твоя сохранити зело. Дабы исправилися путие мои, сохранити оправдания Твоя. Тогда не постыжуся, внегда призрети ми на вся заповеди Твоя. Исповемся Тебе в правости сердца, внегда научити ми ся судьбам правды Твоея. Оправдания Твоя сохраню, не остави мене до зела. В чесом исправит юнейший путь свой; внегда сохранити словеса Твоя. Всем сердцем моим взысках Тебе, не отрини мене от заповедей Твоих. В сердце моем скрых словеса Твоя, яко да не согрешу Тебе. Благословен еси, Господи: научи мя оправданием Твоим. Устнама моима возвестих вся судьбы уст Твоих. На пути свидений Твоих насладихся, яко о всяком богатстве. В заповедех Твоих поглумлюся, и уразумею пути Твоя. Во оправданиих Твоих поучуся, не забуду словес Твоих. Воздаждь рабу Твоему: живи мя, и сохраню словеса Твоя. Открый очи мои, и уразумею чудеса от закона Твоего. Пришлец аз есмь на земли: не скрый от мене заповеди Твоя. Возлюби душа моя возжелати судьбы Твоя на всякое время. Запретил еси гордым: прокляти уклоняющиися от заповедей Твоих. Отьими от мене понос и уничижение, яко свидений Твоих взысках. Ибо седоша князи, и на мя клеветаху, раб же Твой глумляшеся во оправданиих Твоих: Ибо свидения Твоя поучение мое есть, и совети мои оправдания Твоя. Прильпе земли душа моя: живи мя по словеси Твоему. Пути моя возвестих, и услышал мя еси: научи мя оправданием Твоим: Путь оправданий Твоих вразуми ми, и поглумлюся в чудесех Твоих. Воздрема душа моя от уныния: утверди мя в словесех Твоих. Путь неправды отстави от мене, и законом Твоим помилуй мя. Путь истины изволих, и судьбы Твоя не забых. Прилепихся свидением Твоим, Господи, не посрами мене. Путь заповедей Твоих текох, егда расширил еси сердце мое. Законоположи мне, Господи, путь оправданий Твоих, и взыщу и выну: Вразуми мя, и испытаю закон Твой, и сохраню и всем сердцем моим. Настави мя на стезю заповедей Твоих, яко тую восхотех. Приклони сердце мое во свидения Твоя, а не в лихоимство. Отврати очи мои, еже не видети суеты, в пути Твоем живи мя. Постави рабу Твоему слово Твое в страх Твой. Отьими поношение мое, еже непщевах: яко судьбы Твоя благи. Се возжелах заповеди Твоя, в правде Твоей живи мя. И да приидет на мя милость Твоя, Господи, спасение Твое по словеси Твоему. И отвещаю поношающым ми слово: яко уповах на словеса Твоя. И не отьими от уст моих словесе истинна до зела, яко на судьбы Твоя уповах. И сохраню закон Твой выну, в век и в век века. И хождах в широте, яко заповеди Твоя взысках. И глаголах о свидениих Твоих пред цари, и не стыдяхся: И поучахся в заповедех Твоих, яже возлюбих зело: И воздвигох руце мои к заповедем Твоим, яже возлюбих, и глумляхся во оправданиих Твоих. Помяни словеса Твоя рабу Твоему, ихже упование дал ми еси. То мя утеши во смирении моем, яко слово Твое живи мя. Гордии законопреступоваху до зела: от закона же Твоего не уклонихся. Помянух судьбы Твоя от века, Господи, и утешихся. Печаль прият мя от грешник, оставляющих закон Твой. Пета бяху мне оправдания Твоя, на месте пришельствия моего. Помянух в нощи Имя Твое, Господи, и сохраних закон Твой. Сей бысть мне, яко оправданий Твоих взысках. Часть моя еси, Господи, рех сохранити закон Твой. Помолихся лицу Твоему всем сердцем моим: помилуй мя по словеси Твоему. Помыслих пути Твоя, и возвратих нозе мои во свидения Твоя. Уготовихся и не смутихся сохранити заповеди Твоя. Ужя грешник обязашася мне, и закона Твоего не забых. Полунощи востах исповедатися Тебе о судьбах правды Твоея. Причастник аз есмь всем боящымся Тебе, и хранящым заповеди Твоя. Милости Твоея, Господи, исполнь земля: оправданием Твоим научи мя. Благость сотворил еси с рабом Твоим, Господи, по словеси Твоему. Благости, и наказанию и разуму научи мя, яко заповедем Твоим веровах. Прежде даже не смирити ми ся, аз прегреших: сего ради слово Твое сохраних. Благ еси Ты, Господи, и благостию Твоею научи мя оправданием Твоим. Умножися на мя неправда гордых, аз же всем сердцем моим испытаю заповеди Твоя. Усырися яко млеко сердце их, аз же закону Твоему поучихся. Благо мне, яко смирил мя еси, яко да научуся оправданием Твоим. Благ мне закон уст Твоих, паче тысящ злата и сребра.
Слава, и ныне: Аллилуиа, трижды. Господи, помилуй, трижды. Слава, и ныне:

Руце Твои сотвористе мя, и создасте мя: вразуми мя, и научуся заповедем Твоим. Боящиися Тебе узрят мя и возвеселятся, яко на словеса Твоя уповах. Разумех Господи, яко правда судьбы Твоя, и воистинну смирил мя еси. Буди же милость Твоя, да утешит мя по словеси Твоему рабу Твоему. Да приидут мне щедроты Твоя, и жив буду, яко закон Твой поучение мое есть. Да постыдятся гордии, яко неправедно беззаконноваша на мя, аз же поглумлюся в заповедех Твоих. Да обратят мя боящиися Тебе, и ведящии свидения Твоя. Буди сердце мое непорочно во оправданиих Твоих, яко да не постыжуся. Исчезает во спасение Твое душа моя, на словеса Твоя уповах. Исчезоша очи мои в слово Твое, глаголюще: когда утешиши мя; Зане бых яко мех на слане: оправданий Твоих не забых. Колико есть дней раба Твоего; когда сотвориши ми от гонящих мя суд; Поведаша мне законопреступницы глумления, но не яко закон Твой, Господи. Вся заповеди Твоя истина: неправедно погнаша мя, помози ми. Вмале не скончаша мене на земли: аз же не оставих заповедей Твоих. По милости Твоей живи мя, и сохраню свидения уст Твоих. Во век, Господи, слово Твое пребывает на Небеси. В род и род истина Твоя. Основал еси землю, и пребывает. Учинением Твоим пребывает день, яко всяческая работна Тебе. Яко аще бы не закон Твой поучение мое был, тогда убо погибл бых во смирении моем. Во век не забуду оправданий Твоих, яко в них оживил мя еси.
[Среда:]
Твой есмь аз, спаси мя, яко оправданий Твоих взысках. Мене ждаша грешницы погубити мя, свидения Твоя разумех. Всякия кончины видех конец, широка заповедь Твоя зело. Коль возлюбих закон Твой, Господи, весь день поучение мое есть. Паче враг моих умудрил мя еси заповедию Твоею, яко в век моя есть. Паче всех учащих мя разумех, яко свидения Твоя поучение мое есть. Паче старец разумех, яко заповеди Твоя взысках. От всякаго пути лукава возбраних ногам моим, яко да сохраню словеса Твоя. От судеб Твоих не уклонихся, яко Ты законоположил ми еси. Коль сладка гортани моему словеса Твоя, паче меда устом моим. От заповедей Твоих разумех, сего ради возненавидех всяк путь неправды. Светильник ногама моима закон Твой, и свет стезям моим. Кляхся и поставих сохранити судьбы правды Твоея. Смирихся до зела, Господи, живи мя по словеси Твоему. Вольная уст моих благоволи же, Господи, и судьбам Твоим научи мя. Душа моя в руку Твоею выну, и закона Твоего не забых. Положиша грешницы сеть мне, и от заповедей Твоих не заблудих. Наследовах свидения Твоя во век, яко радование сердца моего суть. Приклоних сердце мое сотворити оправдания Твоя в век за воздаяние. Законопреступныя возненавидех, закон же Твой возлюбих. Помощник мой и Заступник мой еси Ты, на словеса Твоя уповах. Уклонитеся от мене лукавнующии, и испытаю заповеди Бога моего. Заступи мя по словеси Твоему, и жив буду, и не посрами мене от чаяния моего. Помози ми, и спасуся, и поучуся во оправданиих Твоих выну. Уничижил еси вся отступающия от оправданий Твоих, яко неправедно помышление их. Преступающия непщевах вся грешныя земли, сего ради возлюбих свидения Твоя. Пригвозди страху Твоему плоти моя, от судеб бо Твоих убояхся. Сотворих суд и правду, не предаждь мене обидящым мя. Восприими раба Твоего во благо, да не оклеветают мене гордии. Очи мои исчезосте во спасение Твое, и в слово правды Твоея. Сотвори с рабом Твоим по милости Твоей, и оправданием Твоим научи мя. Раб Твой есмь аз: вразуми мя, и увем свидения Твоя. Время сотворити Господеви: разориша закон Твой. Сего ради возлюбих заповеди Твоя паче злата и топазия. Сего ради ко всем заповедем Твоим направляхся, всяк путь неправды возненавидех. Дивна свидения Твоя, сего ради испыта я душа моя. Явление словес Твоих просвещает и вразумляет младенцы. Уста моя отверзох, и привлекох дух, яко заповедей Твоих желах.
Слава, и ныне: Аллилуиа, трижды. Господи, помилуй, трижды. Слава, и ныне:

Призри на мя и помилуй мя, по суду любящих имя Твое. Стопы моя направи по словеси Твоему, и да не обладает мною всякое беззаконие. Избави мя от клеветы человеческия, и сохраню заповеди Твоя. Лице Твое просвети на раба Твоего, и научи мя оправданием Твоим. Исходища водная изведосте очи мои, понеже не сохраних закона Твоего. Праведен еси, Господи, и прави суди Твои. Заповедал еси правду свидения Твоя, и истину зело. Истаяла мя есть ревность Твоя, яко забыша словеса Твоя врази мои. Разжжено слово Твое зело, и раб Твой возлюби е. Юнейший аз есмь и уничижен, оправданий Твоих не забых. Правда Твоя правда во век, и закон Твой истина. Скорби и нужды обретоша мя, заповеди Твоя поучение мое. Правда свидения Твоя в век, вразуми мя, и жив буду. Воззвах всем сердцем моим, услыши мя, Господи, оправдания Твоя взыщу. Воззвах Ти, спаси мя, и сохраню свидения Твоя. Предварих в безгодии и воззвах, на словеса Твоя уповах. Предваристе очи мои ко утру, поучитися словесем Твоим. Глас мой услыши, Господи, по милости Твоей: по судьбе Твоей живи мя. Приближишася гонящии мя беззаконием, от закона же Твоего удалишася. Близ еси Ты, Господи, и вси путие Твои истина. Исперва познах от свидений Твоих, яко в век основал я еси. Виждь смирение мое и изми мя, яко закона Твоего не забых. Суди суд мой и избави мя, словесе ради Твоего живи мя. Далече от грешник спасение, яко оправданий Твоих не взыскаша. Щедроты Твоя многи, Господи, по судьбе Твоей живи мя. Мнози изгонящии мя и стужающии ми, от свидений Твоих не уклонихся. Видех неразумевающия и истаях, яко словес Твоих не сохраниша. Виждь, яко заповеди Твоя возлюбих, Господи, по милости Твоей живи мя. Начало словес Твоих истина, и во век вся судьбы правды Твоея. Князи погнаша мя туне, и от словес Твоих убояся сердце мое. Возрадуюся аз о словесех Твоих, яко обретаяй корысть многу. Неправду возненавидех и омерзих, закон же Твой возлюбих. Седмерицею днем хвалих Тя о судьбах правды Твоея. Мир мног любящым закон Твой, и несть им соблазна. Чаях спасения Твоего, Господи, и заповеди Твоя возлюбих. Сохрани душа моя свидения Твоя и возлюби я зело. Сохраних заповеди Твоя и свидения Твоя, яко вси путие мои пред Тобою, Господи. Да приближится моление мое пред Тя, Господи, по словеси Твоему вразуми мя. Да внидет прошение мое пред Тя, Господи, по словеси Твоему избави мя. Отрыгнут устне мои пение, егда научиши мя оправданием Твоим. Провещает язык мой словеса Твоя, яко вся заповеди Твоя правда. Да будет рука Твоя еже спасти мя, яко заповеди Твоя изволих. Возжелах спасение Твое, Господи, и закон Твой поучение мое есть. Жива будет душа моя и восхвалит Тя, и судьбы Твоя помогут мне. Заблудих, яко овча погибшее, взыщи раба Твоего, яко заповедей Твоих не забых.
Слава, и ныне:
И абие:
Верую во единаго Бога Отца Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век. Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на Небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Трисвятое. Пресвятая Троице: По Отче наш: Иерей: Яко Твое есть Царство: И мы: Аминь.

