Молитвослов

Автор Раб божий Константин, марта 10, 2012, 02:13:14

« назад - далее »

Раб божий Константин

Преподобномученица Евдокия и послушницы ее Дария, Дария и Мария.
[spoiler]Кондак 1

Избранные угодницы и стратотерпицы Христовы, мира сего безумие обличившие и благодатные дары источающии, восхваляем вас любовию: вы же имеющии на врага победу, от бед и напастей свободите нас, да зовем вам: Радуйтеся, мученицы Евдокие, Дарие, Дарие и Марие, молитвенницы к Богу усердныя.

Икос 1

Ангелов сонм удивися естеству вашему, мученицы, яко на земли небесному жительству уподобляяся, вся блага временная отринувши и Единому Христу апостольски последовавши, яко лучи солнечные миру возсияли есте: тако и Господь чудесами прославляя подвиги ваша, научи воспевати вам таковая: Радуйся, Евдокие, чашу страданий Христовых до конца испившая; Радуйся, юродством глубину мудрости от человек сокрывшая. Радуйся, яко горлица о едином Женихе взывающая; Радуйся, молитвою своею жизнь нашу ограждающая. Радуйтеся, мученицы, подвигам блаженныя Евдокии подражающии; Радуйтеся, силу Креста Господня, яко твердыню необоримую прославляющии. Радуйтеся, проповедницы Света Христова: Радуйся, тихии молитвенницы во времена тяжкии. Радуйтеся, мученицы, яко мудрые девы елеем светильники наполнившии: Радуйтеся, яко агнцы непорочные на заклание ведомые. Радуйтеся, землю Нижегородскую освящающии; Радуйся, мира концы облистающии. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 2

Выдяще земнаго существа немощь, сиротство без матери от младенства и во отрочестве многи скорби претерпевши, мученице Евдокие, печаль свою на Бога возложивши, теплою молитвою к Заступлице Усердной взывала еси: Аллилуйя.

Икос 2

Разум горних чинов Божественною Премудростию открываяся вам, мученицы, егда бреннаго тела отвергошася, в непрестанном служении Богу пребывали есте; пением, бдением и пощением образ подая любовию воспевающим вам; Радуйся, мученице Евдокие, от юности Христа всем сердцем возлюбившая; Радуйся, благословение от Преподобнаго Серафима во отрочестве своем приявшая. Радуйся, измлада псаломски искренняго своего не отметаяся; Радуйся, за то биения и метания камней от осуждающих тебя претерпевшая. Радуйся, подвигу блаженныя Пелагеи Дивеевской возревновавшая; Радуйся, яко незлобием своим Богу угодившая. Радуйся, стяжание земнаго удаляяся, к стяжанию благодати Духа Святаго ум и сердце приблизившая; Радуйся, яко непоколебимо воле Божией предалася еси. Радуйся, Дарие, споспешнице в подвизех досточудная; Радуйся, яко послушание затворнику Анатолию Саровскому исполнившая. Радуйся, пению псалмов и стихир безкнижно наученная; Радуйся, яко смирением своим просияла еси. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 3

Силою Вышняго, скорби и болезни претерпевая, в подвизех не оскудевали еси, но добродетели умножая, воспевали Богу: Аллилуйя.

Икос 3

Имеяй благодатные дары в сердце своем, блаженная Евдокие. безмолвнаго жития возжелев и от славы под покровом юродства от мира укрываяся, за народ в бездну безбожия влекомый, к Богу со слезами взывала еси; мы же ведуще сие, поем таковая: Радуйся, Евдокие, нищету Христову возлюбившая; Радуйся, лице свое от мира сокрывшая. Радуйся, яко пение молитв, единое бысть тебе утешение; Радуйся, яко терпела на теле своем одежды тление. Радуйся, суету земную отлагающая; Радуйся, в молитве и посте день и ночь пребывающая. Радуйся, нелицемерной любовию сердца приходящих к тебе умягчающая; Радуйся, заботою о жизни ближних и дальних людей молитвенно усердствующая. Радуйся, Марие, верность Богу в служении старицы своей засвидетельствавшая; Радуйся, простотою сердца своего ей последовавшая. Радуйся, послушанием и смирением плоти Духа Святаго стяжавшая; Радуйся, повелением Святителя Николая с верою исполнившая. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 4

Бурю помышлений сумнительных от умножения беззаконий имеяй людие земли нашея, к тебе, блаженная Евдокие. яко к тихому пристанищу прибегали, скорби свои на тя возлагая; ты же научала всех пети Богу: Аллилуйя.

Икос 4

Слышаша пастырие о многих подвизех твоих, блаженная Евдокие, и образ жития твоего, яко угодный Богу видя, напраляли люди к твоему пред Богом о них ходатайству, восхваляя любовь твою ко Господу, воспевающи таковая: Радуйся, Евдокие, не человеческое, но Божие разумевающая; Радуйся, вверенных тебе от Бога путем узким к Царству Небесному ведущая. Радуйся, подобно Иову многострадальному в болезни Бога прославляющая; Радуйся, временноть и тленность жития сего явно всем показующая. Радуйся, Дарие, молитвой непрестанной имя Божие призывающая; Радуйся, слова блаженной Евдокии в сердце своем вмещающая. Радуйся, твердостию духа славная; Радуйся, Божественного органа сладкозвучная струно. Радуйтеся, мученицы, Божия Матери всегдашние молитвенницы; Радуйтеся, Царицы Небесной хвалебную песнь возносящии. Радуйтеся, иноческаго жития добрые ревнители; Радуйтеся, общего жития избранные сосуды. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 5

Боготечную звезду четырьми концами небо облистающую, зрим вас четыре мученицы Российстии егда небоязненно веру во Христа исповедовали еси, в радости взывая Ему: Аллилуйя.

Икос 5

Видя враг рода христианскаго богоугодное житие ваше, не вынося терпети огня пламенных молитв ваших, святии, подосла лукаваго человека, Божие на земное променявшаго, на вас же всю ненависть богоотступной власти наведшаго, яко тать бежа; вы же, святии мученицы, не осудили сего, но безропотно в руци Божий жизнь свою предали есте. Тако, видя кротость вашу, умиленно глаголем вам сицевая: Радуйся, Евдокие, Крестным знамением бесов прогоняющая; Радуйся, от рассвета до полудни молитву тайную творившая. Радуйся, видя грядушии испытания, мужеству ближних своих научающая; Радуйся, в теле немощном крепость духа великую стяжавшая. Радуйся, Дарие, кротости исполненная; Радуйся, в любви ко Христу земнаго жениха удалилася еси. Радуйся, сладость временную презревшая; Радуйся, от сродник своих поношение претерпевшая; Радуйтеся, мученицы. многими подвигами просиявший; Радуйтеся, в простоте голубиней сердца своя соблюдший. Радуйтеся, странности старицы вашея терпеливо сносивший; Радуйтеся, от соблазна и неверия устоявшии. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 6

Проповедь истины бысть житие ваше святии, яко путем скорбным и трудным внидем в Царство Небесное: тако вы сами себеи малого лишили в сем временном веце, купуя драгоценный бисер - Христа в жизни нескончаемой, непрестанно поя Ему: Аллилуйя.

Икос 6

Возсияла яко пресветлая заря, блаженная Евдокие, мрак греховный разгоняющая и приходящих к тебе от сетей вражиих изымающая. Мы же, усердной о нас Богу ходатаице, любовию воспеваем тако: Радуйся, Евдокие, света Евангельскаго свечо; Радуйся, целомудрия столпе. Радуйся, грехов тяжких мудрая обличительнице; Радуйся, яко ни единое слово твое бессмысленно бысть. Радуйся, сердца нераскаянныя покаянием врачующая; Радуйся, о грешных людех слезы проливающая. Радуйся, колокола звон, яко глас Господень провещавающая; Радуйся, молитвою своею усопших не оставляющая. Радуйтеся, мученицы древних пустынножителей последователи; Радуйтеся, стужу и глад добровольно претерпевшии. Радуйтеся, от уныния и тревоги свобождающии; Радуйтеся, безбожия и злобы окрест живущих не убоявшиися. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 7

Хотя боголюбивый Архимандрит Софроний оповестити тя о скорой мученической кончине твоей, написа Образ Христа в терновом венце и яко дар в день Ангела твоего посла тебе: ты же, блаженная, не приемше икону сию, венец же Христов на главу свою восприяла еси, воспевая Ему: Аллилуйя.

Икос 7

Новых мучеников собор украшаете вы, святые жены, за Христа пострадавшие, егда Бога в Троице, яко Единаго Создателя душ и телес наших, безбоязненно пред мучители исповедасте, тако первым мученикам христианским воистину сродницы явилися; мы же, взирая на таковое мужество ваше, хвалебное воспеваем вам пение: Радуйся, Евдокие, стопам создавшаго вся, Божия Слова, последовавшая; Радуйся, сопричастницами ближних своих сему соделовавшая. Радуйся, Христовою любовию распаляемая, ищуще яже Богу угодная; Радуйся, приятелище Духа Всесвятаго явилася еси. Радуйся, Марие, воздержанием тело духу поработившая; Радуйся, путь странничества возлюбившая. Радуйся, благословение на служение блаженной Евдокии с верою приявшая; Радуйся, яко верный воин при нашествии врагов не малодушествующая. Радуйтеся, мученицы, духовною благодатию недуги отъемлющии; Радуйтеся, духи лукавыя отгоняющии. Радуйтеся, страсти неисцельныя исцеляющии; Радуйтеся, неверных к вере приводящии. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 8

Странное чудо видим на тебе, мученице Евдокие, егда три дни и три нощи избиваема плетьми и ногами затаптываема отрядом неистовствующих богоборцев; яко безгласная агница вся претерпевала еси, взывала единому Богу: Аллилуйя.

Икос 8

Всем Ходатаица Неизменная, Сама Царица Небесная незримо простирала Покров свой над вами, мученицы Господни, егда узрев инок - иконописец чудное видение Оранской Божией Матери на воздусе молящуюся над тихой келией вашей, со слезами прощения у тебя испроси, блаженная Евдокие, яко написа тебе образ сей; мы же слыша о чудном явлении, воспеваем вашу память пресветлую: Радуйся, Евдокие, благ вечных, как единого счастья людем желающая; Радуйся, приходящих к тебе к молитве сердечной призывающая. Радуйся, о Горнем помышляти научающая; Радуйся, от огненного запаления домы верных ограждающая. Радуйся, Дарие, агнице незлобивая; Радуйся, откровением помыслов сердце чисто до конца сохранившая. Радуйся, в келии блаженной Евдокии долгий затвор на себя приявшая; Радуйся, все скорби духовною радостию претерпевающая. Радуйтеся, мученицы яко мног труд и тесен путь в житии своем прешли есте; Радуйтеся, монашествующих столпи крепции. Радуйтеся, вся яже в житии сем красная презрели есте; Радуйтеся, взявшии на рамена своя Крест Христов. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 9

Все естество Ангельское удивися, егда видеша Духа Святаго, яко голубя, крилами своими от плетей вас ограждающаго и благодатию своею покрывающаго вас, мученицы, ведомых на казнь, в радости взывающих Ему: Аллилуйя.

Икос 9

Вития красноглаголивии не возмогут изрещи благолепие ликов ваших, святии, егда стояли пред убивающими тела ваша, души же не могущими коснутися; мы же воспеваем вам таковая: Радуйся, Евдокие, мудрости Божия вместилище; Радуйся, о себе ни единыя жалости не приемлющая. Радуйся, терпение ближних своих, яко злато в горниле закаляющая; Радуйся, причудами своими от всего земного отстраняющая. Радуйся, Дарие, под Богом ходившая; Радуйся, с любовию блаженной Евдокие послужившая. Радуйся, яко Псалмы Давидовы от начала до конца каждодневно воспевающая; Радуйся, благ нрав и послушание к наставнице твоей имела еси. Радуйтеся, мученицы, светлые голубицы; Радуйтеся, неувядаемые цвети райстии. Радуйтеся, в печалех утешение; Радуйтеся, в скорбех помощницы. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 10

Спасти хотя род человеческий, Господь Вседержитель, подает образ спасения во святых Своих, православную веру утвердивших и добродетельми просиявших, нас же научающих пети Богу: Аллилуйя.

Икос 10

Стена нерушимая Пресвятая Владычице Богородице в образе иконы Своея Иверския изнесена бысть нечестивыми из келии блаженной Евдокии, вслед вам, мученицы; тогда видеша людие вси, сияние от Нея исходящее; мы же научишася пети вам похвальная; Радуйся, Евдокие, к двенадцати лампадам, яко к двенадцати апостолом во время молитвы лице свое обращающая; Радуйся, апостольских правил рачительнице. Радуйся, строгая обличительнице неправды; Радуйся, совести чистой от всякаго неуклонно требовавшая. Радуйся, Марие, со спокойной душею на заклание пришедшая; Радуйся, смерть от штыка претерпевшая. Радуйся, от мира сокрывшися, миру возсиявшая; Радуйся, волею за Христа пострадавшая. Радуйтеся, мученицы, молитвами своими от всякия скверны нас ограждающии; Радуйтеся, души верных веселящии. Радуйтеся, неугасимыя светильницы Российския земли; Радуйтеся, Божия благодати неиссякаемые струи. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 11

Пение непрестанное возносили Ангелов Чини и Вышних стояния над многоскорбными телесами вашими, святии мученицы, егда Воззвавый вас к вечным Обителем, виде ярость людей, злобою врага рода человеческаго одержимых, возбраняющих верным пети: Аллилуйя.

Икос 11

Светозарным сиянием, озаряющим землю нашу, явистеся святии мученицы, егда и по смерти вашей подаете исцеления и от бед спасение; тако притекаяй к вам, яко к тихому пристанищу, со умилением поем: Радуйся, Евдокие, с одра болезни на лоно Авраамово возшедшая; Радуйся, мзду за труды строителям келии Небесным Чертогом уплатившая. Радуйся, у оскорбляющих тебя прощение испросившая; Радуйся, молчанием своим пред судившими тебя Христу последовавшая. Радуйся, Дарие, огненный столпе, непрестанно горевший к Богу; Радуйся, дух радости апостольски возогревающая. Радуйся, блаженной Евдокии тело немощное, яко сосуд драгоценный понесшая: Радуйся, яко старица твоя от мучителей смерть прияв, душу свою святую на руках твоих Богу предала еси. Радуйтеся, мученицы, ко крестам, яко на Голгофу приведенныя; Радуйтеся, яко достигли есте тихаго пристанища и радости неизреченныя. Радуйтеся, яко кости ваша источают чудеса и исцеления; Радуйтеся, многих спасение. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 12

Благодатную жизнь во Христе показаша святии праведницы тако светолитными венцами увенча вас Господь, Ему же вси поем: Аллилуйя.

Икос 12

Поюще песнь хвалебную, премногими глаголы не возможем изрещи крепость любве вашей ко Господу, яко до конца возлюбили и до конца претерпели; сего ради величаем вас: Радуйся, Евдокие, цвете райский дивно процветший; Радуйся, страдания Христовы понесшая. Радуйся, прозрением грядущая возвещающая; Радуйся, прибегающим к твоему заступлению, помощь скоро подающая. Радуйся, полчища бесов посрамившая; Радуйся, от плена вражьего кающихся свобождающая. Радуйся, избавление от печали; Радуйся, устранение соблазнов. Радуйтеся, мученицы, неиссякаемый кладезь Божия благодати; Радуйтеся, тишину и мир утверждающий. Радуйтеся, иереев хвалебная песнь; Радуйтеся, монашествующих радосте. Радуйтеся, мученицы Евдокие, Дарие, Дарие и Марие, молитвенницы к Богу усердныя.

Кондак 13

О, святии мученицы, Евдокие, Дарие, Дарие и Марие, приимите песнь сию, прославляющую досточудное житие и яже за Христа страдания ваша; ныне же Лицу Божию предстоя и Пречистей Его Матери, молите о нас, поющих Богу: Аллилуйя, Аллилуйя, Аллилуйя.

(Этот кондак читается трижды, затем икос 1 и кондак 1)



Молитва святым мученицам Евдокии, Дарии, Дарии и Марии

О дивныя подвижницы и заступницы наша мученице Евдокие, Дарие, Дарие и Марие - древних отец подражательницы истинны, в тесноте послушания без разсуждения, бдения и поста изнурительнаго пожившия - ныне к вам прибегаем и, к мощем вашим припадающе, молим вас: о страстотерпицы святыя, незлобивыя агницы, своею кровию Христа ради обагренныя и жестокими предателями тридневно мучимыя и закланныя; о прозорливицы, многия души от гибели вечныя исхитившия и о страданиях прежде кончины от Господа извещенныя, о изцелительницы и чудотворицы не токмо в земли Нижегородстей, но и во всей стране Российстей просиявшия, - не оставите нас во грехах и беззакониих погибнути, но помозите в покаянии истиннем житие наше скончати, славяще Святую Троицу Отца и Сына и Святаго Духа во веки веков. Аминь.

Мученицам Евдокии, Дарии, Дарии и Марии

Тропарь общий, глас 4.

Царствия ради Небеснаго мир и вся яже в мире оставили есте, тесноту совершенного послушания возлюбивши, дивныя подвижныцы и Христа ради мученицы в годину лютых испытаний в земли Новгородстей процветшия, блаженныя матери наша Евдокие, Дарие, Дарие и Марие, помяните нас у Престола Пресвятыя Троицы.

Кондак общий, глас 6.

Житием праведным к достойному приятию мученичества себе уготовившия без боязни тридневная избиения и смерть претерпели есте Невесты Христовы предивныя блаженныя Евдокие, Дарие, Дарие и Марие, ныне многими чудесы и исцелении просиявшия, не оставите землю Русскую без покаяния погибнути.

Мученице Евдокии

Тропарь, глас 1 (5)

Древним подвижником уподобилася еси и долготерпение многострадальное стяжала еси, плоть твою болезнями, постом, нищетою и холодом изнуривши, блаженная мати наша, мученице Евдокие, страдания и смерть за Христа претерпела еси и ныне в горнем Иерусалиме у Престола Божия предстоиши, помози и нам до конца верным Господу быти и твоими молитвами спастися.

Кондак, глас 8

Истинныя веры проповеднице безбоязненная, мученице мати наша Евдокие, непрестанною молитвою, бдением и смирением благодать Святаго Духа стяжала еси и души многия ко Христу привела еси, доблестно страдания лютая прияла еси, моли Милостиваго Бога спастися душам нашим.[/spoiler]

Раб божий Константин

Преподобной Евтропии Херсонской.
[spoiler]Кондак 1

Избранней и предивней угоднице Христовой, скорой помощнице и молитвеннице нашей, преподобней матери Евтропии, похвальная воспеваем пения. Ты же, предстательнице наша, яко имущая велие дерзновение ко Господу, моли избавитися нам от бед и скорбей, зовущим: Радуйся, преподобная мати Евтропие, о душах наших усердная молитвеннице.

Икос 1

Ангельски на земли поживши, постническим житием Христу угодила еси, преподобная мати, и, по скончании земнаго жительства, радости небесныя причаститися сподобилася еси. Темже с горних высот призри на ны, тако тя величающия: Радуйся, голубице непорочная. Радуйся, девственнице чистая. Радуйся, иночествующим утешение. Радуйся, к Небесным обителем путеводительнице. Радуйся, притекающих к тебе заступнице. Радуйся, теплая за ны ходатаице. Радуйся, преподобная мати Евтропие, о душах наших усердная молитвеннице.

Кондак 2

Видя Господь ангелоподобное житие твое, мати Евтропие, и яко имаши святое имя Его прославити добретельми: воздержанием, молитвою, милостынею, чистотою, любовию же и смиренномудрием, от юности твоея призва тя пети Ему: Аллилуиа.

Икос 2

Разум небесный тебе даровася, преподобная, сего ради, Христови всю себе вручивши, непрестанно помышляла еси о небесных в богоспасаемей обители Алешковстей. Мы же, ведуще о сем, приносим ти похвалы сия: Радуйся, благочестию и молитве измлада наученная. Радуйся, чтению Божественных Писаний навыкшая. Радуйся, жития святых и поучения их возлюбившая. Радуйся, от юности твоея страх Божий имевшая. Радуйся, во всем житии твоем о горнем помышлявшая. Радуйся, сим путь спасения нам показавшая. Радуйся, преподобная мати Евтропие, о душах наших усердная молитвеннице.

Кондак 3

Сила Вышняго от юности твоея воистину осеняше тя, святая Евтропие, храняше бо тя и возбуждаше на молитву, пощение и милосердие. Темже вся сия исполнивши, Небесному Царю и Владыце всех угодила еси, и ныне, пресветлым небесным венцем украсившися, воспеваеши со Ангелы песнь: Аллилуиа.

Икос 3

Имеяше желание благое мир оставити и единому Господеви поработати, стопы твоя во обитель Алешковскую направила еси, да возможеши безпреткновенно подвигам иноческим предатися и житию святых поревновати. Мы же, взирая на сие, прославляем Бога, укрепляющаго верныя Своя, приносяще тебе таковая: Радуйся, точию Господу угодити восхотевшая. Радуйся, со умилением Ему молившаяся. Радуйся, Бога яко Отца измлада возлюбившая. Радуйся, в напастех на Того Единаго уповавшая. Радуйся,чистоты душевныя и телесныя хранительнице. Радуйся, дев благочестивых украшение. Радуйся, преподобная мати Евтропие, о душах наших усердная молитвеннице.

Кондак 4

Бури страстей желающи избежати, житие девственное возлюбила еси, преподобная, и, ум и сердце отрешивши от всего земнаго и привременнаго, к Горнему Иерусалиму устремилася еси, да возможеши непрестанно взывати Христу: Аллилуиа.

Икос 4

Слышала еси, преподобная мати, яже Апостол рече: «Непосягшая печется о Господних, како угодити Господеви», - сему поревновала еси. Темже, ведуще богоугодное житие твое и теплую любовь к Богу, вопием ти сицевая: Радуйся, приметатися во дворех Господних возлюбившая. Радуйся, путь иноческаго жития избравшая. Радуйся, Христу уневещенная. Радуйся, свеще негасимая, к Богу в молитвах горящая. Радуйся, благодатию Божиею обогащенная. Радуйся, едину надежду токмо на Господа полагавшая. Радуйся, преподобная мати Евтропие, о душах наших усердная молитвеннице.

Кондак 5

Боготечная звезда, ко истине Христовой путеводящая, явилася еси, блаженная мати, егда бурю лютых гонений на Церковь воздвиже враг рода человеческаго. Ты же всем приходящим к тебе молитвенную помощь подавала еси, увещавающи верность Христу хранити и за вся Бога благодарити, с любовию поюще Ему: Аллилуиа.

Икос 5

Слышавше ближнии и дальнии о благочестии твоем, притекаху к тебе в болезнех и скорбех, бедах и нуждах, яко к добрей наставнице. Ты же, мати Евтропие, утешающи всех, назидала еси наипаче заповеди Господни соблюдати и любовь ко всем в сердцах своих имети. Мы же, прославляюще мудрость и смирение твое, умиленным сердцем воспеваем ти таковая: Радуйся, праведнице, от Бога нам дарованная. Радуйся, к Немуже велие дерзновение стяжавшая. Радуйся, заблуждений и недоумений наших добрая вразумительнице. Радуйся, недугов всяческих и скорбех наших прогонительнице. Радуйся, по морю житейскому нас путеводящая. Радуйся, путь смирения во спасение нам указующая. Радуйся, преподобная мати Евтропие, о душах наших усердная молитвеннице.

Кондак 6

Проповедуют о богоугоднем житии твоем, блаженная мати, добродетели твоя: благочестие, смиренномудрие, милосердие и истинная любовь ко всем. Ты бо, по слову Апостола: «Всяк же подвизаяйся от всех воздержится», в посте и воздержании неослабно пожила еси, дары Духа Святаго в сердце своем стяжавая и выну Господеви поя: Аллилуиа.

Икос 6

Возсия Божественная благодать в подвизех жития твоего, мати Евтропие, еюже укрепленная, по разорении обители Алешковския в весь Киндийскую преселившися, душу свою молитвою во храме Рождества Пресвятыя Богородицы питала еси. Мы же, богоугодное житие твое ведуще, поем тебе сицевая: Радуйся, Крест Христов аки знамение веры приимшая. Радуйся, скорби и лишения со смирением понесшая. Радуйся, во храме, аки при ногу Христову, приметатися изволившая. Радуйся, яко не посрами тя Господь во уповании на Него. Радуйся, покаянию и заповедем Божиим нас научающая. Радуйся, прославляти и благодарити Господа за вся нас вразумляющая. Радуйся, преподобная мати Евтропие, о душах наших усердная молитвеннице.

Кондак 7

Хотяй Человеколюбец Господь всем спастися и в разум истины приити, яви тебе, преподобная Евтропие, подвижницу веры и благочестия в земли Херсонстей, да известно уведевшии о святем житии твоем прославят Бога, дивнаго во святых Своих, присно вопиюще Ему: Аллилуиа.

Икос 7

Новую и дивную дарова Господь людем херсонским молитвенницу и целительницу недугов душевных и телесных, подвизая всех угоднице Своей, блаженней старице Евтропии, воспевати сице: Радуйся, спасения нашего к Богу ходатаице. Радуйся, о прощении грехов наших Судии Праведнаго умилостивительнице. Радуйся, благое иго Христово на ся вземшая. Радуйся, бремя Его с радостию понесшая. Радуйся, к ближним милости и сострадания преисполненная. Радуйся, смиренною молитвою вся побеждавшая. Радуйся, преподобная мати Евтропие, о душах наших усердная молитвеннице.

Кондак 8

Странно бысть неверующим слышати, како возмогла еси невидимое зрети яко видимое и грядущая провидети яко настоящая, не ведяху бо силы Божия, в немощи человечестей совершаемыя, ниже пети Создателю всяческих: Аллилуиа.

Икос 8

Вся земныя утехи, яко скорогибнущия, во уметы вменила еси, преподобная мати Евтропие, ум и сердце твое в горняя вперивши. Сего ради яви тя Господь людем херсонским посреде бурь житейских миром их ограждающую и кроткими словесы твоими на путь спасительный, ведущий к Царствию Небесному, наставляющую. Мы же, прославляя Бога, тако тя укрепившаго, приносим ти благохваления таковая: Радуйся, во вся дни приходящим к тебе духовную помощь подававшая. Радуйся, бодрствующи духом, вся нощи в молитве проводившая. Радуйся, псаломски утро в молениих предварявшая. Радуйся, вериги тяжкия на теле своем нося, плоть свою всячески смирявшая. Радуйся, постом, молитвою и благодатиею Божиею дух твой подкреплявшая. Радуйся, в женстем естестве мужескую крепость имевшая. Радуйся, преподобная мати Евтропие, о душах наших усердная молитвеннице.

Кондак 9

Во всяких напастех и скорбех была еси утешительницею благодатною, мати Евтропие, тугу сердечную страждущих словесы и молитвами твоими прогоняя, и во уповании на помощь Вышняго тех укрепляя, и научая пети Ему: Аллилуиа.

Икос 9

Ветии многовещанныя не возмогут по достоянию восхвалити ангельское твое житие и премногия добродетели, преподобная мати, имиже просвещаеши вся и наставляеши на путь спасения. Того ради, во свете святых ныне пребывающи, поминай творящия память твою песньми сицевыми: Радуйся, сущим в бедах скорая помощнице. Радуйся, обидимых крепкая защитнице. Радуйся, обидящих строгая наказательнице. Радуйся, сумнящихся кроткая вразумительнице. Радуйся, душ смятенных умиротворительнице тихая. Радуйся, недоумеющим советнице мудрая. Радуйся, преподобная мати Евтропие, о душах наших усердная молитвеннице.

Кондак 10

Спасти хотя многия люди от страданий телесных и недугов душевных, вся нощи без сна в молитве коленопреклоненно пред Почаевскою иконою Божия Матери проводила еси, праведнице Божия, помощи у Царицы Небесныя прося и поющи Сыну Ея ангельскую песнь: Аллилуиа.

Икос 10

Стена еси непоколебима, мати Евтропие, всем в нуждах и скорбех к тебе прибегающим. Темже, припадающе, молимся: услыши ныне и нас, скорбьми, болезньми и многими печальми обдержимых, и потщися на помощь к нам, умилостивляющи благоутробнаго Господа о всех, к тебе вопиющих: Радуйся, усердная о нас, грешных, к Богу предстательнице. Радуйся, всех прибегающих к тебе благая утешительнице. Радуйся, молитвою твоею спастися нам помогающая. Радуйся, мысли благия в недоумениях наших на сердце нам полагающая. Радуйся, враждующих благое примирение. Радуйся, от брани единокровных охранение. Радуйся, преподобная мати Евтропие, о душах наших усердная молитвеннице.

Кондак 11

Пение Пресвятей Троице непрестанно возносила еси, преподобная мати, и всем житием твоим подвижница благочестия прозорливая и преизрядная явилася еси. Научи и нас, недостойных, како подобает достойно славословити Бога, в Троице покланяемаго, Отца и Сына и Святаго Духа, Емуже непрестанно на небеси Воинства Небесная велегласно поют: Аллилуиа.

Икос 11

Светоподательным светильником явилася еси, Евтропие блаженная, всем к тебе приходящим: монашествующим была еси наставница изрядная, благочестно живущим – опора крепкая, во тьме грехов погрязшим, заблуждшим и от пути истиннаго отклонившимся – вразумление кроткое. Мы же, разумеюще любовь твою велию ко всем, ублажаем тя тако: Радуйся, преподобных сподвижнице. Радуйся, праведных сопричастнице. Радуйся, землю Херсонскую молитвою твоею облагоухавшая. Радуйся, яко пчела цвет добродетелей мудро взыскавшая. Радуйся, дар прозорливости стяжавшая. Радуйся, милостиво свыше на нас призирающая. Радуйся, преподобная мати Евтропие, о душах наших усердная молитвеннице.

Кондак 12

Благодати и благих дел исполнена, течение земное совершивши, в мире преставилася еси, преподобная мати, от земных к небесным, идеже Владыце, веселящися, предстоиши и за нас непрестанно молитвы Ему возносиши, прославляя Его ангельскою песнию: Аллилуиа.

Икос 12

Поюще праведное твое житие, ублажаем тя, преподобная мати Евтропие, и, припадая ко святым и многоцелебным мощем твоим, молимся: буди нам во всем ко благу скорая помощница, зовущим ти таковая: Радуйся, яко на небесех ныне пред Господем предстоиши. Радуйся, яко о людех пред Богом выну предстательствуеши. Радуйся, земли Херсонския крепкое ограждение. Радуйся, Святыя Церкви благолепное украшение. Радуйся, о иночествующих тепле молящаяся. Радуйся, о благе в миру живущих Бога просящая. Радуйся, преподобная мати Евтропие, о душах наших усердная молитвеннице.

Кондак 13

О всехвальная угоднице Божия, преподобная мати Евтропие! Приими сие малое моление наше, в похвалу тебе возносимое, и твоим теплым предстательством испроси нам у Царя Славы: в немощех исцеление, в добродетелех преспеяние, от врагов видимых и невидимых избавление, от вечныя муки свобождение и Царства Небеснаго наследие, да со Ангелы и всеми святыми присно поем Спасителю нашему: Аллилуиа.

(Этот кондак читается трижды, затем икос 1 и кондак 1)

Молитва

О преподобная мати Евтропие, великая подвижнице и всехвальная угоднице Христова! Приими моление нас, недостойных, с верою и любовию к тебе припадающих, и испроси у Великодаровитаго Христа Бога нашего земли Херсонстей и людем ея мир и благоустроение; на ниве Божией подвизающимся исходатайствуй у Господа нашего, да выну пребывают тщанием не лениви, духом горяще, Ему неленостно работающе и в молитвах неусыпающе; в мире благочестно живущим испроси в вере твердость и во благочестии постоянство; и всем, с верою прибегающим к тебе и твоея помощи и заступления просящим, подавай присно недугов исцеление, в скорбех утешение, во всем житии благопоспешение; наипаче же Господа умоли в мире и покаянии земное житие нам преити, мытарств горьких и мук вечных избавитися, и Царство Небесное наследовати, идеже ты со всеми святыми Господу предстоиши, да выну славим Отца и Сына и Святаго Духа, ныне и в безконечныя веки. Аминь.

Тропарь, глас 4

Добродетельми богатая, / кротостию и благочестием украшенная,/ возсияла еси чистотою жития твоего:/ и ныне в Небеснем чертозе/ с мудрыми девами предстоящи Христу,/ моли о нас, мати Евтропие,/ почитающих память твою.

Кондак, глас 3

Монашеское житие от юности возлюбивши,/ и во след Христа усердно потекши,/ постническими подвиги, бдением и молитвами/ страсти греховныя укротила еси,/ и наставница многим к житию благочестному в земли Херсонстей явилася еси./ Темже всечестную твою память совершающе,/ благодарными гласы, веселящеся, вопием ти:/ Радуйся, мати наша, Евтропие преподобная.

ЖИТИЕ

Дни памяти:

29 марта (н.ст.) - преставление

12 ноября (н.ст.) – обретение мощей

На земле Таврической подвижницу благочестия монахиню Успенского Алешковского монастыря, преподобную Евтропию, народ Божий чтит как молитвенницу за землю Херсонскую.

О ее младенческих годах известно мало. Люди, которые близко знали матушку Евтропию, говорят, что родилась она в 1863 году 24 ноября по старому (7 декабря по новому) стилю. Поскольку родилась она в праздник святой великомученицы Екатерины, родители нарекли ее в честь этой святой. Местом рождения было селение Белая Криница Херсонской губернии, а родителей звали Леонтий и Агафия.

Промыслом Божиим, в 12 лет она была взята на воспитание женской монашеской общиной в Алешковской Слободе Таврической губернии. Воспитываясь в общине сестер, Екатерина постигала грамоту и рукоделие, одновременно научаясь молитве и чтению Слова Божия, любовь к которым она пронесла через всю свою жизнь.

Екатерина попала в общину сестер в период самый сложный для общины. Руководительница общины рясофорная монахиня Елисавета (Нестеренкова) и ее сестры Мария и Елена в буквальном смысле боролись за создание монашеской обители. Сколько горя, скорбей, искушений пришлось перенести сестрам общины – обо всем этом может рассказать летопись Успенского Алешковского монастыря. Живой свидетельницей и участницей этой истории довелось стать и самой Екатерине.

Скорби от мира, усердная молитва духовно закалили Екатерину. Последуя словам апостола Павла: «Хвалимся и скорбями, зная, что от скорби происходит терпение, от терпения опытность, от опытности надежда, а надежда не постыждает, потому что любовь Божия излилась в сердца наши Духом Святым, данным нам» (Рим. 5:3-5), Екатерина решила посвятить свою жизнь Богу в монашеском служении.

Когда, Божией милостью, период скорбей и бед для сестер миновал и община получила статус Успенского общежительного монастыря, Екатерина принимает монашеский постриг с именем Евтропия, в честь св. мученицы Александрийской (память 30 октября/12 ноября). Ее монашеским послушанием было чтение и пение на клиросе. В жизни она отличалась особой скромностью и добротой.

Матушка Евтропия стала свидетельницей расцвета Алешковского монастыря. Строились великолепные храмы и монастырские корпуса, в обители была создана школа для сирот. В это же время матушка Евтропия стала очевидицей первых чудес у Феодоровской иконы Божией Матери. Благодарную память о чудесах и исцелениях, через которые излилась милость Божия к роду христианскому, она пронесла через всю свою жизнь.

Но не долго длился расцвет монастыря. Пришли грозные лихолетия: революция, гражданская война, голод, разруха и, самое страшное – безбожная власть. Монастырь упразднили, храмы закрыли, монахинь разогнали. Матушка, как и многие другие монахини обители, уходит в Херсон. Там она поселяется в районе Киндийских хуторов, недалеко от храма Рождества Богородицы. Это место было выбрано неспроста. За Днепром находились любимые матушкой Алешки, к тому времени переименованные в Цюрупинск.

В это время себе на хлеб матушка Евтропия зарабатывала тем, что шила одеяла. Она постоянно ходила в храм, где молились и другие монахини Алешковского монастыря. В 1938 году храм закрыли, после чего монахини собирались в частном доме. Сестры заботились друг о друге и поддерживали друг друга чем могли.

Во время войны в Херсоне стали открывать ранее закрытые храмы. Так, в 1941 году открыли и Киндийскую церковь. Несколько лет матушка жила в помещении, находящемся в ограде храма. Но, желая большего уединения, она вскоре перебирается в небольшой домик, расположенный недалеко от Киндийской церкви. Пока были силы, она пела и читала на клиросе. Когда стала немощной, сидела на скамеечке возле хора и молилась. Она никогда не пропускала богослужения.

Матушка жила в небольшой времянке. Жилище было простое, мазаная хатка – одна комната и коридорчик. К матушке всегда приходило много людей. От Бога она имела особый дар прозорливости. Но не только это влекло к ней людей, но сила молитвы, которую матушка возносила о нуждающихся в Божией помощи. О силе ее молитвы знали многие, поэтому посетители приезжали не только из Херсона, но и из Николаева, Первомайска, Запорожья, Днепропетровска и других мест. Двор всегда был полон людьми.

Матушка принимала всех у себя в комнате, сидя на маленькой скамеечке возле своей кровати. Но никто никогда не видел, чтобы матушка лежала на кровати, даже если была больна. По словам очевидцев, возле нее всегда лежала чурочка. Когда матушка уставала, она клала чурочку на кровать, и сидя на скамейке, ложила голову на чурочку. Передохнет немного и дальше бодрствует.

Духовные чада свидетельствовали, что на ногах матушка носила вериги. В ее руках всегда было Святое Евангелие, которое она постоянно читала.

Матушка часто общалась с блаженной Домникой, ныне прославленной Церковью в лике святых. Бывало, ее спрашивали: «Часто ли Вы видитесь с матушкой Домникой?». На что она отвечала: «Не так часто мы видимся, но часто духовно общаемся». Они молились друг за друга.

Иногда она направляла своих чад к отцу Иосифу (прп. Амфилохию Почаевскому), с которым также общалась. Общение это было связано с тем, что ей чудным образом была дарована Почаевская икона Божией Матери. После смерти ее бывшей послушницы схимонахини Ангелины эта икона была передана Свято-Духовскому кафедральному собору, где находится она и по сей день.

Об упомянутой здесь своей послушнице Анне (которая потом в постриге приняла имя Ангелина), матушка Евтропия часто говорила своим духовным чадам: «Она будет больше меня», - пророчески предсказывая, что Анна примет монашеский постриг и схиму, и станет ее духовной преемницей.

Находившийся на покое в Херсоне исповедник веры Архиепископ Иоанн (Лавриненко) также общался с матушкой Евтропией.

По свидетельству духовных чад, матушка имела особое дерзновение молиться об упокоении усопших, которые, по причине закрытия храмов и недостаточного количества духовенства, не были погребены по православному чину, или за которых не кому было помолиться. Господь чудесным образом открывал ей их имена. Бывало так, что пустая бумажка, лежавшая на столе у кровати, к утру была заполнена записанными на ней именами.

Было удивительно то, что матушка Евтропия могла знать имена тех, кто к ней придет, и их нужды. Как уже говорилось, у матушки всегда было множество посетителей. Они везли ей гостинцы. Но она привыкла довольствоваться просфорами и святой водой. Поэтому приношения она раздавала бедным, неимущим, или же людям, которые дали ей кров.

Много чудных событий было связано с именем матушки. Когда из-за болезни она стала увядать, духовные чада спрашивали ее: к кому же они теперь будут приходить за помощью? И она отвечала им, что они смогут приходить к ней на могилку, как к живой. И, что, если она обрела дерзновение пред Богом, то будет помогать им. Она предсказала свою кончину, прощаясь с теми, кого знала.

Матушка Евтропия часто причащалась Святых Христовых Таин. Перед кончиной она приступала к этому спасительному Таинству особенно часто. Причащал ее живший по соседству настоятель Рождества-Богородичного храма в Киндийке протоиерей Иоанн Гасюк.

Отошла ко Господу монахиня Евтропия 29 марта 1968 года, имея от роду 105 лет. Отпевали матушку в Киндийской церкви Рождества Пресвятой Богородицы при огромном стечении молящихся. Погребли матушку на Киндийском кладбище.

Во многих синодиках православных херсонцев было записано имя монахини Евтропии. Память о ней, как о молитвеннице, передается из поколения в поколение. А на ее могилке многие получали для себя благодатную помощь и исцеления.

12 ноября 2009 года были обретены мощи монахини Евтропии, которые были перенесены в Свято-Духовский кафедральный собор города Херсона, где они находятся и поныне.

Решением Священного Синода Украинской Православной Церкви от 23 декабря 2010 года монахиня Евтропия причислена к лику местночтимых святых Херсонской епархии. 9 августа 2011 года в Свято-Духовском кафедральном соборе г. Херсона состоялась канонизация преподобной Евтропии Херсонской.[/spoiler]

Раб божий Константин

святой великомученице Евфимии Всехвальной.
[spoiler]Кондак 1
Избранней и венчанней деве мученице, истинней поклоннице живущаго на небесах истиннаго Бога, невесте Христовой Евфимии, от сердец умиленных похвальное пение воспоим. Ты же, яко всехвальная победительница и низложительница врага лукаваго, от всяких нас бед защити, Господа о нас присно умоляя, да зовем ти: Радуйся, святая великомученице Евфимие, невесто Христова всехвальная.

Икос 1
Ангелом чистотою души своея уподобилася еси, святая дево Евфимие, с ними же ныне в светлости неизреченней ликуеши и от трудов своих почиваеши. Темже, не забуди и нас, живущих на земли, да и мы сподобимся причастницами славы Божия явитися, поющии ти:
Радуйся, от родителей благочестивых рожденная. Радуйся, благочестию ними наученная. Радуйся, красотою своею ангелам уподобившаяся. Радуйся, благородным происхождением своим не возгордившаяся. Радуйся, яко в послушании Господу своему славно пожила еси. Радуйся, яко Его всем сердцем своим пламенно возлюбила еси. Радуйся, святая великомученице Евфимие, невесто Христова всехвальная.

Кондак 2
Видяще нечестивый Диоклетиан, яко христиане гнушахуся жертвы идолом богомерзким воздавати, повеле предавати их на мучения лютыя. Ты же, всехвальная Евфимие, в тайнем месте с сорока христианы служение Господу нашему Иисусу Христу совершала еси, чистым сердцем Его славя: Аллилуиа.

Икос 2
Силу веры своея показуя, купно с присными твоими, боголюбивая Евфимие, влекомая, яко овца на заклание, небоязненно пред мучителем своим стала еси, даже до крови пострадати за Господа своего готовившаяся. Темже, таковую крепость твою видя, восхваляем тя пении сими:
Радуйся, яко повелению цареву не покорилася еси. Радуйся, яко твари вместо Творца не поклонилася еси. Радуйся, поклонницею истиннаго Бога себя показавшая. Радуйся, идолом мерзким жертву не воздавшая. Радуйся, льстивой речью царя не прельстившаяся. Радуйся, от пути прямого, в рай ведущий, не уклонившаяся. Радуйся, святая великомученице Евфимие, невесто Христова всехвальная.

Кондак 3
Верою своею в мучениях непоколебима бе, блаженная Евфимия, купно с тобою бо страдавшия, тако укрепляху тя, юную и прекрасную: Подвизайся, дево, Жениха Небеснаго ради, подвизайся страданием Ему угодити, подвизайся во сретение Его изыти с мудрыми девами, да возлюбит Он тя, яко невесту Свою и введет тя в чертог Свой, в нем же воспоеши Ему сладце: Аллилуиа.

Икос 3
Видя нечестивый проконсул тя, достоблаженная Евфимие, в лике святых мучеников, яко луну посреди звезд сиявшую, аки волк хощный похити тя из Христова стада. Мы же, словесам твоим радуяся: "Не остави мене, вселюбезнейший Женише мой, на Тя токмо надеющуюся, не выдай зверям душу, любящую Тя и исповедающую имя Твое святое, не дай врагу моему возрадоватися надо мною, укрепи мя, немощную рабу Твою, да не одолеет мя беззаконие", воспеваем ти:
Радуйся, к Богу за помощию взывавшая. Радуйся, в руце Его спасение свое отдавшая. Радуйся, яко на Господа упование свое возложила еси. Радуйся, яко в отчаяние не впадала еси. Радуйся, благодатию Господа укрепившаяся. Радуйся, пред мучителем не посрамившаяся. Радуйся, святая великомученице Евфимие, невесто Христова всехвальная.

Кондак 4
Восхотев к безбожию своему обратити тя, святая Евфимие, мучитель лестию тя уловити потщися, абие с твердостию отвещавала еси ему: На Христа моего токмо уповаю, яко не оставит мя и не отнимет руки Своея от мене и Ему Единому душой взываю: Аллилуиа.

Икос 4
Хотяй волю твою сломити и к идолом мерзким приклонити, повеле нечестивый мучитель твой на мучения тяжкия тя отдати, непреклонная в исповедании своем Евфимие. Егда же служителие привязаху тя к колесу со множеством ножей, ты крестным знамением осенивши ся, ко Господу с усердием молилася еси: "Господи, просвещение души моея, прииди ныне на помощь ми, да уразумеют вси, яко Ты еси Единый Бог!" Таковое исповедание твое зряще, умиленными сердцами вопием ти:
Радуйся, яко пыток мучителя не убоялася еси. Радуйся, яко Господу со тщанием молилася еси. Радуйся, крестом святым себя осенявшая. Радуйся, сим знамением враги своя побеждавшая. Радуйся, яко Вышняго положила еси прибежище себе. Радуйся, яко зло и рана не приближися тебе. Радуйся, святая великомученице Евфимие, невесто Христова всехвальная.

Кондак 5
Боготечней звезде уподобилася еси, всехвальная Евфимие, егда ангельский свет освети тя и ангел Божий сокруши колесо и снем тя, раны исцели твоя. С ним же радостно воспела еси Богу, Его силу прославляя: Аллилуиа.

Икос 5
Видевши сие чудо мучитель и вси бывшие тамо, в недоумение преидоша и много чуду сему дивляхуся, обаче не возмогоша познати крепкую руку истиннаго Бога: видяще бо не видеша и слышаще не уразумеша, окамене бо сердце их. Мы же, силу Божию на тебе зряще, Богом возлюбленная Евфимие, с радостию воспеваем ти:
Радуйся, силою Божиею чудеса творившая. Радуйся, неверующих исцелением своим удивившая. Радуйся, ангелом незримо охраняемая. Радуйся, крепкой мышцею Господней укрепляемая. Радуйся, яко во славу Христа подвизалася еси. Радуйся, яко исповеданием своим Господа прославляла еси. Радуйся, святая великомученице Евфимие, невесто Христова всехвальная.

Кондак 6
Проповедницею славы Божией явилася еси, богомудрая Евфимие, к пещи бо огненной приведенная, огня вещественнаго не убоялася еси, огнем любви ко Богу пламенея. На небо очи возведя, молитву Господу творила: Аллилуиа.

Икос 6
Возсия свет чудный воином Виктору и Сосфену, во огни бо дивное видение узреша: пред ними ангели Божии предсташа, огнь разметая и воспящая невесты Христовой касатися. Увидев чудо сие, мучителю глаголаша: "Не посмеем мы коснутися к сей святей деве и ввергнути ю в огнь, аще бо и повелиши главы нам усекнути, ибо зрим мы чудо велие, еже ты не зриши. И уне терпети нам ярость твою, нежели гнев светоносных мужей, в пламени огненнем стоящих". Купно с благоразумными воинами, воспеваем ти, мужественная Евфимие:
Радуйся, яко пламени огненнаго не убоялася еси. Радуйся, яко паки ангельским заступлением сохранилася еси. Радуйся, яко к свету истинному Виктора и Сосфена привела еси. Радуйся, яко им в Бога уверовати помогла еси. Радуйся, силою молитвы своея огнь в пещи угасившая. Радуйся, паки чудо новое пред всеми сотворившая. Радуйся, святая великомученице Евфимие, невесто Христова всехвальная.

Кондак 7
Хотящу тя погубити, повеле нечестивый мучитель твой, доблестная Евфимие, иным воином Кесарю и Варию паки тя в пещь ввергнути. Пламя сильное попали сих неразумных воинов, ты же, ликуя посреди пещи, яко в чертозе светлем, песнь триех отроков воспевала еси, славя Бога: Аллилуиа.

Икос 7
Новое чудо людем неверующим показа Господь, огнь бо не коснуся святой Евфимии, ибо Сам Жених нетленный Иисус Христос тайно прииде в пещь к невесте Своей и ороси ю небесною прохладою. Мы же, изумляяся чудеси сему, поем ти умиленно:
Радуйся, от пламени огненнаго Господом сохраненная. Радуйся, росою небесною Ним орошенная. Радуйся, целою и здравою из пещи изшедшая. Радуйся, в изумление дивное всех приведшая. Радуйся, яко паки мучителя посрамила еси. Радуйся, яко веру на поругание тому не дала еси. Радуйся, святая великомученице Евфимие, невесто Христова всехвальная.

Кондак 8
Странно есть видети нечестивому проконсулу чудеса, на тебе творящиеся силою Божиею, преславная Евфимие, не ведая более чесо сотворити с тобою, повеле в темницу тя всадити. Послежде воинов Виктора и Сосфена к себе призвавши, повеле им идолом мерзким поклонитися. Они же, Господу поклонишася, славя имя Его святое: Аллилуиа.

Икос 8
Всех Господь и Создатель просвети светом истины Виктора и Сосфена, шедшим бо им на казнь и усердно Богу молившимся, раздася с небеси глас Божественный, ко упокоению их призывающий. С радостию души свои Богу предавши, ныне на небеси купно с тобою, святая Евфимие, воспевают Бога, с ними же приими и наша похвалы сия:
Радуйся, яко души многих исповеданием своим к Богу привела еси. Радуйся, яко с ними ныне ликуеши на небеси. Радуйся, чистотою своею присно сияющая. Радуйся, звездою яркою нам блистающая. Радуйся, в Царство Божие нас путеводящая. Радуйся, всем нам спастися хотящая. Радуйся, святая великомученице Евфимие, невесто Христова всехвальная.

Кондак 9
Всею душею своею Бога славила еси, достоблаженная Евфимие, егда ведену ти бывшу на судище, воспевала еси Ему: "Боже, песнь нову воспою Тебе. И буду славити Тя посреди племен и языков, Ты бо еси Единый истинный Бог и несть инаго Бога, паче Тебе!". С тобою и мы воздаем хвалу истинному Богу нашему: Аллилуиа.

Икос 9
Ветийство человеческое не довлеет по достоянию восхвалити вся претерпенная тобою мучения и страдания во славу Бога истиннаго: не можаху бо нечестивый мучитель твой принудити тя жертвы идолом воздати, повеле повесити тя и тело твое острыми ножами строгати. Ты же, силою Божиею, и послежди сего мучения невредимою осталася еси. Мужество и долготерпение твое прославляя, дражайшая Евфимие, вопием ти умиленными гласы:
Радуйся, кровию себя от главы до ног обагрившая. Радуйся, кровию истекшею душу свою убелившая. Радуйся, повешение со Христом претерпевшая. Радуйся, в страданиях лютых Бога воспевшая. Радуйся, яко воспевая Бога, укрепилася еси. Радуйся, яко в мучениях с Господом сочеталася еси. Радуйся, святая великомученице Евфимие, невесто Христова всехвальная.

Кондак 10
Спасти хотящи душу твою, тело свое не жалела еси, прехвальная Евфимие, и в ров изрытый, гадами и ехиднами исполненный, небоязненно вошла еси, крестным знамением себя осеняя и ко Господу моляся: Свете мой Иисусе Христе! Ты во утробе воднаго зверя невредимым Иону сохранил еси, Ты избавил еси Даниила от уст львовых, сохрани и мя крепкою рукою Твоею, да прославится во мне имя святое Твое, да воспою Тебе песнь славы: Аллилуиа.

Икос 10
Стеною твердою и неодолимою бысть тебе Господь, на Него же упование свое возлагала еси, славная дево Евфимие, яко изо рва воднаго, по милости Божией, невредима от гадов и змий вышла еси, мучителя жестокость и неверие посрамляя. Того ради приими хваления наша, с любовию тебе приносимыя:
Радуйся, в ров безбоязненно вшедшая. Радуйся, погибели в нем не нашедшая. Радуйся, в вере своей мучителем неодолимая. Радуйся, Божьей десницею верно хранимая. Радуйся, яко и твари водныя тебе не вредиша. Радуйся, яко и ангели тебе служаху и от смерти храниша. Радуйся, святая великомученице Евфимие, невесто Христова всехвальная.

Кондак 11
Пение похвальное приносим тебе, богорадованная Евфимие, немогущии разумом своим постигнути, яко ты столь млада сущи такия велия страдания претерпевала еси: ты бо по острым мечам и копиям, хврастием и землею прикровенным, яко птица, легце прешла еси, Господа преславно восхваляя: Аллилуиа.

Икос 11
Свещею, немерцаемо горящею и мрак идольский разгоняющею, явилася еси, богомудрая Евфимие, слышаще бо людие неверующии, яко ты неустанно восхваляеши Господа: "Кто возглаголет силы Господни, слышаны сотворит вся хвалы Его", в вере истинней просвещахуся, с ними же приими и наша похвалы тебе:
Радуйся, Господа верно и неустанно прославлявшая. Радуйся, на Его Единаго искренне уповавшая. Радуйся, яко проконсула терпением своим посрамила еси. Радуйся, яко в сети, ним расставленныя, не уловилася еси. Радуйся, преодолением страданий своих мучителя утомившая. Радуйся, от истиннаго Бога ни на шаг не отступившая. Радуйся, святая великомученице Евфимие, невесто Христова всехвальная.

Кондак 12
Благодатию, данною ти от Бога, новыя страдания претерпела еси, доблестная Евфимие, яже на тя мучитель твой воздвиже: перепилити бо тя намереваяся, не возможе вреда тебе причинити, на раскаленных углиях сожигати тя повеле, абие углие ангелы, с тобою неотступно пребывающии, остудиша. Ты же, вся мучения мужественно преодолевая, Подателю сил и крепости Господу Иисусу воспевала неустанно: Аллилуиа.

Икос 12
Поюще крепкия подвиги твоя, хвалим терпение и смирение твое, боговенчанная Евфимие, ними бо врага невидимаго посрамила еси и венец нетленный от Господа на небеси стяжала еси. Темже на последнее мучение твое ведомая, осуди бо тя мучитель твоей на съедение зверем, молилася еси ко Господу: "Господи сил! Ты явил еси на мне Твою непобедимую силу и неодоленную десницу, Ты показал еси немощь бесов и безумие мучителя, а мене поставил еси высше всех мучений. Приими ныне мою жертву, принесенную Тебе от души сокрушенной и смиреннаго духа, и упокой душу мою в селениях святых и в лике мучеников, яко благословен еси во веки". Просвети и нас, всехвальным исповеданием твоим, да зовем ти умиленно:
Радуйся, яко лютыя звери ноги тебе лизаху. Радуйся, яко причинити вреда зверие тебе не можаху. Радуйся, глас с небеси, во обители горния тя призывавший, услыхавшая. Радуйся, с радостию душу свою Господу отдавшая. Радуйся, яко с почестями родителями твоими погребена была еси. Радуйся, яко чрез пролитие крове своея невестою Жениха Небеснаго стала еси. Радуйся, святая великомученице Евфимие, невесто Христова всехвальная.

Кондак 13
О святая великомученице Евфимие, Господа неустанно в мучениях своих восхвалявшая и от благодарных чад Божиих всехвальною нареченная. Научи же и ны все упование наше на Единаго Господа возлагати и Ним Единым в бедах и скорбех наших укреплятися, да возможем причастницами Царствия Его стати, в нем же с тобою воспевати Ему будем: Аллилуиа. Аллилуиа. Аллилуиа.[/spoiler]

Раб божий Константин

Акафист преподобному Евфимию Великому.
[spoiler]КОНДАК 1
Избранный Богом Всевидящим в слуги Себе прежде рождения твоего, плоде красный родителей бесчадных, имя носяй утешению тезоименитое и воистину явивыйся утешение многим, моли Господа, Емуже послужил еси верне, избавити ны от всякаго зла, да радостно вопием ти:
Радуйся, отче преподобне, великий Евфимие.


ИКОС 1
Ангельскому чину посвятити тя обещаша родители твоя, Евфимие, еще прежде рождения твоего: сей великий обет совершающи матерь твоя Дионисия, приведе тя, отрока бывша, ко брату своему пресвитеру Евдоксию: сей же отведе тя ко Мелитийскому епископу Евтропию, сказующе ему о видении и гласе Божественнем, возвестившим рождение твое. Возрадовася же епископ сему, возопи:
Радуйся, блаженное отроча, яко воистину Дух Божий почи на тебе.
Радуйся, дивным промышлением Божиим от юности мир оставивый.
Радуйся, возлюбивый тишину и безмолвие.
Радуйся, учителей твоих Акакия и Синодия великое утешение.
Радуйся, украшение Церкве нашея явивыйся.
Радуйся, яко матерь твоя блаженная Дионисия, верне Церкве послужившая, диаконисса поставися.
Радуйся, в чистоте душевней и телесней воспитавыйся.
Радуйся, жизнь свою безраздельне Господеви вручивый.
Радуйся, отче преподобне, великий Евфимие.


КОНДАК 2
Видя епископ Мелитийския Церкви усердное твое, Евфимие, к научению божественных книг, таже девственное и добродетельное житие твое, постави тя пресвитера, и вручи ти старейшество и попечение о монастырех. Ты же, блаженне, возскорбел еси о сем, возлюбивый безмолвие и еже в тишине пети Богу ангельски: Аллилуиа.


ИКОС 2
Разумом мудрости божественныя просвещенный, Евфимие, уясняя, яко ради спасения души твоея полезнее есть безмолвное уединение, неже начальствовати, укрылся еси в пристанище небурное в Лавре Фаранстей, и тамо Господеви угождал еси, сего ради зовем ти таковая:
Радуйся, смиреннейший паче всех иноков.
Радуйся, поставленный старейшим над ними.
Радуйся, о монастырех попечителю.
Радуйся, монашеского жития рачителю.
Радуйся, похвалы человеческия возненавидевый.
Радуйся, сих ради в Лавру Фаранскую бежавый.
Радуйся, вселивыйся в келлии уединенней.
Радуйся, тамо от трудов рук своих питавыйся, Богу непрестанную хвалу воздавал еси.
Радуйся, отче преподобне, великий Евфимие.


КОНДАК 3
Силою братнея любви связани быша, преподобнии Евфимие и Феоктисте, якобы в двух телесех едину душу и едину волю имевшии, навыкоша на всякий год во осьмый день по празднице Богоявления Господня исходити в пустыню Кутиллийскую, идеже даже до светлого Христова Воскресения пребываху постом плоть свою изнуряя, души же веселяще песнию: Аллилуиа.


ИКОС 3
Имуще желание совершеннаго уединения, обретоста святии друзи пещеру и возрадовастася о ней, яко о Господнем указании има места, и паки не возвращаяся в Лавру , вселистася в той пещере, былием питающеся. Видяще таковое мудрое устроение монашеское взываем ти, преподобне отче Евфимие, сице:
Радуйся, ради уединения оставивый Лавру.
Радуйся, узами святыя дружбы с Феоктистом сочетанный, купно с ним в молитве ко Единому Богу пребывавый.
Радуйся, яко убежище ваше ведомо сотворишася людем и потекоша к вам жаждущия спасения и от болезней исцеления.
Радуйся, яко приходящих к тебе, отче Евфимие, направлял еси к другу твоему Феоктисту, не хотяй лишитися безмолвия.
Радуйся, яко в малом времени киновия зде учредися, яко пещера ваша первее зверем пристанище бывшая в Церковь претворися.
Радуйся, яко братия помыслы своя тебе открывати навыкоша.
Радуйся, яко поучал еси истинному монашескому пути.
Радуйся, яко полагал еси спасение наипаче в смирении и послушании.
Радуйся, научавый отсечению воли своея.
Радуйся, отче преподобне, великий Евфимие.


КОНДАК 4
Бури и мятежа мирскаго бежавшии блаженни суть, иже под покров Ев-фимиевой киновии укрышася! Ибо обретоша ту мир и безмолвие, паче же тебе, отче преподобне, наставника премудраго, поучающаго о всем благодарне к Богу взывати: Аллилуиа.

 

ИКОС 4
Слышаще братия поучения твоя, отче Евфимие, умиляшася сердцем, духом же к небеси устремляшася, тебе же, врачу душ их, вопиюще:
Радуйся, наставниче премудрый.
Радуйся, врачующий духовныя немощи безмездно.
Радуйся, призываяй всех хранити воздержание.
Радуйся, научаяй укрепляти память смертную.
Радуйся, повелевый иноком не отметатися трудов телесных.
Радуйся, научаяй подражати всем святому апостолу Павлу.
Радуйся, поучаяй боятися огня вечнаго.
Радуйся, призываяй наипаче любити славу Царствия Небеснаго.
Радуйся, отче преподобне, великий Евфимие.


КОНДАК 5
Богоизбранная звезда явился еси, святый Евфимие, егда начальник сарацын Аспевет с болящим сыном отроком Теревоном еллини суще, возжелавше восприяти святую Христову веру: явился бо еси, преподобне, спящу и поведал еси тому, да приидет к тебе в пустыню и исцеление обрящет. Пришедшим же им, с вои сарацынскими к тебе, исцелил еси болящаго отрока Теревона, уверовавше же вси во Христа и крещение святое от тебе приимше, Богу радостно воспеша: Аллилуиа.


ИКОС 5
Видеша и слышаша сия болящия, мнози начаша стекатися к тебе, врачу безмездный блаженне Евфимие, и исцеление получая, прославляху тя по всей стране той. Ты же, святый, не терпяще славы, оставил еси киновию тай, взем с собою единого от ученик своих Дометиана, изыдоша в пустынь при Мертвом море и обретше келлию ветхую при горе Марда, вселился еси с Дометианом, оттуду преселился в пещеру, идеже иногда Давид скрывашеся от лица Саула, и создал еси, Евфимие, тамо монастырь, чудесем же тобою творимым умножися слава твоя и паки отшел еси, обретше пещеру малу близ киновии Феоктистовы, вселился еси в ней до кончины своея. Мы же видяще таковую любовь твою к безмолвию, со умилением восклицаем ти:
Радуйся, пустынное житие наипаче возлюбивый.
Радуйся, многия неверныя к вере Христовой обративый.
Радуйся, манихейского зловерия обличителю.
Радуйся, православныя христианы в истинней вере укрепителю.
Радуйся, чудесы твоими прославивый Бога.
Радуйся, своей си славе противник бывый.
Радуйся, многи монастыри таже и Лавру великую создавый.
Радуйся, яко восполни Господь оскудение хлеба, вина и елея по благословении твоем.
Радуйся, отче преподобне, великий Евфимие.


КОНДАК 6
Проповедник истиннаго покаяния, и послушания был еси, великий Евфимие, таже увещаватель еже непотребно есть от своего монастыря бегати, ищущи лучшаго, но благо есть пребывати в келлии своей, терпяще вся тяготы жития иноческаго, Богу же поя: Аллилуиа.

 

ИКОС 6
Возсияв духом пророческим, Евфимие, прозрел еси Анастасия сосудохранителя Патриарха быти, егда той прииде к тебе, такожде и иныя чудеса сотворил еси: поучением же многим братию наставлял еси и вразумлял. И нас грешных и непотребных вразуми и научи образом жития твоего богоугодная творити, поющих ти сице:
Радуйся, прозорливче, будущая, аки настоящая зревый.
Радуйся, многия болящия исцеливый.
Радуйся, многими наставлениями учеником твоим образы покаяния показавый.
Радуйся, уверяяй, яко не место, но душевное устроение ко спасению приводит хотящих спастися.
Радуйся, яко молитвою твоею дождь низвел еси с небеси.
Радуйся, яко послуша Господь выну молитвы твоя.
Радуйся, яко мольбами твоими подаде Господь плодородие велие земли той.
Радуйся, яко поучении твоими умножися иноцы истинныя в Лавре твоей.
Радуйся, отче преподобне, великий Евфимие.

 

КОНДАК 7
Хотя укрепити истинную православную веру, приял еси, отче Евфимие, от ученик своих Епископов Стефана и Иоанна, написание деяний четвертаго Вселенскаго Собора иже в Халкидоне, обличившаго злочестие Диоскора, патриарха Александрийскаго. Темже возвестися по всей пустыни Палестинстей, яко великий Евфимий последует Халкидонскому Собору. Сему радующеся, воспеша иноцы: Аллилуиа.


ИКОС 7
Новый враг истины, еретик Феодосий, лживыми словесы оклеветав Халкидонский Собор, привлече к себе многия, таже царицу Евдокию, и многим лукавством взыде на престол патриарший, отнюдуже начат гнати держащия православную веру, наипаче же хотяй привлещи в сети своея ереси преподобнаго Евфимия. Мы же тя, отче, аки стену незыблему православия зряще, тако зовем ти:
Радуйся, столпе православия.
Радуйся, стено непоколебимая еретическими ветры.
Радуйся, пустынника Герасима заблуждшаго к истинней вере паки обративый.
Радуйся, удаливыйся со многими братиями в пустыню.
Радуйся, возвративыйся паки в Лавру по падении лжепатриарха Феодосия.
Радуйся, яко объятый Божественным огнем со ангелом литургисающий, виден был еси.
Радуйся, прилежно братию свою наставляяй чистою совестию и стра-хом Божиим ко святым Христовым Тайнам приступати.
Радуйся, провидяй како кийждо от братий причащатися приходит.
Радуйся, отче преподобне, великий Евфимие.


КОНДАК 8
Странно и неразумливо Евтихиевою ересью прельщенная царица Евдокия, нача колебатися умом, не ведуще, коего держатися исповедания. Посланная же от преподобнаго Симеона столпника ко Евфимию и приимши поучения его, яко подобаше держатися четырех Вселенских Соборов, просветися разумом, Богу воспевая: Аллилуиа.


ИКОС 8
Весь был еси в Бозе, блаженне Евфимие, сиянием жития твоего привлекая к себе новыя ученики: тако преподобный Савва, юный бе, прииде к тебе спасения иский и инии мнози, отвращающия очи своя от мятежа житейского моря, и к тебе небурному пристанищу притекшии. Ты же отеческою любовию приимал еси вся, прозирая, яко столпы Церкви сии будут. Сего ради зовем ти, отче, сице:
Радуйся, яко многия светила к тебе стекахуся.
Радуйся, собираяй, аки кокош под крыле своя, всех ищущих иноческих подвигов.
Радуйся, яко в юном Савве прозрел еси великаго учителя монашества.
Радуйся, двух пустынников Нитрийских Мартирия и Илию приемый.
Радуйся, яко в сих провидел еси наследники Престола Апостола Иакова брата Господня, Патриарха Иерусалимскаго.
Радуйся, яко сих выну вземлющий с собою в пустыню.
Радуйся, яко тамо от своея руки сих великих мужей приобщил еси Святых Христовых Таин.
Радуйся, возлюбивый ученики своя, и пестунствуяй их отечески.
Радуйся, отче преподобне, великий Евфимие.

 

КОНДАК 9
Все естество ангельское радости исполняшеся, видя равноангельное житие твое, великий Евфимие, и умножившиися окрест тебе обители иноков, в ангельском чине славящих Бога, поюще Ему: Аллилуиа.


ИКОС 9
Вития многовещанныя не возмогут достойно возвеличити дара прозорливости твоея, преподобне, вся бо будущая яко настоящая провидяй, многая пророчествовал еси. Преклоняя колена пред величием Бога тако прославившаго угодника Своего, зовем благоговейно:
Радуйся, даров многообразных от Господа сподобивыйся.
Радуйся, прозорливче дивный.
Радуйся, Анастасию сосудохранителю сан Патриарха прорекший.
Радуйся, яко исполнившемуся сему пророчеству вси дивляхуся.
Радуйся, царицу Евдокию в православии укрепил еси.
Радуйся, той близкую предсказав кончину.
Радуйся, повелевый той приготовитися ко исходу своему.
Радуйся, яко пророчество сие исполнися и блаженная Евдокия, многих храмов строительница, вскоре почи о Господе.
Радуйся, отче преподобне, великий Евфимие.


КОНДАК 10
Спасения жаждущим был еси, Евфимие преподобне, яко столп огненный, путеводяй странствующих во тьме жития сего в землю небеснаго Ханаана, радостно Богу вопиющих: Аллилуиа.


ИКОС 10
Стеною молитв и поучений твоих, Евфимие, паче образом жития твоего равноангельнаго ограждал еси учеников твоих, от искушений плоти, мира и диавола. Видяще таковое попечение о чадех твоих, с любовию зовем ти:
Радуйся, добрый пастырю овец словесных.
Радуйся, отче, о мнозех чадех твоих веселящийся.
Радуйся, Феоктиста, искренняго друга и спостника твоего в болезни посетивый и утешивый.
Радуйся, целование тому последнее с любовию давый.
Радуйся, пророкованного тобою патриарха Анастасия, на погребение Феоктистово прибывшаго, сретивый.
Радуйся, сладце с ним беседы насладивыйся.
Радуйся, преподобнаго Савву с собою в пустыню появший.
Радуйся, тому от жажды в пути изнемогшу, от земли молитвою твоею воду изведший.
Радуйся, отче преподобне, великий Евфимие.


КОНДАК 11
Пение молитвенное по обычаю совершал еси, блаженный Евфимие, удаляяся в пустыню во осьмый день по празднице Богоявления Господня. Приближавшейся кончине твоей, преподобне, прозирая ту, восхотел еси в Лавре пребыти, готовящися ко исходу своему, Богу за вся благодарне поя: Аллилуиа.


ИКОС 11
Светозарное житие твое, великий Евфимие, к концу приближися, и плоды винограда своего готовился еси принести Домовладыце, видяще же ся близ кончины суща, собрал еси пресвитеры лаврския, дабы последнее наставление всем дати. Плакахуся же вси, яко чада, разлучающися со отцем своим, обаче рекоша к тебе:
Радуйся, великий пастырю овец многих.
Радуйся, веру истинную соблюдый и той научивый заблудшия.
Радуйся, последнее твое поучение давый чадом твоим, да союз любве нерушим в них пребудет.
Радуйся, рекий, яко не возможно есть без любве добродетели совершатися.
Радуйся, паки рекий, яко всякая добродетель любовию и смирением крепка есть.
Радуйся, поучавый вся предания и уставы монастырския николиже оставляти.
Радуйся, повелевый, да врата монастырския николиже затворены будут странных ради.
Радуйся, повелевый таже о нищих пещися.
Радуйся, отче преподобне, великий Евфимие.


КОНДАК 12
«Благодать, аще обрящу у Бога дерзновение, имам просити, да буду с вами духом всегда» — рекл еси последнее слово учеником своим, блаженне Евфимие, тии же, плачущи о исходе твоем, сим словом утешахуся и со умилением Господеви взываху: Аллилуиа.

 

ИКОС 12
Поюще труды твоя, подвиги и дарова-ния еже от малых лет обрел еси у Бога, восхваляем тя, святый преподобне отче, и с любовию вопием ти:
Радуйся, от юности весь живот свой Господеви предавый.
Радуйся, возраставший от силы в силу.
Радуйся, орле, мыслию в горних паряй.
Радуйся, в дольних обители земныя ангелом созидавый.
Радуйся, прозорливости дара сподобивыйся от Владыки Христа.
Радуйся, исцелений неоскудный источниче.
Радуйся, великих мужей учителю.
Радуйся, и по смерти, чад твоих духовных верный хранителю.
Радуйся, отче преподобне, великий Евфимие.


КОНДАК 13
О, пречудный и преславный отче Евфимие! Приими от нас непотребных моление сие малое, и не осуди грешных уст, дерзающих славити твоя труды, подвиги и чудеса, да милостивно призираяй на всех спасения взыскующих, и о нас Господеви моляся да очистимся от земныя суеты, чистым сердцем воспоем Богу: Аллилуиа.
(сей Кондак 13 глаголи трижды, по-сем Икос 1 и Кондак 1)


МОЛИТВА

Дивный и преславный угодниче Христов, великий отче Евфимие, от святаго чертога, идеже ты со всеми святыми ликуеши, призри на нас, во мраце жития сего сущих, и научи ны презирати вся, яже в мире нарицаются благая. Научи нас любити ближния своя, терпети обиды и поношения, скорби и болезни, в смирении благодаряще Бога. Научи нас молитися и каятися во гресех своих, очиститися нам от всякия скверны. Умоли Господа, Емуже послужил еси от юности своея даже до старости маститей, да сподобимся и мы, рабы неключимии, со светильники горящими усрести Жениха Христа и с Ним внити в чертог украшенный Царствия Его. Аминь.[/spoiler]

Раб божий Константин

Акафист преподобному Евфимию, архиепископу Новоградскому, чудотворцу.
[spoiler]Кондак 1
Возбранный воеводо и пастырю священнейший великаго Новаграда, иноков наставниче и ангелов собеседниче, скорый помощниче и молитвенниче наш святителю Евфимие, приими усердно приносимая тебе сия богохваления и твоими молитвами от всяких нас бед свободи, да зовем ти:
Радуйся, отче Евфимие, святителю предивный.