Таже тропари, глас 8:
Се Жених грядет в полунощи, / и блажен раб, егоже обрящет бдяща: / недостоин же паки, егоже обрящет унывающа. / блюди убо душе моя, / не сном отяготися, / да не смерти предана будеши, / и Царствия вне затворишися, / но воспряни зовущи: / Свят, Свят, Свят еси Боже, / Богородицею помилуй нас.
Слава: День он страшный помышляющи, душе моя, / побди, вжигающи свещу свою, елеем просвещающи: / не веси бо когда приидет к тебе глас глаголющий: се Жених. / Блюди убо, душе моя, да не воздремлеши, / и пребудеши вне толкущи, яко пять дев, / но бодренно пожди, да усрящеши Христа елеем маститым, / и даст ти чертог Божественный славы Своея.
И ныне: Тебе необоримую стену, спасения утверждение, Богородице Дево, молим: / сопротивных советы разори, людей Твоих печаль на радость преложи, / град Твой огради, о мире мiра моли, / яко Ты еси, Богородице, упование наше.
Таже, Господи помилуй, 40.
И молитву сию:
Иже на всякое время и на всякий час, на Небеси и на земли, покланяемый и славимый, Христе Боже, Долготерпеливе, Многомилостиве, Многоблагоутробне, Иже праведныя любяй и грешныя милуяй, Иже вся зовый ко спасению обещания ради будущих благ. Сам, Господи, приими и наша в час сей молитвы и исправи живот наш к заповедем Твоим, души наша освяти, телеса очисти, помышления исправи, мысли очисти и избави нас от всякия скорби, зол и болезней, огради нас святыми Твоими Ангелы, да ополчением их соблюдаеми и наставляеми, достигнем в соединение веры и в разум неприступныя Твоея славы, яко благословен еси во веки веков, аминь.
[/spoiler]

Раб божий Константин

[spoiler]Господи помилуй, трижды. Слава, и ныне:
Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.
Именем Господним благослови, отче.
Священник: Боже, ущедри ны и благослови ны, просвети лице Твое на ны и помилуй ны.
И мы: Аминь. И аще есть Аллилуиа, творим поклоны три великия, глаголюще молитву сию тайно святаго Ефрема, разделяюще ю на три части:
Господи и Владыко живота моего, дух праздности, уныния, любоначалия, и празднословия не даждь ми. Поклон.
Дух же целомудрия, смиренномудрия, терпения, и любве, даруй ми рабу Твоему. Поклон.
Ей, Господи Царю, даруй ми зрети моя прегрешения, и не осуждати брата моего, яко благословен еси во веки веков, аминь. Поклон.
Таже малых 12, глаголюще на кийждо поклон: Боже, очисти мя грешнаго.
И паки последи молитву всю: Господи и Владыко живота моего: И поклон един великий.
Аще же несть Аллилуиа, оставляется: Господи и Владыко живота моего: и поклоны, и глаголем токмо: Владыко Боже Отче Вседержителю:
Таже молитву сию:
Владыко Боже Отче Вседержителю, Господи Сыне Единородный Иисусе Христе, и Святый Душе, едино Божество, едина Сила, помилуй мя грешнаго, и имиже веси судьбами, спаси мя недостойнаго раба Твоего, яко благословен еси во веки веков, аминь.
И молитвы сия:
[Подобает ведати, яко молитвы сия глаголются от 22-го септемвриа месяца, до Недели Ваий.]
Василия Великаго:
Господи Вседержителю, Боже сил и всякия плоти, в вышних живый и на смиренныя призираяй, сердца же и утробы испытуяй и сокровенная человеков яве предведый, Безначальный и Присносущный Свете, у Него же несть пременения, или преложения осенение; Сам, Безсмертный Царю, приими моления наша, яже в настоящее время, на множество Твоих щедрот дерзающе, от скверных к Тебе устен творим, и остави нам прегрешения наша, яже делом, и словом, и мыслию, ведением, или неведением согрешенная нами; и очисти ны от всякия скверны плоти и духа. И даруй нам бодренным сердцем и трезвенною мыслию всю настоящаго жития нощь прейти, ожидающим пришествия светлаго и явленнаго дне Единороднаго Твоего Сына, Господа и Бога и Спаса нашего Иисуса Христа, в оньже со славою Судия всех приидет, комуждо отдати по делом его; да не падше и обленившеся, но бодрствующе и воздвижени в делание обрящемся готови, в радость и Божественный чертог славы Его совнидем, идеже празднующих глас непрестанный, и неизреченная сладость зрящих Твоего лица доброту неизреченную. Ты бо еси истинный Свет, просвещаяй и освящаяй всяческая, и Тя поет вся тварь во веки веков, аминь.
Таже возвышает священник руце, глаголя тогожде:
Тя благословим, вышний Боже и Господи милости, творящаго присно с нами великая же и неизследованная, славная же и
Тя благословим, вышний Боже и Господи милости, творящаго присно с нами великая же и неизследованная, славная же и ужасная, ихже несть числа, подавшаго нам сон во упокоение немощи нашея, и ослабление трудов многотрудныя плоти. Благодарим Тя, якo не погубил еси нас со беззаконьми нашими, но человеколюбствовал еси обычно, и в нечаянии лежащия ны воздвигл еси, во еже славословити державу Твою. Темже молим безмерную Твою благость, просвети наша мысли, очеса, и ум наш от тяжкаго сна лености возстави: отверзи наша уста, и исполни я Твоего хваления, яко да возможем непоколеблемо пети же и исповедатися Тебе, во всех, и от всех славимому Богу, Безначальному Отцу, со Единородным Твоим Сыном, и Всесвятым и Благим и Животворящим Твоим Духом, ныне и присно и во веки веков, аминь.
Таже, Приидите, поклонимся: трижды. И поклоны три, и псалмы:
Псалом 120:
Возведох очи мои в горы, отнюдуже приидет помощь моя. Помощь моя от Господа, сотворшаго небо и землю. Не даждь во смятение ноги твоея, ниже воздремлет храняй тя, се не воздремлет, ниже уснет храняй Израиля. Господь сохранит тя, Господь покров твой на руку десную твою. Во дни солнце не ожжет тебе, ниже луна нощию. Господь сохранит тя от всякаго зла, сохранит душу твою Господь. Господь сохранит вхождение твое и исхождение твое, отныне и до века.
Псалом 133:
Се ныне благословите Господа вси раби Господни, стоящии в храме Господни, во дворех дому Бога нашего, В нощех воздежите руки ваша во святая, и благословите Господа. Благословит тя Господь от Сиона, сотворивый небо и землю.
Слава, и ныне: Трисвятое. По Отче наш: Иерей: Яко Твое есть Царство: И мы: Аминь.
И тропари сия, глас 2:
Помяни Господи, яко Благ, рабы Твоя, / и елика в житии согрешиша, прости: / никтоже бо безгрешен, токмо Ты, / могий и преставленным дати покой.
Глубиною мудрости человеколюбно вся строяй, / и полезное всем подаваяй, / едине Содетелю, упокой Господи, души раб Твоих: / на Тя бо упование возложиша, / Творца и Зиждителя и Бога нашего.
Слава, кондак, глас 8: Со святыми упокой / Христе, души раб Твоих, / идеже несть болезнь, ни печаль, / ни воздыхание, / но жизнь безконечная.
И ныне, Богородичен: Блажим Тя вси роди, Богородице Дево, / в Тя бо невместимый Христос Бог наш, вместитися благоволи. / Блажени есмы и мы, Предстательство Тя имуще: / день бо и нощь молишися о нас, / и вся страна наша Твоими молитвами утверждается. / Тем воспевающе вопием Ти: / радуйся, Благодатная, Господь с Тобою.
Господи помилуй, 12.
И молитва сия:
Помяни Господи, в надежди Воскресения, жизни вечныя, усопшия отцы и братию нашу, и вся во благочестии и вере скончавшыяся, и прости им всякое согрешение, вольное же и невольное, словом, или делом, или помышлением согрешенное ими, и всели я в места светла, в места прохладна, в места покойна, отнюдуже отбеже всякая болезнь, печаль и воздыхание, идеже присещает свет лица Твоего, и веселит вся от века святыя Твоя. Даруй им и нам Царствие Твое, и причастие неизреченных и вечных Твоих благ, и Твоея безконечныя и блаженныя жизни наслаждение. Ты бо еси жизнь, и воскресение, и покой усопших рабов Твоих, Христе Боже наш, и Тебе славу возсылаем, со Безначальным Твоим Отцем, и Пресвятым и Благим и Животворящим Твоим Духом, ныне и присно и во веки веков, аминь.
Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша.