Икос 1
Ангельски на земли отче пожил еси, с плотию яко безплотен Евфимие. Темже со безплотными на небеси водворяяся, от нас земных приими песнь сию:
Радуйся, от чрева матерня очищенный.
Радуйся, благодатию Святаго Духа освященный.
Радуйся, рождеством твоим неплодие родителей разрешивый.
Радуйся, скорбь их в радость преложивый.
Радуйся, неплодныя матере чудное прозябение.
Радуйся, священника Господня благодатное процветение.
Радуйся, благаго корене отрасле пречестная.
Радуйся, прекрасный цвете Божия насаждения.
Радуйся, от младенчества рукою Всевышнаяго знаменованный.
Радуйся, от пелен в служение Ему избранный.
Радуйся, по рождестве твоем всемощному покрову Заступницы Мира врученный.
Радуйся, от Нея на добродетель наученный
Радуйся, отче Евфимие, святителю предивный.

Кондак 2
Видя Господь слезы и воздыхания твоих благочестивых родителей, слыша моления их, неплодия узы разрешив, плод благославный дарова им тя, преподобне отче, во умилении сердца зовущих: Аллилуиа.

Икос 2
Разум богомудрый стяжав в души твоей, святе Евфимие, измлада суеты мирския уклонился еси, пустынное же возлюбил еси житие, дом родителей оставив, во обители святителя и чудотворца Николаа, яже на Вяжищи, вселился еси, к подвигом иноческим усердно устремился, таковому твоему богомудрию дивящеся, похвалы тебе сия восписуем:
Радуйся, сладости и утехи мира сего презревый.
Радуйся, горняго любомудрия возжелевый.
Радуйся, просветивый измлада ум твой изучением писаний Божественных.
Радуйся, пленивый волю твою в послушание закону Господню.
Радуйся, сердце твое от всякия лести душевредныя чисто сохранивый.
Радуйся, разум твой от помыслов суетных очистивый.
Радуйся, яко Отца Небеснаго паче земных родителей возлюбил еси.
Радуйся, яко Христа ради дом отыий оставил еси.
Радуйся, девства и целомудрия усердный хранителю.
Радуйся, иноческаго жития истинный любителю.
Радуйся, подвиги твоими начальника тмы низложивый.
Радуйся, постом и молитвами вся коварства его упразднивый.
Радуйся, отче Евфимие, святителю предивный.

Кондак 3
Сила Вышняго осени тя к плодоношению духовному, премудре Евфимие, и образ тя добродетельнаго жития всем показа хотящым наследовати спасение, внегда пети сице: Аллилуиа.

Икос 3
Имея ревность Божественную о спасении твоем, преподобне, потщался еси со страхом и трепетом Господеви послужити; в трудех бо постнических и послушании мнозем жизнь твою провождал еси. Темже и нам в трудех и борении помози, заступниче наш, да всегда благодарно зовем ти:
Радуйся, от юности мудрости прилежавый.
Радуйся, благое иго Христово на себе восприемый.
Радуйся, постническими подвиги вся плотская мудрования умертвивый.
Радуйся, во удручение плоти вериги непрестанно на телеси твоем носивый.
Радуйся, паче всех добродетелей нищету духовную возлюбивый.
Радуйся, вся красная мира сего ни во что же вменивый.
Радуйся, правило христоподражательнаго жития.
Радуйся, образе монашескаго послушания.
Радуйся, яко в труде и подвизе непрестанно пребывал еси.
Радуйся, яко того ради вся душеполезная благая стяжал еси.
Радуйся, во образ ангельский на земли облекийся.
Радуйся, ангельским чином на Небеси ныне соводворяяйся.
Радуйся, отче Евфимие, святителю предивный.

Кондак 4
Бурею искушений различных мняше враг многокозненный от добродетельнаго тя жития отвратити, преподобне отче; ты же по словеси Господню молитвою и постом от ног твоих делече отразил еси того, присно моляся и поя: Аллилуиа.

Икос 4
Слышав блаженный Симеон, святитель Новаграда, твое богомудрое житие, отче Евфимие, управителя над всем домом и имением своим тя поставляет яко мудра строителя и верна. Мы же поминающе светлейшыя добродетели твоя, научаемся звати тебе:
Радуйся, верный и добрый слуго Господень.
Радуйся, усердный делателю винограда Христова.
Радуйся, Божественных велений благочестный исполнителю.
Радуйся, создержанием всяким тело твое духу покоривый.
Радуйся, уставов церковных преизрядный рачителю.
Радуйся, на высоту безстрастия возшедый.
Радуйся, истиннаго смирения зерцало.
Радуйся, кротости и незлобия светлый образе.
Радуйся, яко врученный тебе талант мудрости под землею не сокрыл еси.
Радуйся, яко дарования душевная твоими труды преумножил еси.
Радуйся, благий рабе, в радость Господа твоего призванный.
Радуйся, предстателю о нас пред ним непостыдный.
Радуйся, отче Евфимие, святителю предивный.

Кондак 5
Боготечною стезею в тихое пристанице спасения устремився, преподобне, молитвам и милостыни, отче прилежал еси, тленное богатство в нетленное прелагая, Христу же зовый: Аллилуиа.

Икос 5
Видеша людие новоградстии тя богоблаженне Евфимие, яко светильника светозарнаго, на свещнице добродетелей дивно сияюща и на святительский престол Великаго Новаграда единодушно тя призывают, ихже благочестное избрание яве и судом Божиим утвердися, жребием данным, таковому промышлению Божию о тебе чудящеся, вопием ти сице:
Радуйся, всенародным множеством на святительсий престол избранный.
Радуйся, Вседержительною Десницею во архиереех утвержденный.
Радуйся, Великаго Новаграда многоименная славо.
Радуйся, обители вяжищския честная похвало.
Радуйся, церковь Божию твоими учении украсивый.
Радуйся, людми, Богом тебе врученными, ко спасению руководивый.
Радуйся, яко о стаде твоем непрестанно попечение имел еси.
Радуйся, яко многия от вечныя погибели избавил еси.
Радуйся, неразумных человеков вразумителю.
Радуйся, скорбных и печальных утешителю.
Радуйся, погибающих надеждо и исправление.
Радуйся, безпомощных заступление.
Радуйся, отче Евфимие, святителю предивный.

Кондак 6
Проповедник доброгласный Христова Евангелия показался еси, богоизбранне архиерею Евфимие, сладость Божественную от уст твоих источая, еюже напитавшеся чада твоя, тебе добраго пастыря почитаем, Христу же зовем: Аллилуиа.

Икос 6
Возсиял яко лучезарное солнце на священное возседе седалище, Великий Новград блистанием премудрых учений твоих чудно озарил еси, сего ради зовем ти:
Радуйся, добротами святительства преукрашенный.
Радуйся, архиерею Божий, душею и телесем воистинну преосвященный.
Радуйся, пастырю словесный стада Христова.
Радуйся, премудрый учителю наследия Иисусова.
Радуйся, Пресвятыя Троицы служителю верный.
Радуйся, Духа Святаго жилище преукрашенное.
Радуйся, вдов и сирот благое попечение.
Радуйся, странных и обуреваемых готовое пристанище.
Радуйся, корабля святыя Церкве добрый кормчию.
Радуйся, в мори житейстем плавающым верный путеводителю.
Радуйся, в тихую пристань спасения душы человеческия направляяй.
Радуйся, заблудшыя на путь добродетели наставляяй.
Радуйся, отче Евфимие, святителю предивный.

Кондак 7
Хотяй Христос спасения всем человеком, тя святителя преудобренна, поставляет людем своим и Церкве светильника пресветлаго, сиянми спасительных словес твоих верныя вся и просвещающа и научающа пети: Аллилуиа.

Икос 7
Новград Великий, стяжав в себе пастыря заступника, светло о тебе хвалится, святителю Евфимие, имея тя яко стену необоримую и столп непоколебимый; мы же чада твоя, во обители твоей живущии, к твоему заступлению усердно притекаем, молящеся и зовуще тебе:
Радуйся, святителей веселие.
Радуйся, архиереев красото.
Радуйся, монашествующих утверждение.
Радуйся, постников удобрение.
Радуйся, праведных радование.
Радуйся, грешных спасение.
Радуйся, апостолом единонравный.
Радуйся, безплотных сожителю.
Радуйся, диавольских козней разрушителю.
Радуйся, подвизающымся на невидмыя враги помощниче.
Радуйся, ангеле Божий земный.
Радуйся, человече небесный.
Радуйся, отче Евфимие, святителю предивный.

Кондак 8
Странное Бога вочеловечение непрестанно помышляя, красоты мира сего всеконечне устранился еси, богомудре, не стяжал бо еси имети зде пребывающаго града; горняго же отечества со тщанием взыскал еси зовый: Аллилуиа.

Икос 8
Весь был еси в пастве твоей всем помощник, богоносне Евфимие: нищым питатель, печальным утешитель, бедствующым заступник, о всех попечение творя и всех подвизая вопити:
Радуйся, во всяких нуждах скорое вспоможение.
Радуйся, в печалех быстрое услышание.
Радуйся, немощных и убогих присный помощниче.
Радуйся, во озлоблении сущым готовейший заступниче.
Радуйся, сирых и безприютных покровителю.
Радуйся, треволнений и бурь житейских укротителю.
Радуйся, яко утопающым в пучине греховней руку помощи простираеши.
Радуйся, яко самых отчаянных из рова погибели исхищаеши.
Радуйся, имя твое святое усердно призывающым помогаяй.
Радуйся, от всяких напастей и обстояний избавляяй.
Радуйся, щедрот преизобильных подателю.
Радуйся, милости и чудес источниче.
Радуйся, отче Евфимие, святителю предивный.

Кондак 9
Все естество ангельское удивися величию подвигов твоих, отче священнейший Евфимие: в телеси бо сый, сих поревновал еси, вся плотская взыграния умертвив; живый яко безплотен, во дни и нощи пел еси: Аллилуиа.

Икос 9
Ветий краснословесных преизящнейший явился еси, преподобне, паству твою непрестанно в законе Божием поучая и на путь добродетели прилежно наставляя; темже ко пристанищу спасения направи и нас, угодниче Христов, приносящих ти благохваления сицевая:
Радуйся, доброгласный органе Духа Пресвятаго.
Радуйся, сладкозвучная цевнице Иисусова.
Радуйся, наставниче преизрядный спасения.
Радуйся, кающымся пред Богом крепкое заступление.
Радуйся, душы алчущих хлебом небесным богатно напитавый.
Радуйся, жаждущих сердца Божественным веселием исполнивый.
Радуйся, яко бдением и милостынею Богови соединился еси.
Радуйся, яко добродетелми твоими Духу Пресвятому жилище явил еси.
Радуйся, Божественнаго разума преисполненный.
Радуйся, страх Божий в сердцы твоем стяжавый.
Радуйся, умом Христовым обогативыйся.
Радуйся, раноангелен в житии явивыйся.
Радуйся, отче Евфимие, святителю предивный.

Кондак 10
Спасти хотя душу твою, о телеси твоем небрегл еси, отче наш Евфимие, сего ради и вериги тяжки до конца дней твоих на телеси тайно носил еси, от нихже многая чудеса и исцеления по смерти твоей источаеши с верою притекающым, Богу же вопиющым: Аллилуиа.

Икос 10
Стена еси иноческому чину и всем к тебе прибегающым: темже и нам, любовию чтущих тя и раце мощей твоих покланяющихся с верою, буди ограждение крепкое, да тобою от всех наветов вражиих избавльшеся, умильно зовем ти:
Радуйся, столпе непоколебимый Церкве Христовы.
Радуйся, твердое верных прибежище.
Радуйся, крепкое падающих возведение.
Радуйся, право стоящих утверждение.
Радуйся, согрешающих кроткий обличителю.
Радуйся, непокорных премудрый исправителю.
Радуйся, правды ревнителю неустрашимый.
Радуйся, благочестия поборниче непреоборимый.
Радуйся, не словесы точию, но паче делом и образом жития твоего всех к Богу приводяй.
Радуйся, верныя к радости духовной призываяй.
Радуйся, унывающым велие радование.
Радуйся, скорбящым душам сладкое утешение.
Радуйся, отче Евфимие, святителю предивный.

Кондак 11
Пение всеумиленное приношаху тебе вернии твои людие по чуднем твоем отче, к Богу отшествии, с плачем велиим провождающе тя на место упокоения в любимую обитель твою; слезы многия о разлучении твоем проливаху, со воздыханием моляще и вопиюще псаломскую песнь: Аллилуиа.

Икос 11
Светозарная звезда явился еси, богоносне Евфимие, небо церковное украшающая и мрак демонский далече отгоняющая: темже и наша сердца омраченная грехми просвети, наставниче наш, и к свету покаяния возведи, да зовем ти:
Радуйся, свеще, божественным огнем пламенеющая.
Радуйся, заре от трисолнечнаго света.
Радуйся, пресветлейшаго священства правило.
Радуйся, лучезарное добродетельное сияние.
Радуйся, светило, мрак уныния и скорби разгоняющее.
Радуйся, деннице, верных душы и сердца просвещающая.
Радуйся, тихим светом смирения и любве нам сияяй.
Радуйся, в нощи греховней блудящым зарею покаяния возсиявый.
Радуйся, яко светлою памятию твоею нам паче солнца блистаеши.
Радуйся, со Христом пребываеши во славе.
Радуйся, яко светом небесным житие наше озаряеши.
Радуйся, трисиянныя зари наслаждаешися яве.
Радуйся, отче Евфимие, святителю предивный.

Кондак 12
Благодатию чудес и знамений, дивно тя прослави Христос, святителю Евфимие: по шести бо надесятех днех преставления твоего, прииде посланный от первосвятителя Ионы с грамотою к тебе, и егда отверзоша раку твою обретеся честное тело твое нетленно; и грамоте, прочтенней бывшей над гробом твоим, ты, аки жив сый, в преподобнеи твои руце сию приемлеши. Людие же видевшыя сия, велми удивляхуся и прославляху Бога, дивнаго во святых Своих, поюще: Аллилуиа.

Икос 12
Поем твое равноангельное житие, славим твоя дивныя подвиги, почитаем досточудную кончину и со благоговением целуем твою священную раку, хвалебно зовем ти:
Радуйся, неоскудных исцелений источниче.
Радуйся, страждущих и недужных премилостивый врачу.
Радуйся, и по кончине паствы твоея не оставивый.
Радуйся, всем и коемуждо яже ко спасению у Господа испросити готовый.
Радуйся, земною нищетою небесное богатство стяжавый.
Радуйся, временною скорбию жития сего вечную радость получивый.
Радуйся, подвиг течения твоего добре совершивый на земли.
Радуйся, венцем неувядаемым увенчанный на небеси.
Радуйся, многи священныя храмы во славу святих Божиих создавый.
Радуйся, в райских селениих ликом их сочетавыйся.
Радуйся, великаго Мир Ликийских Чудотворца в житии твоем усердный чтителю.
Радуйся, в горних обителех присный его сожителю.
Радуйся, отче Евфимие, святителю предивный.

Кондак 13
О премудрый и всехвальный архиерею чудотворче святый Евфимие! Хвалебную песнь сию приими от нас тебе усердно воспеваемую: охраняй нас молитвами твоими святыми, избавляй от всякаго злаго обстояния и скорби, да тихое житие на земли поживше, блаженство вечное наследим, и купно с тобою и всеми святыми сподобимся воспевати Богу: Аллилуиа.
Кондак сей глаголи трижды, таже Икос 1-й и Кондак 1-й

Молитва
О святителю Христов Евфимие! От юности твоея Христа возлюбил еси, и благодатию Его укрепляемь, вся плотская мудрования умертвил еси, чистым житием и кротким нравом угодил еси Господеви, и по благодати Его на престоле святительства был еси, и явлися еси пастве Христовой Великаго Новаграда пастырь изряден, полагая душу твою о стаде твоем, темже пастыреначальник Христос и по смерти прослави тя подаянием чудес, от тебе истекающих, подая нам тебе образ добродетельнаго жития, и теплаго молитвенника.
Темже и аз грешный и унылый, припадая к раце мощей твоих, молюся тебе усердно: угодниче Христов, даждь ми руку помощи, воздвигни мя молитвами твоими из глубины греховныя, се бо волнами страстей плотских и уныния и иными тмочисленными житейскими треволнении обуреваяся погибаю. Буди убо мне многогрешному теплый ко Христу представтель и молитвенник, да и аз от потопления греховнаго избавлен, ко пристанищу благоутишнаго жития благодатию Христовою достигну, и чистым, на конец житием прославлю Спасителя моего, кровию Своею мене искупившаго, и тако житие скончав, получу живот вечный, в славу Отца и Сына и Святаго Духа, ныне и присно и во веки веков. Аминь.[/spoiler]

Раб божий Константин

Преподобный архимандрит Евфимий, Суздальский чудотворец.
[spoiler]Акафист преподобному архимандриту Евфимию, Суздальскому чудотворцу

 


Кондак 1



Избранный по предуведению Божию угодниче Христов, преподобне отче Евфимие! Прославляюще Господа Славы, давшаго в тебе граду Суздалю и всей православней державе русской крепкаго заступника и молитвенника, и в бедах помощника и утешителя, похвальное восписуем ти пение; ты же твоими теплыми молитвами у Престола Святыя Троицы от всяких бед душевных и телесных вся ны избави, зовущия ти: Радуйся, Евфимие, скорый помощниче и преславный чудотворче!



Икос 1



Ангельское житие иночествующих от юности возлюбил еси, преподобне Евфимие, и Богу Единому работати всем сердцем еще в отрочестве своем возревновал еси. Сего ради взываем ти: Радуйся, отроча кроткое и благопокорливое; Радуйся, родителей утешение. Радуйся, с любовию прилежавый книжному учению; Радуйся, ведению Господа и Его заповедей учитися возлюбивый. Радуйся, вся утехи детския презревый; Радуйся, Божественными токмо от юности веселяйся. Радуйся, селения Господа Сил паче всего возлюбивый; Радуйся, душею своею и скончаватися во дворех Господних возжелавый. Радуйся, в храме Божием, якоже пред Лицем Самого Господа, выну предстоявый; Радуйся, ум свой весь к Единому Богу устремивый. Радуйся, яко ничтоже земное в храме помышлял еси; Радуйся, со страхом и трепетом Богу предстоявый. Радуйся, Евфимие, скорый помощниче и преславный чудотворче!



Кондак 2



Видя подвиги и молитвенныя труды Дионисия, в пещере близ Нижняго Новаграда жительствующа, притекл еси к нему, и лобызая нозе его, со слезами того молил еси, еже причтену ти быти к лику иноков, да вопиеши купно с ними: Аллилуиа.



Икос 2



Разум слышаннаго тобою словесе Евангельскаго: "Кая польза человеку, аще мир весь приобрящет, душу же свою погубит", добре уразумев и на скрижалех сердца тое начертав, мирская вся презрел еси, о спасении же души твоей точию ревновал еси, Царствия Божия и правды его прежде всего искати научая вся ны, вопиющия ти: Радуйся, земная презревый; Радуйся, небесная возлюбивый. Радуйся, яко от юности на стражбу Божию стал еси, да утреннюеши к Богу; Радуйся, в чтениих и пениих церковных поучавыйся день и нощь. Радуйся, из млада млеком слова жизни питавыйся; Радуйся, во благодати у Бога и человек непрестанно возраставый. Радуйся, в тайне от людей молитися возлюбивый; Радуйся, от Видящаго яже в тайне, яве прославленный. Радуйся, во отрочестве не с земными сверстники, но с небесными Ангелы содруживыйся; Радуйся, всего себе Богу предавый. Радуйся, целомудрия ревнителю; Радуйся, чистоты хранителю. Радуйся, Евфимие, скорый помощниче и преславный чудотворче!



Кондак 3



Сила Вышняго осени тя, преподобне Евфимие, егда мира отвергся, иноческое житие восприял еси, по непреложному обетованию Божию, тебе изреченному при пострижении: "Аще и мать забудет отроча, Аз не забуду тебе"; сего ради к лику иноков причтен быв, вопиял еси Богу: Аллилуиа.



Икос 3



Имея в иночестем житии мудраго наставника блаженнаго Дионисия, преуспевал еси, преподобне, в подвизех и трудех, восходя от силы в силу, да совершен инок явишися. Мы же, воспевая подвиги и труды твоя, взываем ти сице: Радуйся, послушания добрый рачителю; Радуйся, на всякую службу Господа ради присно готовый. Радуйся, со уготовлением брашна братии ум свой возводивый к вечери Агнца, избранным уготованной; Радуйся, зрением огня в пещи возгревавый в себе память огня геенскаго. Радуйся, яко во измовении рук труждаяся, убелити душу твою, яко снег, поревновал еси; Радуйся, яко, измывая срачицы, облещися в хитон заслуг Христовых возлюбил еси. Радуйся, яко древа посекая, из сердца твоего вся нечистыя мысли и желания исторгал еси; Радуйся, яко зрением сухих древес, якоже притчею о смоковнице, плодоношению добрых дел поучался еси. Радуйся, во образ младенческаго незлобия и яко шлем упования куколь восприемый; Радуйся, во власяницу, яко в знамение умерщвления плоти, облекийся. Радуйся, аналав, яко броню необоримую, на рамена возложивый; Радуйся, яко спогребшийся Христу, милостию одеянный. Радуйся, Евфимие, скорый помощниче и преславный чудотворче!



Кондак 4



Бури житейских волнений в тихом пристанищи обители иноческия избегл еси и росою воздержания угасил еси, преподобне, юношеский пламень страстей; огнем же страданий попаляя приражения мира прелестнаго, постом и молитвою душу твою светлее лучей солнечных просветил еси, вопия Богу: Аллилуиа.



Икос 4



Слышав моление князя Суздальскаго, о еже даровати наставника и строителя обители во граде его, блаженный Дионисий тя яко предтечу предпосылая пред собою в страну, идеже предопредели ему Бог святительствовати, тебе, преподобне отче, ввери сие дело, и не хотящу ти удалитися от отца твоего; ты же, яко сын послушания, волю свою Господу покоривый, Егоже вся есть земля, последовал еси воли наставника; темже ублажая тя, взываем ти сице: Радуйся, яко Авраам, послушания ради Гласу Божию, отечество твое Нижний Новград, обитель и знаемых оставивый; Радуйся, Небеснаго Отечества ради в земнем отечествии странен явивыйся. Радуйся, спасению других послужити готовый; Радуйся, иноческаго братства добрый вождю. Радуйся, благословение отца своего духовнаго и молитву, яко копие острое, на поражение невидимых враг приемый; Радуйся, духом молитвы от него не отлучивыйся. Радуйся, обитель святаго Василия устроивый и тамо иноков собравый; Радуйся, при отшествии из обители сея путнический твой посох тамо на благословение оставивый. Радуйся, яко во граде Суздале благословения Божия во храме Пресвятыя Богородицы прежде всего искал еси; Радуйся, яко святителя Иоанна благоговейно почитал еси. Радуйся, яко от архиерея Божия молитвы и благословения на дело твое прежде всего испросил еси; Радуйся, во еже дело повеленное совершити усердно потрудивыйся. Радуйся, Евфимие, скорый помощниче и преславный чудотворче!



Кондак 5



Боготечная звезда явился еси, преподобне, небо церковное украшая, град Суздаль светом своим осиявая и плавающия во мраке житейских попечений к тихому пристанищу иночества наставляя, да вопиют вси Богу: Аллилуиа.



Икос 5



Видев со епископом и князем место благопотребно на горе, идеже храму Преображения Господня создатися, яко Петр на Фаворе мыслил еси: "Добро нам зде быти, и сотворим сени братии", ведый яже глаголеши; темже со всеусердием трудился еси в созидании храма и жилищ иноком. Мы же, зряще совершение дела и столпостение обители, радостно взываем ти: Радуйся, здателю мудрый; Радуйся, домостроителю верный. Радуйся, яко мотыкою углубляяся в землю, духом твоим нисходил еси во глубину смирения; Радуйся, яко земная недра разрывая, возделовал еси в себе добродетели. Радуйся, при устроении храма Божия на земли, о храме вечнем на небеси выну помышлявый; Радуйся, в чаянии жизни вечныя устроивый гроб себе под кровом, идеже безкровная приносится жертва. Радуйся, своима рукама истесавый камни для гроба своего; Радуйся, выну память смертную имевый. Радуйся, постом, молитвою и слезами место обители освятивый; Радуйся, пусто место во благоплодный вертоград Христов преобразивый. Радуйся, при реце веселящей град, обитель иноков яко мост к небеси преводяй, устроивый; Радуйся, строителю обители, процветшия яко крин в стране Суздальстей. Радуйся, Евфимие, скорый помощниче и преславный чудотворче!



Кондак 6



Проповедник богоносный быв, преподобне, истинному боговедению и благочестию поучал еси присно братию свою и вся люди земли Суздальския словом спасения, паче же образом жития своего наставляя на путь спасения, да вопиют вси Богу: Аллилуиа.



Икос 6



Возсия благоверному князю святость жития твоего, отче Евфимие, егда узре Ангела Божия сослужаща ти и святителю Иоанну при Божественней литургии, якоже иногда спостнику и собеседнику твоему преподобному Сергию; мы же, тако прославивша тя Господа славяще, вопием ти: Радуйся, пастырю добрый вверенных тебе словесных агнцев; Радуйся, вождю добрый, сильный словом и делом. Радуйся, винограда Христова насадителю и хранителю; Радуйся, вертограда Господня благоискусный делателю. Радуйся, таин богоизбранный строителю; Радуйся, немощей братии врачу богомудрый и скорый целителю. Радуйся, свирель доброгласная, песньми духовными веселящая души человеков; Радуйся, псалтирь, славу Божию возвещающая. Радуйся, печальных утешение; Радуйся, обидимых заступление. Радуйся, Божия благодати струя неизсякающая; Радуйся, милостей Божиих присный ходатаю. Радуйся, Евфимие, скорый помощниче и преславный чудотворче!



Кондак 7



Хотя добре упаствити вверенную ти от Бога паству, заповедал еси в храме и трапезе молчание, в келлии молитвенное пребывание, всякого мудрования отсечение, своих стяжаний отчуждение, чистоты и целомудрия хранение, и всех иноческих обетов верное соблюдение, да возможеши, представ Страшному Судищу Христову, рещи: "Се аз и дети, яже ми дал еси", и воспети вкупе с ними: Аллилуиа.



Икос 7



Новаго тя молитвенника, заступника и помощника в бедах стяжаша людие суздальстии: ты бо гладным питание, больным упокоение, должником искупление, утесняемым на суде заступление подавал еси; мы же сих ради благодарственная ти восписующе, взываем к тебе сице: Радуйся, любве Отца Небеснаго подражателю; Радуйся, братию твою любовию Христовою возлюбивый. Радуйся, ближним, якоже и Христу Самому, служивый; Радуйся, благословение Отца Небеснаго милостынею наследовати поревновавый. Радуйся, подвиги поста, молитвы и бдения любовию увенчавый; Радуйся, любовь — союз совершенства стяжавый. Радуйся, любве к ближнему основание в любви к Богу положивый; Радуйся, веру свою и любовь к Богу делы явивый. Радуйся, яко сын правыя веры и чистыя любве Богу усыновивыйся; Радуйся, Святыя Троицы благоуготованное селение явивыйся. Радуйся, в Бозе пребываяй; Радуйся, яко Бог в тебе пребывает. Радуйся, Евфимие, скорый помощниче и преславный чудотворче!



Кондак 8



Странен и убог внешним видом являлся еси, преподобне, худыми ризами прикровен и милотию ветхою одеян, тоюжде в зное летнем и в хладе зимнем, внутрь же добродетельми преукрашен был и чистотою сиял еси, воспевая Богу: Аллилуиа.



Икос 8



Вся страна Суздальская, светом твоих добрых дел и полезных учений осияваема, прославляше о тебе Отца Небеснаго и яко ангела земнаго и человека небеснаго тя почиташе. Темже и мы отонуду пети научихомся тебе таковая: Радуйся, всякия добродетели усердный делателю; Радуйся, смирения избранный сосуде. Радуйся, молитвою и слезами душу очистивый; Радуйся, постом и веригами железными плоть умертвивый. Радуйся, Царство Небесное нищетою духа наследивый; Радуйся, вечное веселие плачем исходатайствовавый. Радуйся, в наследие землю Небесную кротостию улучивый; Радуйся, яко за алчбу и жажду правды восприял еси насыщение благами вечными. Радуйся, яко милости ради от Бога помилован был еси; Радуйся, чистотою сердца зрети Бога сподобивыйся. Радуйся, яко миротворения ради, в сынех Божиих нарещися сподобился еси; Радуйся, яко терпением и злострадании мзду многую стяжал еси. Радуйся, Евфимие, скорый помощниче и преславный чудотворче!



Кондак 9



Всякое духовное утешение почерпал еси, преподобне, от содружества с великим Сергием, словом спасения в беседах назидаяся, подвиги иноческия с ним разделяя и купно воспевая Богу: Аллилуиа.



Икос 9



Витийствующий язык не может по достоянию восхвалити труды твоя, подвиги и всякую добродетель твою: от юности бо до маститыя старости неустанно Богу работал еси, труды ко трудом прилагая и восходя от силы в силу, да вообразится в тебе Христос, Егоже ради подвизался еси, Егоже возлюбил еси, Егоже вожделе душа твоя. Настави убо на путь Христовых заповедей и нас, взывающих к тебе сице: Радуйся, от младых ногтей до престарения всю жизнь твою Богу посвятивый; Радуйся, делая в вертограде Христове, тяготу и вар дне понесый. Радуйся, в жизни присно о смерти помышлявый; Радуйся, выну предстати Страшному Судищу Христову готовивыйся. Радуйся, умерый миру и плоти прежде успения своего; Радуйся, воскресый духом прежде преития в райская селения. Радуйся, подвигом добрым подвизавыйся; Радуйся, честне земное течение скончавый. Радуйся, рабе верный, в радость Господа своего вшедый; Радуйся, доблий воине Царя Небеснаго, венец славы вечныя приявый. Радуйся, яко Престолу Царя Славы предстоиши; Радуйся, яко Христу Царю молитвы о нас приносиши. Радуйся, Евфимие, скорый помощниче и преславный чудотворче!



Кондак 10



Спасти хотя всех, твоего наставления требующих, грешных призывал еси к покаянию, болящим подавал еси исцеления молитвою твоею, братии имети любовь между собою заповедал еси, и в час смертный, всех благословляя и прощение коемуждо подавая, неотступен от обители твоея обещался еси пребыти духом твоим, егоже с миром предал еси Богу, вопия Ему: Аллилуиа.



Икос 10



Стена был еси и ограждение и по преставлении обители твоей и добрых уставов иноческаго жития: небрегуща бо об обители архимандрита Евфимия огневицею поразил еси, келаря же Киприана, устава, даннаго тобою, несоблюдша, разслаблением вразумил еси; темже мы, прославляя тя, яко неусыпнаго стража обители, взываем ти таковая: Радуйся, яко паству твою, с нею живый, добре упасл еси; Радуйся, яко и по смерти благоустрояти ю не престаеши. Радуйся, устава добраго общежития насадителю; Радуйся, присный его охранителю. Радуйся, нерадящих строгий обличителю; Радуйся, кающимся скорое прощение подаваяй. Радуйся, пастырей умудрение; Радуйся, иноков научение. Радуйся, обещавый, яко не оскудеет обитель твоя; Радуйся, обетования сего исполнение исходатайствовавый. Радуйся, дерзновение к Богу получивый; Радуйся, присно о чадех твоих предстательствуяй. Радуйся, Евфимие, скорый помощниче и преславный чудотворче!



Кондак 11



Пение всеумиленное приносим дивному во святых Богу, за еже мощи твоя, угодниче Божий, яко сосуд благодати полный и преизливаяйся, нам даровал есть: презрением бо тленнаго мира и плоти умерщвлением не токмо вечное блаженство духом, но и плоти нетление улучил еси, и истекшим сту летом пребывания в земле светел лицем и в ризах неистленных обретен был еси; сего ради вопием Богу: Аллилуиа.



Икос 11



Светлосияющую свещу, сущим во тьме явленную, зрим раку святых мощей твоих, преподобне Евфимие; при ней бо мраком беснования одержимии просвещаются, изступленнии умом и разслабленнии телом здравы содеваются, огнь трясавицы угашается, и многая неисчетная чудеса совершаются, о нихже дивящеся, вопием ти: Радуйся, яко восходя на небо, мощи твоя святыя нам оставил еси; Радуйся, яко мощи твоя исцеляют всякия скорби и болезни. Радуйся, яко мощей твоих демони трепещут; Радуйся, яко твоя мощи комуждо в приключшихся печалех бывают утешение. Радуйся, яко вериги и жезл твой чудодействуют; Радуйся, источниче, струю обильную исцелений точащий. Радуйся, многообразных чудес подателю; Радуйся, по твоем отшествии от земли нас не оставляяй. Радуйся, из небесных сокровищ блага нам, на земли сущим, низпосылаяй; Радуйся, на земныя скорби и нужды наша призираяй. Радуйся, к молитвам скоро слух свой преклоняяй; Радуйся, на помощь быстро готовый. Радуйся, Евфимие, скорый помощниче и преславный чудотворче!



Кондак 12



Благодать свыше приял еси, преподобне, заблуждающияся на путь истины обращати, грешников к покаянию призывати; не презри под кровом обители твоея требующих духовнаго врачевания и целения, всякое неправомыслие исправляя и всякий греховный недуг отгоняя, да вси едиными усты и чистым сердцем вопием Богу: Аллилуиа.



Икос 12



Поюще многия твоя, преподобне Евфимие, подвиги и труды в жизни сей, ублажаем приснопамятное успение твое, торжествуем и о Божественней славе твоей в Небесном Царствии, и, припадающе к раце многоцелебных мощей твоих, со умилением взываем ти сице: Радуйся, мужу желаний, в телеси и душе Бога прославивый; Радуйся, в невечерний день Царствия Божия зрети сподобивыйся. Радуйся, в книгу животную вписанный; Радуйся, Горняго Иерусалима жителю. Радуйся, в раю сладости водою жизни напаяемый; Радуйся, плодами древа жизни насыщаемый. Радуйся, в свете Славы Божия и светильника Агнца обитаяй; Радуйся, Престолу Господа Вседержителя предстояй. Радуйся, в селения, отнюдуже отбеже всяка печаль и воздыхание, вселивыйся; Радуйся, в горней скинии Божией, на нейже почиет благословение, веселяйся. Радуйся, Вечери брака Агнча приобщивыйся; Радуйся, со всеми святыми во Царствии Небеснем ликовствуяй. Радуйся, Евфимие, скорый помощниче и преславный чудотворче!



Кондак 13



О преславный чудотворче, преподобне и богоносне отче Евфимие! Приими ныне сие усердное моление наше и умоли Милостиваго Бога, да дарует Церкви мир и тишину, царю крепость и долгоденствие, всем нам душевное спасение и от всех бед избавление, и твоим теплым ходатайством будущия изми муки нас, аще и недостойне, вопиющих Богу: Аллилуиа.



(Этот кондак читается трижды, затем икос 1 и кондак 1)





Молитва преподобному архимандриту Евфимию, Суздальскому чудотворцу

 

Преподобне и преблаженне отче наш Евфимие, вонми нам, к тебе смиренно припадающим и твоего заступления тепле просящим. Веси немощи наша, веси грехи наша, но и усердие наше не утаися от тебе. Умоли Милостиваго Спасителя нашего, Господа Иисуса Христа, даровати нам оставление многих согрешений наших и утвердити нас на пути делания заповедей Его. Огради нас твоими молитвами от всех искушений и бед, отврати належащия нам скорби и напасти, даруй нам в здравии, мире, тишине и благоугождении Богу провождати дни жития нашего, испроси нам время на покаяние и ответ благоприятен на Страшнем Судищи Христове, да с тобою и со всеми избранными славим вечно Отца и Сына и Святаго Духа. Аминь.




Тропарь преподобному Евфимию, архимандриту Суздальскому, чудотворцу

 

Тропарь, глас 3

 

Яко светозарная звезда, пришел еси от востока на запад, оставив отечество твое, Нижний Новград, и, дошед богоспасаемаго града Суждаля, в нем обитель сотворил еси, и собрал еси монахов множества, и, прием дар чудес от Бога, отче Евфимие, был еси о Христе собеседник и спостник преподобному Сергию. С нимже у Христа Бога испроси нам здравие, и спасение, и душам нашим велию милость.[/spoiler]

Раб божий Константин

Акафист святей преподобней матери нашей Евфросинии Александрийской.
[spoiler]Акафист святей преподобней матери нашей Евфросинии Александрийской
Кондак 1

Избранная Богом от благочестиваго рода для прославления имени Господнего своим житием непорочным, святая преподобная Евфросиние, к чистым стопам твоим припадаем и умиленно тя просим: простри ко Господу Богу руце своя и умоли за нас Творца всяческих, да помилует нас в сем житии, вопиющих тебе: Радуйся, преподобная мати Евфросиние, радость в любви ко Христу испытавшая.

Икос 1

Ангелом святым уподобившися, богобоязненнии родители твоя, преподобная Евфросиние, печалуяся о беплодии своем, непрестанно Господа моляху, да послет им чадо во утешение. С высоты небесныя преблагий Господь на милосердие, моления и пощения рабов Своих взирая, благоволи, по молитвам игумена, благословити благочестиваго отца твоего Пафнутия и разрешися неплодие матери твоея. Мы же, с родителями твоими, прекрасная Евфросиние, рождению твоему радующеся, воспеваем ти: Радуйся, у Господа родителями твоими со слезами вымоленная. Радуйся, родителем твоим Господом за милосердие и смирение дарованная. Радуйся, утешением им неизреченным ставшая. Радуйся, ими благочестию и праведности наученная. Радуйся, с младых лет в православной вере воспитанная. Радуйся, заповеди Божии в сердце своем сохранявшая. Радуйся, преподобная мати Евфросиние, радость в любви ко Христу испытавшая.

Кондак 2

Видя девственную чистоту жития твоего, преподобная Евфросиние, велие благоразумие твое и красоту лика твоего, многия от благороднейших и знатнейших семейств Александрии желаху имети тя супругою своих сынов. Отец же твой Пафнутий, на волю Божию всецело полагаяся: "Да будет тако, яко же есть угодно Господу!", хвалы Ему пел неустанно: Аллилуиа.

Икос 2

Разуму своему просвещения свыше прося, пришедши Пафнутий со дщерию своею во обитель, рекл игумену о чаде своем: "Аз приведох к тебе, святый отче, дщерь мою, ея же ми Бог даровал есть по молениям твоим; прошу тя, отче, помолися о ней, хощу бо отдати ея в замужество". Ты же, благоразумная Евфросиние, к ногам старца припадая, просила еси его: "Прошу тя, отче, помолися о мне, да спасет Господь душу мою", о замужестве ничуть не помышляя. Научи же и нас о небеснем помышляти паче, нежели о земном, воспевающих ти сице: Радуйся, благоразумием Господом щедро одаренная. Радуйся, ликом красивая, душею же прекрасная. Радуйся, тело и душу добродетелями очистившая. Радуйся, мудро житие свое устроявшая. Радуйся, быти одушевленным храмом Божиим свыше благословенная. Радуйся, гласа Христова, зовуща к бессмертней жизни, послушавшаяся. Радуйся, преподобная мати Евфросиние, радость в любви ко Христу испытавшая.

Кондак 3

Сила Божественныя благодати воистину укрепи тя, мужественная Евфросиние, егда по тайнем пострижении твоем, в мужския одежды облеклася еси и тайно от всех от дома своего отошла еси, жениха земнаго отрешившися и к Жениху Небесному во сретение устремившися, Ему же сладце пела: Аллилуиа.

Икос 3

Имея велию любовь к возлюбившему тя Господу, богоблаженная Евфросиние, житием иноческим угодити Ему восхотев, за евнуха Измарагда себе выдавая, во обитель мужескую вошла еси и труды иноческия подъяти потщалася еси. Мы же, таковому подвигу твоему удивляяся, воздаем ти хвалы сии: Радуйся, богодохновенныя мудрости от младых лет исполненная. Радуйся, девством и целомудрием сияющая. Радуйся, яко крепость мужескую на труды иноческие дарова ти Христос. Радуйся, яко Божественною благодатию укрепленная, Жениху Небесному верно служившая. Радуйся, подвиги иноческия на хрупкия плещи своя небоязненно подъявшая. Радуйся, теми Господу угодившая и награду нетленную стяжавшая. Радуйся, преподобная мати Евфросиние, радость в любви ко Христу испытавшая.

Кондак 4

Бури искушений воздвиже враг рода человеческаго на тя, прекрасная Евфросиние, смущаху бо ся многия из братии нечистыми помыслы, уязвляше бо диавол сердца их красотою лика твоего. Ты же, сего ради, во уединении жити обреченная, скрывая тленную красу свою, душею нетленною в Боге пребывала еси, Ему моляся тепло: Аллилуиа.

Икос 4

Слышаще и видяще блаженный Агапит велии подвиги и труды твоя, преподобная Евфросиние, повествоваше о ня всей братии в назидание. Мы же, купно с ними поучаемся подвигами твоими и прославляем Бога, даровавшаго таковую силу ти, поюще тебе сице:

Радуйся, Креста всеоружием оградившеся, враги побеждавшая. Радуйся, молитвою пламенною услаждаяся, с Господом непрестанно пребывавшая. Радуйся, яко светом Христовым просвещенное сердце имела еси. Радуйся, яко любовию Христовою навечно уязвилася еси. Радуйся, во Владычни пречистые длани надежды своя возложившая. Радуйся, сугубый венец от Христа Жизнодавца достойно приявшая. Радуйся, преподобная мати Евфросиние, радость в любви ко Христу испытавшая.

Кондак 5

Боготечную звезду в тебе явленную найти тщашеся, искаше тя повсюду благочестивый отец твой и братию моляше да откроет по молитвам я Господь твою участь, Евфросиние святая. Ты же, днем и нощию ко Господу молилася еси, да не откроет Господь никому же о тебе в сем житии, и Бог тя слышаше, ты бо пела еси Ему верно: Аллилуиа.

Икос 5

Видевши игумен обители идеже подвизалася еси ты, мати наша Евфросиние, яко отец твой велиею печалию по тебе истаяваем бысть, посли его к тебе в келию, да утешение от тебе приимет, яко мняше тя исполненною Духа Святаго. Мы же, таковую милость Божию на тебе зряще, восхваляем тя звании сими: Радуйся, светом Триипостасным еще в земном житии осиянная. Радуйся, небесный чертог еще на земли себе уготовившая. Радуйся, разум богоносный денно и нощно стяжавшая. Радуйся, добротою благочестия чистее злата блестящаяся. Радуйся, сияния Божественнаго ныне насыщающаяся. Радуйся, нощь жития всемудро прошедшая, день невечерний постигшая. Радуйся, преподобная мати Евфросиние, радость в любви ко Христу испытавшая.

Кондак 6

Проповедницею истиннаго боговедения и велией любви ко Христу явилася еси, премудрая Евфросиние, егда любовь отца своего земнаго не презревая, обаче в печали по тебе с любовию дочернею его тепло утешая, Отцу Небесному взывала еси слезно: Аллилуиа.

Икос 6

Возсияла еси, блаженная Евфросиние, зельными трудами и воздержанием тело твое удручающи тридесять и восемь лет, в уединенном житии воспевая ко Христу победную песнь над враги видимыми и невидимыми. Всего же величествия деяний твоих изрещи не могуще, малую мзду хвалебную воздаем тебе сице: Радуйся, нищету Христову вольно возлюбившая. Радуйся, сего ради богатство исцелений от Бога приявшая. Радуйся, яко росою воздержания пламень страстей погасила еси. Радуйся, яко Жениху Слову честное девство в дар принесла еси. Радуйся, тем же в чертог славы Христом введенная. Радуйся, со Ангелы и со лики святых веселящаяся. Радуйся, преподобная мати Евфросиние, радость в любви ко Христу испытавшая.

Кондак 7

Хотяй душу твою в селениих райских упокоити, возвести тебе Господь, праведная Евфросиние, день отшествия твоего к Нему. Ты же, отцу своему земному тайну жития своего поведавши, ко Отцу Небесному потекла еси, воспевая Ему: Аллилуиа.

Икос 7

Дивная тайна о тебе открыта бысть Господем игумену и братии святыя обители, идеже ты подвизалася еси, святая Евфросиние, да прославится Бог, явивший крепкую силу Свою в немощней плоти твоея. Молися о нас, мати преподобная, Господу Иисусу Христу, да сподобит и нас скончавши праведно житие свое, достигнути спасения и водворитися со святыми Его, вопиющих к тебе: Радуйся, иго легчайшее Христово от юности понесшая. Радуйся, лучами чудес твоих страстей вещь попалившая. Радуйся, одеяние иноческое, яко ангельское, носившая. Радуйся, исткану свыше ризу себе светозарную исходатайствовавшая. Радуйся, огнем Божественныя любве сердце свое согревавшая. Радуйся, росою благодати Божественныя душу свою орошавшая. Радуйся, преподобная мати Евфросиние, радость в любви ко Христу испытавшая.

Кондак 8

Странное чудо и непостижимое явися от святых мощей твоих, Евфросиние преблагая, егда некоему от братии, иже бе слеп на единый глаз, по лобзании тела честнаго твоего, отверзеся око его. Видя исцеление сие, вся братия величала есть милость Божию, воспевая: Аллилуиа.

Икос 8

Всем была еси в назидание святым житием твоим, мати преподобная, яко в женстем естестве мужескую крепость имела еси и победила еси супостата диавола. Подавай и нам крепость на подвиги и труды во славу Божию, восхваляющим тя:

Радуйся, яко святыя мощи твоя благоухания исполнишася. Радуйся, яко тех благоуханием мы ныне наслаждаемся. Радуйся, врачевств струю обильно и богатно источающая. Радуйся, благородство души своея не уязвленым сохранившая. Радуйся, на Христа Жениха своему непрестанно взирающая. Радуйся, от Него же благодать приснотекущую непрестанно получающая. Радуйся, преподобная мати Евфросиние, радость в любви ко Христу испытавшая.

Кондак 9

Всю себе повинув Богови, воистину светел и тверд ум имела еси, боголюбивая Евфросиние, вся бо красная мира сего, яко во уметы вменила еси и ничтоже возможе поколебати храм души твоея, внегда воспевала еси Христу: Аллилуиа.

Икос 9

Витийство человеческое не возможе изглаголати любве твоея, невесто Христова Евфросиние, Христов бо храм явилася еси твоею чистотою и целомудрием, темже вместила еси в себе Святаго Духа. Чистотою души твоея восхищаяся и в себе Святаго Духа стяжати хотящии, восклицаем ти словесами хвалебными: Радуйся, Богу Зиждителю песнопоющи с девами ликуеши. Радуйся, в Троице святей Господа неустанно прославляеши. Радуйся, яко лоза богомудрая явилася еси. Радуйся, яко к тебе приходящих вином благочестия напоила еси. Радуйся, девства светлостьми и иными добротами блистающая. Радуйся, сияниями терпения и смирения твоего мир просвещающая. Радуйся, преподобная мати Евфросиние, радость в любви ко Христу испытавшая.

Кондак 10

Спастися всем верным хотящим пример благий житие твое, богомудрая Евфросиние, ним же Жениха своего Небеснаго прославляла еси, приимши бо крест последовала еси Христу, темже и со Ангелы ныне срадуешися, поя Ему: Аллилуиа.

Икос 10

Стена тверда еси всем верующим в Бога и с молитвами к тебе прибегающим, преподобная наша мати, не отвращаеши бо лица твоего от них: недужным исцеление испрашиваеши, сирым утешение подаеши, обидимым и гонимым защитница еси. Мы же, таковую велию твою помощь и защиту принимая, с благодарностию взываем ти: Радуйся, монашествующих славо и преподобных украшение. Радуйся, в болезнях твоих зревшая Господа посещение. Радуйся, лета младыя не жениху земному, а Жениху Небесному посвятившая. Радуйся, яко жертва непорочная Христу пожершаяся. Радуйся, яко на твоя мужеския подвиги со умилением взираем. Радуйся, яко теми на одоление страстей наших ополчаемся. Радуйся, преподобная мати Евфросиние, радость в любви ко Христу испытавшая.

Кондак 11

Пение еже приносим ти, святая Евфросиние, несть довольно к прославлению преславных подвигов и трудов твоих, обаче, ведуще любовь нашу к тебе, внемли мольбам нашим, да души и сердца наша благодатною силою исполняются, уста же вопиют ангельскую песнь Творцу: Аллилуиа.

Икос 11

Светозарная свеща еси в церкви Христовой, Богом избранная Евфросиние, во мраце жития сущим неугасимая, у престола Божия на небесней свещнице поставленная, сего ради воспеваем ти: Радуйся, богатством твоим и похвалою Христа именовавшая. Радуйся, темже от Того богатства духовныя непрестанно получавшая. Радуйся, любовию твоею страждущих объемлющая. Радуйся, в свои объятия немощных приемлющая. Радуйся, таинница молитвенныя сладости. Радуйся, хранительница благодатныя радости. Радуйся, преподобная мати Евфросиние, радость в любви ко Христу испытавшая.

Кондак 12

Благодать Божественную испроси нам у Господа, боголюбивая Евфросиние, да нею очистивши сердца и души наша, укрепляеми будем на делание добрых дел, ними же прославим в Троице славимаго Бога, воспевая Ему присно: Аллилуиа.

Икос 12

Поюще пресветлую память твою, добропобедная Евфросиние, почитаем великия подвиги и моления твоя, хвалим долготерпение и смирение твое, славим мужество твое в немощнем телеси, ублажаем святую кончину твою. О небесней славе твоей радуяся, со умилением сердечным вопием ти: Радуйся, яко дело жития твоего земнаго продолжаеши. Радуйся, яко на страже спасения нашего пребываеши. Радуйся, лучами Евангельскаго учения в сердца наша проникающая. Радуйся, силу в молитве от источника премудрости черпати нас научающая. Радуйся, волю свою воле Божией сочетати нам помагаеши. Радуйся, в скорби и болезни Небеснаго Врача призывати нас наставляющая. Радуйся, преподобная мати Евфросиние, радость в любви ко Христу испытавшая.

Кондак 13

О святая, всехвальная и многопобедная угоднице Христова Евфросиние! Нынешнее моление наше приемши, предстательством твоим сохрани ны от враг видимых и невидимых и испроси нам у Господа оставление всех наших прегрешений, жития нашего исправления и во Царствие Небесное невозбранное вхождение, да со всеми святыми воспевати непрестанно будем Богу: Аллилуиа. Аллилуиа. Аллилуиа.

Сей кондак читается трижды. Затем икос 1 и кондак 1.

Молитва

О, святая преподобная мати наша Евфросиние! Ныне светло память твою празднующе, умиленными сердцами восклицаем ти: ты послушалася еси благаго Учителя Господа нашего Иисуса Христа, глаголющаго в Евангелии: "Иже любит отца или матерь паче Мене, несть Мене достоин, и иже не отречется всего своего имения, не может быти Мой ученик" и всем житием своим последовала еси Ему. Испроси нам, мати наша Евфросиние, силы и действа Святаго Духа, во еже искоренити в нас всякий грех в нас живущий и сотворити души наша в храмы Божии; воспламени сердца наша любовию ко Господу да исполним уста наша ко славословию Его и совершим хождение наше пред лицем Божиим во всяком благочестии и чистоте да небесным предстательством твоим спасаеми узрим славу Божию, славяще Отца и Сына и Святаго Духа во веки веков. Аминь.

Кондак, гл. 2

Вышнюю жизнь возжелевши, дольнюю сладость тщательно оставила еси, и самую себе смесила еси посреди мужей, краснейшая: Христа бо ради Жениха твоего о обручнице привременном небрегла еси.

Житие преподобной Евфросинии Александрийской

Дни памяти: 28 февраля (н.ст.) и 8 октября (н.ст.)

В городе Александрии жил некогда муж, по имени Пафнутий. Он был богат, славен, пользовался почестью, боялся Бога, хранил заповеди Господни и вел богоугодную жизнь. Супруга его также была женщина добрая, благочестивая богобоязненная. Одно лишь их тяготило: у них не было детей; сильно скорбели они о сем, ибо некому было оставить им свое имение, кто бы и по смерти их мог хорошо управлять им. Печалясь о бесчадии своем, они непрестанно молили Господа, чтобы Он даровал им детище, подавали щедрую милостыню убогим, раздавали много в церкви и монастыри, кроме того, пребывали в посте и молитвах, обходили храмы Божии и просили Бога об исполнении их желания. Однажды Пафнутий отправился в некий монастырь, игумен которого, как он слышал, отличался своей святой жизнью; и в сей монастырь он также пожертвовал большой вклад. Беседуя с игуменом, Пафнутий получил от него утешение. Уразумев, что сей инок угоден Богу, он поведал игумену о своей печали, именно о том, что нет у него детей. С земным поклоном он просил у игумена, чтобы тот вместе с своей братией помолился о нем Богу, дабы Господь даровал ему детище. Преблагой Бог, милостиво приемлющий молитвы всех усердно молящихся Ему и призывающих Его, внял молитвам игумена и благословил Пафнутия. После сего разрешилось неплодие жены его, и Бог даровал им дочь, весьма прекрасную собою. Родители, исполненные величайшей радости, воссылали Богу от всего сердца благодарение. При крещении младенцу нарекли имя Евфросиния1. С того времени Пафнутий стал часто посещать тот монастырь, раздавал всем инокам милостыню, и к игумену тому питал великую любовь за его полезную беседу, а также и за то, что, по молитвам его, он получил желаемое от Бога. Спустя 12 лет после рождения Евфросинии, мать ее преставилась в вечную жизнь; Пафнутий же, как и прежде, продолжал поучать дочь свою Божественному Писанию. Навыкнув в нем, отроковица предалась усердному чтению священных книг. Между тем слух о ее благоразумии красоте распространился по всей Александрии. Посему многие из благородных и знатных граждан желали иметь ее супругой своих сыновей, и наперерыв спешили заявить о своем желании ее отцу. Пафнутий же говорил:

– Да будет так, как угодно Господу!

Среди искателей руки Евфросинии был один муж, отличавшийся перед всеми своим благородством, саном, богатством и славой. Он упросил Пафнутия, чтобы тот выдал дочь свою за его сына, на что Пафнутий и согласился. Сговорившись, они назначили время бракосочетании.

Еще до брака Пафнутий пошел с дочерью в монастырь, где жил вышеупомянутый игумен, коего он почитал как отца, и сказал ему:

– Я привел к тебе, святой отец, дочь мою, ту самую, которую бог даровал мне по твоим молитвам; прошу тебя, помолись за нее, ибо я хочу отдать ее в замужество.

Игумен благословил Евфросинию и затем начал беседовать с Пафнутием о спасении души, а дочь его поучал целомудрию, смирению, страху Божию и любви к Творцу, а также увещевал ее творить милостыню. Все сии слова глубоко западали в сердце мудрой и благоразумной девицы, имевшей тогда восемнадцать лет от роду. три дня прожил Пафнутий с дочерью своею в монастырской гостинице. В течение сего времени Евфросиния ежедневно внимала церковному чтению и пению; удивлялась она, взирая на подвиги иноков, и говорила сама в себе:

– Блаженны сии люди, ибо они и здесь на земле живут как ангелы, и в будущей жизни будут обитать вместе с ангелами.

И сильно возревновала она о том, чтобы подражать их святой жизни. По прошествии трех дней, Пафнутий сказал игумену:

– Мы хотим идти в город; отпусти нас с миром, честный отче.

Евфросиния же, припав к ногам игумена, сказала:

– Прошу тебя, отче, помолись о мне, чтобы Господь спас мою душу.

Игумен благословил ее и так молился о ней Господу:

– Боже, ведающий судьбу каждого человека еще до рождения его, сподоби рабу Твою сию равной награды и воздаяния со всеми от века благоугодившими Тебе.

После сего, поклонившись игумену, Пафнутий с дочерью ушли в город. Сей праведный муж так глубоко почитал иноческий чин, что когда он встречал где-либо на пути или в городе инока, то приглашал его к себе в дом, гостеприимно угощал его и просил, чтобы тот молился Богу о нем и о дочери его.

Вскоре в обители той наступил день поминовения основателя ее, и игумен послал одного из братии пригласить к сему дню благодетеля обители Пафнутия. Случилось так, что посланный инок не застал Пафнутия дома; Евфросиния, узнав о приходе к ним в дом черноризца, позвала его к себе и начала расспрашивать о том, сколько в их обители братии. Он отвечал ей:

– Триста пятьдесят два человека.

Тогда она спросила его:

– Если кто-нибудь придет в вашу обитель и захочет жить с вами, примет ли его ваш игумен?

На сие инок отвечал:

– Конечно, с радостью примет, памятуя слова Господни: "приходящего ко Мне не изгоню вон" (Иоан.6:37).

Девица еще предложила ему вопрос:

– Все ли вы вместе поете и одинаково ли поститесь?

– Да, мы поем все вместе, – отвечал инок, – а постится каждый из нас столько, сколько хочет и может.

Расспросивши у черноризца всё о монастырской жизни, девица сказала ему:

– Хотелось бы и мне начать такую жизнь, но я боюсь ослушаться отца своего, ибо он желает выдать меня замуж, увлекаясь богатством суетного сего мира.

Черноризец сказал ей:

– Не желай временного и скоропреходящего союза со смертным, но посвяти себя Христу: Он вместо всех скоропреходящих и суетных благ дарует тебе царство небесное и пребывание с ангелами. Выйди тайно из дома и иди в монастырь, оставив одежды мирские, облекись в иноческое одеяние, чтобы тебя не могли узнать.

Обрадовалась святая Евфросиния, услышав сии слова инока, и спросила его:

– Кто же пострижет меня?

Он же отвечал ей:

– Отец твой пойдет в нашу обитель и останется там три или четыре дня, а ты в то время призови к себе какого-нибудь инока: он с радостью исполнит твое желание и пострижет тебя.

В то время, когда они беседовали так друг с другом, пришел Пафнутий и, увидев черноризца, спросил его:

– что побудило тебя придти к нам, отче?

Инок ответил:

– Наступает память основателя нашего монастыря, и игумен просит тебя придти к нам и принять участие в нашем празднике; за сие получишь благословение от Бога.

С радостью согласился Пафнутий идти вместе с иноком в обитель и взял с собою много даров для монастырской церкви и братии. В его отсутствие дочь его, свята Евфросиния, позвала к себе одного из верных слуг своих и сказала ему:

– Иди в монастырь преподобного Феодосия, войди там в церковь и призови ко мне первого инока, которого встретишь.

Слуга тот, по особому Божию смотрению, встретился с одним иноком, несшим из обители свое рукоделие для продажи; он попросил инока идти вместе с ним в дом его господина, и тот согласился. Евфросиния, увидев почтенного инока, пошла навстречу и поклонилась ему, прося его помолиться за нее. Инок помолился, благословил ее, и они сели. Святая дева начала говорить ему так:

– Господин, отец мой – христианин и верный слуга Божий, матери моей нет уже в живых. Родитель мой, имеющий большое богатство, желает выдать меня замуж, чтобы не пропали все его сокровища, я же не хотела бы осквернять себя мирскою суетою, но боюсь ослушаться отца моего и потому не знаю, что мне делать. Всю предыдущую ночь я провела без сна, умоляя Бога, чтобы Он ниспослал мне милость Свою. А при наступлении утра захотелось мне позвать к себе одного из отцов подвижников, дабы услышать от него слово назидания и указания, как мне следует поступать. Умоляю тебя, отче, научи меня пути Господню, ибо я знаю, что ты мне послан от Бога.

Тогда старец начал поучать ее так:

– Господь говорит во святом Евангелии: "Если кто приходит ко Мне и не возненавидит отца своего и матери, и жены и детей, и братьев и сестер, а притом и самой жизни своей, тот не может быть Моим учеником" (Лк.14:26). Не знаю я, что тебе сказать больше сего. Если ты можешь вынести борьбу с плотью, то оставь всё и беги от мира сего, как Израиль от работ фараона. А наследников богатства отца твоего весьма много: церкви, монастыри, больницы, странноприимные дома, сироты, вдовы, странники, заключенные в темницы и взятые в плен. Отец твой может раздать имение, кому захочет, сама же ты позаботься о душе своей.

На сие девица сказала ему:

– Я надеюсь на Бога и на твои молитвы, отче, ибо думаю, при помощи свыше, посвятить себя Богу.

– Не медли с сим намерением, дочь моя, – ответил ей старец, – ибо кто отлагает совершение богоугодного подвига, тот, обыкновенно, потом раскаивается в таком замедлении; время и теперь покаяться.

Святая Евфросиния сказала старцу:

– Для того я и попросила тебя, отче, придти ко мне; я хотела, чтобы ты исполнил желание сердца моего, и, помолившись о мне, благословил и постриг меня.

Тогда старец встал, помолился и постриг, по Божьему соизволению, Евфросинию в иночество, возложив на нее схиму. При сем он сказал ей:

– Бог, даровавший спасение всем святым Своим, да хранит тебя от всякого зла.

После того он отправился в свою обитель, радуясь и славя Бога. Между тем Евфросиния стала размышлять в сердце своем:

– Если я пойду в девический монастырь, то отец мой найдет меня там, принудит выйти из обители и вступить в брак; посему мне лучше отправиться в монастырь мужской, где никто меня не узнает.

Решившись исполнить свое намерение, она поздно вечером оделась в мужскую одежду и тайно от всех вышла из дома, взяв с собою только пятьдесят золотых монет, и скрылась на ту ночь в некоем месте. По утру же отец ее пришел в город и, по особому устроению Божию, тотчас пошел в церковь. А Евфросиния удалилась в тот монастырь, где знали ее отца. Подойдя к воротам обители, она постучалась и сказала привратнику:

– Пойди доложи игумену, что пришел из царского дворца евнух2, и стоит у ворот, желая побеседовать с ним.

Когда игумен вышел, Евфросиния пала на землю и поклонилась ему. Он поднял ее и помолился по обычаю, после чего они оба сели. Затем он начал спрашивать ее:

– Почему, чадо, ты пришел к нам?

Евфросиния отвечала ему:

– Отче, я служил евнухом в царском дворце и очень полюбил житие иноческое, но не нашел в городе того, чего искала душа моя. Узнав о подвижнической жизни иноков твоего монастыря, я пришел в сию святую обитель, желая подвизаться с вами.

На сие игумен отвечал:

– Хорошо ты сделал, чадо, что пришел к нам. Если тебе хочется пожить в нашей обители, то оставайся здесь.

Затем он спросил, – как ее зовут. Евфросиния отвечала, что имя ее – Измарагд.

– Чадо Измарагд, – сказал ей настоятель, – ты молод и потому не можешь один жить в келлии; тебе нужно иметь духовного наставника. чтобы он руководил тобою в иноческой жизни, научил бы тебя монастырскому уставу и всем обычаям.

На сие отроковица ответила:

– Устрой меня, отче, так, как тебе угодно.

В то же время она вынула пятьдесят золотых монет, дала игумену и сказала:

– Возьми сие, отче, впоследствии и всё остальное мое имущество, оставшееся в городе, я пожертвую в монастырь.

Игумен призвал одного из иноков, по имени Агапит, мужа святой жизни, и поручил ему Измарагда со следующими словами:

– Путь сей юноша отныне будет твоим духовным сыном и учеником; наставляй же его в добродетелях, чтобы он превзошел и учителя.

После усердной молитвы с коленопреклонением, старец Агапит взял Измарагда к себе в келлию и наставлял его в иноческой жизни. – У нового инока было очень красивое лицо; когда он приходил в церковь к Богослужению, диавол смущал многих из братии нечистыми помыслами, уязвляя их сердца красотою нового инока; посему братия сетовала на игумена, говоря:

– Для чего ты ввел в обитель такого красивого брата на соблазн немощнейшим инокам?

Услышав сие, игумен призвал к себе Измарагда и сказал ему:

– Взирая на красоту твою, немощнейшие из братии соблазняются; посему лучше тебе одному пребывать в келлии, подвизаясь в безмолвии и молитве, и не приходить в церковь. Твой духовный наставник будет и пищу приносить в твою келлию, так чтобы тебе не нужно было никуда выходить из нее.

Евфросиния отвечала:

– Как ты повелеваешь, отче, так я и сделаю.

Игумен приказал Агапиту приготовить уединенную келлию для Измарагда; Агапит исполнил волю настоятеля и ввел в ту келлию Измарагда, который и стал проводить там время в молитве, посте и бдении, день и ночь служа богу в чистоте своего сердца. Блаженный Агапит дивился его подвигам и трудам и повествовал о них всей братии в ее назидание; братия же поучались сими подвигами и прославляли Бога, даровавшего такую силу юному подвижнику.

Между тем Пафнутий, отец Евфросинии, по возвращении домой, поспешно вошел в комнату своей дочери и, не найдя ее там, начал сильно тужить и скорбеть; с гневом он спрашивал своих рабов и рабынь, что случилось с Евфросинией, куда она ушла. Слуги отвечали ему:

– Вчера вечером мы еще видели ее, но сегодня она уже нам не показывалась, почему мы и думали, не пригласил ли ее к себе отец ее жениха.

Пафнутий послал рабов в дом жениха своей дочери, но и там ее не нашли. И жених и отец его, услыхав об исчезновении Евфросинии, очень опечалились и, придя к Пафнутию, нашли его в глубокой скорби, лежащим на земле и рыдающим.

– Не прельстил ли кто-нибудь ее, не бежал ли с нею? – заметили они ему.

Немедленно разослали по всей Александрии всадников искать Евфросинию; искали ее и по домам соседей, и по дорогам, и на берегу моря, и на кораблях; обошли они много женских монастырей, поля, пустыни, горы и пещеры, – везде искали дочь опечаленного отца. Нигде не найдя ее, посланные вернулись со скорбью. И плакали все о ней, как об умершей. Жених рыдал о невесте своей, свекор скорбел о невестке своей, а отец проливал горькие слезы о дочери своей, как некогда Иаков об Иосифе, и говорил такие скорбные речи:

– Увы мне, чадо мое сладкое! Увы мне, свет очей моих! Увы мне, утеха души моей! Кто украл сокровище мое? Кто иссушил ветвь мою? Кто угасил светильник мой? Кто отнял у меня надежду мою? Кто обесчестил дочь мою? Какой волк растерзал агницу мою? Какое место скрыло от меня ее светлое лицо? Она послужила бы восстановлением рода моего, была бы жезлом старости моей, утешением в печалях моих. Пусть не скроет в себе земля тела моего, пока я не узнаю, что случилось с дочерью моею Евфросиниею!

Все собравшиеся у Пафнутия друзья и соседи также сетовали и громко рыдали вместе с ним о неожиданной гибели его дочери. Не находя нигде облегчения в своей печали, Пафнутий пришел в монастырь, где дочь его подвизалась в затворе, и, упав к ногам игумена, сказал:

– Отче, не переставай молить Бога о том, чтобы Он услышал мои молитвы, ибо я не знаю, что приключилось с дочерью моею, – похитил ли ее кто-нибудь, или же она погибла каким-нибудь иным образом.

Услышав сии слова, честный старец весьма смутился и, собрав к себе всю братию, сказал:

– Братие, покажите любовь, помолитесь Господу, чтобы Он благоволил открыть нам о судьбе дочери друга и благодетеля нашего Пафнутия.

В продолжение целой седмицы иноки постились и молились, но никакого откровения им не последовало, как то бывало при других их прошениях; ибо днем и ночью Евфросиния молилась Богу, чтобы Он не открывал о ней никому в сей земной жизни, и ее молитвы были сильнее молитв всей братии.

Не получая никакого откровения о Евфросинии, игумен начал утешать Пафнутия такими словами:

– Чадо, "не пренебрегай наказания Господня... Ибо Господь, кого любит, того наказывает" (Евр.12:5, 6). Если без воли Господней ни одна птица не падет на землю, тем более ничего не могло произойти и с твоею дочерью. Я думаю, что она избрала благую часть; и посему нам не было о ней откровения от Бога. Если бы она впала в грех (да не будет сего!), то Бог не презрел бы столь великий молитвенный труд всей братии нашей обители, и открыл бы нам о ней; я же имею надежду, что еще в сей земной жизни Господь откроет тебе о ней.

Пафнутий несколько утешился такими словами и вернулся в свой дом, благодаря Бога. Каждый день он прилежно молился Господу и подавал обильную милостыню бедным. По прошествии нескольких дней он опять посетил монастырь и просил у братии молитв. Однажды, встретившись с игуменом, он поклонился ему и сказал:

– Помолись за меня, отче, потому что моя скорбь о дочери всё не проходит; душа моя ни мало не утешилась, рана сердца моего всё увеличивается, и с каждым днем скорбь моя всё усиливается.

Игумен, видя его великую печаль, всячески утешал его; в одной из своих бесед с ним он вспомнил об Измарагде и сказал:

– Есть у нас инок, проводящий очень строгую жизнь; он пришел к нам из дворца императора Феодосия3, и все мы удивляемся его святой жизни. Не хочешь ли побеседовать с ним? Быть может, ты получишь из сей беседы хотя некоторую отраду, ибо он исполнен Святого Духа.

– Да, хочу, – отвечал Пафнутий.

Тогда игумен, не зная, что Измарагд – дочь Пафнутия, призвал Агапита и сказал ему:

– Отведи Пафнутия к Измарагду, чтобы он с ним побеседовал.

Агапит и Пафнутий вошли в келлию Измарагда; когда Евфросиния увидела отца своего, то узнала его и залилась слезами; а Пафнутий подумал, что она плачет от молитвенного умиления, узнать же ее он не мог, ибо от сильного воздержания и всенощных молитв цвет лица ее увял, да и сама Евфросиния намеренно покрыла клобуком лицо свое, чтобы ее не могли узнать. Помолившись, оба они сели, и Измарагд начал свою беседу с Пафнутием, говорил ему о царствии небесном, о вечной славе, коей человек может достигнуть через смирение, чистоту, святость, милостыню и любовь; говорил он ему и об оставлении мира и о том, что не следует любить детей больше Бога, Творца всего; указывал на слова Апостола, что "от скорби происходит терпение, от терпения опытность" (Рим.5:3-4). Видя великую скорбь своего отца, Измарагд соболезновал ему и утешал его, говоря:

– Поверь мне: Бог не оставит тебя. Ибо если бы дочь твоя находилась на пагубном пути, то Господь открыл бы тебе о ней, по молитвам святых отцов которые о том столь усердно молились; нет, я твердо уверен, что дочь твоя послушалась благого Учителя, говорящего в Евангелии: "Кто любит отца или мать более, нежели Меня, не достоин Меня; кто не отрешится от всего, что имеет, не может быть Моим учеником" (Мф.10:37; Лк.14:33). Бог может и в сей еще жизни показать тебе ее. Посему перестань скорбеть. Для чего ты убиваешься печалью? Напротив, за всё благодари Бога и не теряй надежды, ибо и я, когда учитель мой Агапит возвестил мне о твоем пришествии в обитель и о скорби твоей, прилежно молился Богу, чтобы Он дал тебе терпение и мужество, всё устроил бы на пользу тебе и дочери твоей и утешил бы тебя. уповаю на то, что Бог всякого утешения не оставит тебя до конца пребывать в скорби: если и не скоро, то все-таки Он откроет тебе о судьбе твоей дочери, о которой ты так печалишься.

Затем Евфросиния, опасаясь, как бы отец не узнал ее, так как она вела с ним слишком продолжительную беседу, сказала Пафнутию:

– Господин мой, иди теперь домой с миром.

Внимая сим речам, Пафнутий и плакал, и радовался, ибо сердце его пламенело естественною любовью к Измарагду и много пользы получил он от бесед с ним; затем он пошел к игумену и сказал ему:

– Один Бога знает, отче, какую пользу получил я от сего инока, и по благодати Божией, его слова наполнили мое сердце такое радостью, как будто бы я нашел любимое чадо.

После сего Пафнутий, попросив всех иноков молиться за себя, возвратился домой. – А Измарагд прожил в той обители тридцать восемь лет, проводя богоугодную жизнь; по прошествии сего времени он впал в тяжкую болезнь, после которой и предал Господу свою душу. Еще до преставления его, Пафнутий опять пришел в монастырь на поклонение и для посещения братии. После обычной беседы с игуменом, он сказал ему:

– Отче, если возможно, позволь мне повидаться с братом Измарагдом, ибо я очень люблю его.

Игумен, призвав Агапита, поручил ему отвести Пафнутия к Измарагду. Когда Пафнутий вошел в келлию его и увидел Измарагда лежащим на постели в сильной болезни, то припал к его ложу и стал говорить с горькими слезами:

– Увы мне! Где сладкие слова твои, где обещания твои о том, что я увижу погибшую дочь мою? Вот, я не только не вижу ее, но лишаюсь и тебя, моего утешителя. Увы мне! Кто теперь утешит старость мою? К кому я пойду, и кто будет отрадою в печали моей? Я плачу и душевно скорблю о разлуке с тобою; вот уже тридцать восемь лет, как я не вижу дочери своей и не получаю ниоткуда вестей о ней, да и дорогой мой Измарагд покидает меня, – Измарагд, о котором я так сильно радовался, как будто бы я нашел свою погибшую дочь. И чего мне теперь ожидать? Где найти себе утешение? Остается мне одно: сойти в гроб с своею печалью!