Упование мое Отец, прибежище мое Сын, покров мой Дух Святый, Троице Святая, слава Тебе.
Иерей: Слава Тебе, Христе Боже, упование наше, слава Тебе.
И мы: Слава, и ныне: Господи помилуй, трижды. Благослови.
И бывает отпуст от священника:
Христос, истинный Бог наш, молитвами Пречистыя Своея Матере, преподобных и богоносных отец наших, и всех святых, помилует и спасет нас, яко Благ и Человеколюбец.
И мы: Аминь.
И приемлем прощение обычное:
Творит предстоятель поклон на землю, глаголя братии:
Благословите, отцы святии, простите ми, грешному, елика согреших словом, делом, помышлением и всеми моими чувствы.
И братия: Бог простит ти, отче святый.
Священник же глаголет:
Помолимся о Великом господине и Отце нашем, Святейшем Патриархе имярек, и о господине нашем Преосвященнейшем митрополите (или архиепископе, или епископе) имярек, и всей во Христе братии нашей.
И мы: Господи помилуй, часто.
О Богохранимей стране нашей, властех и воинстве ея.
О ненавидящих и любящих нас.
О милующих и служащих нам.
О заповедавших нам, недостойным, молитися о них.
О избавлении плененных.
О отшедших отцех и братиях наших.
О в мори плавающих.
О в немощех лежащих.
Помолимся и о изобилии плодов земных,
И о всякой души христиан православных.
Ублажим православныя архиереи, и ктиторы святаго храма сего [святыя обители сея].
Родители наша, и вся прежде отшедшия отцы и братию нашу, зде лежащия, и повсюду православныя.
Предстоятель: Рцем и о себе самех.
Господи помилуй, трижды.
Молитвами святых отец наших, Господи Иисусе Христе, Боже наш, помилуй нас.
И мы: Аминь.
Подобает ведати, яко во святей горе Афонстей, по Помяни Господи: глаголют настоящия тропари:

Помилуй нас, Господи, помилуй нас; / всякаго бо ответа недоумеюще, / сию Ти молитву яко Владыце, грешнии приносим: / помилуй нас.
Слава: Господи, помилуй нас, / на Тя бо уповахом; / не прогневайся на ны зело, / ниже помяни беззаконий наших, / но призри и ныне яко благоутробен, / и избави ны от враг наших; / Ты бо еси Бог наш, / и мы людие Твои, / вси дела руку Твоею, / и имя Твое призываем.
И ныне: Милосердия двери отверзи нам, / благословенная Богородице, / надеющиися на Тя да не погибнем, / но да избавимся Тобою от бед: / Ты бо еси спасение рода христианскаго.
Посем иерей ектению: Помилуй нас, Боже: Еще молимся о еже сохранитися граду сему, и святей обители сей: И прочая. Господи, помилуй, 40. Возглас: Услыши ны, Боже: Посем, Слава, и ныне: и отпуст, и прочая, яко предписана суть.

[/spoiler]

Раб божий Константин

ПОЛУНОЩНИЦА СУББОТНЯЯ
[spoiler]Творит священник: Благословен Бог наш всегда, ныне и присно, и во веки веков.
И мы глаголем: Аминь.
Слава Тебе, Боже наш, слава Тебе.
Царю Небесный: Трисвятое. Пресвятая Троице: Отче наш: Иерей: Яко Твое есть Царство: Мы же: Аминь.
Таже, Господи, помилуй, 12. Слава, и ныне: Приидите, поклонимся: трижды. Псалом 50:
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.
Таже, кафисма девятая.
Псалом 64:
Тебе подобает песнь, Боже, в Сионе, и Тебе воздастся молитва во Иерусалиме. Услыши молитву мою, к Тебе всяка плоть приидет. Словеса беззаконник премогоша нас, и нечестия наша Ты очистиши. Блажен, eгоже избрал еси и приял, вселится во дворех Твоих. Исполнимся во благих дому Твоего, свят храм Твой, дивен в правде. Услыши ны, Боже, Спасителю наш, упование всех концей земли, и сущих в мори далече, уготовляяй горы крепостию Своею, препоясан силою, смущаяй глубину морскую, шуму волн eго кто постоит? Смятутся языцы, и убоятся живущии в концах от знамений Твоих, исходы утра и вечера украсиши. Посетил еси землю и упоил еси ю, умножил еси обогатити ю. Река Божия наполнися вод. Уготовал еси пищу им, яко тако [есть] уготование. Бразды ея упой, умножи жита ея, в каплях ея возвеселится возсияющи. Благословиши венец лета благости Твоея, и поля Твоя исполнятся тука, разботеют красная пустыни, и радостию холми препояшутся. Одеяшася овни овчии, и удолия умножат пшеницу, воззовут, ибо воспоют.
Псалом 65:
Воскликните Господеви, вся земля, пойте же имени Его, дадите славу хвале Его. Рцыте Богу: коль страшна дела Твоя? Во множестве силы Твоея солжут Тебе врази Твои. Вся земля да поклонится Тебе и поет Тебе, да поет же имени Твоему, Вышний. Приидите и видите дела Божия, коль страшен в советех паче сынов человеческих. Обращаяй море в сушу, в реце пройдут ногами, тамо возвеселимся о Нем, Владычествующем силою Своею веком. Очи Его на языки призираете, преогорчевающии да не возносятся в себе. Благословите, языцы, Бога нашего и услышан сотворите глас хвалы Его, положшаго душу мою в живот и не давшаго во смятение ног моих. Яко искусил ны еси, Боже, разжегл ны еси, якоже разжизается сребро. Ввел ны еси в сеть, положил еси скорби на хребте нашем. Возвел еси человеки на главы наша, проидохом сквозе огнь и воду, и извел еси ны в покой. Вниду в дом Твой со всесожжением, воздам Тебе молитвы моя, яже изрекосте устне мои, и глаголаша уста моя в скорби моей, всесожжения тучна вознесу Тебе с кадилом, и овны, вознесу Тебе волы с козлы. Приидите, услышите, и повем вам, вси боящиися Бога, елика сотвори души моей. К Нему усты моими воззвах и вознесох под языком моим. Неправду аще узрех в сердце моем, да не услышит мене Господь. Сего ради услыша мя Бог, внят гласу моления моего. Благословен Бог, иже не отстави молитву мою и милость Свою от мене.
Псалом 66:
Боже, ущедри ны и благослови ны, просвети лице Твое на ны и помилуй ны. Познати на земли путь Твой, во всех языцех спасение Твое. Да исповедятся Тебе людие, Боже, да исповедятся Тебе людие вси. Да возвеселятся и да возрадуются языцы, яко судиши людем правотою и языки на земли наставиши. Да исповедятся Тебе людие, Боже, да исповедятся Тебе людие вси. Земля даде плод свой, благослови ны, Боже, Боже наш, благослови ны, Боже, и да убоятся Его вси концы земли.
Слава, и ныне: Аллилуиа, трижды. Господи, помилуй, трижды. Слава, и ныне:
Псалом 67:
Да воскреснет Бог, и расточатся врази Егo, и да бежат от лица Его ненавидящии Его. Яко исчезает дым, да исчезнут, яко тает воск от лица огня, тако да погибнут грешницы от лица Божия, а праведницы да возвеселятся, да возрадуются пред Богом, да насладятся в веселии. Воспойте Богу, пойте имени Его, путесотворите возшедшему на запады. Господь имя Ему, и радуйтеся пред Ним. Да смятутся от лица Его, Отца сирых и судии вдовиц: Бог в месте святем Своем. Бог вселяет единомысленныя в дом, изводя окованныя мужеством, такожде преогорчевающыя живущыя во гробех. Боже, внегда исходити Тебе пред людьми Твоими, внегда мимоходити Тебе в пустыни, земля потрясеся, ибо небеса кануша от лица Бога Синаина, от лица Бога Израилева. Дождь волен отлучиши, Боже, достоянию Твоему и изнеможе, Ты же совершил еси е. Животная Твоя живут на ней, уготовал еси благостию Твоею нищему, Боже. Господь даст глагол благовествующым силою многою. Царь сил возлюбленнаго, красотою дому разделити корысти. Аще поспите посреде предел, криле голубине посребрене, и междорамия ея в блещании злата. Внегда разнствит Небесный цари на ней, оснежатся в Селмоне. Гора Божия, гора тучная, гора усыренная, гора тучная. Вскую непщуете горы усыренныя? Гора, юже благоволи Бог жити в ней, ибо Господь вселится до конца. Колесница Божия тмами тем, тысяща гобзующих, Господь в них в Синаи во святем. Возшел еси на высоту, пленил еси плен, приял еси даяния в человецех, ибо не покаряющыяся, еже вселитися. Господь Бог благословен, благословен Господь день дне, поспешит нам Бог спасений наших. Бог наш, Бог еже спасати, и Господня, Господня исходища смертная. Обаче Бог сокрушит главы врагов Своих, верх влас преходящих в прегрешениих своих. Рече Господь: от Васана обращу, обращу во глубинах морских. Яко да омочится нога Твоя в крови, язык пес твоих, от враг от него. Видена быша шествия Твоя, Боже, шествия Бога моего Царя, иже во святем, предвариша князи близ поющих, посреде дев тимпанниц. В церквах благословите Бога, Господа от источник Израилевых. Тамо Вениамин юнейший во ужасе, князи Иудовы владыки их, князи Завулони, князи Неффалимли. Заповеждь, Боже, силою Твоею, укрепи, Боже, сие, еже соделал еси в нас. От храма Твоего во Иерусалим Тебе принесут царие дары. Запрети зверем тростным, сонм юнец в юницах людских, еже затворити искушенныя сребром, расточи языки хотящыя бранем. Приидут молитвенницы от Египта, Ефиопиа предварит руку свою к Богу. Царства земная, пойте Богу, воспойте Господеви, возшедшему на Небо небесе на востоки, се даст гласу Своему глас силы. Дадите славу Богови, на Израили велелепота Его, и сила Его на облацех. Дивен Бог во святых Своих, Бог Израилев: Той даст силу и державу людем Своим, благословен Бог.

Слава, и ныне: Аллилуиа, трижды. Господи, помилуй, трижды. Слава, и ныне:

Псалом 68:
Спаси, мя, Боже, яко внидоша воды до души моея. Углебох в тимении глубины, и несть постояния. Приидох во глубины морския, и буря потопи мя. Утрудихся зовый, измолче гортань мой, исчезосте очи мои, от еже уповати ми на Бога моего. Умножишася паче влас главы моея ненавидящии мя туне, укрепишася врази мои, изгонящии мя неправедно: яже не восхищах, тогда воздаях. Боже, Ты уведел еси безумие мое, и прегрешения моя от Тебе не утаишася. Да не постыдятся о мне терпящии Тебе, Господи, Господи сил, ниже да посрамятся о мне ищущии Тебе, Боже Израилев. Яко Тебе ради претерпех поношение, покры срамота лице мое. Чуждь бых братии моей, и странен сыновом матepe моея. Яко ревность дому Твоего снеде мя, и поношения поносящих Ти нападоша на мя. И покрых постом душу мою, и бысть в поношение мне, и положих одеяние мое вретище, и бых им в притчу. О мне глумляхуся седящии во вратех, и о мне пояху пиющии вино. Аз же молитвою моею к Тебе, Боже, время благоволения, Боже, во множестве милости Твоея услыши мя, во истине спасения Твоего. Спаси мя от брения, да не углебну, да избавлюся от ненавидящих мя и от глубоких вод. Да не потопит мене буря водная, ниже да пожрет мене глубина, ниже сведет о мне ровенник уст своих. Услыши мя, Господи, яко блага милость Твоя, по множеству щедрот Твоих призри на мя. Не отврати лица Твоего от отрока Твоего, яко скорблю, скоро услыши мя. Вонми души моей, и избави ю, враг моих ради избави мя. Ты бо веси поношение мое и студ мой, и срамоту мою: пред Тобою вси оскорбляющии мя. Поношение чаяше душа моя, и страсть и ждах соскорбящаго, и не бе, и утешающих, и не обретох. И даша в снедь мою желчь, и в жажду мою напоиша мя оцта. Да будет трапеза их пред ними в сеть, и в воздаяние, и в соблазн. Да помрачатся очи их, еже не видети, и хребет их выну сляцы. Пролей на ня гнев Твой, и ярость гнева Твоего да постигнет их. Да будет двор их пуст, и в жилищах их да не будет живый. Зане eгоже Ты поразил еси, тии погнаша, и к болезни язв моих приложиша. Приложи беззаконие к беззаконию их, и да не внидут в правду Твою. Да потребятся от книги живых и с праведными да не напишутся. Нищ и боляй есмь аз: спасение Твое, Боже, да приимет мя. Восхвалю имя Бога моего с песнию, возвеличу Его во хвалении: и угодно будет Богу паче тельца юна, роги износяща и пазнокти. Да узрят нищии и возвеселятся: взыщите Бога, и жива будет душа ваша. Яко услыша убогия Господь и окованныя Своя не уничижи. Да восхвалят Его небеса и земля, море и вся живущая в нем. Яко Бог спасет Сиона, и созиждутся гради Иудейстии, и вселятся тамо, и наследят и, и семя рабов Твоих удержит и, и любящии имя Твое вселятся в нем.

Псалом 69:
Боже, в помощь мою вонми, Господи, помощи ми потщися. Да постыдятся и посрамятся ищущии душу мою, да возвратятся вспять и постыдятся хотящии ми злая. Да возвратятся абие стыдящеся глаголющии ми: благоже, благоже. Да возрадуются и возвеселятся о Тебе вси ищущии Тебе, Боже, и да глаголют выну, да возвеличится Господь, любящии спасение Твое: аз же нищ есмь и убог, Боже, помози ми: Помощник мой и Избавитель мой еси Ты, Господи, не закосни.

Слава, и ныне:

И абие:
Верую во единаго Бога Отца Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век. Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на Небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

Таже, Трисвятое. Пресвятая Троице: Отче наш: Иерей: Яко Твое есть Царство: Мы же: Аминь.

Тропари сия, глас 2:
Несозданное Естество, всех Зиждителю, / устне наша отверзи, / яко да возвестим хвалу Твою, вопиюще: / Свят, Свят, Свят еси, Боже, Богородицею помилуй нас.
Слава: Вышния Силы подражающе на земли, / победную песнь приносим Ти, Блаже: / Свят, Свят, Свят еси, Боже, Богородицею помилуй нас.
И ныне: От одра и сна воздвигл мя еси, Господи, / ум мой просвети и сердце, / и устне мои отверзи, / во еже пети Тя, Святая Троице: / Свят, Свят, Свят еси, Боже, Богородицею помилуй нас.
Господи помилуй, 40.
И молитву сию:
Иже на всякое время и на всякий час, на Небеси и на земли, покланяемый и славимый, Христе Боже, Долготерпеливе, Многомилостиве, Многоблагоутробне, Иже праведныя любяй и грешныя милуяй, Иже вся зовый ко спасению обещания ради будущих благ. Сам, Господи, приими и наша в час сей молитвы и исправи живот наш к заповедем Твоим, души наша освяти, телеса очисти, помышления исправи, мысли очисти и избави нас от всякия скорби, зол и болезней, огради нас святыми Твоими Ангелы, да ополчением их соблюдаеми и наставляеми, достигнем в соединение веры и в разум неприступныя Твоея славы, яко благословен еси во веки веков, аминь.
Господи помилуй, трижды. Слава, и ныне:
Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.
Именем Господним благослови, отче.
Священник: Боже, ущедри ны и благослови ны, просвети лице Твое на ны и помилуй ны.
Мы же: Аминь.
Таже сию молитву:
Владыко Боже Отче Вседержителю, Господи Сыне Единородный Иисусе Христе, и Святый Душе, Едино Божество, едина сила, помилуй мя грешнаго и имиже веси судьбами спаси мя недостойнаго раба Твоего, яко благословен еси во веки веков, аминь.
И настоящую молитву святаго Евстратия, в келлиях:
Величая величаю Тя Господи, яко призрел еси на смирение мое, и неси мене затворил в руках вражиих, но спасл еси от нужд душу мою. И ныне Владыко, да покрыет мя рука Твоя, и да приидет на мя милость Твоя, яко смятеся душа моя, и болезненна есть во исхождении своем, от окаяннаго моего и сквернаго телесе сего. Да не когда лукавый сопостата совет срящет, и препнет ю во тме, за неведомыя и ведомыя в житии сем бывшия ми грехи. Милостив буди ми, Владыко, и да не узрит душа моя мрачнаго взора лукавых демонов, но да приимут ю Ангели Твои светлии и пресветлии. Даждь славу имени Твоему святому, и Твоею силою возведи мя на Божественное Твое судище, внегда судитися ми, да не приимет мя рука князя мiра сего, еже исторгнути мя, грешника, во глубину адову, но предстани ми, и буди ми Спас и Заступник. Телесныя бо и сия мучения, веселия суть рабом Твоим. Помилуй, Господи, осквернившуюся страстьми жития сего душу мою: и чисту ю покаянием и исповеданием приими, яко благословен еси во веки веков, аминь.
Таже: Приидите, поклонимся: трижды.
Псалом 120:
Возведох очи мои в горы, отнюдуже приидет помощь моя. Помощь моя от Господа, сотворшаго небо и землю. Не даждь во смятение ноги твоея, ниже воздремлет храняй тя, се не воздремлет, ниже уснет храняй Израиля. Господь сохранит тя, Господь покров твой на руку десную твою. Во дни солнце не ожжет тебе, ниже луна нощию. Господь сохранит тя от всякаго зла, сохранит душу твою Господь. Господь сохранит вхождение твое и исхождение твое, отныне и до века.
Псалом 133:
Се ныне благословите Господа вси раби Господни, стоящии в храме Господни, во дворех дому Бога нашего, В нощех воздежите руки ваша во святая, и благословите Господа. Благословит тя Господь от Сиона, сотворивый небо и землю.
Слава, и ныне: Трисвятое. Отче наш: Иерей: Яко Твое есть Царство: Мы же: Аминь.
И тропари сия, глас 2:
Помяни Господи, яко Благ, рабы Твоя, / и елика в житии согрешиша, прости: / никтоже бо безгрешен, токмо Ты, / могий и преставленным дати покой.
Глубиною мудрости человеколюбно вся строяй, / и полезное всем подаваяй, / едине Содетелю, упокой Господи, души раб Твоих: / на Тя бо упование возложиша, / Творца и Зиждителя и Бога нашего.
Слава, кондак: Со святыми упокой / Христе, души раб Твоих, / идеже несть болезнь, ни печаль, / ни воздыхание, / но жизнь безконечная.
И ныне, Богородичен: Блажим Тя вси роди, Богородице Дево, / в Тя бо невместимый Христос Бог наш, вместитися благоволи. / Блажени есмы и мы, Предстательство Тя имуще: / день бо и нощь молишися о нас, / и вся страна наша Твоими молитвами утверждается. / Тем воспевающе вопием Ти: / радуйся, Благодатная, Господь с Тобою.
Господи помилуй, 12.
И молитву сию:
Помяни Господи, в надежди Воскресения, жизни вечныя, усопшия отцы и братию нашу, и вся во благочестии и вере скончавшыяся, и прости им всякое согрешение, вольное же и невольное, словом, или делом, или помышлением согрешенное ими, и всели я в места светла, в места прохладна, в места покойна, отнюдуже отбеже всякая болезнь, печаль и воздыхание, идеже присещает свет лица Твоего, и веселит вся от века святыя Твоя. Даруй им и нам Царствие Твое, и причастие неизреченных и вечных Твоих благ, и Твоея безконечныя и блаженныя жизни наслаждение. Ты бо еси жизнь, и воскресение, и покой усопших рабов Твоих, Христе Боже наш, и Тебе славу возсылаем, со Безначальным Твоим Отцем, и Пресвятым и Благим и Животворящим Твоим Духом, ныне и присно и во веки веков, аминь.
Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша.

Упование мое Отец, прибежище мое Сын, покров мой Дух Святый, Троице Святая, слава Тебе.
Иерей: Слава Тебе, Христе Боже, упование наше, слава Тебе.
И мы: Слава, и ныне: Господи помилуй, трижды. Благослови.
Священник говорит отпуст малый:
Христос, истинный Бог наш, по молитвам Пречистой Своей Матери, преподобных и богоносных отцов наших и всех святых помилует и спасёт нас, как Благой и Человеколюбец.
Хор: Аминь.
И бывает отпуст от священника, и прощение, и прочая. [/spoiler]

Раб божий Константин

ПОЛУНОЩНИЦА ВОСКРЕСНАЯ
[spoiler]Иерей: Благословен Бог наш всегда, ныне и присно, и во веки веков.
И мы глаголем: Аминь.
Слава Тебе, Боже наш, слава Тебе.
Царю Небесный: Трисвятое. Пресвятая Троице: Отче наш: Иерей: Яко Твое есть Царство: Мы же: Аминь.
Господи, помилуй, 12. Слава, и ныне: Приидите, поклонимся: трижды.
Псалом 50:
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.

И абие глаголем троичный канон настоящего гласа, и по нем абие:
Припевы Григория Синаита:

Достойно есть яко воистинну, / славити Тя Бога Слова, / Егоже трепещут и трясутся Херувими, / и славословят Силы Небесныя, / воскресшаго тридневно из гроба / Христа Жизнодавца, страхом прославим.
Воспоим вси боголепно песньми Божественными, / Отца, и Сына, и Духа Божественнаго, / Триипостасную Державу, едино Царство и Господьство.
Юже поют вси земнороднии, / и славословят Силы Небесныя, / от всех верно поклоняемую, / Единицу по существу, Триипостасную.
Господоначальную Херувим / и Богоначальную без сравнения Серафим, / нераздельную Троицу во Единице, / сущее Богоначалие, Тя величаем.
Отцу Безначальному и Богу, / Собезначальному Слову со Духом покланяюся: / неразлучное едино соединяемое Существо, / тричисленную Единицу песньми почтим.
Лучезарная Твоя молния возсияй ми, / Боже мой, Триипостасне Вседетелю, / и дом мя покажи Твоея неприступныя славы, / светел и светоносен и неизменен.
Егоже трепещут и трясутся Херувими, / и славословят Ангельская Воинства, / от Девы неизреченно воплощшагося / Христа Жизнодавца, страхом прославим.
Таже: Трисвятое. Пресвятая Троице: Отче наш: Иерей: Яко Твое есть Царство: Мы же: Аминь.
Ипакои гласа.
Глас 1:
Разбойничо покаяние рай окраде, / плачь же мироносиц радость возвести, / яко воскресл еси, Христе Боже, / подаяй мiрови велию милость.
Глас 2:
По страсти шедша во гроб жены, / во еже помазати тело Твое, Христе Боже, / видеша Ангелы во гробе, и ужасошася: / глас бо слышаху от них, яко воскресе Господь, / даруя мiрови велию милость.
Глас 3:
Удивляя видением, / орошая глаголании, / блистаяйся Ангел мироносицам глаголаше: / что живаго ищете во гробе; / воста истощивый гробы. / Тли Пременителя разумейте Непременнаго. / Рцыте Богови: коль страшна дела Твоя, / яко род спасл еси человеческий.
Глас 4:
Яже Твоего преславнаго востания, предтекша мироносицы, / апостолом проповедаху Христе, / яко воскресл еси яко Бог, / подая мiрови велию милость.
Глас 5:
Ангельским зраком ум смущающа, / и Божественным востанием душею просвещаемы, / мvроносицы апостолом благовествоваху: / возвестите во языцех Воскресение, / Господу содействующу чудесы, / подающему нам велию милость.
Глас 6:
Вольною и животворящею Твоею смертию, Христе, / врата адова сокрушив, яко Бог, / отверзл еси нам древний рай, и воскрес из мертвых, / избавил еси от тления живот наш.
Глас 7:
Иже наш зрак восприемый, / и претерпевый Крест плотски, / спаси мя воскресением Твоим Христе Боже, / яко человеколюбец.
Глас 8:
Мvроносицы Жизнодавца предстояща гробу, / Владыку искаху в мертвых, Безсмертнаго, / и радость благовещения от Ангела приемша, апостолом возвещаху: / яко воскресе Христос Бог, / подаяй мiрови велию милость.
Господи помилуй, 40. Слава, и ныне:
Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.
Именем Господним благослови, отче.
Священник: Боже, ущедри ны и благослови ны, просвети лице Твое на ны и помилуй ны.
И мы: Аминь.
И молитва Пресвятей Троице,
творение Марка монаха:
Всемогущая и Животворящая Святая Троице и светоначальная, яже мiрную всякую и премiрную тварь, за едину благость от не сущих приведый, и промышляя и содержа. Иже по прочих Твоих неизреченных о земном роде благодеяниих, и покаяние нам ради плотскаго неможения до смерти даровавый: не остави нас окаянных в лукавых наших деяниих умрети, ниже злоначальнику и завистцу, и губителю посмешство быти. Зриши бо Благосерде, елик убо онаго на нас навет и вражда, елико же и наше страстование, и слабость, и небрежение. Но неоскудныя Твоя благости соделай на нас, молим на всякий день и час прогневающии Тя честных и животворных заповедей преступлением. И вся убо всего прешедшаго живота нашего, и до нынешняго часа согрешенная нами, в деяниих, или глаголаниих, или в помышлениих, остави и прости. Сподоби же нас, прочее скончати житие в покаянии, и умилении, и соблюдении святых Твоих повелений. Аще убо сладостию прельстившеся, многообразне согрешихом, или мерзкими похотьми неполезными и вредными обольстившеся препроводихом: аще гневом и яростию подвигшеся безсловесною, кого брата нашего оскорбихом, аще языком неизбежных и стропотных и крепких сетей объяхомся: аще коим чувств наших, или всеми, волею или неволею, ведуще или не ведуще, от восхищения, или поучения безумно поползохомся: аще же лукавыми помыслы и суетными совесть осквернихом: аще ли коим другим образом прегрешихом, от предприятия и обычая томими злаго: прости нам, и остави вся Всещедре, Преблаже и Многомилостиве: и даруй нам прочее бодрость и силу, во еже творити волю Твою благу, и благоугодну и совершенну: да нощнаго и мрачнаго зла, световидным покаянием пременшеся, и яко во дни благообразно ходяще, и очищени объявимся человеколюбию Твоему недостойнии, воспевающе Тя и величающе во веки, аминь.
Иерей: Слава Тебе, Христе Боже, упование наше, слава Тебе.
Мы же: Слава, и ныне: Господи помилуй, трижды. Благослови.
И бывает отпуст от священника:
Воскресый из мертвых, Христос, истинный Бог наш, молитвами Пречистыя Своея Матере, преподобных и богоносных отец наших, и всех святых, помилует и спасет нас, яко Благ и Человеколюбец.
И священник творит прощение.
Таже Помолимся о Великом господине, и прочая. [/spoiler]

Раб божий Константин

УТРЕНЯ
[spoiler]По обычнем начале глаголем: Молитвами святых отец наших, Господи, Иисусе Христе, Сыне Божий, помилуй нас.

Аминь.

Аще убо есть великая четыредесятница, глаголем: Трисвятое. Пресвятая Троице: Отче наш: Господи помилуй, 12. Слава, и ныне: Приидите, поклонимся: трижды, и два псалма.

Аще же ни: Приидите, поклонимся: трижды, и псалмы.

Сии псалмы глаголются в монастырех косно, за еже кадити священнику братию всю.

Услышит тя Господь в день печали, защитит тя Имя Бога Иаковля. Послет ти помощь от Святаго и от Сиона заступит тя. Помянет всяку жертву твою, и всесожжение твое тучно буди. Даст ти Господь по сердцу твоему и весь совет твой исполнит. Возрадуемся о спасении твоем и во имя Господа Бога нашего возвеличимся. Исполнит Господь вся прошения твоя. Ныне познах, яко спасе Господь христа Своего, услышит Его с Небесе Святаго Своего, в силах спасение десницы Его. Сии на колесницах, и сии на конех, мы же во имя Господа Бога нашего призовем. Тии спяти быша и падоша, мы же востахом и исправихомся. Господи, спаси царя и услыши ны, воньже аще день призовем Тя.

Господи, силою Твоею возвеселится царь и о спасении Твоем возрадуется зело. Желание сердца его дал еси ему, и хотения устну его неси лишил его. Яко предварил еси его благословением благостынным, положил еси на главе его венец от камене честна. Живота просил есть у Тебе, и дал еси ему долготу дний во век века. Велия слава его спасением Твоим, славу и велелепие возложиши на него. Яко даси ему благословение во век века, возвеселиши его радостию с лицем Твоим. Яко царь уповает на Господа, и милостию Вышняго не подвижится. Да обрящется рука Твоя всем врагом Твоим, десница Твоя да обрящет вся ненавидящыя Тебе. Яко положиши их яко пещь огненную во время лица Твоего, Господь гневом Своим смятет я, и снесть их огнь. Плод их от земли погубиши, и семя их от сынов человеческих. Яко уклониша на Тя злая, помыслиша советы, ихже не возмогут составити. Яко положиши я хребет, во избытцех Твоих уготовиши лице их. Вознесися, Господи, силою Твоею, воспоем и поем силы Твоя.

Слава, и ныне:

Трисвятое. Пресвятая Троице: Отче наш:

И тропари сия:

Спаси Господи люди Твоя, и благослови достояние Твое, победы на сопротивныя даруя, и Твое сохраняя крестом Твоим жительство.

Слава: Вознесыйся на крест волею тезоименитому Твоему новому жительству щедроты Твоя даруй Христе Боже: возвесели нас силою Твоею, победы дая нам на сопостаты, пособие имущым Твое оружие мира, непобедимую победу.

И ныне: Предстательство страшное и непостыдное, не презри Благая молитв наших, Всепетая Богородице, утверди православных жительство: спаси верныя люди Твоя, и подаждь им с небесе победу, зане родила еси Бога, едина благословенная.

Господи помилуй (12).

Слава Отцу и Сыну и Святому Духу, и ныне, и присно, и во веки веков. Аминь.

И начинаем шестопсалмие, со всяким молчанием и умилением слушающе: учиненный же брат со благоговением и страхом Божиим глаголет: Слава в вышних Богу, и на земли мир, в человецех благоволение. Трижды.

Господи, устне мои отверзеши, и уста моя возвестят хвалу твою. Дважды.

[Псалом 3] Господи, что ся умножиша стужающии ми; мнози востают на мя, мнози глаголют души моей: несть спасения ему в Бозе его. Ты же, Господи, заступник мой еси, слава моя, и возносяй главу мою. Гласом моим ко Господу воззвах, и услыша мя от горы святыя Своея. Аз уснух, и спах, востах, яко Господь заступит мя. Не убоюся от тем людей, окрест нападающих на мя. Воскресни, Господи, спаси мя, Боже мой, яко Ты поразил ecи вся враждующыя ми всуе: зубы грешников сокрушил ecu. Господне есть спасение, и на людех Твоих благословение Твое.
Аз уснух, и спах, востах, яко Господь заступит мя.

[Псалом 37] Господи, да не яростию Твоею обличиши мене, ниже гневом Твоим накажеши мене. Яко стрелы Твоя унзоша во мне, и утвердил еси на мне руку Твою. Несть исцеления в плоти моей от лица гнева Твоего, несть мира в костех моих от лица грех моих. Яко беззакония моя превзыдоша главу мою, яко бремя тяжкое отяготеша на мне. Возсмердеша и согниша раны моя от лица безумия моего. Пострадах и слякохся до конца, весь день сетуя хождах. Яко лядвия моя наполнишася поруганий, и несть исцеления в плоти моей. Озлоблен бых и смирихся до зела, рыках от воздыхания сердца моего. Господи, пред Тобою все желание мое и воздыхание мое от Тебе не утаися. Сердце мое смятеся, остави мя сила моя, и свет очию моею, и той несть со мною. Друзи мои и искреннии мои прямо мне приближишася и сташа, и ближнии мои отдалече мене сташа и нуждахуся ищущии душу мою, и ищущии злая мне глаголаху суетная и льстивным весь день поучахуся. Аз же яко глух не слышах и яко нем не отверзаяй уст своих. И бых яко человек не слышай и не имый во устех своих обличения. Яко на Тя, Господи, уповах, Ты услышиши, Господи Боже мой. Яко рех: да не когда порадуют ми ся врази мои: и внегда подвижатися ногам моим, на мя велеречеваша. Яко аз на раны готов, и болезнь моя предо мною есть выну. Яко беззаконие мое аз возвещу и попекуся о гресе моем. Врази же мои живут и укрепишася паче мене, и умножишася ненавидящии мя без правды. Воздающии ми злая воз благая оболгаху мя, зане гонях благостыню. Не остави мене, Господи Боже мой, не отступи от мене. Вонми в помощь мою, Господи спасения моего.
Не остави мене, Господи Боже мой, не отступи от мене. Вонми в помощь мою, Господи спасения моего.

[Псалом 62] Боже, Боже мой, к Тебе утренюю, возжада Тебе душа моя, коль множицею Тебе плоть моя, в земли пусте и непроходне, и безводне. Тако во святем явихся Тебе, видети силу Твою и славу Твою. Яко лучши милость Твоя паче живот, устне мои похвалите Тя. Тако благословлю Тя в животе моем, о имени Твоем воздежу руце мои. Яко от тука и масти да исполнится душа моя, и устнама радости восхвалят Тя уста моя. Аще поминах Тя на постели моей, на утренних поучахся в Тя. Яко был еси Помощник мой, и в крове крилу Твоею возрадуюся. Прильпе душа моя по Тебе, мене же прият десница Твоя. Тии же всуе искаша душу мою, внидут в преисподняя земли, предадятся в руки оружия, части лисовом будут. Царь же возвеселится о Бозе, похвалится всяк кленыйся Им, яко заградишася уста глаголющих неправедная.
На утренних поучахся в Тя. Яко был еси Помощник мой, и в крове крилу Твоею возрадуюся. Прильпе душа моя по Тебе, мене же прият десница Твоя.

Слава, и ныне: Аллилуиа, аллилуиа, аллилуиа, слава Тебе Боже. Трижды, без поклонов.