Видя, как неутешно рыдал Пафнутий Измарагд сказал ему:

– Зачем ты смущаешься и убиваешься от сильной печали? Разве не крепка рука Господня? Или разве есть что-либо невозможное для Бога? Итак, перестань печалиться. Вспомни, что Господь некогда явил Иакову живым Иосифа, о котором он рыдал, как о мертвом; тот же Бог утешит и тебя. Теперь же прошу тебя об одном: останься здесь три дня и не покидай меня.

Пафнутий остался в обители и при сем размышлял в себе так:

– Не откроет ли Господь чего Измарагду о дочери моей?

Наконец, настал третий день, и Евфросиния, получившая откровение о времени своего отшествия к Господу, призвала к себе отца своего Пафнутия и сказала ему:

– Всемогущий Бог устроил мою судьбу по Своей воле и исполнил мое желание; ныне я достигла конца своих подвигов, прошедши иноческий путь не своею силою, но помощью Того, Кто сохранил меня среди сетей вражеских; я не х

Раб божий Константин

Акафист святым праотцем Адаму и Еве, прародителем рода человеческаго.
[spoiler]Кондак 1
Избранному творению Божию, Адаму первому, прародителю нашему, со Евою, яже плоть от плоти и кость от костей его есть, воспоим, вернии, похвальная словеса. Вы же, аще и падшии иногда и рая лишеннии, обаче подвигом Новаго Адама, Евою второю в мир пришедшаго, спасеннии и на небеса возведеннии, молитеся о нас, чадех ваших, взывающих вам:
Радуйтеся, Адаме и Ево, венче твари и красото вселенныя.

Икос 1
Ангели Божии прославиша Зиждителя, шестию деньми вся сотворшаго и напоследок дний тех человека создавшаго, поселившаго же сего во Эдеме на востоце и да-ровавшаго ему жену помощницу, и глаголаша Адаму с женою:
Радуйтеся, творение Божие совершенное;

радуйтеся украшение поднебесныя.

Радуйтеся, по образу Божию созданнии;

радуйтеся, по подобию Его сотвореннии.

Радуйтеся, владыки твари;

радуйтеся, повелители земли.

Радуйтеся, плоть перстную носящии;

радуйтеся, ум небесный имущии.

Радуйтеся, во Эдеме пребывающии;

радуйтеся, от древа жизни питающиися.

Радуйтеся, заповеди Божии приявшии;

радуйтеся, яко заповеди Его тяжки не суть.

Радуйтеся, Адаме и Ево, венче твари и красото вселенныя.

Кондак 2
Видя Творец творение Свое, яко вся добра зело, почи в день седмый от дел Своих, не престает обаче и в оный день промышляти о вселенней, приимает же поклоне-ние от ангел небесных и рода человеча, поющих Ему: Аллилуия.

Икос 2
Разум недоразумеваемый еже человеков творения разумети Денница иский, соблазнися о толицей славе перстнаго Адама и помрачися умом. Глаголяй прежде: «На небо взыду, выше звезд небесных поставлю престол мой, сяду на горе высоце, на горах высоких, яже к северу, взыду выше облак, буду подобен Вышнему», ныне дух злобы бысть, и падеся с небесе, бысть же падение его великое. Тварь же вся, Премудрость Отчую прославляющи, ко Адаму и Еве взываху:
Радуйтеся, Света истиннаго причастницы;

радуйтеся, тьмы в себе никакоже имущии.

Радуйтеся, во дни с Богом беседующии;

радуйтеся, и в нощи дела руку Его созерцающии.

Радуйся, Адаме, светило великое;

радуйся, Ево, светило малое.

Радуйтеся, Творцом возлюбленнии;

радуйтеся, друг друга зело любящии.

Радуйтеся, по земли ходящии;

радуйтеся, духом к небу возносящиися.

Радуйтеся, царие всякаго дыхания;

радуйтеся, попечение о вселенней имущии.

Радуйтеся, Адаме и Ево, венче твари и красото вселенныя.

Кондак 3
Сила Вышняго всемощна есть, не хотяше обаче Творец творения Своего разумнаго свободную волю утеснити, сего ради попусти врагу рода человеча, зрак змия приявшему, искусити Еву, еже не пети ей: Аллилуия.

Икос 3
Имый мысль лукавую, рече змий жене: «Что яко рече Бог, да не ясте от всякаго древа райскаго?» И рече жена змию: «От всякаго древа райскаго ясти будем, от плода же древа, еже есть посреде рая, рече Бог, да не ясте от него, ниже прикоснетеся к нему, да не умрете». И рече змий жене: «Не смертию умрете, обаче весть Бог, яко воньже аще день снесте от него, отверзутся очи ваши, и будете, яко бози, ведяще доброе и лукавое». Сия вся льстивыя глаголы глаголаше змий жене, вместо еже пети ей и мужеви ея:
Радуйтеся, душу словесную имущии;

радуйтеся, волею свободною почтеннии.

Радуйтеся, ведущии волю Божию благо быти;

радуйтеся, воли своей не ищущии.

Радуйтеся, от древесных плодов питающиися;

радуйтеся, заповедь Зиждителя хранящии.

Радуйтеся, назии и не стыдящиися;

радуйтеся, ничесоже лишеннии.

Радуйтеся, утомления не знающии;

радуйтеся, смерти не причастнии.

Радуйтеся, безсмертнаго Владыки чада;

радуйтеся, веру Сему имущии.

Радуйтеся, Адаме и Ево, венче твари и красото вселенныя.

Кондак 4
Бурю помышлений сумнительных имяше внутрь жена, не ведящи, каково есть слово сие. Видящи же, яко добро древо в снедь и яко угодно очима видети и красно есть, еже разумети, – вземши от плода его яде, и даде мужу своему, и ядоста. И отверзошася очи обема, и разумеша, яко нази беша, и сшиста листвие смоковное, и сотвориста себе препоясания, Богу же забыша пети: Аллилуия.

Икос 4
Слышаста Адам со Евою глас Господа Бога, ходяща в раи по полудни, и скрыстася Адам и жена его от лица Господа Бога посреде древ райских. И призва Господь Бог Адама и рече ему: «Адаме, где еси?» И рече Адам: «Глас слышах Тебе, ходяща в раи, и убояхся, яко наг есмь, и скрыхся». И рече ему Бог: «Кто возвести тебе, яко наг еси? Не ял ли еси от древа, от негоже единаго заповедах тебе не ясти?» И рече Адам: «Жена, юже дал ми еси, та ми даде от плодов древа, и ядох». И рече Господь Бог жене: «Что сие сотворила еси?» И рече жена: «Змий прельсти мя, и ядох». И проклят Господь Бог змия и рече ему: «Вражду положу между тобою и между женою, и между семенем твоим и Семенем тоя: Той сотрет главу твою, и ты блюсти будеши Его пяту». Жене же рече: «Умножая умножу печали твоя: в болезнех родиши чада, и к мужу твоему влечение твое, и той тобою обладати будет». И Адаму рече: «Проклята земля в делех твоих: терния и волчцы произрастит тебе, в поте лица твоего снеси хлеб твой, дондеже возвратишися в землю, от неяже взят еси, яко земля еси, и в землю отыдеши. И не имаши слышати ктому ты, ниже жена твоя, дондеже Избавитель приидет, глаголов сих:
Радуйтеся, в раи с Богом беседующии;

радуйтеся, любве Его наслаждающиися.

Радуйтеся, при истоце четырех рек живущии;

радуйтеся, четырьми концы обладающии.

Радуйся, Адаме, нарекий зверем имена;

радуйся, Ево, мужеви помощница и жена.

Радуйся, рода человеча начальниче;

радуйся, мати всех живущих.

Радуйтеся, землю наполнити имущии;

радуйтеся, траву в снедь приявшии.

Радуйтеся, смерти николиже видевшии;

радуйтеся, к животу безсмертному предуставленнии.

Радуйтеся, Адаме и Ево, венче твари и красото вселенныя».

Кондак 5
Богопоставленный херувим, держай оружие пламенное обращаемое, храняше древо жизни райское, еже како не быша пришли человецы согрешившии и яли от древа того и жили быша во веки: изгна бо Бог из рая сладости Адама со Евою и даде им ризы кожаны, сим, иже воспеваху иногда со ангелы: Аллилуия.

Икос 5
Виде Адам ангела изринувша и затворивша божественнаго сада дверь, воздохну вельми, седе же прямо рая и свою наготу рыдая плакаше: «Увы мне, прелестию лукавою увещанну бывшу и окрадену и славы удалену! увы мне, простотою нагу, ныне же недоуменну! Но, о раю, ктому твоея сладости не наслаждуся, ктому не узрю Господа моего и Создателя и не услышу званий сих:
Радуйся, Адаме, жизни райския наслаждаяйся;

радуйся, Адаме, попечения не имущий.

Радуйся, Ево, от ребра мужня взятая;

радуйся, Ево, мужем твоим любимая.

Радуйтеся, зверей не боящиися;

радуйтеся, имже зверие повинуются.

Радуйтеся, красотою древ райских услаждающиися;

радуйтеся, птиц эдемских послушающии.

Радуйтеся, к Богу, яко к другу, беседующии;

радуйтеся, от Творца ничесоже таящии.

Радуйтеся, возрастающии во благодати;

радуйтеся, укрепевшии в добре.

Радуйтеся, Адаме и Ево, венче твари и красото вселенныя».

Кондак 6
Проповедницы быша Адам со Евою детем своим о имущем приити Спасителе их и Избавителе, Иже сотрет главу змиеву и свободит род человечь от власти тления; Каин же обаче не умилися, но завистию и злобою побеждаем, умножи грех в мире, убив брата своего Авеля, зверонравен сый и не ведый пети: Аллилуия.

Икос 6
Возсия свет Еве, егда роди третияго сына своего Сифа, от негоже род благочестив произыде: Енох, на небо пресельник, и Мафусал старец, и ковчегоплаватель Ной. И рече жена: «Воскреси мне Бог семя другое, вместо Авеля, егоже уби Каин. Обаче имам ли ублажаема быти пении сими:
Радуйся, Ево, Богу послушная;

радуйся, жено, мужу повинующаяся.

Радуйтеся, в поте лица своего труждающиися;

радуйтеся, чада своя воспитующии.

Радуйтеся, яко Избавитель от вас произыдет;

радуйтеся, яко Семя жены сотрет главу змиеву.

Радуйтеся, надежду имущии;

адуйтеся, на Бога упование возложившии.

Радуйся, Адаме, аще и скорбен еси;

радуйся, Адаме, о Потребители тли.

Радуйся, Адаме, присно Богу молящийся;

радуйся, Ево, к Сему выну взывающая.

Радуйтеся, Адаме и Ево, венче твари и красото вселенныя»?

Кондак 7
Хотящу Создателю помиловати создание свое, посла человеком Авраама, Моисея же и Давида, последи же восхоте сам воплотитися от избранныя Девы народа избранного, да воспоют людие: Аллилуия.

Икос 7
Новую показа тварь, явлься Зиждитель нам от Него бывшим, из безсеменныя прозяб утробы и сохранив Ю, якоже бе, нетленну. Мы же, Новаго Адама от вторыя Евы пришедшаго зряще, ветхаго поминаем и глаголем к прародителем:
Радуйтеся, яко спасение ваше приближися;

радуйтеся, се бо Слово воплощается.

Радуйтеся, обетование приявшии;

радуйтеся, сего сбытие созерцающии.

Радуйся, Адаме, зря Адама небеснаго;

радуйся, Адаме, Богу же и Человеку.

Радуйся, Ево, послушанию Дщере твоея;

радуйся, Ево, смирению Ея.

Радуйтеся, Радость бо прииде;

радуйтеся, яко милостив Господь.

Радуйтеся, рая взыскующии;

радуйтеся, ищущии сладости его.

Радуйтеся, Адаме и Ево, венче твари и красото вселенныя.

Кондак 8
Странное рождество видевше, устранимся мира, ум на небеса преложше: сего бо ради высокий Бог является смиренный человек, хотяй привлещи к высоте Тому вопиющия: Аллилуия.

Икос 8
Весь любовию к творению своему объят, посла Божественное Слово прародителем в страну печали проповедника Своего к ним пришествия, Иоанна Предтечу, во еже взывати тому:
Радуйтеся, Богу возлюбленнии;

радуйтеся, Им не отверженнии.

Радуйтеся, Избавитель бо прииде;

радуйтеся, Спас бо миру возсия.

Радуйтеся, Внука Сифова ожидающии;

радуйтеся, о Чаде Ноеве веселящиися.

Радуйтеся, яко Семя Авраамле безсеменно раждается;

радуйтеся, яко Лев от Иуды приходит.

Радуйтеся от Девы Воплощенному;

радуйтеся Сохраншему Ю нетленну.

Радуйтеся всех долгов Решителю;

радуйтеся грех ваших Искупителю.

Радуйтеся, Адаме и Ево, венче твари и красото вселенныя.

Кондак 9
Всякое естество ангельское удивися великому Твоего вочеловечения делу: непреступнаго бо яко Бога, зряще всем приступнаго Человека, нам убо спребывающа, слышаща же от всех: Аллилуия.

Икос 9
Ветии суемудреннии глаголют дерзостне человеки от безсловесных произведены быти; мы же, Адама и Еву прародители наша быти добре ведуще, к сим глаголем:
Радуйтеся, отче наш и наша мати;

радуйтеся, от вас бо всяк человек произыде.

Радуйтеся, афинейская плетения растерзающии;

радуйтеся, истину нам являющии.

Радуйся, Адаме, в день шестый созданный;

радуйся, Ево, от ребра мужняго сотворенная.

Радуйтеся, во Эдеме жившии;

радуйтеся, ныне во Царствии Небеснем водворяющиися.

Радуйтеся, светлостию лика Божественнаго паки наслаждающиися;

радуйтеся, радости сея никогдаже лишитися имущии.

Радуйтеся, о нас молящиися;

радуйтеся, чад своих не оставляющии.

Радуйтеся, Адаме и Ево, венче твари и красото вселенныя.

Кондак 10
Спасти хотя мир, сниде на землю Слово Божие, сый в лоне Отчи, от Девы плоть прияв, по нам бысть человек, и смертию Своею всему роду человечу живот вечный дарова; днесь Адам ликует и радуется Ева, и Спасителю согласно вопиют: Аллилуия.

Икос 10
Стена есте верным чадом вашим, догматы церковныя любовию облобызающим, Адаме и Ево; всем же во мраце века сего блуждающим и мнящим миру же и человеку самосотворенным быти, живое обличение есте и вразумление присное. Сего ради к вам взываем:
Радуйтеся, творение Зиждителя любимое;

радуйтеся, от греха Им спасеннии.

Радуйтеся, во свете живущии;

радуйтеся, тьмы удалившиися.

Радуйтеся, зрения таин Божиих сподобившиися;

радуйтеся, сим нас научающии.

Радуйтеся, созерцати тварь наставляющии;

радуйтеся, от твари ко Творцу ум наш возводящии.

Радуйтеся, к Промыслителю сердцем прилепившиися;

радуйтеся, о Спасители своем красующиися.

Радуйтеся, родителие наши попечительнии;

радуйтеся, дети своя вразумляющии.

Радуйтеся, Адаме и Ево, венче твари и красото вселенныя.

Кондак 11
Пение наше немощное не довольно есть воспети чудная дела Господня, Иже Адама и Еву тли смертныя избави, и на небеса возведе, и содела я уды тела Своего, еже есть Церковь, и нас, чада их, в сию призва, и научи вопити немолчными гласы: Аллилуия.

Икос 11
Светосиятельная светила, от единаго истиннаго Света свет приемлющая, зрим вас, Адаме и Ево, верная чада ваша, светлостьми духовными независтно от вас освещаемии, и в веселии вам светле поем:
Радуйтеся, скорби претерпевшии;

радуйтеся, в терпении преуспевшии.

Радуйтеся, проповедницы покаяния;

радуйтеся, учителие упования.

Радуйтеся, надежду имевшии;

радуйтеся, Обетованнаго чаявшии.

Радуйтеся, Словом спасеннии;

радуйтеся, от Него освященнии.

Радуйтеся, благодатию сияющии;

радуйтеся, Света невечерняго причастницы.

Радуйтеся, во мраце пресветлем живущии;

радуйтеся, Святую Троицу созерцающии.

Радуйтеся, Адаме и Ево, венче твари и красото вселенныя.

Кондак 12
Благодать дати восхотев долгов древних всех долгов Решитель человеком, прииде Собою ко отшедшим Того благодати, и раздрав рукописание, слышит от всех иже от Адама: Аллилуия.

Икос 12
Поюще неизчетныя милости Господни, роду человеческому явленныя, зрим прародители наша, престолу Божию в раи сладости предстоящия, и сим с несумненною надеждою и радостию духовною глаголем:
Радуйтеся, Спасу собеседующии;

радуйтеся, о нас ходатайствующии.

Радуйтеся, в тишине живущии;

радуйтеся, за мир молящиися.

Радуйтеся, послушания наставницы;

радуйтеся, трезвения учителие.

Радуйтеся, лести змиевы обличители;

радуйтеся козней вражиих разрушители.

Радуйтеся, нас к небеси направляющии;

радуйтеся горняя мудрствовати научающии.

Радуйтеся, упование наше;

радуйтеся, наше дерзновение.

Радуйтеся, Адаме и Ево, венче твари и красото вселенныя.

Кондак 13
О, святии прародителие наши Адаме и Ево! Приимите малое сие похваление наше и умолите Творца и Искупителя, еже быти нам с вами во Царствии Его и со всеми святыми воспевати Ему: Аллилуия.
Сей кондак глаголи трижды, посем паки 1 икос и 1 кондак.

Молитва
К вам, прародителем нашим, о Адаме и Ево, прибегаем мы, немощная чада ваша. Воззрите милостивно на нас с высоты небесныя вашея славы и будите нам помощницы во искушениях и соблазнах, от врага рода человеческаго нам прибывающих. Аще и соблазнилися есте древле льстивными глаголы змиевыми и лишилися рая сладости, пребысте обаче остаток земныя жизни вашея в покаянии и сокрушении о неразумии своем, и тако снидосте во обители печали. В последок же дний прииде Обетованный, еже сокрушити державу князя мира сего. Пред спасительными же страданьми Своими предпосла ко отшедшим живота сего проповедника покаяния, иже бысть предтеча Его на земли и в преисподних земли. Вы же с радостию послушасте словес сего, разумевающе, яко о Семени вашем глаголет. По мале же времене потрясеся ад и огорчися, сниде бо Разрушитель ада. Огорчися ад, ибо упразднися, огорчися, ибо поруган бысть, огорчися, ибо умертвися, огорчися, ибо связася. Вы же возвеселистеся и взыграсте духом, зряще Искупителя вашего, по плоти от вас происшедшаго, Бога же суща безначальна и Отцу соприсносущна. Сице убо и нас сподобите земное сие и многоскорбное житие в покаянии преити, в будущей же жизни зрети выну Спасителя душ наших – Господа нашего Иисуса Христа, Емуже со Отцем и Духом подобает честь и поклонение ныне и присно и во веки веков. Аминь.[/spoiler]

Раб божий Константин

АКАФИСТ БЛАЖЕННОЙ СТАРИЦЕ ЕВФРОСИНИИ КОЛЮПАНОВСКОЙ, ХРИСТА РАДИ ЮРОДИВОЙ.
[spoiler]Акафист подготовлен и напечатан по заказу храма Казанской Божией Матери с. Колюпаново

Кондак 1
Избранной Богом от палат царских в Небесный Чертог Райский; блаженней старице Евфросинии, Христа ради юродивей, яко покровительнице нашей и молитвеннице похвальное принесем пение. Ты же, блаженная мати, яко имея дерзновение ко Господу, от всяких нас бед и болезней свободи, с любовию зовущих ти:

Радуйся, блаженная старице Евфросиние, Колюпановская похвало и всея земли Тульския преславное украшение.

Икос 1
Ангелом хранителем ко спасению наставляема, юная княжна Вяземская, презрев роскошь и богатство, славу и знатность и вся прелести суетнаго мира сего, оставила еси царский дворец, вступив на узкий и тернистый путь, ведущий в Царство Небесное. За сие приими от нас, блаженная, похвалы сия:

Радуйся, яко Бога ради из палат царских исшла еси;

радуйся, яко ради спасения души своея вся земная презрела еси.

Радуйся, яко самопроизвольную нищету ради Христа избрала еси;

радуйся, яко богатство нетленное и вечное обрела еси.

Радуйся, яко Небесному Жениху Христу уневестилася еси;

радуйся, яко с мудрыми девами в Чертог Его Небесный вошла еси.

Радуйся, чистая голубице Христова;

радуйся, непорочная Агнице Божия.

Радуйся, блаженная старице Евфросиние, Колюпановская похвало и всея земли Тульския преславное украшение.


Кондак 2
Видяще, яко неудобно есть среде соблазн и суеты мирской, в роскошных палатах царских спастися, трие фрейлины царицы Екатерины II (Саломия, Марфа и Евфросиния) тайно изыдоша из дворца (яко древле праведный Лот из Содома греховнаго), воспевая призвавшему их Господу хвалебную песнь: Аллилуия.


Икос 2
Разум богомудрый стяжав, мудрыя девы, последуя Евангельским словам Спасителя, вся Его ради оставили есте, и совлекшись риз своих многоценных, на брезе пруда оставили есте их, да забвена будет память о них. И облекшеся в нищетныя рубища, изыдоша странницы Божия, последуя Господу, не имевшему где главы приклонити; сего ради зовем ти, мати:

Радуйся, совлекшись одежд своих, ветхаго человека совлеклася еси;

радуйся, рубищным одеянием, яко ризою спасения облеклася еси.

Радуйся, для мира и лестных прелестей Его умерла еси;

радуйся, яко для вечныя жизни душею воскресла еси.

Радуйся, родителей и други оставила еси;

радуйся, яко всем сердцем Бога возлюбила еси.

Радуйся, яко сего ради сожительницею Ангелов сподобилася быти еси;

радуйся, яко в лике дев святых Царице Небесной предстоиши днесь.

Радуйся, блаженная старице Евфросиние, Колюпановская похвало и всея земли Тульския преславное украшение.


Кондак 3
Силою, данною ти свыше, блаженная, иго благое Сладчайшаго Господа нашего Иисуса Христа на ся с радостию возложила еси, и облекшись в Ангельский образ, в Серпуховской монастырь вселилася еси, выну поя с иночествующими девами Небесному Жениху Христу: Аллилуия.



Икос 3
Имущи велию любовь ко Господу, плоть свою, Евфросиние, распяла еси со страстьми и похотьми, бдением и трудами, постом и воздержанием, нестяжанием и смирением. Сего ради и вселися в тя Дух Святый, наставляя нас, грешных, ублажати тя сице:

Радуйся, яко царицу земную оставила еси;

радуйся, яко покрова Царицы Небесной сподобилася еси.

Радуйся, яко из пучины соблазн мира сего неврежденно изшла еси;

радуйся, сеть искушений бесовских, яко паучину расторгла еси.

Радуйся, смирением, яко царскою порфирою одеянная;

радуйся, благодатию Духа Святаго облагоуханная.

Радуйся, верою крепкою и живою вооруженная;

радуйся, крестным знамением и молитвою огражденная.

Радуйся, блаженная старице Евфросиние, Колюпановская похвало и всея земли Тульския преславное украшение.


Кондак 4
Буря гонений и искушений найде на тя, мати, егда игумения монастыря повелела еси убити собак, их же ты в своей хижине имела еси. Смиряя себе, с ними на голом полу возлегала еси и, наказуя себя за аромат духов во дворце, злосмрадие от них терпела еси. И покинув монастырь, исшла еси, возлагая упование свое на Бога, в скорби сердца взывая к Нему: Аллилуия.


Икос 4
Слышавши глас Апостольский: «Мы убо буи Христа ради... и аще кто мнится мудр быти в вас в веце сем, буй да бывает, яко да премудр
будет» (1 Кор. 3, 18-19), блаженная Евфросиние, высокого ума и образования, всю мудрость человеческую в ничто вменила еси, восприяв на ся юродство Христа ради, смиренно терпящи поругания и осмения людския. Изумляясь сим подвигом твоим, возглашаем ти, сия:

Радуйся, яко Апостольскому наставлению последовала еси;

радуйся,яко мудрость века сего в буйство вменила еси.

Радуйся, яко Премудрость Божию Христа возлюбила еси;

радуйся, насмешкам и поруганием людским, яко царскиим утварями себе украшала еси.

Радуйся, биение и оплевание, яко язвы Христовы на теле своем носила еси;

радуйся, яко умерщвляя тело, на локтях в нощи почивала еси.

Радуйся, яко тяжелые вериги на себе возложила еси;

радуйся, яко сим страсти плотския увядила еси.

Радуйся, блаженная старице Евфросиние, Колюпановская похвало и всея земли Тульския преславное украшение.


Кондак 5
Боготечней звезде уподобилася еда, мати честная, проходя многия веси и селения, из Серпухова в село Колюпаново близ града Алексина переселилася еси, своим благочестием и душеполезными наставлениями приводя многих ко спасению, да славится всюду имя Святыя Троицы: Отца и Сына и Святаго Духа красным пением: Аллилуия.

Икос 5
Видевше людие града Алексина и окрестностей его ангелоподобное житие блаженной старицы и благодатныя дары прозорливости и исцеления недугов, Богом ей данные, потекоша к ней со своими скорбями и нуждами, с болезнями душевными и телесными. И получив помощь, славят свою благодетельницу тако:

Радуйся, яко дар благодатный прозрения от Бога прияла еси;

радуйся, яко тем многих от пути нечестия отвратила еси.

Радуйся, целительнице язв душевных;

радуйся, врачебнице болезней телесных.

Радуйся, скорбящих утешительнице;

радуйся, о душах усопших усердная молитвеннице.

Радуйся, матерей детородящих скорое разрешение;

радуйся, детей болящих врачевание.

Радуйся, блаженная старице Евфросиние, Колюпановская похвало и всея земли Тульския преславное украшение.


Кондак 6
Проповедница Евангельских истин явилася еси блаженная, праведным житием своим показуя на себе в сии последние времена живой образ истиннаго христианства и подвижничества, поучающий и зовущий нас, грешных, оплетшихся земными пристрастиями и житейскими попечениями, взыскати спасения пути, ведущего в Царство Божие, идеже ангели и вси Святии немолчно поют Богу: Аллилуия.

Икос 6
Возсия свет Божией и спасительной благодати в душе юнаго купца, и благословением старицы Евфросинии, оставил все в мире сем, вступил в подвиг юродства Христа ради и подвижник изряден явился еси, блаженный Иоанн Тульский. Иныя же ея наставлением постригались в монашество и вселялись в святыя обители, доброй наставнице же своей благодарно взывали:

Радуйся, наставнице спасения;

радуйся, подательнице святаго благословения.

Радуйся, пред Богом о нас теплая молитвеннице;

радуйся, благочестия учительнице.

Радуйся, от козней вражиих души наши молитвою своею ограждающая;

радуйся, в добродетелех христианских преуспевати нам помогающая.

Радуйся, нечестивых вразумительнице;

радуйся, благочестивых покровительнице.

Радуйся, блаженная старице Евфросиние, Колюпановская похвало и всея земли Тулъския преславное украшение.


Кондак 7
Хотя скрыти свое духовное делание от человеческих взоров, юродствовала еси, блаженная. И часто видя ея юродство и слыша непонятные слова, глумились людие над нею. Она же, терпяще все Бога ради, благословляла имя Господне, воспевая: Аллилуия.


Икос 7
Новую благодать дарова тебе, мати, Господь: безвредно бо в зимний мраз и студень босая и в ветхои одежде ходила еси, праведнице святая, подвизая нас возглашати тебе со умилением:

Радуйся, яко естества уставы силою Божиею победила еси;

радуйся, яко зимний мраз и летний вар терпела еси.

Радуйся, яко тело свое сими подвигами духу покорила еси;

радуйся, теплотою Духа Святаго согретая.

Радуйся, пламенем любве божественныя воспламененная;

радуйся, яко многострадальным житием своим мучеником уподобилася еси.

Радуйся, яко смирением своим главу змиеву попрала еси;
радуйся, яко бесов прогонительнице явилася еси.

Радуйся, блаженная старице Евфросиние, Колюпановская похвало и всея земли Тульския преславное украшение.

Кондак 8
Странно бысть людем мирским видети старицу, главу имущу острижену, тряпицею повязану, босую, в едином капоте, вервием подпоясанну, с медным крестом на груди, с палицею в руках. И ея же не бе достоин весь мир, бесчестием и поруганием оскорбляти, не ведуще ея духовнаго совершенства, ни еже Богу пети благоразумно: Аллилуия.


Икос 8
Вся еси и всем дивна и славна явилася еси, блаженная, подобно древним святым в последняя лета сия просияла еси богоугодным житием и благодатию, данною от Бога: недуги исцеляти, будущее яко настоящее прозирати. За вся сия воспеваем ти сицевая:

Радуйся, яко научением псалмопевца Давида сна очесем своим и веждома дремания не давала еси;

радуйся, яко бодренно в полунощи Жениха Небеснаго ожидала еси.

Радуйся, яко терпением своим Иову праведному соравнялася еси;

радуйся, яко в болезни подобно Илии пророку враном питаема была еси.

Радуйся, яко преподобный Алексий, человек Божий, дом и родителей Бога ради оставила еси;

радуйся, яко блаженной Исидоре подражала еси.

Радуйся, на гноище и сметище яко блаженный Христа ради юродивый Андрей возлегала еси;

радуйся, яко подобно Василию Блаженному, зимой и летом босая ходила еси.

Радуйся, блаженная старице Евфросиние, Колюпановская похвало и всея земли Тульския преславное украшение.



Кондак 9
Всякия болезни исцеляет святый кладезь, егоже своими руками святая ископала еси близ реки Оки, говоря всем: берите воду из моего кладезя и здрави будете. Иже и доныне изливает свои студеные воды на врачевание недуг человеческих, во славу Божию и на радость православным людем, поющим о сем благодарно Богу: Аллилуия.


Икос 9
Витийство человеческое не может изрещи тесноты и величия подвига твоего, святая, так непостижимаго для нашего фарисейскаго разума, к земле приверженнаго. Един токмо Господь весть прославляти святыя своя: посему и ангелы своя в белоснежных одеяниях посла пред смертию звати тя в Небесная селения. И ныне, слыша их райское пение, преклонися милостиво и к нашим хвалениям убогим, ими же недоумевающе по достоянию восхваляти тя, зовем ти:

Радуйся, града нашего Алексина похвало и ограждение;

радуйся, прибежище наше в скорбех и в болезнех утешение.

Радуйся, яко нам, грешным, водою источника своего исцеления подавающая;

радуйся, яко чтущим память твою святую во всем помогающая.

Радуйся, яко юродством своим мудрецов века сего посрамила еси;

радуйся, яко идеалы христианского благочестия в себе воплотила еси.

Радуйся, яко имя твое между праведными и святыми почитается на земли;

радуйся, яко с ними ныне ликуеши на небеси.

Радуйся, блаженная старице Евфросиние, Колюпановская похвало и всея земли Тульския преславное украшение.


Кондак 10
Спасти хотя душу свою, трудным путем подвижничества и юродства всю свою долгую, вековую жизнь шествовала еси, мати Евфросиние, дондеже достигла еси вечнаго Небеснаго блаженства, радостно зовуще Спасителю Богу: Аллилуия.


Икос 10
Стена,ограждающая от напастей, бед и болезней, всем к помощи и заступлению твоему прибегающим явилася еси, блаженная, при жизни и по смерти. Тем же и нас, насельников града Алексина, огради предстательством своим от враг видимых и невидимых, от скорбей и болезней, зовущих ти:

Радуйся, слепым прозрение подавающая;

радуйся, хромым хождение исправляющая.

Радуйся, водами источника, кладезя своего, немощных врачующая;

радуйся, от одра болезни многих возставляющая.

Радуйся, в скорбех и обстояниях бедствующим помогающая;

радуйся, на спасения стези нас наставляющая.

Радуйся, яко и о нас, недостойных, к Богу молящаяся;

радуйся, яко и нас от искушений бесовских ходатайством своим покрываеши.

Радуйся, блаженная старице Евфросиние, Колюпановская похвало и всея земли Тульския преславное украшение.


Кондак 11
Пение благодарственное приносим Христу Богу нашему, даровавшему нам православную угодницу свою, скорую во всех скорбех помощницу и чудотворицу, поюще Ему: Аллилуия.


Икос 11
Светозарный светильник души своея имея выну горящим, мирно и тихо причастившись Пречистых Тайн Христовых, блаженная, отошла ко Господу. Небесным блаженством сиял по смерти святолепный лик старицы, и несказанное благоухание исходило от многострадальнаго тела
ея. Множество народа с любовию и слезами провожало в последний путь праведницу Божию, вопиюще:

Радуйся, самопроизвольная мученице;

радуйся, святая праведнице.

Радуйся, яко вся добрая дела своя в тайне совершала еси;

радуйся, распятием плоти, уничижением и смирением страждущему на Кресте Христу подражала еси.

Радуйся, яко в храме Царицы Небесной телом опочила еси;

радуйся, яко духом предстати Престолу Всевышняго сподобилася еси.

Радуйся, яко ныне венцем райским от Господа увенчана еси;

радуйся, и нас, почитающих тя, пред Богом помянути не забывающая.

Радуйся, блаженная старице Евфросиние, Колюпановская похвало и всея земли Тульския преславное украшение.


Кондак 12
Благодать, данную тебе от Бога, блаженная, сведуще, тебе просим и молим: не остави нас ходатайством своим, испроси нам грехов прощение, болезней исцеление, наветов вражиих прогнание, да спасшеся, прославим великое милосердие Божие, восклицая: Аллилуия.


Икос 12
Поюще дивнаго во святых своих Бога, ублажаем и свято чтим в безчисленном сонме святых Его блаженную старицу Евфросинию, прося ея молитв, помощи и благословения на вся труды и дела наша. Ты же услыши нас, мати, величающих тя сице:

Радуйся, дево святая премудрая;

радуйся, невесто Христова пречудная.

Радуйся, Божия избраннице;

радуйся, наша пред Богом предстательнице.

Радуйся, мужественно крест свой понесшая на земли;

радуйся, ныне вечно с Господом радуешися на Небеси.

Радуйся, блаженная старице, всеми любимая;

радуйся, на небеси и на земли славимая и блажимая.

Радуйся, блаженная старице Евфросиние, Колюпановская похвало и всея земли Тульския преславное украшение.


Кондак 13
О блаженная старице Евфросиние, не возгнушайся похвалами недостойными нашими, но приими малое моление сие наше и испроси у Господа вся благая на пользу душ и телес наших, да сподобимся и мы купно с тобою в вечной жизни воспевати Богу: Аллилуия.
Этот кондак читается трижды, затем 1-й икос «Ангелом хранителем...» и 1-й кондак «Избранной Богом от палат царских...».

Молитва
О мати блаженная Евфросиние! На земли юродивая, на небеси премудрая! Прошедши доблественно свой столетний путь земной, ныне с высоты небес призри на нас грешных в море житейском обуреваемых: от плоти — страстьми и болезнями, от мира — досаждениями и соблазнами, от диавола — многочисленными кознями, и уже близ потопления есть кораблики душ наших, не имуще крепкаго якоря веры, надежду полагающе на свои силы и человеческую помощь, с угасшим светильником любви и благочестия. Не закосни, матушка Евфросиния, помощи нам, не по достоинству нашему, но по милосердию, подобясь всемилостивому Спасу нашему Иисусу Христу. Укрепи нас с вере, надежде и любви, хладных и черствых сердцем согрей своим участием, болезни наши уврачуй, скорби и печали отыми от нас, на скользком пути сем земном подаждь нам руку помощи, да укрепившись телом и душею, с терпением крест свой понесем, с упованием на Бога и твое скорое предстательство, и да сподобимся по смерти вечныя, блаженныя жизни, славяще Отца и Сына и Свята-го Духа во веки веков. Аминь.

Тропарь, глас 4:
Вся красная мира сего призрела еси / (дворец Царский оставив), / юродство Христа ради на ся восприяла еси / блаженная мати Евфросиние. / Сего ради с мудрыми девами / в Небесный Чертог Жениха Христа вошла еси, // моляся о всех нас.