Господи помилуй, трижды: Слава, и ныне:

[Псалом 87] Господи Боже спасения моего, во дни воззвах, и в нощи пред Тобою. Да внидет пред Тя молитва моя: приклони ухо Твое к молению моему, яко исполнися зол душа моя, и живот мой аду приближися. Привменен бых с низходящими в ров, бых яко человек без помоши, в мертвых свободь, яко язвеннии спяшии во гробе, ихже не помянул еси ктому, и тии от руки Твоея отриновени быша. Положиша мя в рове преисподнем, в темных и сени смертней. На мне утвердися ярость Твоя, и вся волны Твоя навел еси на мя. Удалил еси знаемых моих от мене, положиша мя мерзость себе: предан бых и не исхождах. Очи мои изнемогосте от нищеты, воззвах к Тебе, Господи, весь день, воздех к Тебе руце мои. Еда мертвыми твориши чудеса? Или врачеве воскресят, и исповедятся Тебе? Еда повесть кто во гробе милость Твою, и истину Твою в погибели? Еда познана будут во тме чудеса Твоя, и правда Твоя в земли забвенней? И аз к Тебе, Господи, воззвах и утро молитва моя предварит Тя. Вскую, Господи, отрееши душу мою, отвращаеши лице Твое от мене? Нищ есмь аз, и в трудех от юности моея; вознес же ся, смирихся, и изнемогох. На мне преидоша гневи Твои, устрашения Твоя возмутиша мя, обыдоша мя яко вода, весь день одержаша мя вкупе. Удалил еси от мене друга и искренняго, и знаемых моих от страстей.
Господи Боже спасения моего, во дни воззвах, и в нощи пред Тобою. Да внидет пред Тя молитва моя: приклони ухо Твое к молению моему

[Псалом 102] Благослови, душе моя, Господа, и вся внутренняя моя имя святое Его. Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя: Щедр и Милостив Господь, Долготерпелив и Многомилостив. Не до конца прогневается, ниже во век враждует, не по беззаконием нашим сотворил есть нам, ниже по грехом нашым воздал есть нам. Яко по высоте небесней от земли, утвердил есть Господь милость Свою на боявшихся Его. Елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся Его. Яко той позна создание наше, помяну, яко персть есмы. Человек, яко трава дние его, яко цвет сельный, тако оцветет, яко дух пройде в нем, и не будет, и не познает ктому места своего. Милость же Господня от века и до века на боящихся Его, и правда Его на сынех сынов, хранящих завет Его, и помнящих заповеди Его творити я. Господь на Небеси уготова Престол Свой, и Царство Его всеми обладает. Благословите Господа вси Ангели Его, сильнии крепостию, творящии слово Его, услышати глас словес Его. Благословите Господа вся силы Его, слуги Его, творящии волю Его. Благословите Господа вся дела Его, на всяком месте владычества Его, благослови, душе моя. Господа.
На всяком месте владычества Его, благослови, душе моя. Господа.[/spoiler]

Раб божий Константин

[spoiler][Псалом 142] Господи, услыши молитву мою, внуши моление мое во истине Твоей, услыши мя в правде Твоей и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящым в ров. Слышану сотвори мне заутра милость Твою, яко на Тя уповах. Скажи мне, Господи, путь воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой Благий наставит мя на землю праву. Имене Твоего ради, Господи, живиши мя, правдою Твоею изведеши от печали душу мою. И милостию Твоею потребиши враги моя и погубиши вся стужающыя души моей, яко аз раб Твой есмь.
Слава, и ныне: Аллилуиа, аллилуиа, аллилуиа, слава Тебе Боже. Трижды (с поклонами).

Господи, помилуй, 12.

Слава, и ныне.

И абие поется во глас тропаря, настоящаго дне святаго: Бог Господь, и явися нам, благословен Грядый во имя Господне.

Стих 1: Исповедайтеся Господеви. яко благ, яко в век милость его.

Стих 2: Обышедше обыдоша мя, и именем Господним противляхся им.

Стих 3: Не умру, но жив буду, и повем дела Господня.

Стих 4: Камень, егоже небрегоша зиждущии, сей бысть во главу угла: от Господа бысть сей, и есть дивен во очесех наших.

Таже глаголем тропарь прилучившагося праздника, или святаго, или воскресный прилучившагося гласа дважды, и Богородичен в тойже глас. Певаему же Бог Господь: отходит канонарх, и стоит посреде храма откровенною главою и глаголет тихо вышеписанныя стихи: стоит же тамо, дондеже начнут певцы Богородичен. Таже покланяется на немже стоит месте, и обращься покланяется к ликом, и отходит: тако творит, и егда есть аллилуиа. Аще же есть аллилуиа или великая 40-ца, вместо Бог Господь, поем аллилуиа, трижды, во глас осмогласника.

Стихи же глаголются сия:

Стих 1: От нощи утренюет дух мой к Тебе Боже: зане свет повеления Твоя на земли.

Стих 2: Правде научитеся живущии на земли.

Стих 3: Зависть приимет люди ненаказанныя.

Стих 4: Приложи им зла Господи, приложи зла славным земли.

И абие Троичны гласа, кийждо по единощи.

Таже стихословим псалтирь и седальны по чину их: и пятьдесятый псалом, каноны со стихословием.

На 9-й песни поем песнь Пресвятыя Богородицы:

Величит душа моя Господа, и возрадовася дух мой о Бозе Спасе моем.

Яко призре на смирение Рабы Своея, се бо от ныне ублажат Мя вси роди.

Яко сотвори Мне величие Сильный, и свято Имя Его, и милость Его в роды родов Боящымся Его.

Сотвори державу мышцею Своею, расточи гордыя мыслию сердца их.

Низложи сильныя со престол, и вознесе смиренныя: алчущыя исполни благ, и богатящыяся отпусти тщы.

Восприят Израиля отрока Своего, помянути милости, якоже глагола ко отцем нашым, Аврааму и семени его даже до века.

К коемуждо стиху припеваем: Честнейшую херувим:

Таже 9-я песнь канона. Аще убо несть неделя, по ирмосе: Достойно есть: Аще же есть неделя, или полиелей пет, по катавасии ектениа: Свят Господь Бог наш. Трижды. И утренний ексапостиларий.

Аще же есть четыредесятница, глаголем светильны в прилучившийся глас. Аще же ни, ексапостиларий дне, и абие хвалитны. Аще убо есть неделя, или Владычний праздник, или святый, имеяй великое славословие, поется сице, Всякое дыхание, в прилучившийся глас:

Всякое дыхание да хвалит Господа.

Хвалите Господа с небес, хвалите его в вышних.

Тебе подобает песнь Богу.

Аще же иный день, сице:

Первый лик: Хвалите Господа с небес.

Тебе подобает песнь Богу.

Тойже лик: Хвалите Господа с небес, хвалите его в вышних.

Тебе подобает песнь Богу.

Вторый лик: Хвалите его вси ангели его, хвалите его вся силы его.

Тебе подобает песнь Богу.

[Псалом 148] Хвалите Его солнце и луна, хвалите Его вся звезды и свет. Хвалите Его небеса небес, и вода яже превыше небес, да восхвалят Имя Господне. Яко Той рече, и быша: Той повеле, и создашася. Постави я в век, и в век века: повеление положи, и не мимо идет. Хвалите Господа от земли змиеве, и вся бездны: Огнь, град, снег, голоть, дух бурен, творящая слово его: Горы и вси холми, древа плодоносна, и вси кедри: зверие и вси скоти, гади и птицы пернаты: царие земстии, и вси людие, князи, и вси судии земстии: Юноши и девы, старцы с юнотами да восхвалят Имя Господне: яко вознесеся Имя Того Единаго. Исповедание его на земли и на небеси, и вознесет рог людей Своих. Песнь всем преподобным его, сыновом Израилевым, людем приближающымся Ему.

[Псалом 149] Воспойте Господеви песнь нову, хваление его в церкви преподобных. Да возвеселится Израиль о Сотворшем его, и сынове Сиони возрадуются о Царе своем: да восхвалят Имя Его в лице, в тимпане и псалтири да поют Ему. Яко благоволит Господь в людех Своих, и вознесет кроткия во спасение. Восхвалятся преподобнии во славе, и возрадуются на ложах своих. Возношения Божия в гортани их, и мечи обоюду остры в руках их: Сотворити отмщение во языцех, обличения в людех: Связати цари их путы, и славныя их ручными оковы железными.

От зде начинаем стихиры на 6:

Сотворити в них суд написан: слава сия будет всем преподобным Его.

[Псалом 150] Хвалите Бога во святых Его, хвалите Его во утвержении силы Его.

На 4: Хвалите Его на силах его, хвалите Его по множеству величествия Его. Хвалите Его во гласе трубнем, хвалите Его во псалтири и гуслех. Хвалите Его в тимпане и лице, хвалите Его во струнах и органе. Хвалите Его в кимвалех доброгласных. Хвалите Его в кимвалех восклицания. Всякое дыхание да хвалит Господа.

Аще есть неделя, по стихирах, Слава, стихира евангельская. И ныне, настоящий Богородичен:

Преблагословенна еси Богородице Дево, воплощшим бо ся из Тебе ад пленися, Адам воззвася, клятва потребися, Ева свободися, смерть умертвися, и мы ожихом. тем воспевающе вопием: благословен Христос Бог благоволивый тако, слава Тебе.


Слава Тебе Показавшему нам свет.

Слава в вышних Богу, и на земли мир, в человецех благоволение. Хвалим Тя, благословим Тя, кланяем Ти ся, славословим Тя, благодарим Тя великия ради славы Твоея. Господи Царю Небесный, Боже Отче Вседержителю, Господи Сыне Единородный Иисусе Христе, и Святый Душе. Господи Боже, Агнче Божий, Сыне Отечь, вземляй грех мiра, помилуй нас: вземляй грехи мiра, приими молитву нашу: Седяй одесную Отца, помилуй нас. Яко Ты еси Един Свят, Ты еси Един Господь, Иисус Христос, во славу Бога Отца, аминь.

На всяк день благословлю Тя, и восхвалю имя Твое во веки, и в век века.

Сподоби Господи в день сей без греха сохранитися нам. Благословен еси Господи, Боже отец наших, и хвально и прославлено Имя Твое во веки, аминь.

Буди Господи, милость Твоя на нас, якоже уповахом на Тя.

Благословен еси Господи, научи мя оправданием Твоим. Трижды.

Господи, прибежище был еси нам в род и род. аз рех: Господи, помилуй мя, исцели душу мою, яко согреших Тебе.

Господи, к Тебе прибегох, научи мя творити волю Твою, яко Ты еси Бог мой: яко у Тебе источник живота, во свете Твоем узрим свет. Пробави милость Твою ведущым Тя.

Святый Боже, Святый Крепкий, Святый Безсмертный, помилуй нас. Трижды.

Слава, и ныне: Святый Безсмертный, помилуй нас.

Таже высочайшим гласом: Святый Боже, Святый Крепкий, Святый Безсмертный, помилуй нас.

И по скончании славословия глаголем отпустительный случившийся, и Богородичен.

Аще же есть неделя, глаголем тропарь воскресный. И в первый убо глас, 3, 5, 7, глаголем сей: Днесь спасение мiру бысть, поем Воскресшему из гроба, и Начальнику жизни нашея: разрушив бо смертию смерть, победу даде нам и велию милость.

Во глас же 2, 4, 6, 8 глаголем сей: Воскрес из гроба, и узы растерзал еси ада, разрушил еси осуждение смерти Господи, вся от сетей врага избавивый: явивый же себе апостолом Твоим, послал еси я на проповедь, и теми мир Твой подал еси вселенней, Едине Многомилостиве.


Аще же есть четыредесятница, или ин день, не имеяй славословия великаго: по хвалитех, Слава, и ныне, глаголет учиненный брат: Тебе слава подобает, Господи Боже наш, и Тебе славу возсылаем, Отцу, и Сыну, и Святому Духу, ныне и присно, и во веки веков, аминь.

Слава Тебе Показавшему нам свет.

Слава в вышних Богу, и на земли мир, в человецех благоволение. Хвалим Тя, благословим Тя, кланяем Ти ся, славословим Тя, благодарим Тя великия ради славы Твоея. Господи Царю Небесный, Боже Отче Вседержителю, Господи Сыне Единородный Иисусе Христе, и Святый Душе. Господи Боже, Агнче Божий, Сыне Отечь, вземляй грех мiра, помилуй нас: вземляй грехи мiра, приими молитву нашу: Седяй одесную Отца, помилуй нас. Яко Ты еси Един Свят, Ты еси Един Господь, Иисус Христос, во славу Бога Отца, аминь.