Кондак, глас 2
Премудростию Божиею наставляема, / юродивою на земле пожила еси, / мудрость века сего в буйство вменив, / венцем нетленным от Христа Бога за сие увенчалася еси, / в лики святых на Небеси водворяяся, // блаженная мати Евфросиние.

Скончалась блаженная Евфросиния 3/16 июля 1855 г.
День Ангела - 25 сентября/8 октября.
Погребена была в Казанском храме села Колюпанова, близ г. Алексина.
Кладезь ея близ р. Оки, между двух гор, покрытых лесом и зелень.[/spoiler]

Раб божий Константин

Преподобная, благоверная княгиня Евфросиния Московская.
[spoiler]память 17 / 30 мая и 7 / 20 июля
Имя преподобной Евфросинии в миру - Евдокия («Благоволение»). Она была дочерью Суздальского князя Димитрия Константиновича и его супруги Анны. По благословению святителя Алексия митрополита Московского 18 января 1366 г. совершилось бракосочетание Евдокии с великим князем Московским Димитрием Ивановичем. Свадьбу торжественно отпраздновали по обычаям тех лет в Коломне. Этот брак имел большое значение для судьбы Московского государства, скрепляя союз Московского и Суздальского княжеств. Бракосочетание юных князя и княгини «преисполнило радостию сердца русских», как говорит летописец.

В трудное время был заключен этот брак. Заканчивался сорокалетний период относительного спокойствия на Руси: наступало время практически не прекращающихся войн с многочисленными врагами - внешними и внутренними. Кроме постоянного противостояния внешним врагам - Орде и Литве, продолжалось кровавое соперничество русских княжеств.

Кроме того, почти в самый год бракосочетания князя Димитрия с Евдокией свирепствовала в Москве «моровая язва», народ умирал тысячами, по московским улицам слышан был плач и причитания осиротелых людей. К этой беде присоединилась еще одна - страшный пожар в Москве. Море огня охватило улицы города, безжалостно пожирая деревянные постройки. Горели дома, имущество, скот, гибли люди.

Стон и плач народа достигал княжеского терема, оставляя свой след в сердце юной княгини - и вот тогда-то явила себя Евдокия матерью и покровительницей обездоленных погорельцев, вдов и сирот.

Едва Москва восстановилась из пепла, как в 1368 г. литовский князь Ольгерд осадил Кремль, в котором затворились великий князь с княгиней, митрополит Алексий и бояре. И снова горела Москва, опять слышались стоны и крики московских, жителей, побиваемых литовцами. Вся Московская земля была опустошена.

Юная княгиня непрестанно молилась о родной земле, всеми силами старалась облегчить положение страждущих. Не прошло и пяти лет замужества, как князю Димитрию было необходимо ехать в Орду в связи со спором о великом княжении с Тверским князем Михаилом Александровичем (1399 г.). Первосвятитель Русской Церкви митрополит Алексий не только благословил князя на эту поездку - восьмидесятилетний старец сам сопровождал его до Коломны. В отсутствии супруга Евдокия со всем народом молилась о благополучном возвращении князя. По молитвам святителя Алексия и преподобного Сергия князь Димитрий Иванович вернулся из Орды в Москву с ярлыком на великое княжение.

Вся жизнь великокняжеской четы прошла под духовным руководством и благословением великих святых земли Русской - святителя Алексия и преподобного Сергия, а также ученика преподобного - святого Феодора, игумена Московского Симонова монастыря (впоследствии архиепископа Ростовского), который был духовником Евдокии. Преподобный Сергий крестил самого Димитрия и двух его детей, в том числе и первенца Василия (у великокняжеской четы родилось 5 сыновей и 3 дочери). Это был поистине благословенный христианский брак. Автор «Слова о житии...» князя Димитрия находит удивительные и точные слова для описания совместной жизни великокняжеской четы: «Еще и мудрый сказал, что любящего душа в теле любимого. И я не стыжусь говорить, что двое таких носят в двух телах единую душу и одна у обоих добродетельная жизнь, на будущую славу взирают, возводя очи к небу. Так же и Димитрий имел жену, и жили они в целомудрии. Как и железо в огне раскаляется и водой закаляется, чтобы было острым, так и они огнем Божественного Духа распалялись и слезами покаяния очищались.

И вот пришел 1380 год - новая разлука с мужем, снова скорбь и молитвы о спасении Отчизны. Утешала надежда на победу, предсказанную преподобным Сергием. Княгиня по праву разделила с великим князем подвиг борьбы за освобождение Руси от монголо-татарского ига, - горячими молитвами и делами любви. В память победы на Куликовом поле Евдокия построила внутри Московского Кремля храм в честь Рождества Пресвятой Богородицы. Храм был расписан великими иконописцами Древней Руси Феофаном Греком и Симеоном Черным.

Нашествие татарского хана Тохтамыша в 1382 г. стало новым страшным испытанием для Москвы и всей Русской земли. Димитрий Иванович уехал собирать войско сначала в Переславль, а затем в Кострому, оставив в Москве великую княгиню. Из-за опасности взятия Москвы великая княгиня с детьми и митрополит Киприан с трудом сумели выйти за городские стены, после чего Евдокия направилась вслед за князем. На пути она едва на попала в плен. Через три дня осады войска Тохтамыша взяли Москву и сожгли город, после чего обратили в пепелище большую часть русских земель. По преданию, Димитрий Иванович плакал на развалинах Москвы и похоронил убитых на собственные деньги.

В 1383 г. Димитрий Иванович должен был явиться к Тохтамышу, чтобы отстоять у хана права на великое княжение. Из-за крайнего озлобления Тохтамыша решили послать в Орду старшего сына великого князя - Василия, которому было около 13 лет. Евдокия отпустила сына и тем самым обрекла себя на двухлетнее страдание - сын был задержан в Орде как заложник. Тохтамыш кроме дани потребовал за Василия выкуп 8 тысяч рублей. Сумма по тем временам была огромная и разоренное Московское княжество не могло выплатить всю сумму. Поэтому Василию пришлось жить в плену у хана два долгих года, после чего ему удалось бежать. 19 мая 1389 г. великий князь Димитрий Иванович скончался на сороковом году жизни. По свидетельству современников этот день был днем печали и слез для многих русских людей. Летописец записал «Плач великой княгини по умершем муже» - одно из вдохновеннейших поэтических творений Древней Руси. Погребли великого князя в Архангельском соборе Московского Кремля.

Димитрий Иванович передал престол своему сыну Василию, завещав, чтобы соправительницей ему была мать. Великая княгиня воздержалась от непосредственного участия в государственных делах. Еще при жизни супруга она жила истинно по-христиански, а после кончины его повела строго монашескую подвижническую жизнь, одела власяницу, носила под роскошной великокняжеской одеждой тяжелые вериги. Даже перед близкими своими не желала она открывать свои подвиги; устраивала в великокняжеском тереме званые обеды, но сама не прикасалась к явствам, вкушая постную пищу.

Людская злоба и клевета не обошли ее. По Москве стали ходить нелепые слухи, затрагивающие честь вдовы - княгини. Слухи эти доходили до сыновей. Княжичи, хоть и любили мать и не верили клевете, все же не могли не смущаться. Один из них, Юрий, обратился к матери с вопросом о наветах, порочащих ее. Тогда княгиня собрала всех сыновей своих и сняла часть великокняжеских одежд - дети увидели, что подвижница так исхудала от поста и подвигов, что тело ее иссохло и почернело и «плоть прилипла к костям». Юрий с другими братьями просили прощения у матери и хотели отомстить за клевету. Но мать запретила им и думать о мести. Она сказала, что с радостью претерпела бы унижение и людское злословие ради Христа, но увидев смущение детей, решилась открыть им свою тайну.

Каждый день Евдокию можно было встретить то в одном из храмов, то в монастыре. Поминая своего покойного супруга, она постоянно делала вклады в монастыри, одаривала бедных деньгами и одеждой. Сыновья великой княгини повзрослели, она стала думать о монастыре, в котором могла бы всецело посвятить себя Богу. В сердце Москвы - в Кремле - устраивает она новый женский монастырь (в то время в Москве были два женских монастыря - Алексеевский и Рождественский) в честь Вознесения. Выбрали место у Флоровских ворот. Отсюда она провожала, здесь встречала своего супруга, возвращавшегося с Куликова поля. Поблизости от ворот находился великокняжеский терем, сожженный во время нашествия Тохтамыша. На этом место бывшего княжеского жилища воздвигла великая княгиня монашеские кельи. Одновременно она строила несколько храмов и монастырей в Переславле-Залесском.

С именем великой княгини Евдокии связано одно из самых значительных событий духовной истории России. Совершилось оно во время нашествия Тамерлана в 1395 г. Весть о том, что полчища грозного полководца подошли к границам Руси, привели в ужас весь народ. Великий князь Василий, благодаря влиянию матери, проявил твердость духа, собрал войско и вышел навстречу врагу. Но что могла сделать эта малая дружина перед полчищами непобедимого завоевателя, утверждавшего, что вся вселенная недостойна иметь двух правителей?

Народ, подкрепляемый верой в заступничество Божие, вместе со своей княгиней молился Богу. Евдокия совершала сугубые молитвы об избавлении Руси от гибели. Молитва праведницы была услышана Богом. По совету матери Василий Димитриевич повелел принести чудотворную Владимирскую икону Божией Матери из Владимира в Москву. 26 августа 1395 г. великая княгиня Евдокия с сыновьями, митрополитом, духовенством, боярами, с множеством собравшихся жителей Москвы встретили икону Богоматери на Кучковом поле.

В тот самый день и час Тамерлан в сонном видении увидел «Светозарную Жену», окруженную сиянием и множеством «молнеиносных воинов», грозно устремившихся вперед. По совету своих наставников Тамерлан отдал приказ войскам повернуть от границ Руси.

В 1407 г., после видения архангела Михаила, предвозвестившего ой скорую кончину, княгиня Евдокии решила принять монашество, к которому стремилась всю свою жизнь. По ее желанию был написан образ архангела Михаила и помещен в кремлевском храме в честь Рождества Пресвятой Богородицы.

Сказание говорит, что вступление великой княгини на монашеский путь было ознаменовано Божиим благословением и чудом. Одному нищему слепцу великая княгиня явилась во сне в канун своего пострига и обещала исцелить его от слепоты. И вот, когда Евдокия шла в обитель на «иноческий подвиг», слепец-нищий обратился к ней с мольбой: «Боголюбивая госпожа великая княгиня, питательница нищих! Ты всегда довольствовала нас пищею и одеждою, и никогда не отказывала нам в просьбах наших! Не презри и моей просьбы, исцели меня от многолетней слепоты, как сама обещала, явившись мне в сию ночь. Ты сказала мне: завтра дам тебе прозрение; ныне настало для тебя время обещания».

Великая княгиня, будто не замечая слепца и не слыша его мольбу, шла далее и как бы случайно опустила на слепца рукав рубашки. Тот с благоговением и верою отер этим рукавом свои глаза. На виду у всех совершилось чудо: слепой прозрел! Народ прославил вместе с прозревшим угодницу Божию. По сказанию, в день пострига великой княгини исцелились от различных болезней 30 человек. Постриг совершился 17 мая 1407 г. в деревянной церкви Вознесения. Великая княгиня получила в постриге имя Евфросинии («радость»).

А через три дня, 20 мая, произошла закладка новой каменной церкви в честь Вознесения Христова. В этом храме великая княгиня определила и место своего упокоения. Но ей не довелось увидеть завершение строительства. 7 июля 1407 года она скончалась на 54-м году жизни. Погребали святую Евфросинию при большом стечении народа в указанном ею месте строившегося храма, где и почивала она до 1929 г., совершая многочисленные исцеления и даруя благодатную помощь всем, с верою приходящим к ее многоцелебным мощам.

И после кончины, как повествует сказание, преподобная Евфросиния была «удостоена прославления». Не раз отмечено, как у гроба ее сами собой зажигались свечи.

По кончине преподобной постройку храма продолжила великая княгиня Софья Витовтовна, супруга великого князя Василия Димитриевича. Большой пожар не позволил окончить сооружение храма, так что он стоял недостроенным почти 50 лет и, наконец, супруга великого князя Василия Темного - Мария Ярославна - дала обет завершить постройку. В 1467 г. храм был торжественно освящен.

Вознесенский храм стал усыпальницей великих княгинь и цариц Российского государства. Над местами их погребения воздвигались надгробья. Здесь были погребены Софья Палеолог (1503 г.) - вторая жена Иоанна III, Елена Глинская (1533 г.) - мать Иоанна IV Грозного, Ирина Годунова (1603 г.) - супруга царя Феодора Иоанновича, Наталия Кирилловна (1694 г.) - мать Петра I и другие. Последней упокоена здесь царевна и великая княгиня Наталия Алексеевна (1728 г.), внучка Петра I, дочь царевича Алексея Петровича. К началу XX века в храме стояло 35 гробниц.

Мощи основательницы монастыря почивали под спудом за правым столпом собора, у южной стены. В 1822 г. над мощами была устроена посеребренная рака с сенью.

7 июля 1907 г. в Кремле праздновали 500-летие со дня кончины преподобной Евфросинии. Этот праздник оживил в памяти верующих образ молитвенницы за Русскую землю.

Накануне, после Литургии крестным ходом с преднесением иконы Вознесения направились из Вознесенского монастыря в Архангельский собор для возложения иконы на гроб Димитрия Донского. Вечером в обители было всенощное бдение, во время которого все молящиеся стояли с зажженными свечами. Утром Божественную Литургию служил Московский митрополит Владимир (Богоявленский ( 1918 г.). По окончании ее присутствующим раздавали юбилейные медали, образки и листки с жизнеописанием преподобной. Многие московские храмы отметили 500-летие торжественными службами.

В 1922 г. раку и сень над мощами изъяли с целью извлечения из нее драгоценных металлов. Мощи преподобной Евфросинии остались в каменной гробнице под полом собора.

В 1929 г. по решению правительства началось уничтожение построек Вознесенского монастыря. Сотрудники музея пытались спасти некрополь. Для его размещения выбрали подвал Судной палаты Архангельского собора. Белокаменная гробница преподобной Евфросинии оказалась поврежденной и вынуть ее целиком из земли не смогли. Мощи преподобной были спасены от уничтожения, но выделить их сегодня вряд ли возможно, т.к. они находятся вместе с другими останками из захоронений в двух белокаменных гробницах XV века.

При вскрытии захоронений среди останков преподобной Евфросинии кроме небольших частичек ткани от савана нашли обрывки ее кожаного монашеского пояса с тиснеными изображениями двунадесятых праздников и подписями к ним. Эти святыни вместе с находившимися в гробах сосудами для елея хранятся в фондах музеев Кремля. Обломки каменной гробницы преподобной находятся до сего дня в том же подвале.

Так Архангельский собор Кремля стал общей семейной усыпальницей великокняжеских и царских семей Российского государства.

Преподобная Евфросиния, великая княгиня Московская, соединила подвиг гражданского служения своему народу и родной земле с монашеским подвигом, восстанавливая царское достоинство человека. Недаром изображают ее в древнерусских лицевых рукописях с царской короной. Она становится пятой из святых жен Руси с именем Евфросиния: «Радость». Ибо ее жизнь явилась великой радостью для всей земли Русской.









Акафист преподобной, благоверной княгине Евфросинии Московской

Кондак 1

Избранной от рода державнаго, угоднице Христовой Евфросинии, крепкой заступнице и молитвеннице нашей, похвальная восписуем ти, чтущии тя: ты же, яко имущая дерзновение ко Господу, того умоли избавитися нам бед и скорбей, и в будущем веце Небесное улучити Царствие, да зовем ти: Радуйся, преподобная княгине Евфросиние.

Икос 1

Ангельское воистину безстрастие еще на земли стяжала еси, преподобная, ни во что же вменяющи княжения славу, богатств обилие, вся мира красная, о юности и тела красоте нерадивши, непрестанными же к Богу молитвами, бдением и постом плоть изнуривши, и душу добродетельми украсивши, сицевому равноангельному житию твоему удивляющеся, сия вопием ти, преподобная: Радуйся, от младых лет спасение взыскавшая. Радуйся, в молитвах к Богу прилежавшая. Радуйся, в напастех на Него Единаго упование полагавшая. Радуйся, в сане княжестем смирение сохраншая. Радуйся, во власти державней кротость во всем соблюдшая. Радуйся, к нищим милосердие неоскудное показавшая. Радуйся, в чертозе княжестем иночески пожившая. Радуйся, неговании двора царскаго постническое житие явившая. Радуйся, преподобная княгине Евфросиние.

Кондак 2

Видящи преподобная в доме отчем заповедей Божиих усердное хранение и в благочестии преспеяние, от юности навыче о спасении душевнем паче всего ревновати, и в теплых к Богу молитвах Ему воспевати: Аллилуиа.

Икос 2

Разум во благочестии утвержден имущи преподобная, не земныя радости в супружестве взыскаше, но паче всего супругу в добродетелех подражаше, и того к делом добрым подвизаше, со тщанием к почести Вышняго звания течаше, сицевое житие преподобныя восхваляюще, возопиим к ней таковая: Радуйся, Бога паче всего возлюбльшая. Радуйся, в жизни славней нощи в молитвах пребывати не оставльшая. Радуйся, во обилии благ земных, постнической жизни навыкшая. Радуйся, в мирстей жизни чистоту сердца сохраншая. Радуйся, супружеств христианских удобрение. Радуйся, жен благочестивых украшение. Радуйся, во обилии благ живущим благочестия образ подавшая. Радуйся, во славе сущим христианскаго жития правило показавшая. Радуйся, преподобная княгине Евфросиние.

Кондак 3

Сила Вышняго присно невредиму тя сохраняше, преподобная, егда смертоносная язва многи окрест тебе погубляше, и многажды в нахождениих врагов безбожных соблюдаше тя от меча их и пленения. Темже Бога благодарящи вопияла еси: Аллилуиа.

Икос 3

Имущи сердце милостивное и к людем страждущим удобь преклонное, во всех града и княжения напастех, в запалениих огненных, в нахождениих и губительствех вражиих, первее к Богу обыкла еси, преподобная, с молитвою теплою прибегати, и к той вся люди подвизати. Темже почитающе твое теплое к Богу о людех ходатайство, и скорую бедствующим помощь, вопием ти сицевая: Радуйся, гнев Божий молитвами твоими умолявшая. Радуйся, в бедах и напастех помощь Божию обретавшая. Радуйся, крова лишенным пристанище уготовлявшая. Радуйся, от врагов разоренным снабдение подававшая. Радуйся, состраданием скорби бедствующих утолявшая. Радуйся, милосердием нищету обнищавших отгонявшая. Радуйся, душу ко всем милосерду имевшая. Радуйся, во мнозех благотворениих любовь к людем показавшая. Радуйся, преподобная княгине Евфросиние.

Кондак 4

Буря скорбных помышлений обдержаше тя преподобная, егда юный князь, блага ради людей своих, волею пойде в жилище ярящихся злонравных агарян, яко овча в ложа дивиих зверей, и паки егда сын твой два лета преживе в пленении у безбожных врагов. Ты же, скорби сердца твоего пред Господем Единым в молитвах теплых изливающи, Ему непрестанно взывала еси: Аллилуиа.

Икос 4

Слышавше иногда безбожнии агаряне твое, преподобная, из царствующаго града удаление, гнаша вслед тебе, в плен яти тя хотяще: ты же Богом сохраняема избегла еси рук вражиих, и Бога благодарящи, многи храмы и обители иноческия воздвигла еси. Темже ведуще твою теплую к Богу любовь, вопием ти сицевая: Радуйся, непрестанными молитвенными хвалении Бога прославлявшая. Радуйся, в непрестанную жертву благодарения, Ему храмы многи создавшая. Радуйся, приметатися во дворех Божиих возлюбившая. Радуйся, в мирстей жизни высоту иноческаго жития познавшая. Радуйся, во славе светлаго княжения суету мирскаго жития уразумевшая. Радуйся, мира суету уразумевшим, пристанище тихое во обителех уготовавшая. Радуйся, спасения душевнаго присно желавшая. Радуйся, хотящих к жизни иноческой призывавшая. Радуйся, преподобная княгине Евфросиние.

Кондак 5

Боготечная звезда явилася еси, преподобная, в житии твоем, егда супружеских уз отрешившися, всецело Господу себе предала еси, постом и молитвами работающи Ему день и нощь, и непрестанно вопиющи Ему: Аллилуиа.

Икос 5

Видящи преподобная себе по смерти мужа сиротствующу, возжела на служение Единому Богу себе предати: обаче, воспитания ради чад до времени в чертозех княжеских жити, и в делех земных попечение имети понуждаема, умысли в тайне Богу работати, зельным пощением тело юное изнурящи, людем же в светлых ризах и красну лицем себе являющи. Тоя Единому Богу ведомыя подвиги почитающе, возопиим к ней таковая: Радуйся, в тайне Богу послужившая. Радуйся, сокровенно от людей Тому угодившая. Радуйся, давидовски в полунощи на молитву востававшая. Радуйся, во дни бодрственно дела земная совершавшая. Радуйся, псаломски утро в молениих предварявшая. Радуйся, до нощи во обычных о чадех и людех попечениих пребывавшая. Радуйся, яко пред Богом, псаломски, во вретищи и стенании душу твою смирила еси. Радуйся, яко пред людьми, евангельски во умащении главы, и светлости лица, одеянии себе являла еси. Радуйся, преподобная княгине Евфросиние.

Кондак 6

Проповеднику премудрому согласующися, глаголала еси, преподобная, в сердце твоем: всяческая в мире суета сует. Темже тихое от суеты убежище, обитель святую сию создала еси, еже бы в ней мира удалившися, в мире и безмолвии пети Богу: Аллилуиа.

Икос 6

Возсия в сердце твоем, преподобная, светлая благодати луча, тайными молитвами и подвиги возжигаемая, еяже сияния не терпя древний враг, восхоте возмутити душу твою, наустив лукавыя люди хулы глаголати о житии твоем: ты же клеветы слышащи, духом пребывала еси в Бозе утверждена, и помыслом не смущенна. Темже вопием ти, преподобная: Радуйся, неправедное поношение без гнева терпевшая. Радуйся, злокозненное хуление несмущенно понесшая. Радуйся, за ревность о чистоте сердца, в нечистоте жития оклеветаемая. Радуйся, за зельное тела умерщвление, в житии сластопитанном укоряемая. Радуйся, от Бога Единаго похвалы на суде Его желавшая. Радуйся, славы токмо на небесех искавшая. Радуйся, твердое терпение во озлоблении соблюдшая. Радуйся, смирением козни вражия расторгшая. Радуйся, преподобная княгине Евфросиние.

Кондак 7

Хотяй Господь тайныя твоя в добродетелех подвиги ведомы людем соделати, попусти диаволу бурю воздвигнути на тя поношений и оклеветаний, да известно уведевши святое твое житие, прославят вси Бога Дивнаго в тайных рабех своих, присно вопиюще Ему: Аллилуиа.

Икос 7

Новую показа добродетели высоту преподобная Евфросиния, егда видящи чад своих злыми о ней клеветами смущаемых, призва я тайно, и часть одежды пред ними откры, яко видети немощно тело ея, от поста и зельных подвигов изсохшее и очернелое, и плоть костем прильнувшу: и тако смущение от сердец их отгнавши, никому же поведати виденное повеле. Таковей преподобныя добродетели дивящеся, возопиим к ней сицевая: Радуйся, во глубине смирения подвиги твоя от всех скрывавшая. Радуйся, в широте любви чадом твоим оныя явившая. Радуйся, в очищения ради души, поношение безчестия терпеливо понесшая. Радуйся, избавления ради чад своих от греха осуждения, чистоту жития своего показавшая. Радуйся, обиды от людей судии Богу предавшая. Радуйся, худыя помыслы чад своих во благо исправившая. Радуйся, во уверение истины подвиги твоя им открывшая. Радуйся, во избежание славы, уста их молчанием заградившая. Радуйся, преподобная княгине Евфросиние.

Кондак 8

Странное видение плоти твоея, яко уже умершия, зряще сынове твои, и жестокое твое житие уразумевше, страхом одержими, Богу укрепившему тя в подвизех, вопияху прилежно: Аллилуиа.

Икос 8

Весь сонм злословящих людей хотяху чада твоя наказати, егда уведаша твоего жития чистоту, и уразумеша велию злобу поношающих тя: ты же яко незлобивая, никакоже попустила еси отмстити обидящим, от Бога Единаго чающи оправдания своего. Темже вопием ти преподобная: Радуйся, сердцем кроткая. Радуйся, духом незлобивая. Радуйся, ко обидимым терпеливая. Радуйся, обидящим негневливая. Радуйся, в терпении обид Христу Богу подобящаяся. Радуйся, от Бога Единаго своего оправдания ожидавшая. Радуйся, поношение терпением победившая. Радуйся, ко обидящим любовь сохранившая. Радуйся, преподобная княгине Евфросиние.



Кондак 9

Все естество ангельское возвеселися, егда Архистратиг Небесных сил, предстояй престолу Божию, послан бысть к тебе преподобная, ко исходу душу твою уготовати, и Богу сице благоизволившему вопияху: Аллилуиа.

Икос 9

Ветии многовещанныя не возмогут по достоинству восхвалити твое ангельское безстрастие, и чистоту ока душевнаго: яко во плоти сущи, от Архистратига Божия посещения сподобилася еси, и от него извещение о исходе из сего временнаго жития прияла еси. Мы же таковую тебе от Бога данную благодать чтуще, вопием ти, преподобная: Радуйся, безстрастием ангелом соревновавшая. Радуйся, архангельскаго посещения сподобльшая. Радуйся, сиянием ангельскаго света осиянная. Радуйся, благоуханием святыни от Архангела облагоуханная. Радуйся, о изшествии из мира от Господа предизвещенная. Радуйся, явлением ангельским от всего земнаго отрешенная. Радуйся, яко Архистратиг Божий явлением своим, князя воздушных мытарств от тебе далече отгна. Радуйся, яко своим благодатным посещением победу на диавола тебе дарова. Радуйся, преподобная княгине Евфросиние.

Кондак 10

Спасти хотящи душу твою преподобная, егда от ангела весть о скором от жития сего исходе прияла еси, внити в созданную тобою обитель ускорила еси, да тамо в безмолвии работающи Богу, воспеваеши Ему: Аллилуиа.

Икос 10

Стена еси твердая, и ограждение необоримое обители тобою созданней преподобная, еже и яви Господь, еще грядущей тебе во обитель: многи бо на пути недужныя исцелила еси не яко новоначальная, но яко славная чудотворица. Темже прославляюще тя, вопием ти преподобная: Радуйся, явлением твоим слепцу исцеление обещавшая. Радуйся, прикосновением ризы зрение тому подавшая. Радуйся, болящих в житии твоем нужным снабдевавшая. Радуйся, тридесяти недужным при вхождении во обитель исцеление даровавшая. Радуйся, во обитель шедшая по смирению, яко новоначальная. Радуйся, в тую вшедшая по благодати Божией, яко чудотворица прехвальная. Радуйся, благодать Божию с собою во обитель вводящая. Радуйся, вхождением своим украшение святолепное ей преподавшая. Радуйся, преподобная княгине Евфросиние.

Кондак 11

Пение всеумиленное приносила еси преподобная, благодарственная восписующи Господу, сподобльшему тя иноческое пострижение прияти, к немуже во всем житии душу твою предуготовляла еси, да мира сего отлучившися, и ничимже земным слущаема, вопиеши Богу: Аллилуиа.

Икос 11

Светозарная свеща иночествующим показася житие твое во обители, преподобная: аще бо и не многи ни во иночестве пожила еси, обаче всякия добродетели образ преизящный в себе явила еси. Темже восхваляюще тя, сицевая вопием ти, преподобная: Радуйся, вольнаго мира оставления преизящная наставнице. Радуйся, правило усерднаго за вся люди моления. Радуйся, совершеннаго своея воли отсечения премудрое наставление. Радуйся, душевныя и телесныя чистоты светило изрядное. Радуйся, умерщвления плоти образе преизящный. Радуйся, мирнаго купножития наставнице. Радуйся, умная к Богу молитвы образе. Радуйся, святаго на земли жития зерцало. Радуйся, преподобная княгине Евфросиние.

Кондак 12

Благодати исполнена и благих дел, яко добре течение земное совершившая, в мире преставилася еси от земных к небесным, идеже веселящися предстоиши Господу, и вопиеши Ему: Аллилуиа.



Икос 12

Поюще твоя многообразная людем благодеяния, восхваляем тя вси, преподобная мати Евфросиние, независтно подающую исцеления с верою к тебе прибегающим, и вопиющим ти: Радуйся, яко на небесех ныне пред Господем предстоиши. Радуйся, яко о людех пред Богом выну предстательствуеши. Радуйся, града твоего крепкое ограждение. Радуйся, обители твоея незыблемое утверждение. Радуйся, о благом преспеянии иночествующих тепле молящаяся. Радуйся, о утверждении добре живщих в мире Бога просящая. Радуйся, чтущих память твою пред Богом поминающая. Радуйся, о прославляющих тя Бога молящая. Радуйся, преподобная княгине Евфросиние.

Кондак 13

О прехвальная угоднице Божия, преподобная княгине Евфросиния! Приими смиренное сие хваление наше, и твоим теплым предстательством у Царя Славы испроси нам в немощех исцеление, в добродетелех преспеяние, от врагов видимых и невидимых избавление, от вечныя муки свобождение, и Царства Небеснаго наследие, да с тобою присно поем Богу: Аллилуиа. Аллилуиа. Аллилуиа.





(Этот кондак читается трижды, затем икос 1 и кондак 1)







Молитва преподобной, благоверной княгине Евфросинии Московской

О преподобная княгине Евфросиние, добляя в женах подвижнице, прехвальная угоднице Христова! Приими моление нас недостойных, с верою и любовию к раце мощей твоих припадающих, и теплым к Богу ходатайством испроси граду твоему и людем от бед и напастей сохранение, обители сей, тобою созданней, утверждение и благоспеяние, подвизающимся во обители твоей исходатайствуй у Великодаровитаго Христа Бога нашего, да выну пребывают тщанием не лениви, духом горяще, Господеви работающе, в молитвах неусыпающе: в мире благочестно живущим испроси у Господа в вере твердость, во благочестии постоянство, и всем с верою прибегающим к тебе, и твоея помощи и заступления, подавай присно недугов исцеление, в скорбех утешение, во всем житии благопоспешение: наипаче же умоли Господа, в мире и покаянии земное житие преити нам, мытарств горьких и мук вечных избавитися, и Царство Небесное твоим ходатайством получити, идеже ты со всеми святыми Господу предстоиши, да выну славим Отца и Сына и Святаго Духа, ныне и в безконечныя веки веков. Аминь.











Тропарь преподобной, благоверной

княгине Евфросинии Московской

Тропарь, глас 8

По земнем вдовстве Небесному Жениху себе уневестивши и в княжестем чертозе подвижнически поживши, послежде и чертог и чад твоих Бога ради оставила еси, преподобная Евфросиние, и вшедши во обитель, тобою созданную, во иноческом образе многи подвиги показала еси, и святое житие по благодати Божией блаженною кончиною увенчала еси. И ныне, предстоящи Христу Богу, моли спастися душам нашим.



Кондак, глас 2

Вся красная мира сего яко суетная презревши и тело твое постом и бдением изнуривши, непрестанными молитвами Богу угодила еси, преподобная Евфросиние, и, дар исцелений от Него прияти сподобльшися, слепому прозрение и многим недужным исцеление даровала еси. Темже радостно взываем, глаголюще: слава Богу, прославляющему святыя Своя.



Величание

Ублажаем тя, преподобная мати Евфросиние, и чтим святую память твою, ты бо молиши за ны Христа Бога нашего.[/spoiler]

Раб божий Константин

Преподобней Евфросинии, велицей княгини Московстей (иной).
[spoiler]Кондак 1
     Избранней от рода державнаго, преславнаго града Москвы покровительнице и всея Российския страны молитвеннице, похвальное пение приносим ти, угоднице Христова Евфросиние. Ты же, яко имущая дерзновение ко Господу, Того умоли избавится нам бед и скорбей и в будущем веце Царствия Небеснаго наследники быти, да зовем ти:
     Радуйся, преподобная княгине Евфросиние, жен российских красото и радование.


Икос 1
     Ангелов Творец и Господь, предуведевый благое произволение твое, избра тя, благоверная княгине Евфросиние, во образ милосердия и благочестия женам Российским, да вси оне, зряще твое терпение, любовь и богоугодное житие, во умилении сердец взывают ти тако:
     Радуйся, родителей благочестивых Димитрия и Анны чадо благословенное.
     Радуйся, цвете благоуханный, во граде Суздали возращенный.
     Радуйся, именем Евдокии, сиречь благоволение, в крещении нареченная.
     Радуйся, от юности твоея благодати преисполненная.
     Радуйся, отроковице, в вере и благочестии воспитанная.
     Радуйся, ангельски на земли пожившая.
     Радуйся, яко злато в огне искушений и скорбей очищенное.
     Радуйся, образ праведныя благоверныя княгини всем русским людем показавшая.
     Радуйся, града Москвы хранительнице и заступнице.
     Радуйся, Церкве Российския преславное украшение.
     Радуйся, радости Царства Небеснаго сподобившаяся.
     Радуйся, дерзновенная о нас пред Богом молитвеннице.
     Радуйся, преподобная княгине Евфросиние, жен российских красото и радование.


Кондак 2
     Видя святитель Московский Алексий непорочную душу твою, ум и красоту, богоизбранная отроковице, яко невесту добру вручи тя Великому князю Димитрию Ивановичу, да будеши материю народу державы его, научающи всяк возраст верных славити и воспевати Богу: Аллилуиа.


Икос 2
     Разум во благочестии утвержден имущи, блаженная мати, не земныя радости в супружестве взыскавши, но паче супругу в добродетелех подражавши и того к делом добрым подвизавши, милосердие и любовь к людем стольнаго града показала еси. И бысть радость велия в народе о браце сем, и вси прославляху Бога, и радовахуся о тебе, и вопияху ти, глаголюще:
     Радуйся, от юности Бога всем сердцем возлюбившая.
     Радуйся, евангельских заповедей верная исполнительнице.
     Радуйся, великих святых земли Русския духовная ученице.
     Радуйся, преподобным Сергием в житии праведнем наставленная.
     Радуйся, на брак первосвятителем Российским Алексием напутствованная.
     Радуйся, послушание своему духовному наставнику явившая.
     Радуйся, с супругом твоим в любви и благочестии пожившая.
     Радуйся, в супружестем благочестнем житии крепкая помощнице.
     Радуйся, чада твоя в вере и страсе Божии воспитавшая.
     Радуйся, богобоязненному воспитанию и нас научающая.
     Радуйся, жен благочестивых украшение.
     Радуйся, любве и кротости Христовы вместилище.
     Радуйся, преподобная княгине Евфросиние, жен российских красото и радование.


Кондак 3
     Сила Божия укрепляше тя в служении народу твоему и невредиму сохрани, егда смертоносная язва многих людей окрест тебе поражаше, и многажды в нападениих врагов соблюдаше тя от меча их и пленения. Ты же вся сия претерпела еси, благодарственно воспевающи Богу: Аллилуиа.


Икос 3
     Имущи сердце милостивое и к людем страждущим любовию преисполненное, многи слезы проливала еси, блаженная мати, в молитве пред Господем, да сохранит землю Русскую и град царствующий во дни бед и напастей, находящих от нашествия агарян и междоусобных браней князей русских, от смертоносныя язвы, разорения и запаления. Темже поминающе твое теплое к Богу о людех ходатайство и скорую бедствующим помощь, вопием ти из глубины сердечныя:
     Радуйся, многи скорби претерпевшая.
     Радуйся, в напастех на единаго Господа упование возлагавшая.
     Радуйся, гнев Божий молитвами твоими утолявшая.
     Радуйся, в бедах помощь Божию обретавшая.
     Радуйся, материнскую любовь к людем страждущим явившая.
     Радуйся, обидимых и гонимых заступнице.
     Радуйся, княгине благосердая, любовию своею всех покрывающая.
     Радуйся, людем московским помощнице богодарованная.
     Радуйся, к нищим и убогим милосердие неоскудное показавшая.
     Радуйся, бедствующих благонадежное избавление.
     Радуйся, людей российских надеждо и упование.
     Радуйся, милосердия сокровище неисчерпаемое.
     Радуйся, преподобная княгине Евфросиние, жен российских красото и радование.


Кондак 4
     Егда буря великаго нашествия агарянскаго потрясе землю Русскую, супруг твой Великий князь Димитрий советом преподобнаго Сергия утверждаем, не убояся силы вражия и на подвиг ратный с полки своими устремися. Тогда вси людие русстии вкупе с тобою усердную молитву о избавлении страны своея вознесоша, воспевающе Богу песнь: Аллилуиа.


Икос 4
     Слышавше ближнии и дальнии людие, яко дарова Господь победу православному воинству в брани лютей на поли Куликове, плач свой на радость преложиша. Ты же, угоднице Божия, во вся дни похода полков русских неотступно предстояла еси в молитве и возликовала еси о спасении Отчизны твоея от нашествия иноплеменных. Темже и мы, радость победы сия приемше, о Господе радуемся, тебе же гласом хваления приносим таковая:
     Радуйся, супруга твоего небоязненно тещи на битву благословившая.
     Радуйся, о спасении земли Русския Господа умолявшая.
     Радуйся, града Москвы твердое ограждение.
     Радуйся, страны Российския верная защитнице.
     Радуйся, о победе воинства русскаго со слезами молившаяся.
     Радуйся, милостивая наша предстательнице.
     Радуйся, великою победою на поли Куликове обрадованная.
     Радуйся, в честь победы храм во имя Рождества Пресвятыя Богородицы создавшая.
     Радуйся, христолюбивому воинству необоримая помощнице.
     Радуйся, отечества твоего светильниче пресветлый.
     Радуйся, любовь велию ко Отечеству твоему земному явившая.
     Радуйся, любовь сию и по смерти сохранившая.
     Радуйся, преподобная княгине Евфросиние, жен российских красото и радование.


Кондак 5
     Боготечней звезде явилася еси подобна, святая мати, в житии твоем, егда супружеских уз свободившися, всецело Господу себе предала еси, постом, бдением и молитвами работающи Ему дни и нощи и непрестанно вопиющи Создателю нашему: Аллилуиа.


Икос 5
     Видящи себе по смерти супруга сиротствующу, преподобная мати, возжелела еси поработати единому Богу, обаче, воспитания ради чад, до времени в княжеских чертозех пребывающи и о делех земных попечение имети понуждаема, умыслила еси в тайне Богу послужити, постом и бдением тело свое изнуряющи, людем же в светлых ризах себе являющи. Сего ради, воспоминающе твое благое изволение, с любовию величаем тя сице:
     Радуйся, путь супружескаго богоугоднаго жития показавшая.
     Радуйся, с верою и терпением крест вдовства твоего понесшая.
     Радуйся, сыну твоему, в агарянском плену бывшему, спострадавшая.
     Радуйся, молитвою и благодатию Божиею в скорби сей утешенная.
     Радуйся, сыну твоему в управлении державы Российския мудрая помощнице.
     Радуйся, во власти княжестей суету мирскаго жития уразумевшая.
     Радуйся, во славе живущим правило христианскаго жития бывшая.
     Радуйся, славы токмо на Небесех искавшая.
     Радуйся, непрестанными молитвами Бога прославлявшая.
     Радуйся, яко постом и молитвою плоть твою духови покорила еси.
     Радуйся, в тайне Богу послужившая.
     Радуйся, сокровенно от людей Тому угодившая.
     Радуйся, преподобная княгине Евфросиние, жен российских красото и радование.


Кондак 6
     Проповедница святаго жития, в тайне совершаемаго, явилася еси, блаженная мати. Обаче дух лукавый, не терпя подвигов твоих, клеветами и злоречии возмути души чад твоих. Ты же, преподобная, клеветы и поношения с терпением великим понесла еси, благодарно воспевающи укрепившему тя Христу Богу: Аллилуиа.


Икос 6
     Возсия миру свет добродетелей твоих, преподобная мати, егда, видящи чад твоих злыми о тебе клеветами смущаемых, призва их тайно и часть одежд пред ними откры, да увидят тело твое от поста изсохшее и очернелое и плоть костем прильпнувшу; и тако смущение от сердец их отгнавши, никомуже поведати виденнаго повелела еси. Сего ради, почитающе подвиги и труды твоя, поем тебе сице:
     Радуйся, во вдовстве твоем чистоту непорочно сохранившая.
     Радуйся, за ревность твою по Бозе в нечистоте жития оклеветанная.
     Радуйся, яко в полунощи на молитву вставала еси.
     Радуйся, во глубине смирения подвиги твоя от всех скрывавшая.
     Радуйся, клеветы и хулы с благодарением потерпевшая.
     Радуйся, к обидящим тя любовь сохранившая.
     Радуйся, поношение безчестия терпением победившая.
     Радуйся, обиды на людей суду Божию предавшая.
     Радуйся, худыя помыслы чад твоих во благо исправившая.
     Радуйся, во избежание славы, уста их молчанием заградившая.
     Радуйся, смирением козни вражия разорившая.
     Радуйся, блаженство гонимых за правду унаследившая.
     Радуйся, преподобная княгине Евфросиние, жен российских красото и радование.


Кондак 7
     Хотя сын твой, Великий князь Василий во дни лютаго нашествия Тамерлана защитити державу Русскую, по совету твоему, княгине милостивая и богомудрая, повеле пренести в Москву Владимирскую икону Богоматере. Тогда Пречистая Матерь Господа, яко всемогущая Царица со множеством воинов явися агарянскому хану и от предел земли Русския отъити повеле. Темже вси вернии, от погибели заступлением Божия Матери спасеннии, в веселии пояху благих Подателю Богу: Аллилуиа.


Икос 7
     Новое знамение милосердия Своего сотвори Пресвятая Владычица, егда странную победу над воинством Тамерлана без брани совершившуюся в день сретения в Москве Владимирския иконы Ея дарова державе нашей. Сего ради и до ныне Церковь Божия прославляет тя, преподобная мати Евфросиние, яко мудрую советницу и молитвенницу ко Господу и величает тя тако:
     Радуйся, Пресвятыя Богородицы усердная почитательнице.
     Радуйся, ревностная печальнице пред Нею за вся страждущия русския люди.
     Радуйся, со слезами Пречистую о заступлении умолявшая.
     Радуйся, икону Владимирския Богоматере во град Москву пренести благословившая.
     Радуйся, пришествием иконы сея возвеселившаяся.
     Радуйся, до земли пред нею поклонившаяся.
     Радуйся, яко молитва твоя ко Пресвятей Богородице о спасении Руси услышана бысть.
     Радуйся, заступлением Пречистыя за землю Русскую обрадованная.
     Радуйся, град Москву от бед и губительств сохраняющая.
     Радуйся, к Богородице молитвеннице наша неусыпная.
     Радуйся, о спасении державы Российския богоугодная предстательнице.
     Радуйся, хранительнице земли нашея.
     Радуйся, преподобная княгине Евфросиние, жен российских красото и радование.


Кондак 8
     Странное чудо сотвори Господь в явлении тебе Архистратига Божия Михаила, иже осия тя лучами света Небеснаго, душу твою ко исходу уготовляя, и удержа язык твой. Егда же узрела еси, преподобная, третицею написанный образ явльшагося тебе Архистратига, разрешишася узы языка твоего и прославила еси Господа, творящаго дивная чудеса, поющи Ему песнь: Аллилуиа.


Икос 8
     Вся исполнена была еси ревности к Церкви Божией, преподобная мати Евфросиние, обители иноческия и храмы во славу Божию воздвигла еси, к нищим и убогим любовь стяжала еси и многими добродетельми душу твою обогатила еси, имиже житие твое яко цветами благоукрашается и духовно благоухает. Сего ради мы, тобою на путь веры и добродетели наставляемии, восхваляем тя сице:
     Радуйся, архангельскаго посещения сподобившаяся.
     Радуйся, явлением ангельским о отшествии твоем из жизни временныя извещенная.
     Радуйся, сиянием архангельскаго света озаренная.
     Радуйся, светило милосердия, над градом Москвою возшедшее.
     Радуйся, благолепие храмов Божиих возлюбившая.
     Радуйся, многих обителей и храмов в земли нашей устроительнице.
     Радуйся, обитель во имя Вознесения Господня в Кремле создавшая.
     Радуйся, тамо покой души твоея обретшая.
     Радуйся, вдовицам и сиротам защитнице и мати благосердая.
     Радуйся, милости и сострадания исполненная.
     Радуйся, за любовь твою к людем велие дерзновение к Богу стяжавшая.
     Радуйся, Царства Небеснаго и земнаго украшение.
     Радуйся, преподобная княгине Евфросиние, жен российских красото и радование.


Кондак 9
     Всякое естество ангельское и человеческое возрадовашеся, зряще, како ты, преподобная мати, земную славу оставивши, в пристанище тихое — созданную тобою обитель Вознесения Господня вселилася еси, яко жертву совершенную себе Богу приносящи. Темже в пострижении иночестем ангельский образ восприяла еси с именем Евфросинии, тезоименитой радости, да будеши радость страждущей стране Российстей и верным ея чадом, поющим Богу ангельскую песнь: Аллилуиа.


Икос 9
     Витий многовещанных паче, глас народный немолчно славит тя, преподобная мати Евфросиние, ибо Сам Господь яви в тебе образ назидания не токмо в миру живущим, но и ликом иноческим. Ты же благодать Божию в иночестве восприяла еси, и новыми подвиги украсила еси житие твое. Темже дара исцелений от Бога сподобльшися, слепому подала еси прозрение и многих болящих исцелила еси. Мы же любовию и молитвою твоею ограждаеми и наставляеми, воспеваем тебе сице:
     Радуйся, иноческое равноангельное житие возлюбившая.
     Радуйся, ризы княжеския на власяницу иноческую пременившая.
     Радуйся, ради Господа земнаго царства славу оставившая.
     Радуйся, яко имя Евфросинии, сиречь радости, во иночестве получила еси.
     Радуйся, во обитель, тобою созданную, вселившаяся.
     Радуйся, богоугодно и праведно в ней пожившая.
     Радуйся, прикосновением ризы твоея прозрение слепцу подавшая.
     Радуйся, яко тридесяти недужным исцеление даровала еси.
     Радуйся, в радость Господа твоего вшедшая.
     Радуйся, вечную радость на Небеси обретшая.
     Радуйся, радость истинную о Христе нам показавшая.
     Радуйся, светом радости души наша озаряющая.
     Радуйся, преподобная княгине Евфросиние, жен российских красото и радование.


Кондак 10
     Спасти хотя душу твою, житие земное равноангельно совершала еси, преподобная мати Евфросиние, в заповедех Божиих безпорочно ходящи, и дом Святаго Духа была еси. Темже по смерти твоей прослави тя Господь в лице святых благоверных княгинь и преподобных жен, с нимиже ныне Богу предстоящи, поеши хвалебную песнь: Аллилуиа.


Икос 10
     Стену необориму и заступление царствующему граду Москве и всей стране Российстей яви Господь тя, преподобная Евфросиние, ибо по отшествии твоем от земнаго бытия увенча тя и дарова благодать молитися с дерзновением о всех людех Российских, ищущих твоея помощи и заступления. Темже и нам, любовию чтущим тя, буди ограждение крепкое, да тобою от всех нападений вражиих избавльшеся, со умилением зовем ти:
     Радуйся, славу мира иноческим смирением поправшая.
     Радуйся, о едином на потребу точию помышлявшая.
     Радуйся, подвигом добрым подвизавшаяся.
     Радуйся, крест богоугождения до конца понесшая.
     Радуйся, в храме, тобою созданном, погребенная.
     Радуйся, православными людьми града Москвы ублажаемая.
     Радуйся, яко и по успении твоем нас не оставляеши.
     Радуйся, яко свеща у гробницы твоея чудесно воспламенися.
     Радуйся, непорочная голубице, от обители земныя в Небесныя обители возлетевшая.
     Радуйся, венцем неувядаемым украшенная на Небеси.
     Радуйся, святыми угодники радостно сретенная.
     Радуйся, с Царицею Небесною у престола Господа предстоящая.
     Радуйся, преподобная княгине Евфросиние, жен российских красото и радование.


Кондак 11
     Пение молебное во умилении сердец вознесоша вернии в соборе Архистратига Михаила, егда Божиим промышлением мощи твоя святыя, преподобная мати Евфросиние, обретошася в нем, яко сокровище велие Церкве Русския, от нихже приемлем в недузех исцеление, в скорбех утешение, в бедах благодатную помощь. Темже тя, яко заступницу и предстательницу нашу величаем и благодарно Богу и Владыце нашему воспеваем: Аллилуиа.


Икос 11
     Светозарная звезда явилася еси, преподобная Евфросиние, Небо Церковное украшающая и светом чудес твоих благодатно просвещающая не токмо град Москву, но и всю страну Российскую, в нейже ты, яко великая угодница Божия прославляешися всеми верными, исцеление и помощь благодатную дарующи, да вси ко святым мощем твоим с любовию припадающии воспевают тебе тако:
     Радуйся, свеще, Божественным огнем пламенеющая.
     Радуйся, благодати Духа Святаго сосуде избранный.
     Радуйся, тихим светом смирения и любве в земли нашей сияющая.
     Радуйся, яко светом Небесным жизнь нашу благодатно озаряеши.
     Радуйся, еще в житии сем дар исцелений от Бога приявшая.
     Радуйся, и по кончине исцеления неоскудно источающая.
     Радуйся, многоцелебныя мощи твоя нам открывшая.
     Радуйся, яко тем многим христианом земли нашея утешение даровала еси.
     Радуйся, подающая исцеления всем чтушим святыя мощи твоя.
     Радуйся, яко с верою приходящия к ним благодатию просвещаются.
     Радуйся, от зол и бед усердная наша хранительнице.
     Радуйся, всем ищущим путь ко спасению наставнице благодатная.
     Радуйся, преподобная княгине Евфросиние, жен российских красото и радование.


Кондак 12
     Благодатию, дарованною ти от Бога, преподобная мати Евфросиние, недуги исцеляеши, страну нашу от недругов защищаеши, жизнь нашу умиряеши и душам многих чад Божиих полезная подаеши. Темже яко имущая дерзновение ко Господу, вознеси теплую молитву за державу Российскую и людех ея, да внидут в Царство Небесное, воспевающе Богу песнь: Аллилуиа.


Икос 12
     Поюще равноангельное твое житие, молитвенно празднуем светлую память твою, святая княгине и инокине Евфросиние, славим тя с лики святых жен в земли Российстей просиявших и молим тя: помози всем девам и женам российским собравше елей добрых дел, с мудрыми девами выйти в сретение Жениха Христа и улучити благую часть одесную Его стояния и славящих Его во веки. Мы же, твоею любовию и молитвою ограждаеми, зовем ти:
     Радуйся, мудрая княгине и инокине всечестная.
     Радуйся, первая от града Москвы к лику святых жен причтенная.
     Радуйся, наставнице инокиням и собеседнице ангелом.
     Радуйся, царственною славою на земли и на Небеси почтенная.
     Радуйся, терпеливая страннице, Небеснаго Отечества достигшая.
     Радуйся, с супругом твоим, святым благоверным князем Димитрием крепкая о нас молитвеннице.
     Радуйся, с лики святых жен ныне пребывающая.
     Радуйся, в сонме преподобных на Небеси торжествующая.
     Радуйся, светлый образ жития всем женам христианским.
     Радуйся, от земных к небесным дух наш возводящая.
     Радуйся, душ и телес наших благодатная целительнице.
     Радуйся, в мире живущих ко спасению путеводительнице.
     Радуйся, преподобная княгине Евфросиние, жен российских красото и радование.


Кондак 13
     О преславная угоднице Христова и чудотворице, преподобная мати Евфросиние, отрадо и утешение верных града Москвы и всея земли Российския, прими от нас недостойных сие малое моление, с любовию тебе приносимое и ходатайством твоим ко Господу огради страну нашу от враг видимых и невидимых, даруй нам покаяние и сокрушение сердечное, даруй мир и надежду, избави нас от бед и вечныя муки, да купно с тобою и со всеми святыми земли нашея благодарственно вопием Богу: Аллилуиа.

Этот кондак читается трижды, затем 1-й икос: «Ангелов Творец и Господь...» и 1-й кондак: «Избранней от рода державнаго...»

Молитва преподобней Евфросинии, велицей княгини Московстей
     О преподобная княгине Евфросиние, добрая в женах подвижнице, прехвальная угоднице Христова! Приими моление нас, недостойных, с верою и любовию к тебе припадающих, и теплым к Богу ходатайством испроси граду Москве, градом и весем земли нашея и всем людем от бед и напастей сохранение, споспешествуй, яко чадолюбивая мати, чадом, тобою собранным, понести иго Христово во благодушии и терпении и добре подвизатися ко исправлению жития своего; в мире благочестно живущим испроси у Господа в вере твердость, во благочестии преспеяние и всем, с верою прибегающим к тебе и твоея помощи и заступления просящим, даруй недугов исцеление, в скорбех утешение и во всем житии благопоспешение, наипаче же умоли Господа в мире и покаянии земное житие прейти нам, мытарств горьких и мук вечных избавится и Царство Небесное твоим ходатайством получити, идеже ты со всеми святыми Господу предстоиши, да всегда славим Отца, и Сына, и Святаго Духа, ныне и в безконечныя веки. Аминь.


Тропарь преподобней благоверней княгини Евфросинии Московстей
Тропарь, глас 8:
     По земнем вдовстве Небесному Жениху себе уневестивши и в княжестем чертозе подвижнически поживши, послежде и чертог и чад твоих Бога ради оставила еси, преподобная Евфросиние, и вшедши во обитель, тобою созданную, во иночестем образе многи подвиги показала еси и святое житие по благодати Божией блаженною кончиною увенчала еси. И ныне, предстоящи Христу Богу, моли спастися душам нашим.


Ин тропарь, глас 5:
     От юности предызбранная Богом угоднице, оставльши светлый чертог княжеский, уклонилася еси во обитель, тобою созданную, и, пучину житейскаго моря преплывши, ныне со ангелы песнословиши Христа Бога, Емуже непрестанно молися, преподобная, яко да сохраняет выну обитель, тобою созданную, и дарует нам мир и велию милость.


Кондак, глас 2:
     Вся красная мира сего яко суетная презревши, и тело твое постом и бдением изнуривши, непрестанными молитвы Богу угодила еси, преподобная Евфросиние, и дар исцелений от Него прияти сподобльшися, слепому прозрение и многим недужным исцеление даровала еси. Темже радостно взываем, глаголюще: слава Богу, прославляющему святыя Своя.


Тропарь на обретение мощей преподобныя благоверныя княгини Евфросинии Московския
Тропарь, глас 2:
     Днесь светло ликует первопрестольный град Москва, имый драгое сокровище — чудотворныя мощи твоя, преподобная мати Евфросиние, имиже яко от неистощимаго источника верным подаеши исцеления. Темже тя с любовию ублажаем: радуйся, радосте земли нашея.


Величание
     Ублажаем тя, преподобная мати Евфросиние, и чтим святую память твою, ты бо молиши за нас Христа Бога нашего.[/spoiler]

Раб божий Константин

Акафист преподобной Евфросинии Полоцкой.
[spoiler]Кондак 1

Избранную Христову невесту песньми восхвалим днесь, вернии, Евфросинию; сия бо княжна, дом отчий оставльши и во иночестве поживши добре, многая управила есть ко спасению; во Иерусалиме плотию преставльшися, во Иерусалим горний духом преселися и тамо присно за ны молится. Ейже тако возопиим: Радуйся, Евфросиние, невесто Христова всечестная.

Икос 1

Ангельски поживши, преподобная, постническим житием угодила еси Христу и небесныя радости причаститися сподобилася еси по скончании. Темже с горних высот призри на ны, тако тя величающия: Радуйся, Российския земли похвало; Радуйся, отрасль славная от рода Владимира равноапостольнаго. Радуйся, именитых родителей чадо богоизбранное; Радуйся, голубице непорочная. Радуйся, девственнице чистая; Радуйся, инокиням утешение. Радуйся, ко Иерусалиму небесному путеводительнице; Радуйся, благочестия звездо. Радуйся, заступнице к тебе притекающих; Радуйся, целительнице недугов незримая. Радуйся, ходатаице за ны теплая; Радуйся, Евфросиние, невесто Христова всечестная.

Кондак 2

Видение бе радостное, егда по рождении твоем принесоста тя, преславная, родителя твоя во храм Господень: тамо бо в купели крещения от первороднаго греха омылася еси погружением, и мира священным помазанием тя, яко отрасль младую, иерей привил есть ко Христу, да поеши Ему выну со избранными Его: Аллилуиа.



Икос 2

Разумом, свыше просвещенным, и чистым сердцем Христови от юности вручила еси себе, Предиславо; почасту во храм притекающи, в горнице во трудех присно пребывала еси. Темже тя ублажаем: Радуйся, Христови обрученная от купели крещения; Радуйся, миром благодатным запечатленная. Радуйся, Духа Свята вместилище чистое; Радуйся, тем умудренная во спасение. Радуйся, во благое свыше укрепленная; Радуйся, разум просветившая молитвою. Радуйся, совесть стяжавшая крепкую во благом; Радуйся, от младости уведевшая пути благочестия. Радуйся, уклонилася бо еси пути гибельнаго; Радуйся, трудолюбивая отроковице. Радуйся, юных дев российских красото; Радуйся, Евфросиние, невесто Христова всечестная.

Кондак 3

Силою Вышняго укрепленная, возлюбила еси преподобная; научение книжное и тому прилежала еси; мудрость же книжную постигши, паче прочих божественныя книги избрала еси, и яже умудрити могут во спасение всякаго человека, усердно почитала еси, сладце поющи Господеви: Аллилуиа.



Икос 3

Имать днесь обитель твоя отроковицы многи и млады, научению книжному зде вданныя. Сего ради усердно молим тя, всехвальная, призри на тыя и умудри я во спасение, да тя величаем: Радуйся, ключ мудрости взыскавшая; Радуйся, яко художество книжное постигла еси от младости. Радуйся, тем отверзшая двери богопознания; Радуйся, Священное почитавшая Писание. Радуйся, от сего узревшая мира сущаго сотворение; Радуйся, умиленная неизреченным Христовым снизхождением к падшему роду нашему. Радуйся, возлюбившая возлюбльшаго нас Господа; Радуйся, Тому Единому поработати возжелевшая. Радуйся, последи в чертог славы Его всельшаяся; Радуйся, девственнице, юным девам незримая споспешнице в научении. Радуйся, светильниче благочестия и знания; Радуйся, Евфросиние, невесто Христова всечестная.

Кондак 4

Бури житейских бед и напастей бежавши, преподобная, паче брака честна житие девственное возлюбила еси и от именитых женихов уклонилася еси, отроковице, да единому Жениху Небесному Христу поработаеши, поющи Ему: Аллилуиа.

Икос 4

Слышала еси, преподобная, яже апостол рече: глаголю безбрачным и вдовицам — добро им есть, аще пребудут, якоже и аз; аще ли жени, да посягают; не оженивый бо ся печеттся, како угодити Господеви; и сему поревновала еси. Темже тя величаем: Радуйся, девственнице чистая; Радуйся, путь иноческаго жития избравшая. Радуйся, яко жребий девства прияти и вместити возмогла еси Божиею благодатию; Радуйся, мирскаго треволнения избегшая. Радуйся, тихаго пристанища взыскавшая; Радуйся, Марии Лазареве подражавшая. Радуйся, яко во храме, аки при ногу Христову, приметалася еси; Радуйся, яко лику мучениц и преподобных жен приобщилася еси. Радуйся, презревшая лепоту мира тленнаго; Радуйся, неизреченныя радости в мире горнем днесь причастнице. Радуйся, праведнаго жития образе; Радуйся, Евфросиние, невесто Христова всечестная.

Кондак 5

Бога точию боящися, не устрашилася еси, Евфросиние, тяготы жития иноческаго, кров же оставльши отчий, во обитель притекла еси и облещи тя во ангельский образ умильне игумению молила еси, да не обязавшися куплями житейскими, выну пети сподобишися Христови: Аллилуиа.

Икос 5

Врача Небеснаго молила еси, всехвальная, да скорбь, родителема твоима отшествием учиненная, на радость преложится; оставила бо еси я, преподобная, да Христови послужиши за рождших тя молишися. Темже тя хвалим достойно: Радуйся, избраннице Божия; Радуйся, тайне, из отчаго дома отшедшая. Радуйся, во обитель всельшаяся княгини Романовы; Радуйся, возложшая руку на рало делания духовнаго. Радуйся, брачный венец отложившая; Радуйся, главу покрывшая кукулем незлобия. Радуйся, одеждам брачным одежду нищеты предпочетшая; Радуйся, со приятием вервицы, аки мечем, вооруженная словом Божиим. Радуйся, крест Христов, аки знамя веры, приимшая; Радуйся, яко не посрами тя Господь во уповании. Радуйся, родителя бо, пришедшая тя видети, от писания тобою утешившася, в радости возвратистася; Радуйся, Евфросиние, невесто Христова всече-

стная.

Кондак 6

Проповедника Павла, иже рече: всяк подвизаяся от всех да воздержится, послушающи, в посте и воздержании неослабно пожила еси, преподобная, во обители; суесловия бо бегала еси и песньми псаломскими назидающися молилася еси, и в добрем изволении утверждающися, выну пела еси: Аллилуиа.



Икос 6

Возсия благодать в подвизех жития твоего, Евфросиние всечестная; по некоем бо времени во град Полотск преселилася еси, и при храме святыя Софии в клетце мале подвизающися, книги божественныя преписовала еси и тако град ти присный полезным учением напаяла еси, слышащи от всех таковая: Радуйся, Полотское радование; Радуйся, девам сияние. Радуйся, звездо благочестия; Радуйся, смирения исполненная. Радуйся, послушанием утвержденная; Радуйся, с молчанием скорби терпевшая. Радуйся, при храме бо, яко древле Богоотроковица, пожила еси; Радуйся, мудрая княжно и инокине пречестная. Радуйся, цвете постничества; Радуйся, свете кротости. Радуйся, упования неложнаго исповеднице; Радуйся, Евфросиние, невесто Христова всечестная.

Кондак 7

Хотяй спасти тобою жены и девы многия во иночестве, Владыка Христос сицеваго видения удостой тя, преподобная; в соннем видении узрела еси себе, Евфросиние, принесену в сельце к церквице Спасове, и Ангела ти рекшаго: зде ти быти подобает. Ты же абие от сна воставши, радостне пела еси: Аллилуиа.

Икос 7

Новое чудо бысть: тойже бо Ангел явився святителю Илии, повеле ему дати сельце то на вселение ти и церквицу на молитву, еже и сотвори святитель абие. Сия поминающе, тако тя величаем: Радуйся, ангельски пожившая; Радуйся, Ангела Господня узревшая. Радуйся, сладкия беседы его причастнице; Радуйся, яко и пред святителем ходатай бе о тебе. Радуйся, Ангелом и на всех путех твоих храненная; Радуйся, кровом крил его огражденная. Радуйся, не преткнувшая ноги твоея о камень гордыни; Радуйся, сего ради видения зрака ангельского удостоенная. Радуйся, яко явися ти, иже зрит лице Отца нашего Небеснаго; Радуйся, не прогневльшая хранителя ничимже суетным и греховным. Радуйся, сего ради радостныя вести удостоенная; радуйся, Евфросиние, невесто Христова всечестная.

Кондак 8

Странник, кров узрев, радуется и, пришед, покой си приемлет. И ты, преподобная, радости исполнилася еси, при церквице на сельце водворившися со единою от инокинь, и ту основание обители твоея сотворила еси отнюдуже Богови днесь возносится песнь великая, в вышних сугубо песнословимая: Аллилуиа.



Икос 8

Вся весть Господь, и ничтоже тайно, еже не открыется; ведый же вся коемуждо от человек изволение дарует, да изберет кийждо путь жития, и якоже кто поживет, по житию коегождо скончавшася судит. Яже памятующе, тако тя хвалим: Радуйся, благий ярем Христов подъемшая;

Радуйся, по гласу ангельскому на место пустынно отшедшая. Радуйся, точию книги с собою принесшая; Радуйся, со единем одеянием бывшая. Радуйся, с треми малыми хлебы всельшаяся; Радуйся, прочая вся оставльшая. Радуйся, пустыни украшение; Радуйся, яко сроднии за подвиг сей благословиша тя. Радуйся, епископом Илиею утешенная; Радуйся, яко вскоре к тебе многи инокини стекошася. Радуйся, яко и обитель славная ту устроися; Радуйся, Евфросиние, невесто Христова всечестная.

Кондак 9

Всемилостиваго Спаса храм во обители создала еси и честными иконами украсила еси, преподобная, споспешествующей ти благодати Божией; древоделя бо на строение церковное некий глас буждаше, на скончание же храма дивне плинфы многи обретошася. Яже зрящи, со умилением пела еси: Аллилуиа.



Икос 9

Вития мудрая была еси, преподобная, памятовала бо еси слово Христово, иже сотворит едину заповедей сих малых и научит тако человеки, сей велий наречется в Царствии Небеснем, и поучающи благочестию сестры своя, первее сия творила еси. Темже тя величаем: Радуйся, инокиням правило иноческаго жития; Радуйся, яко в чистоте и целомудрии блюла еси юныя. Радуйся, неложно старыя почитавшая; Радуйся, скорбным споспешнице в терпении. Радуйся, была бо еси всем образ смирения и благолепнаго хождения; Радуйся, обличительнице осуждения и многословия. Радуйся, приятелище дара прозрения сердец; Радуйся, вопрошающим мудрая советнице. Радуйся, миротворице сварящихся; Радуйся, добродетельми преукрашенная. Радуйся, великая российская дево; Радуйся, Евфросиние, невесто Христова всечестная.

Кондак 10

Спасения ради и утешения Ефесскую икону Владычицы нашея Богородицы испросила еси из Царяграда, преподобная, во град Полотск. Обитель ину устроивши, тою иконою сию украсила еси; сестру же и две дщери братния, Кирианну и Ольгу, иночества обеты Христови обручила еси и во обителех твоих во спасение управила еси многия, поющи: Аллилуиа.



Икос 10

Стеною крепкою от искушений явися смирение твое; вся бо ти повеленная совершивши, яко рабу неключиму вменила еси себе, преподобная; кротостию и тихостию нрава паче злата и бисера украсила еси душу твою. Темже тя величаем: Радуйся, слуго чистая Девы Пречистыя; Радуйся, увеселила бо еси Полотск чудным Божия Матере образом. Радуйся, великое сокровище Российстей земли тако стяжавшая; Радуйся, многия девы во обитель Божия Матере приведшая. Радуйся, присныя ти на путь спасения привлекшая; Радуйся, мудрая управительнице во спасение. Радуйся, две обители, яко свещи возжегшая; Радуйся, теми просветившая страну Полотскую. Радуйся, насадительнице древа иноческаго жития; Радуйся, смирением утаевавшая высоту твоих подвигов. Радуйся, строительнице Российс-кия земли; Радуйся, Евфросиние, невесто Христова всечестная.

Кондак 11

Песньми восхваляюще тя, терпению твоему дивимся, преподобная; всякия бо труды и скорби понесши, последи во Святую Землю странствие прияла еси, идеже, по желанию твоему, и скончатися приводе ти Господь; тамо бо к Нему в старости маститей преселилася еси, подвиг добрый совершивши, с песнию: Аллилуиа.



Икос 11

Светозарная луча земли Российския! Аще плотию преставилася еси от нас, преподобная, обаче духом с нами присно пребываеши. Во храме, тобою созданном, молящеся и кресту, от тебе устроену, покланяющеся, молим тя, приими от нас сицевыя хвалы: Радуйся, древния России сияние; Радуйся, оныя днесь великия похвало. Радуйся, славная Земли Святыя от севера пришельнице; Радуйся, гробу Христову поклонитися сподобльшаяся. Радуйся, лампаду ту от земли Российския возжегшая; Радуйся, у гроба Христова ко Христу отшедшая. Радуйся, у онаго крест земнаго жития твоего оставльшая; Радуйся, святыми тайнами при скончании напутствованная. Радуйся, на небеси от святых угодник радостно сретенная; Радуйся, венцем славы от Небеснаго Жениха увенчанная. Радуйся, мудрая дево, вшедшая в чертог Жениха Небеснаго со славою; Радуйся, Евфросиние, невесто Христова всечестная.

Кондак 12

Благодати причастнице, усердно молим тя, Евфросиние всехвальная, пролий теплую твою молитву ко Всевышнему за всю землю нашу православную, да мудростию и чистотою жития народнаго, яко дщерь избранная, будет во языцех земля наша, и чада ея да внидут в горняя селения, поюще Богови: Аллилуиа.

Икос 12

Поюще тя, яко заступницу нашу теплую, инокиням же и девам обители твоея покров и утверждение, радуемся о тебе, преподобная, и молитвами твоими просимая приемлюще, с любовию величаем тя сице достойно: Радуйся, яко мощи твоя, во отечество принесенныя, процветоша нетлением; Радуйся, всехвальная, равноапостольнаго Владимира правнуко. Радуйся, собеседнице равноапостольныя Ольги и всего благосветлаго лика праведных жен; Радуйся, всельшаяся в скинию святых. Радуйся, незримая о нас ходатаице; Радуйся, болящих врачевание дивное. Радуйся, печальных утешение неложное; Радуйся, отрадо скорбящих. Радуйся, опоро тя призывающих; Радуйся, заступнице наша теплая у Христа. Радуйся, дивная, верою чтущих тя путеводительнице ко спасению; Радуйся, Евфросиние, невесто Христова всечестная.



Кондак 13

О всехвальная мати наша Евфросиние всечестная! Моли за ны Господа и Матерь Его Пречистую, да укрепит наша немощныя силы и во спасение управит, юныя в чистоте соблюдет, девствующия укрепит в подвизе, во браце сущия в любви и мире усовершит, уврачует недужныя, просветит омраченныя, умершия простит и вся в чертоги Своя управит, идеже выну Ангели поют песнь хвалебную: Аллилуиа.

(Этот кондак читается трижды, затем икос 1 и кондак 1)[/spoiler]

Раб божий Константин

Акафист святей благоверней княжне преподобней Евфросинии Суздальстей.
[spoiler]Кондак 1
Избранная от чрева матерня, угоднице Христова княжна Евфросиние, прославляюще прославльшаго тя Христа Господа, хвалебная приносим ти песни, мати преподобная; ты же, яко имущая дерзновение ко Господу, от всяких нас бед свободи, да зовем ти:
Радуйся, Евфросиние, невесто Христова прекрасная.

Икос 1
Ангелов царица и мати Господа, провидящи равноангельное житие твое, услыша молитву святых твоих родителей, и разреши тобою неплодство их, трикратно тем явившися во сне, в знамение твоего избрания, блаженная. Мы же таковое о тебе Божие смотрение прославляюще, взываем ти:
Радуйся, святый плоде, молитвами неплодствовавших испрошенный.
Радуйся, честный даре, Приснодевою безчадствовавшым дарованный.
Радуйся, чудным фимиамом, яко будущее благоуханное селение духа, до зачатия предзнаменованная.
Радуйся, в предосвященном молитвою и Божиим благословением чреве зачатая.
Радуйся, по зачатию, яко чистая голубица, от Пречистыя Девы даемою голубицею предобразованная.
Радуйся, до рождения Царицею неба и земли в служебный лик себе предизбранная.
Радуйся, еяже рождение Богородицею со святыми Антонием и Феодосием яве предвозвещено бысть.
Радуйся, ейже имя, яко имевшей быти верною Богу рабою, Феодулия пронаречено бысть.
Радуйся, рождением своим бывшее свыше обетование оправдавшая.
Радуйся, по рождении абие великое свое предназначение проявившая.
Радуйся, еще в пеленах сущи, пост иноческий державшая.
Радуйся, от сосцу доилицы, егда тая мяса ядаше, николиже млека вкусити хотевшая.
Радуйся, Евфросиние, невесто Христова прекрасная.

Кондак 2
Видяще родители твои, яко услышана бысть молитва их о тебе, блаженная, и чудящеся о явлениих Богоматере, во сне яко яве бывших, слагаху тая в сердце своем; велие же некое о тебе Божие смотрение в тех провидяще, радостно вопияху Богу: Аллилуиа.

Икос 2
Разумети хотя, по рождении твоем, Божие о тебе изволение, боголюбивая мати твоя, молящися усну, и виде себе во сне окриленну, в высоту парящу, и тя отроковицу Богу в руце вдающу; чесо ради Богу тя посвящающи по святом Крещении, вручи тя покрову и заступлению Царицы Небесныя. Мы же таковое предустроение о тебе славяще, хвалебно взываем ти:
Радуйся, по изволению Божию, в дар Богу от рождения определенная.
Радуйся, изначала, яко в небесная парити имущая, предуказанная.
Радуйся, от купели живаго со Христом общения, взыскательницею быти предъявленная.
Радуйся, во святом Крещении во Христа облекшися, христоподражательницею быти назнаменанная.
Радуйся, в троекратном во имя Пресвятыя Троицы погружении, во свете лица Ея пребывати начавшая.
Радуйся, в белы, во образ чистоты, ризы одеянием в чин непорочных вступившая.
Радуйся, с возложением креста на выю, благое иго Христово носити восприявшая.
Радуйся, с препоясанием чресл бодренною подвижницею Христовою быти себе показавшая.
Радуйся, с горящею при купели свещею, в светлый лик благодатно освященных вчиненная.
Радуйся, в троекратном окрест купели хождении, яко обрученная Христу невеста ликовавшая.
Радуйся, в залог вечнаго с Небесным Женихом единения, святым миром запечатленная.
Радуйся, в осуждение всякия скверны греховныя, на всех чувствах знамение дара Духа Святаго приявшая.
Радуйся, Евфросиние, невесто Христова прекрасная.