На всяк день благословлю Тя, и восхвалю Имя Твое во веки, и в век века.

Господи, прибежище был еси нам в род и род. Аз рех: Господи, помилуй мя, исцели душу мою, яко согреших Тебе. Господи, к Тебе прибегох, научи мя творити волю Твою, яко Ты еси Бог мой: яко у Тебе источник живота, во свете Твоем узрим свет. Пробави милость Твою ведущым Тя.

Таже: Сподоби Господи, в день сей без греха сохранитися нам. Благословен еси Господи Боже отец наших, и хвально и прославлено Имя Твое во веки, аминь.

Буди Господи, милость Твоя на нас, якоже уповахом на Тя. Благословен еси Господи, научи мя оправданием Твоим. благословен еси Владыко, вразуми мя оправданием Твоим. Благословен еси Святый, просвети мя оправдании Твоими.

Господи, милость Твоя во век, дел руку Твоею не презри: Тебе подобает хвала, Тебе подобает пение, Тебе слава подобает, Отцу, и Сыну, и Святому Духу, ныне и присно, и во веки веков, аминь.

Господи помилуй, 12.

Таже осмогласника стихиры, аще несть Владычний праздник.

Стих 1: Исполнихомся заутра милости Твоея Господи, и возрадовахомся, и возвеселихомся: во вся дни нашя возвеселихомся, за дни в няже смирил ны еси, лета в няже видехом злая. И призри на рабы Твоя, и на дела Твоя, и настави сыны их.

Стих 2: И буди светлость Господа Бога нашего на нас, и дела рук наших исправи на нас, и дело рук наших исправи.

Слава, и ныне: аще имать.

Таже: Благо есть исповедатися Господеви, и пети Имени Твоему, Вышний: возвещати заутра милость Твою, и истину Твою на всяку нощь.

Трисвятое. По Отче наш: Тропарь дне.

Слава, и ныне, Богородичен. Господи помилуй, 40. И прочая.


Аще есть четыредесятница: Благо есть исповедатися: дважды.

Трисвятое. По Отче наш:

В храме стояще славы Твоея, на небеси стояти мним, Богородице, дверь небесная, отверзи нам двери милости Твоея.

Таже, Господи помилуй, 40.

Слава, и ныне: Честнейшую херувим: Именем Господним благослови, отче.

Молитвами святых отец наших:

И мы глаголем: Небесный Царю, веру утверди, языки укроти, мир умири, святый храм сей [святую обитель сию] добре сохрани: прежде отшедшыя отцы и братию нашу в селениих праведных учини, и нас в покаянии и исповедании приими, яко Благий и Человеколюбец.

Посем поклоны великия три, глаголюще в них на коемждо поклоне молитву преподобнаго Ефрема: Господи и Владыко живота моего: Писана в полунощнице.

По сих же и иных малых, 12.

Таже паки ин поклон великий един, глаголюще и в нем предписанную молитву: и по еже востати нам, начинает предстоятель первый час.[/spoiler]

Раб божий Константин

Час первый
[spoiler]Приидите, поклонимся: трижды.

Псалом 5

Глаголы моя внуши, Господи, разумей звание мое. Вонми гласу моления моего, Царю мой и Боже мой, яко к Тебе помолюся, Господи. Заутра услыши глас мой, заутра предстану Ти, и узриши мя. Яко Бог не хотяй беззакония Ты еси: не приселится к Тебе лукавнуяй, ниже пребудут беззаконницы пред очима Твоима: возненавидел еси вся делающия беззаконие. Погубиши вся глаголющия лжу: мужа кровей и льстива гнушается Господь. Аз же множеством милости Твоея вниду в дом Твой, поклонюся ко храму святому Твоему в страсе Твоем. Господи, настави мя правдою Твоею, враг моих ради исправи пред Тобою путь мой. Яко несть во устех их истины, сердце их суетно, гроб отверст гортань их: языки своими льщаху. Суди им, Боже, да отпадут от мыслей своих, по множеству нечестия их изрини я, яко преогорчиша Тя, Господи. И да возвеселятся вси уповающие на Тя, во век возрадуются, и вселишися в них, и похвалятся о Тебе любящие Имя Твое. Яко Ты благословиши праведника, Господи, яко оружием благословения венчал еси нас.

Псалом 89

Господи, прибежище был еси нам в род и род. Прежде даже горам не быти и создатися земли и вселенней, и от века и до века Ты еси. Не отврати человека во смирение и рекл еси: обратитеся, сынове человечестии. Яко тысяща лет пред очима Твоима, Господи, яко день вчерашний, иже мимо иде, и стража нощная. Уничижения их лета будут: утро, яко трава, мимо идет, утро процветет и прейдет: на вечер отпадет, ожестеет и изсхнет: яко исчезохом гневом Твоим, и яростию Твоею смутихомся. Положил еси беззакония наша пред Тобою, век наш в просвещение лица Твоего. Яко вси дние наша оскудеша, и гневом Твоим исчезохом: лета наша яко паучина поучахуся: дние лет наших, в нихже седмьдесят лет, аще же в силах, осмьдесят лет, и множае их труд и болезнь: яко прииде кротость на ны, и накажемся. Кто весть державу гнева Твоего, и от страха Твоего ярость Твою изчести? Десницу Твою тако скажи ми, и окованныя сердцем в мудрости. Обратися, Господи, доколе? и умолен буди на рабы Твоя. Исполнихомся заутра милости Твоея, Господи, и возрадовахомся, и возвеселихомся: во вся дни нашя возвеселихомся, за дни, в няже смирил ны еси, лета, в няже видехом злая. И призри на рабы Твоя и на дела Твоя, и настави сыны их. И буди светлость Господа Бога нашего на нас, и дела рук наших исправи на нас, и дело рук наших исправи.

Псалом 100

Милость и суд воспою Тебе, Господи. Пою и разумею в пути непорочне, когда приидеши ко мне? Прехождах в незлобии сердца моего посреде дому моего. Не предлагах пред очима моима вещь законопреступную: творящия преступления возненавидех. Не прильпе мне сердце строптиво, уклоняющагося от мене лукаваго не познах. Оклеветающаго тай искренняго своего, сего изгонях. Гордым оком и несытым сердцем, с сим не ядях. Очи мои на верныя земли, посаждати я со мною: ходяй по пути непорочну, сей ми служаше. Не живяше посреде дому моего творяй гордыню, глаголай неправедная, не исправляше пред очима моима. Во утрия избивах вся грешныя земли, еже потребити от града Господня вся делающия беззакония.

Слава, и ныне: Аллилуиа, трижды. Поклоны 3.

Господи, помилуй, трижды.

Слава, тропарь праздника или святаго.

И ныне, Богородичен: Что Тя наречем:

Аще же Аллилуиа, глаголем сей тропарь, глас 6:

Заутра услыши глас мой, Царю мой и Боже мой.

Стих 1: Глаголы моя внуши, Господи, разумей звание мое.

Стих 2: Яко к Тебе помолюся, Господи.

К сим же стихом припеваем: Заутра услыши глас мой: весь до конца, и покланяемся по единожды.

Слава, и ныне, Богородичен:

Что Тя наречем, о Благодатная; Небо, яко возсияла еси Солнце правды: рай, яко прозябла еси Цвет нетления: Деву, яко пребыла еси Нетленна: Чистую Матерь, яко имела еси на святых своих объятиях Сына, всех Бога. Того моли спастися душам нашим.

Стопы моя направи по словеси Твоему, и да не обладает мною всякое беззаконие. Избави мя от клеветы человеческия, и сохраню заповеди Твоя. Лице Твое просвети на раба Твоего, и научи мя оправданием Твоим.

Да исполнятся уста моя хваления Твоего, Господи, яко да воспою славу Твою, весь день великолепие Твое.

Сии стихи в 40-це како поются, писано в Триоди.

Трисвятое. По Отче наш:

 

И кондак праздника, или святаго. Аще же аллилуиа, глаголем убо в понедельник, и во вторник, и в четверток, сей Богородичен:

Преславную Божию Матерь, и святых Ангел Святейшую, немолчно воспоем сердцем и усты, Богородицу Сию исповедающе, яко воистинну Рождшую Бога Воплощенна, и молящуся непрестанно о душах наших.

В среду же и пяток глаголем сие:

Скоро предвари, прежде даже не поработимся врагом хулящим Тя, и претящим нам, Христе Боже наш, погуби Крестом Твоим борющия нас, да уразумеют, како может православных вера, молитвами Богородицы, Едине Человеколюбче.

В субботу сей:

Яко начатки естества, Насадителю твари, вселенная приносит Ти, Господи, Богоносныя мученики: тех молитвами в мире глубоце Церковь Твою, жительство Твое, Богородицею соблюди, Многомилостиве.

Господи, помилуй, 40.

Иже на всякое время:

Господи, помилуй, трижды.

Слава, и ныне:

Честнейшую Херувим:

Молитвами святых отец наших:

И аще Аллилуиа, творим поклоны великия и малыя по предписанному.

Таже: Трисвятое. Пресвятая Троице: Отче наш:

Господи, помилуй, 12.

И молитву:

Христе, Свете Истинный, Просвещаяй и Освящаяй всякаго человека, грядущаго в мiр, да знаменается на нас свет лица Твоего, да в нем узрим Свет Неприступный: и исправи стопы нашя к деланию заповедей Твоих, молитвами Пречистыя Твоея Матере, и всех Твоих святых, аминь.

Слава, и ныне: Господи, помилуй, трижды. Господи, благослови.

И отпуст. [/spoiler]

Раб божий Константин

Час третий
[spoiler]Молитвами святых отец наших:

Аминь.

Слава Тебе, Боже наш, слава Тебе.

Царю Небесный. Трисвятое. Пресвятая Троице. Отче наш:

Господи, помилуй, 12 раз.

Слава, и ныне.

Приидите, поклонимся, трижды. И псалмы:

Псалом 16.

Услыши, Господи, правду мою, вонми молению моему. Внуши молитву мою не во устнах льстивых. От лица Твоего судьба моя изыдет, очи мои да видита правоты. Искусил еси сердце мое, посетил еси нощию, искусил мя еси и не обретеся во мне неправда. Яко да не возглаголют уста моя дел человеческих, за словеса устен Твоих аз сохраних пути жестоки. Соверши стопы моя во стезях Твоих, да не подвижутся стопы моя. Аз воззвах, яко услышал мя еси, Боже, приклони ухо Твое мне, и услыши глаголы моя. Удиви милости Твоя, спасаяй уповающия на Тя от противящихся деснице Твоей. Сохрани мя, Господи, яко зеницу ока, в крове крилу Твоею покрыеши мя. От лица нечестивых, острастших мя, врази мои душу мою одержаша. Тук свой затвориша, уста их глаголаше гордыню. Изгонящии мя ныне обыдоша мя, очи свои возложиша уклонити на землю. Объяша мя, яко лев, готов на лов и яко скимен, обитаяй в тайных. Воскресни, Господи, предвари я и запни им, избави душу мою от нечестиваго, оружие Твое от враг руки Твоея. Господи, от малых от земли, раздели я в животе их, и сокровенных Твоих исполнися чрево их, насытишася сынов, и оставиша останки младенцем своим. Аз же правдою явлюся лицу Твоему, насыщуся, внегда явити ми ся славе Твоей.

Псалом 24

К Тебе, Господи, воздвигох душу мою, Боже мой, на Тя уповах, да не постыжуся во век, ниже да посмеют ми ся врази мои, ибо вси терпящии Тя не постыдятся. Да постыдятся беззаконнующии вотще. Пути Твоя, Господи, скажи ми, и стезям Твоим научи мя. Настави мя на истину Твою и научи мя, яко Ты еси Бог Спас мой, и Тебе терпех весь день. Помяни щедроты Твоя, Господи, и милости Твоя, яже от века суть. Грех юности моея и неведения моего не помяни, по милости Твоей помяни мя Ты ради благости Твоея, Господи. Благ и прав Господь, сего ради законоположит согрешающим на пути. Наставит кроткия на суд, научит кроткия путем Своим. Вси путие Господни милость и истина, взыскающым завета Его и свидения Его. Ради Имене Твоего, Господи, и очисти грех мой, мног бо есть. Кто есть человек бояйся Господа? Законоположит ему на пути, егоже изволи. Душа его во благих водворится, и семя его наследит землю. Держава Господь боящихся Его и завет Его явит им. Очи мои выну ко Господу, яко Той исторгнет от сети нозе мои. Призри на мя и помилуй мя, яко единород и нищ есмь аз. Скорби сердца моего умножишася, от нужд моих изведи мя. Виждь смирение мое и труд мой и остави вся грехи моя. Виждь враги моя, яко умножишася, и ненавидением неправедным возненавидеша мя. Сохрани душу мою, и избави мя, да не постыжуся, яко уповах на Тя. Незлобивии и правии прилепляхуся мне, яко потерпех Тя, Господи. Избави, Боже, Израиля от всех скорбей его.

Псалом 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззакония моя аз знаю и грех мой предо мною есть выну. Тебе Единому согреших, и лукавая пред Тобою сотворих, яко да оправдишися во словесех Твоих и победиши, внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твой. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен, сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая, тогда возложат на олтарь Твой тельцы.

Слава, и ныне: Аллилуиа, трижды.

Господи, помилуй, трижды. Слава, тропарь дне.

И ныне, Богородичен: Богородице, Ты еси Лоза:

Аще же Аллилуиа, глаголи сей тропарь, глас 6:

Господи, Иже Пресвятаго Твоего Духа в третий час Апостолом Твоим Низпославый: Того, Благий, не отыми от нас, но обнови нас, молящих Ти ся.

Стих 1: Сердце чисто созижди во мне, Боже, и дух прав обнови во утробе моей.

Стих 2: Не отвержи мене от лица Твоего, и Духа Твоего Святаго не отыми от мене.

К сим же стихом припеваем: Господи, Иже Пресвятаго Твоего Духа: весь до конца, и покланяемся по единожды.

Таже, Слава, и ныне, Богородичен:

Богородице, Ты еси Лоза Истинная, Возрастившая нам Плод Живота, Тебе молимся, молися Владычице, со святыми Апостолы, помиловати души наша.

Господь Бог благословен, благословен Господь день дне, поспешит нам Бог спасений наших, Бог наш, Бог спасати.

Трисвятое. По Отче наш:

Кондак праздника, или святаго.

Аще же пост, глаголем сия тропари, глас 8:

Благословен еси Христе Боже наш, Иже премудры ловцы Явлей, низпослав им Духа Святаго, и теми Уловлей вселенную, Человеколюбче, слава Тебе.

Слава: Скорое и известное даждь утешение рабом Твоим, Иисусе, внегда унывати духом нашим, не разлучайся от душ наших в скорбех, не удаляйся от мыслей наших во обстояниих, но присно нас предвари, приближися нам, приближися везде Сый, якоже со Апостолы Твоими всегда еси, сице и Тебе желающым соедини Себе, Щедре, да совокуплени Тебе поем и славословим Всесвятаго Духа Твоего.

И ныне: Надежда, и Предстательство, и Прибежище Христиан, Необоримая Стено, изнемогающим Пристанище Небурное, Ты еси Богородице Пречистая: но яко мiр Спасающая непрестаннною Твоею молитвою, помяни нас, Дево Всепетая.

Господи, помилуй, 40.

Иже на всякое время:

Господи, помилуй, трижды.

Слава, и ныне: Честнейшую Херувим:

Молитвами святых отец наших:

И аще Аллилуиа, творим поклоны, якоже предписася, потом молитву сию, святаго Мардариа:

Владыко Боже Отче Вседержителю, Господи Сыне Единородный Иисусе Христе, и Святый Душе, Едино Божество, Едина Сила, помилуй мя грешнаго, и имиже веси судьбами, спаси мя, недостойнаго раба Твоего, яко благословен еси во веки веков, аминь. [/spoiler]

Раб божий Константин

Час шестый
[spoiler]Приидите, поклонимся: трижды.

И псалмы: псалом 53.

Боже, во Имя Твое спаси мя, и в силе Твоей суди ми. Боже, услыши молитву мою, внуши глаголы уст моих. Яко чуждии восташа на мя и крепцыи взыскаша душу мою, и не предложиша Бога пред собою. Се бо Бог помогает ми, и Господь заступник души моей. Отвратит злая врагом моим, истиною Твоею потреби их. Волею пожру Тебе, исповемся имени Твоему, Господи, яко благо, яко от всякия печали избавил мя еси, и на враги моя воззре око мое.

Псалом 54:

Внуши, Боже, молитву мою и не презри моления моего. Вонми ми и услыши мя: возскорбех печалию моею и смятохся. От гласа вражия и от стужения грешнича, яко уклониша на мя беззаконие и во гневе враждоваху ми. Сердце мое смятеся во мне и боязнь смерти нападе на мя. Страх и трепет прииде на мя и покры мя тьма. И рех: кто даст ми криле, яко голубине? И полещу, и почию? Се удалихся бегая и водворихся в пустыни. Чаях Бога, спасающаго мя от малодушия и от бури. Потопи, Господи, и раздели языки их: яко видех беззаконие и пререкание во граде. Днем и нощию обыде и по стенам его. Беззаконие и труд посреде его и неправда. И не оскуде от стогн его лихва и лесть. Яко аще бы враг поносил ми, претерпел бых убо, и аще бы ненавидяй мя на мя велеречевал, укрыл бых ся от него. Ты же, человече равнодушне, владыко мой и знаемый мой, иже купно наслаждался еси со мною брашен, в дому Божии ходихом единомышлением. Да приидет же смерть на ня, и да снидут во ад живи, яко лукавство в жилищах их, посреде их. Аз к Богу воззвах, и Господь услыша мя. Вечер и заутра, и полудне повем, и возвещу, и услышит глас мой. Избавит миром душу мою от приближающихся мне, яко во мнозе бяху со мною. Услышит Бог и смирит я, Сый прежде век. Несть бо им изменения, яко не убояшася Бога. Простре руку свою на воздаяние, оскверниша завет Его. Разделишася от гнева лица Его, и приближишася сердца их, умякнуша словеса их паче елеа, и та суть стрелы. Возверзи на Господа печаль твою, и Той тя препитает, не даст в век молвы праведнику. Ты же, Боже, низведеши их во студенец истления, мужие кровей и льсти не преполовят дней своих. Аз же, Господи, уповаю на Тя.

Псалом 90.

Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходяшия, от сряща, и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его, и прославлю его, долготою дней исполню его, и явлю ему спасение Мое.

Слава, и ныне: Аллилуиа, трижды. Господи, помилуй, трижды. И тропарь дне.

Аще же Аллилуиа, сей тропарь, глас 2:

Иже в шестый день же и час, на кресте Пригвождей в раи дерзновенный Адамов грех, и согрешений наших рукописание раздери, Христе Боже, и спаси нас.

Стих 1: Внуши Боже молитву мою, и не презри моления моего.

Стих 2: Аз к Богу воззвах, и Господь услыша мя.

К сим же стихом припеваем: Иже в шестый день: весь до конца, и покланяемся по единожды.

Слава, и ныне, Богородичен: Яко не имамы дерзновения за премногия грехи нашя, Ты Иже от Тебе Рождшагося моли, Богородице Дево: много бо может моление Матернее ко благосердию Владыки: не презри грешных мольбы, Всечистая, яко Милостив есть и спасти Могий, Иже и страдати о нас изволивый.

Скоро да предварят ны щедроты Твоя, Господи, яко обнищахом зело: помози нам, Боже Спасе наш, славы ради Имене Твоего, Господи, избави нас, и очисти грехи нашя, Имене ради Твоего.

Трисвятое. По Отче наш: кондак праздника или святаго.

Аще аллилуиа, глаголем сия тропари, глас 2:

Спасение соделал еси посреде земли, Христе Боже, на Кресте Пречистеи Руце Твои простерл еси, собирая вся языки, зовущыя: Господи, слава Тебе.

Слава: Пречистому Образу Твоему покланяемся, Благий, просяще прощения прегрешений наших, Христе Боже: волею бо благоволил еси плотию взыти на Крест, да избавиши, яже создал еси, от работы вражия. Тем благодарственно вопием Ти: радости исполнил еси вся, Спасе наш, Пришедый спасти мiр.

И ныне: Милосердия сущи Источник, милости сподоби нас, Богородице, призри на люди согрешившыя, яви яко присно силу Твою: на Тя бо уповающе, радуйся, вопием Ти, якоже иногда Гавриил, безплотных Архистратиг.

Сей глаголется в понедельник, во вторник и в четверток, подчиненный же глаголется в среду и пяток вместо: Милосердия сущи: Глас 2.

Крестобогородичен: Препрославлена еси, Богородице Дево, поем Тя: Крестом бо Сына Твоего низложися ад, и смерть умертвися, умерщвленнии востахом, и живота сподобихомся, рай восприяхом, древнее наслаждение. Тем благодаряще, славословим, яко Державнаго Христа Бога нашего, и Единаго Многомилостиваго.

Господи, помилуй, 40.

Иже на всякое время:

Господи, помилуй, трижды.

Слава, и ныне:

Честнейшую Херувим:

Молитвами святых отец наших:

И поклоны, якоже речеся.

И молитву великаго Василиа:

Боже и Господи сил, и всея твари Содетелю, Иже за милосердие безприкладныя милости Твоея, Единороднаго Сына Твоего, Господа нашего Иисуса Христа, Низпославый на спасение рода нашего, и честным Его Крестом рукописание грех наших Растерзавый, и Победивый Тем начала и власти тьмы: Сам, Владыко Человеколюбче, приими и нас, грешных, благодарственныя сия и молебныя молитвы, и избави нас от всякаго всегубительнаго и мрачнаго прегрешения, и всех озлобити нас ищущих, видимых и невидимых враг, пригвозди страху Твоему плоти нашя, и не уклони сердец наших в словеса или помышления лукавствия, но любовию Твоею уязви душы нашя: да к Тебе всегда взирающе, и еже от Тебе светом наставляеми, Тебе Неприступнаго и Присносущнаго зряще Света, непрестанное Тебе исповедание и благодарение возсылаем, Безначальному Отцу, со Единородным Твоим Сыном, и Всесвятым, и Благим, и Животворящим Твоим Духом, ныне и присно и во веки веков, аминь.

И аще убо Бог Господь пето есть, изобразительная глаголем зде.

Аще же Аллилуиа, глаголи я по девятом часе. [/spoiler]