Кондак 3
Силою свыше управляема, преуспевала еси возрастом и благодатию у Бога и человек; о чесом родители твои и южики радующеся, Богу, из уст младенец хвалу себе совершающему, взываху: Аллилуиа.

Икос 3
Имуще в памяти бывшыя о тебе знамения, и чудящеся необычному в отрочестве разуму твоему, родители твои разсудиша наипаче поучением божественных книг возгревати живущий в тебе дар благодатныя жизни, еже и соверши сам боголюбивый родитель твой святый благоверный князь Михаил. Хвалу воздающе таковому о тебе родителей твоих мудрому попечению, взываем ти:
Радуйся, младенцем открываемых таин верное хранилище.
Радуйся, отроковице, млеком слова животнаго воспитанная.
Радуйся, дево, чистыми токи небесных истин напоенная.
Радуйся, теплотою учения родительскаго, огнь любве к Господу в сердце твоем возгревшая.
Радуйся, живыя стремления юности от земных к небесным возведшая.
Радуйся, невесто, отцем по плоти в уневещение Христу Господу руководствованная.
Радуйся, красото, паче всех красных мира, красоты райския любити наученная.
Радуйся, розго Лозы Истинныя, Вертоград Христов измлада украшавшая.
Радуйся, древо, от корене свята плоды благи рано приносити начавшее.
Радуйся, из детства чистотою небесным силам подобившаяся.
Радуйся, во всю жизнь осенением Приснодевы в непорочном девстве сохранившая.
Радуйся, Евфросиние, невесто Христова прекрасная.

Кондак 4
Бурю внутрь имеяху помышлений родители твои, егда приспе время преподавати ти внешняя учения, да не како теми охладится сердце твое к небесным; ведуще же страх Божий и святое житие богомудраго болярина Феодора, того призваша научити тя всякой внешней мудрости, Богу просвещающему умы воспевающе: Аллилуиа.

Икос 4
Слышащи преподаваемая тебе о мире Божием учения, яко пчела, о внешних собирала еси сок, силою действовавшия в тебе благодати сладчайшаго паче меда Господа, в духовный сот превращала еси той, и вся искушающи, добрая точию держала еси. Таковую мудрость твою хваляще, взываем ти:
Радуйся, от видимых тварей к невидимым Божиим возносившаяся.
Радуйся, от красот мира к краснейшему паче всех любовию возгаравшаяся.
Радуйся, созерцанием небес, славу Божию поведающих, к снисканию славы пренебесныя воскрилявшаяся.
Радуйся, от излияния света солнечнаго на злыя и благия, богоподобной любви научавшаяся.
Радуйся, во образе солнца, всевидящее око Божие умным оком своим зрети учившаяся.
Радуйся, в различии славы солнца, луны и звезд, различие небеснаго по делом прославления познававшая.
Радуйся, от воздыханий суете неволею повинувшияся твари, блаженный о гресех плач восприявшая.
Радуйся, в тяготе вещей земных, тяготу грехов проразумевавшая.
Радуйся, стремлением огня горе, горняя мудроствовати научавшаяся.
Радуйся, прехождением образа мира сего, в любви к благом непреходящым утверждавшаяся.
Радуйся, в строении вещей земных, тайны устроения спасения прозревавшая.
Радуйся, яко злато огнем искушаемое, очистительный искушений огнь радостно терпети предначинавшая.
Радуйся, Евфросиние, невесто Христова прекрасная.

Кондак 5
Боготечной звезде, волхвов к Солнцу Правды приведшей иногда, подобящися в дому и княжении родителей твоих, на путь спасения приводила еси всех, на святое житие твое взиравших, и словес данныя тебе премудрости слушавших, иже, тобою просвещаеми, Богу тя умудряющему радостно взываху: Аллилуиа.

Икос 5
Видеша тя умом и красотою паче всех дщерей высокородных славну сынове княжестии, и молением стужиша родителем твоим, пояти тя ищуще; но не получиша желаемаго, Богу лучшее нечто о тебе устрояющу. Мы же о тебе путем Божиим чудящеся, взываем ти:
Радуйся, красотою души, паче неже лепотою тела, всех другинь превосходившая.
Радуйся, святостию жития, паче неже благородством рода, прославившаяся.
Радуйся, славных и прекрасных искателей твоих ни во что же вменившая.
Радуйся, краснейшаго паче всех человек всем сердцем взыскавшая.
Радуйся, к единому жениху Христу тайным сердца желанием влекомая.
Радуйся, Тому, Егоже возлюби душа твоя, невидимым Божиим промышлением блюдомая.
Радуйся, единаго Господа невозвратным помыслом себе избравшая.
Радуйся, умом и сердцем в Нем исчезавшая.
Радуйся, именем Иисуса, паче мира благоуханна, услаждавшаяся.
Радуйся, теплотою любве Христовы, паче солнца светозарна, согревавшаяся.
Радуйся, во еже духовне Христу обручитися достойно себе уготовлявшая.
Радуйся, боголюбезным добронравием, внутрь и вне, богато себе украсити ревновавшая.
Радуйся, Евфросиние, невесто Христова прекрасная.

Кондак 6
Провозвестницы бывше божественнаго о тебе промышления родители твои, тайным Божиим велением влекоми, соизволиша на моление Мины, князя суздальскаго, паче других искателей твоих и родом и делы славна, и на Бога все упование возложше, на брак тя с ним благословиша, воспевающе вся премудре строющему: Аллилуиа.

Икос 6
Возсия свет утешения в души твоей, егда в слезных молитвах поведавши скорби сердца твоего владычице Богородице, о внезапном устроении жизни твоей не по сердцу твоему, услышала еси радостный Тоя глас, волю родителей исполнити тебе повелевавший, и не разоритися обетом и желанием твоим обещавший. Таковое Матери Божией к тебе благоволение славяще, ублажаем тя, вопиюще:
Радуйся, невесто, дивными путьми во объятия Христова наставленная.
Радуйся, дево, матерним Приснодевы попечением руководствованная.
Радуйся, теплым воли родителей повиновением связуемая.
Радуйся, и неизменным желанием девства снедаемая.
Радуйся, таковое в сердце распятие ради Господа претерпевшая.
Радуйся, преданностию воли Божией, яко на кресте себе в жертву Богу принесшая.
Радуйся, любовь ко Господу с покорностию родителем сочетавшая.
Радуйся, уповательным послушанием и честь браку воздавшая, и честнейшее брака девство сохраншая.
Радуйся, на брак ити напутствованная, и в безбрачии пребыти несомненно чаявшая.
Радуйся, на пути во мрак сокровенных о тебе путей Божиих с трепетом воззревавшая.
Радуйся, в приражении недоумений о будущем, на камени упования крепко утвердившаяся.
Радуйся, в данном тебе Богородицею обетовании, яко на лоне матернем упокоевавшаяся.
Радуйся, Евфросиние, невесто Христова прекрасная.

Кондак 7
Хотящу тако Божию вседержительству, князь Мина, еще не доспевшей тебе града Суждаля, предаде дух свой в руце Божии. Ты же от всяких уз земных свободу улучивши, радостно воспела еси славу Богу: Аллилуиа.

Икос 7
Новую показала еси добродетель, блаженная, егда твердое восприяла еси намерение не возвращатися в дом родителей, вселитися же во граде Суждале, во обители положения риз Божия Матере; идеже сокровища своя бедным иждивши, ангельский образ прияла еси. Таковое твое мудрое о себе и спасительно бывшее нам изволение славяще, взываем ти:
Радуйся, во уповании своем не постыжденная.
Радуйся, получением желания своего обрадованная.
Радуйся, от треволнений мира в небурном пристанищи укрывшаяся.
Радуйся, вожделенному тебе лику дев радостно сопричетшаяся.
Радуйся, вся утехи земныя во уметы вменившая.
Радуйся, сокровища вена твоего руками нищих в небесныя сокровищницы предпославшая.
Радуйся, любве ради ко Христу в нищету Его облекшаяся.
Радуйся, всю славу мира иноческим смирением поправшая.
Радуйся, в пострижении иноческом желанием строгаго постничества горевшая.
Радуйся, с принятием иноческаго образа духовное всеоружие восприявшая.
Радуйся, по оставлении мира о едином на потребу точию помышлявшая.
Радуйся, по вселении во обитель черноризиц, духом в общении ангел и святых жити наченшая.
Радуйся, Евфросиние, невесто Христова прекрасная.

Кондак 8
Странно житие восприяла еси во обители, преподобная, смиривши себе паче всех; княжна бо сущи, черноризицам проста рода Христа ради служила еси, поношением Христовым честь рода своего возвеличивши, Богу дивныя подвиги твоя прославльшу, Емуже вопием: Аллилуиа.

Икос 8
Вся в вышних была еси духом, преподобная, и божественною укрепляема благодатию, во всех добродетелех преуспевала еси, образ совершеннаго иноческаго жития всем, сподвизавшымся ти, подавающи. Темже ублажаем тя, всехвальная:
Радуйся, подвигом добрым подвизавшаяся.
Радуйся, чтение свое добре совершившая.
Радуйся, страхом Божиим всякое нечистое желание побеждавшая.
Радуйся, памятию о смерти всякое суетное попечение отгонявшая.
Радуйся, пощении и бдении плоть свою смирявшая.
Радуйся, умным деланием душу свою выну горе восторгавшая.
Радуйся, всегдашним уединением от соблазнов мира чувства своя соблюдавшая.
Радуйся, бодренным трезвением от злых помыслов сердце свое охранявшая.
Радуйся, в молитвах неусыпная, и в чтении Божественных книг ненасытимая.
Радуйся, на всякое послушание скорая, на исполнение же воли своей косная.
Радуйся, терпения, кротости и любве зерцало.
Радуйся, сердечнаго сокрушения, всегдашняго плача и покаяния правило.
Радуйся, Евфросиние, невесто Христова прекрасная.

Кондак 9
Ангелоподбным житием просиявши, жезл настоятельства прияла еси, блаженная, и добре правящи обитель сию молитвою и примером жизни своея, словом научения и устроением чина иноческаго, душы тебе вверенныя к Богу приводила еси, научающи вся пети Ему: Аллилуиа.

Икос 9
Витийствующий язык не может изглаголати мудрости твоея начальственныя, егда дев от вдовиц отделила еси, да не како от взора и речей помыслы о сластех житейских приемше, осквернятся теми в сердце своем, и в добром течении своем запяты будут. Чесо ради дань хвалы тебе приносяще, взываем:
Радуйся, душ боголюбивых мудрая руководительнице.
Радуйся, невест Христовых неусыпная блюстительнице.
Радуйся, в управлении своем простоту с мудростию соединившая.
Радуйся, в начальствовании своем снисхождение с взыскательностью сочетавшая.
Радуйся, строгость власти материнскою любовию умерявшая.
Радуйся, материнскую любовь строгостию власти отрезвлявшая.
Радуйся, мудрыми наставлении добрых в добре утверждавшая.
Радуйся, и единым взором неисправных к исправности подвизавшая.
Радуйся, крепкою молитвою невидимыя стрелы вражеския от обители отражавшая.
Радуйся, мудрыми порядками внешния соблазны мира от сестр отвращавшая.
Радуйся, теплыми попечении земную обитель в рай претворившая.
Радуйся, устроением истиннаго иночества, вход в Царство Небесное всем угладившая.
Радуйся, Евфросиние, невесто Христова прекрасная.

Кондак 10
Спасти хотя тобою душы многих, милосердый Господь многими дары обогати тя, преподобная, чудотворения и пророчества, прозорливости же и слова помазаннаго, имиже прославляющи ущедрившаго тя Господа, подвигла еси пети Ему всех: Аллилуиа.

Икос 10
Стена была еси обители твоей, егда от неистовства Батыева молитвами твоими сохранила еси ю невредиму. Таковое дивное твое заступление поминающе, взываем ти:
Радуйся, трудолюбным Богу служением дерзновение к Нему стяжавшая.
Радуйся, совершенным страстей очищением Божие благоволение к себе привлекшая.
Радуйся, благодатей богоизбранный сосуде.
Радуйся, духа благодвижный органе.
Радуйся, алчущыя ведения душы манною Божественных истин питавшая.
Радуйся, благочестивых сувства благоуханием обетований услаждавшая.
Радуйся, недуги душевныя словом действенным врачевавшая.
Радуйся, болезни телесныя именем Иисусовым исцелявшая.
Радуйся, будущая яко настоящая, провидевшая.
Радуйся, дальняя, яко близ сущая зревшая.
Радуйся, помышления сердечная Духом Божиим прозревавшая.
Радуйся, потаенныя страсти Божиим озареним обличавшая.
Радуйся, Евфросиние, невесто Христова прекрасная.

Кондак 11
Пение всякое превосходят небесная утешения, богоблаженная, имиже труды и подвиги твоя увенча Христос Господь в небесных обителех, идеже водворяющися со ангелы и всеми святыми непрестанно воспеваеши Ему: Аллилуиа.

Икос 11
Светоподателен светильник всякаго утешения была еси, по преставлении твоем, преподобная мати; яви бо тя Христос Господь молитвенницу и ходатаицу всем, с верою к тебе прибегавшым. Мы же твоим заступлением ограждаеми, зовем ти:
Радуйся, по преставлении своем Господом Неба и земли милостивно приятая.
Радуйся, по отшествии от земных в Небесных обителех водворенная.
Радуйся, венцем славы за смирение венчанная.
Радуйся, на престоле царствия за победы над страстьми посажденная.
Радуйся, от манны сокровенныя за сокрушение и слезы услаждаемая.
Радуйся, от древа животнаго за многия лишения питаемая.
Радуйся, с Царицею Несесною у Престола Царя царей предстоящая.
Радуйся, с ангелы и всеми святыми заступлением своим нас приосеняющая.
Радуйся, мати, и с Неба любящих тя теплотою любве согревати не преставшая.
Радуйся, и среди небесных утешений земных чад своих не забывшая.
Радуйся, ходатаице усердная, прибегающих к тебе не посрамляющая.
Радуйся, молитвеннице крепкая, смиренных к тебе молитв не презирающая.
Радуйся, Евфросиние, невесто Христова прекрасная.

Кондак 12
Благодать на благодать бысть нам открытие нетленных мощей твоих, преподобная, в нихже источник всякаго утешения стяжавше, величаем возвеличившаго тя Христа Господа, благодарно поюще Ему: Аллилуиа.

Икос 12
Поюще дивнаго во святых своих Господа, тя, яко избранную невесту свою, славою и честию венчавша, и твое милостивое и скорое во всех нуждах наших заступление и всепоможение прославляюще, благодарно зовем ти:
Радуйся, всеусердная наша предстательнице.
Радуйся, неотступная наша хранительнице.
Радуйся, обители сея твердое ограждение.
Радуйся, града нашего верное защищение.
Радуйся, скорбящым отрадо и утешение.
Радуйся, обидимым прибежище и заступление.
Радуйся, болящих неоскудное врачевание.
Радуйся, бедствующих благонадежное избавление.
Радуйся, благочестивым царем нашым скорая помощнице.
Радуйся, христолюбивому воинству необоримая споборнице.
Радуйся, сене, от праведнаго гнева Божия нас укрывающая.
Радуйся, росо, огнь всяких скорбей и страстей прохлаждающая.
Радуйся, Евфросиние, невесто Христова прекрасная.

Кондак 13
О преславная мати, приими малое сие тебе наше приношение, и твоим теплым у Престола Божия ходатайством, избави нас от враг видимых и невидимых, от всяких бед и скорбей, от всякаго губительства и вечныя смерти, да с тобою и всеми святыми, в Царствии Небесном, сподобимся со всеми пету Богу Спасителю нашему: Аллилуиа.
Кондак сей глаголи трижды, таже Икос 1 и Кондак 1.

Молитва
О преславная мати, скорая наша помощнице и заступнице, и неусыпная о нас молитвеннице. Предстояще раце мощей твоих, и тя яко живу сущу зряще, припадающе молимся тебе: приими прошения наша, и принеси я ко Престолу милосердаго Отца Небеснаго, яко дерзновение к Нему имущая, испроси притекающым к тебе и всем православным христианом вечное спасение и временное благоденствие, на вся благая дела и начинания наша цедрое благословение, от всяких бед и скорбей скорое избавление. Ей, чадолюбивая мати наша, тебе предстоящей Престолу Божию, ведомы нужды нашя духовныя и житейския, призри на ня матерним оком, и твоими молитвами отврати от нас колебание всяким ветром учения, злых и богопротивных обычаев умножение; утверди же во всех веры согласное ведение, взаимную любовь и единомыслие, да всем и словесы, и писании, и делы, славится среди нас всесвятое имя Отца и Сына и Святаго Духа, Единаго Бога, в Троице покланяемаго, Емуже честь и слава, во веки веков. Аминь.[/spoiler]

Раб божий Константин

«За единоумершего».
[spoiler]Кондак 1

Избранный Ходатаю и Первосвященниче,  о спасении мира грешнаго
душу  Свою  положивый,  нам власть давый чадами Божьими быти и
обитати в невечернем дни Царствия  Твоего,  даруй  прощение  и
вечную радость усопшему. О немже с мольбою взываем Ти: Иисусе,
Судие Всемилостивый, рая сладости сподоби раба Твоего.


Икос 1

Господом данный    Ангеле    хранителю   святый,   прииди
помолиться  о  рабе  твоем,  егоже   на   всех   путех   жизни
сопровождал,  хранил и наставлял еси,  воззови с нами ко Спасу
Всещедрому.
Иисусе, истреби рукописание грехов раба Твоего (имя)', Иисусе,
уврачуй его язвы  душевные.  Иисусе,  да  не  будет  на  земли
горьких   воспоминаний   о  нем;  Иисусе,  сего  ради  помилуй
огорчавших  его   и   обиженных   им.   Иисусе,   покрый   его
несовершенства  светоносною  ризою Твоего искупления;  Иисусе,
возвесели его милосердием Твоим.  Иисусе Неизреченный, Великий
и  Чудный,  явися ему Сам;  Иисусе,  Судие Всемилостивый,  рая
сладости сподоби раба Твоего.



Кондак 2

Яко безутешная  горлица  носится  душа  над   юдолию   земною,
созерцая  с  высоты  божественнаго  разумения грехи и соблазны
минувшего пути,  горько  скорбя  о  каждом  невозвратном  дне,
ушедшем без пользы, но помилуй раба Твоего, Владыко, да внидет
он в покой Твой, взывая: Аллилуиа.


Икос 2

Если Ты страдал о всем мире, если Ты проливал слезы и кровавый
пот о живых и мертвых,  то  кто  нас  удержит  от  молитвы  за
усопшего.  Подражая  Тебе,  сошедшему  даже до ада,  молимся о
спасении раба Твоего:
Иисусе, жизни  подателю,  озари его светом Твоим;  Иисусе,  да
будет он едино с Тобою  и  Отцем.  Иисусе,  всех  призываяй  в
виноградник Твой,  не забуди озарити его светом Твоим; Иисусе,
щедрый раздаятелю вечных наград, яви его сыном чертога Твоего.
Иисусе,  верни душе его благодатные силы первозданной чистоты;
Иисусе,  да умножатся во имя его добрые дела.  Иисусе,  согрей
осиротевших   Твоею   таинственною   отрадой;   Иисусе,  Судие
Всемилостивый, рая сладости сподоби раба Твоего.




Кондак 3

Связанный узами  плоти  раб  Твой  падал греховно,  но дух его
томился по Твоей вечной правде  и  святости,  ныне  же,  когда
немощь плотская скована могильным тлением,  да вознесется душа
его  превыше  солнца  к  Тебе  Всесвятому  и   воспоет   песнь
избавления: Аллилуиа.


Икос 3

Верховный апостол Твой в холодную нощь у костра трижды отрекся
от  Тебя  и Ты спасл его.  Единый ведый человеческаго естества
немощь,  прости и рабу Твоему (имя) многовидные  отпадения  от
воли Твоея.
Иисусе, всели его там, где нет заблуждений; Иисусе, избави его
от тягостных терзаний совести. Иисусе, да сгинет навеки память
грехов его; Иисусе, соблазнов юности его не помяни. Иисусе, от
тайных беззаконий очисти его;  Иисусе,  осени его тихим светом
спасения.  Иисусе,  Судие Всемилостивый,  рая сладости сподоби
раба Твоего.



Кондак 4

Бури жизни  миновали,  страдания  земные  окончены,  безсильны
враги с их злобою,  но сильна любовь,  избавляющая от  вечнаго
мрака  и  спасающая  всех,  о ком возносится Тебе дерзновенная
песнь: Аллилуиа.


Икос 4

Ты без  числа  милосерд  нам.  Ты  единый  Избавитель,  что мы
прибавим к подвигу спасающей любви Твоей, но Симон Киринейский
помогал  нести  крест  Тебе  Всесильному,  так и ныне благости
Твоей угодно спасение  близких  совершать  с  участием  нашим.
Иисусе,  Ты заповедал друг друга тяготы носити;  Иисусе, Ты по
смерти милующий нас по ходатайству близких. Иисусе, союз любви
положивый между мертвыми и живыми; Иисусе, да послужат подвиги
любящих во спасение рабу  Твоему  (имя).  Иисусе,  услыши  его
вопль  сердечный,  возносимый нашими устами;  Иисусе,  в наших
слезах приими его покаяние.  Иисусе,  Судие Всемилостивый, рая
сладости сподоби раба Твоего.



Кондак 5

Боже, да будет принят Тобою его предсмертный вздох сокрушения,
якоже мольба благоразумнаго разбойника.  Он угас на  жизненном
кресте,  дай  наследовать  ему  Твоя  обетования,  якоже тому:
"Аминь,  глаголю тебе;  со  Мною  будеши  в  рай",  где  сонмы
раскаявшихся грешников радостно поют: Аллилуиа.


Икос 5

За нас распятый,  за нас измученный,  простри  руку  с  Твоего
Креста,  каплями крови Твоея безследно смой излитыя согрешения
его, благообразною Твоею наготою согрей обнаженную осиротевшую
Душу.
Иисусе, Ты знал его жизнь до рождения и возлюбил его;  Иисусе,
Ты  видел  его  издалече  с высоты креста Твоего.  Иисусе,  Ты
простирал ему,  в даль грядущему,  изъязвленные объятия  Твои;
Иисусе,  Ты взывал о прощении его на кровавой Голгофе. Иисусе,
Ты кротко умирал за него в тяжких муках;  Иисусе,  претерпевый
во   гробе  положение,  освяти  его  могильный  покой.  Иисусе
воскресший,  вознеси  ко  Отцу  озлобленную  миром   и   Тобою
спасенную  душу;  Иисусе,  Судие  Всемилостивый,  рая сладости
сподоби раба Твоего.



Кондак 6

Спит он вечным сном могилы, но душа его не дремлет, чает Тебя,
Господи, жаждет Тебя, Вечнаго Жениха. Да исполнятся на умершем
слова Твои:  "Ядый Мою Плоть и пияй  Мою  Кровь,  имать  живот
вечный".  Дай  ему ясти от манны сокровенныя и пети у престола
Твоего: Аллилуиа.


Икос 6

Смерть разлучила со всеми ближними, стала дальше душа, знаемии
сокрушаются,  и токмо  Ты  един  остался  близок.  Разрушились
преграды плоти и Ты открылся в неприступном величии Божества с
ожиданием ответа.
Иисусе, Любовь превыше всякаго разумения, помилуй раба Твоего;
Иисусе,  удаляясь от Тебя,  он тяжко страдал.  Иисусе,  прости
неверность его сердца; Иисусе, обманутые надежды рождали тоску
по Тебе.  Иисусе,  вспомни те часы,  когда душа его  трепетала
восторгом Твоим;  Иисусе, дай скончавшемуся неземную радость и
покой.  Иисусе, Единый, верный, неизменный приими его; Иисусе,
Судие Всемилостивый, рая сладости сподоби раба Твоего.



Кондак 7

Веруем, что недолгой будет разлука наша.  Мы хороним тебя, как
на ниве зерно,  ты произрастешь в иной стране.  Да погибнут  в
могиле плевелы грехов твоих,  а дела добрые там просияют,  где
семена добра приносят нетленные плоды,  где души святые  поют:
Аллилуиа.


Икос 7

Когда уделом  умершего  станет  забвение,  когда   образ   его
поблекнет  в  сердцах  и  время  изгладит  вместе  с могилою и
ревность молитвы о нем,  тогда Ты не остави  его,  дай  отраду
одинокой душе.
Иисусе, Твоя любовь не  охладевает;  Иисусе,  неистощимо  Твое
благоволение. Иисусе, в неумолкаемых мольбах Церкви да омоются
грехи   его    приношением    Жертвы    Безкровной;    Иисусе,
предстательством  всех  святых  даруй  ему благодать молитвы о
живых. Иисусе, во дни испытаний наших приими его ходатайство о
нас;  Иисусе,  Судие Всемилостивый,  рая сладости сподоби раба
Твоего.


Кондак 8

Будем молиться со слезами,  когда память об усопшем мучительно
свежа,  будем поминать имя его  в  нощи  и  во  дни,  раздавая
милостыню, питая гладных, из глубины души взывая: Аллилуиа.


Икос 8

Тайнозритель Иоанн Богослов созерцал у  престола  Агнца  Божия
великое множество людей,  облеченных в белые ризы: это те, кто
пришел от великой скорби.  Они радостно  служат  Богу  день  и
ночь, и Бог обитает с ними, и не коснется их мука.
Иисусе, причти к ним и раба Твоего  (имя);  Иисусе,  он  много
страдал  и томился.  Иисусе,  известны Тебе все горькие часы и
тягостные минуты его;  Иисусе,  на  земли  он  имел  печали  и
скорби,  дай на небе отраду.  Иисусе, услади его от источников
живыя воды;  Иисусе,  отыми всяку слезу от очей  его.  Иисусе,
всели  его,  где  не  опаляет,  но  живит солнце правды Твоея;
Иисусе, Судие Всемилостивый, рая сладости сподоби раба Твоего.



Кондак 9

Кончено странствование земное, какой благодатный переход в мир
Духа,  какое созерцание новых,  неведомых миру земному вещей и
небесных красот,  душа  возвращается  в  отечество  свое,  где
светлое солнце, правда Божия просвещает поющих: Аллилуиа.


Икос 9

Если отблеск и след Твой полагает сияние на лице смертных,  то
каков  же Ты Сам.  Если плоды Твоих рук так прекрасны и земля,
отражающая только тень Твою,  полна невыразимым  величием,  то
каков  же невидимый Лик Твой.  Открой славу Твою усопшему рабу
(имя).
Иисусе, обостри его слух к восприятию Твоего Божества; Иисусе,
обостри его слух к разумению небесных.  Иисусе,  да будет  его
радость преисполненная;  Иисусе, подкрепи его надеждою встречи
в  обителях   блаженных.   Иисусе,   дай   нам   почувствовать
благодатную    силу   заупокойной   молитвы;   Иисусе,   Судие
Всемилостивый, рая сладости сподоби раба Твоего.



Кондак 10

Отче наш,  скончавшагося в Царствие Твое приими, где нет греха
и зла,  где нерушима Святая воля, где в сонмах чистейших душ и
непорочных Ангелов святится Твое благодатное имя и  благоухает
хвала: Аллилуиа.


Икос 10

В тот день Ангелы поставят Престол Твой, Судие, и Ты возсияеши
во  славе  Отца  Твоего,  неся воздаяние всякому человеку.  О,
воззри тогда милостиво на смиреннаго раба  Твоего  (имя),  рцы
ему:  "Прииди  одесную  Мене".
Иисусе, яко Бог власть имаши оставляти грехи;  Иисусе,  прости
его согрешения,  забытые или стыдом утаенные.  Иисусе, отпусти
беззакония  немощи  и  неведения;  Иисусе,   избави   его   от
несвятимых глубин адскаго отчаяния.  Иисусе,  да унаследует он
Твои   животворящия   обетования;   Иисусе,    сопричти    его
благословенным   Отца   Твоего.   Иисусе,   дай  ему  во  веки
нескончаемое  блаженство;  Иисусе,  Судие  Всемилостивый,  рая
сладости сподоби раба Твоего.



Кондак 11

Владыко Всеблагий,  да  отверзятся усопшему солнцевидные врата
райские,  да встретят его  с  ликованием  соборы  праведных  и
святых,  сонмы  близких  и любивших его,  да возрадуются о нем
светоносные Ангелы Твои,  да узрит он и Присноблаженную Матерь
Твою там, где победно звучит: Аллилуиа.


Икос 11

Под дыханием  Твоим   оживают   цветы,   воскресает   природа,
пробуждаются   сонмы  мельчайших  тварей,  Твой  взор  светлее
весенних небес,  Твоя любовь,  Иисусе, теплее лучей солнечных.
Ты  из  праха  земнаго  воскресил бренную плоть человеческую к
расцвету вечной нетленной жизни  весны,  тогда  озари  и  раба
Твоего  (имя) светом милостей Твоих.
Иисусе, в Твоей деснице благоволение и жизнь; Иисусе, во взоре
Твоем свет и любовь.  Иисусе, избави усопшего от вечныя смерти
духовныя; Иисусе, он уснул с надеждою, подобно Нилу-реке перед
холодной  зимой.  Иисусе,  пробуди  его,  когда  терния  земли
облекутся цветом вечности;  Иисусе, да не омрачит ничто земное
его последнего сна.  Иисусе,  Счастье Неизменное и цель нашего
бытия;  Иисусе, Судие Всемилостивый, рая сладости сподоби раба
Твоего.



Кондак 12

Христе! Ты  -  Царство  Небесное,  Ты  -  земля кротких,  Ты -
обитель многих,  Ты - питие совершенное новое,  Ты - одеяние и
венец преподобных, Ты - ложе упокоения святых, Ты - Сладчайший
Иисусе! Тебе подобает хвала: Аллилуиа.


Икос 12

Под образом тихих садов неземной красоты, и светлых как солнце
обителей и в великолепии небесных  песнопений  Ты  открыл  нам
блаженство любящих Тя.
Иисусе, да внидет раб Твой в радость Твою;  Иисусе, облеки его
сиянием  славы  Отца.  Иисусе,  просвяти  его  озарением  Духа
Святаго;  Иисусе,  да услышит он неизреченную песнь Херувимов.
Иисусе,  да  будет он восходить от славы в славу;  Иисусе,  да
узрит он Тебя лицем к лицу.  Иисусе,  Судие Всемилостивый, рая
сладости сподоби раба Твоего.



Кондак 13

О Женише Безсмертный, в полночь греха и неверия грядый с небес
со Ангелами судити миру всему.  Отверзи двери славнаго чертога
Твоего  рабу Твоему (имя),  да в безчисленных сонмах святых во
веки поет: Аллилуиа, Аллилуиа, Аллилуиа.[/spoiler]

Раб божий Константин

Акафист за единоумершую.
[spoiler]Кондак 1
Избранный Ходатаю и Первосвященниче, о спасении мира грешнаго душу Свою положивый, нам власть давый чадами Божьими быти и обитати в невечернем дни Царствия Твоего, даруй прощение и вечную радость усопшей. О нейже с мольбою взываем Ти:
Иисусе, Судие Всемилостивый, рая сладости сподоби рабу Твою.

Икос 1
Господом данный Ангеле хранителю святый, прииди помолитися о рабе твоей, еяже на всех путех жизни сопровождал, хранил и наставлял еси, воззови с нами ко Спасу Всещедрому:
Иисусе, истреби рукописание грехов рабы Твоей (имя)',
Иисусе, уврачуй ея язвы душевные.
Иисусе, да не будет на земли горьких воспоминаний о ней;
Иисусе, сего ради помилуй огорчавших ея и обиженных ею.
Иисусе, покрый ея несовершенства светоносною ризою Твоего искупления;
Иисусе, возвесели ея милосердием Твоим.
Иисусе Неизреченный, Великий и Чудный, явися ей Сам;
Иисусе, Судие Всемилостивый, рая сладости сподоби рабу Твою.

Кондак 2
Яко безутешная горлица носится душа над юдолию земною, созерцая с высоты божественнаго разумения грехи и соблазны минувшаго пути, горько скорбя о каждом невозвратном дне, ушедшем без пользы, но помилуй рабу Твою, Владыко, да внидет она в покой Твой, взывая: Аллилуиа.

Икос 2
Аще Ты страдал еси о всем мире, аще Ты проливал еси слезы и кровавый пот о живых и мертвых, кто нас удержит от молитвы за усопшую. Подражая Тебе, сошедшему даже до ада, молимся о спасении рабы Твоей:
Иисусе, жизни подателю, озари ея светом Твоим;
Иисусе, да будет она едино с Тобою и Отцем.
Иисусе, всех призываяй в виноградник Твой, не забуди озарити ея светом Твоим;
Иисусе, щедрый раздаятелю вечных наград, яви ея дщерью чертога Твоего.
Иисусе, верни душе ея благодатные силы первозданной чистоты;
Иисусе, да умножатся во имя ея добрые дела.
Иисусе, согрей осиротевших Твоею таинственною отрадой;
Иисусе, Судие Всемилостивый, рая сладости сподоби рабу Твою.

Кондак 3
Связанная узами плоти раба Твоя падала греховно, но дух ея томился еси по Твоей вечной правде и святости, ныне же, когда немощь плотская скована могильным тлением, да вознесется душа ея превыше солнца к Тебе Всесвятому и воспоет песнь избавления: Аллилуиа.

Икос 3
Верховный апостол Твой в холодную нощь у костра трижды отрекся от Тебя и Ты спасл еси его. Единый ведый человеческаго естества немощь, прости и рабе Твоей (имя) многовидные отпадения от воли Твоея.
Иисусе, всели ея там, где нет заблуждений;
Иисусе, избави ея от тягостных терзаний совести.
Иисусе, да сгинет навеки память грехов ея;
Иисусе, соблазнов юности ея не помяни.
Иисусе, от тайных беззаконий очисти ея;
Иисусе, осени ея тихим светом спасения.
Иисусе, Судие Всемилостивый, рая сладости сподоби рабу Твою.

Кондак 4
Бури жизни миновали, страдания земные окончены, безсильны враги с их злобою, но сильна любовь, избавляющая от вечнаго мрака и спасающая всех, о ком возносится Тебе дерзновенная песнь: Аллилуиа.

Икос 4
Ты без числа милосерд нам. Ты единый Избавитель, что мы прибавим к подвигу спасающей любви Твоей, но Симон Киринейский помогал нести крест Тебе Всесильному, так и ныне благости Твоей угодно спасение близких совершати с участием нашим.
Иисусе, Ты заповедал еси друг друга тяготы носити;
Иисусе, Ты еси по смерти милуююй нас по ходатайству близких.
Иисусе, союз любви положивый между мертвыми и живыми;
Иисусе, да послужат подвиги любящих во спасение рабе Твоей (имя).
Иисусе, услыши ея вопль сердечный, возносимый нашими устами;
Иисусе, в наших слезах приими ея покаяние.
Иисусе, Судие Всемилостивый, рая сладости сподоби рабу Твою.

Кондак 5
Боже, да будет принят Тобою ея предсмертный вздох сокрушения, якоже мольба благоразумнаго разбойника. Она угасла еси на жизненном кресте, дай наследовать ей Твоя обетования, якоже тому: "Аминь, глаголю тебе; со Мною будеши в раи", где сонмы раскаявшихся грешников радостно поют: Аллилуиа.

Икос 5
За нас распятый, за нас измученный, простри руку с Твоего Креста, каплями крови Твоея безследно смой излитыя согрешения ея, благообразною Твоею наготою согрей обнаженную осиротевшую Душу.
Иисусе, Ты знал еси ея жизнь до рождения и возлюбил еси ея;
Иисусе, Ты видел еси ея издалече с высоты Креста Твоего.
Иисусе, Ты простирал еси ей, в даль грядущей, изъязвленные объятия Твои;
Иисусе, Ты взывал еси о прощении ея на кровавой Голгофе.
Иисусе, Ты кротко умирал еси за нея в тяжких муках;
Иисусе, претерпевый во гробе положение, освяти ея могильный покой.
Иисусе воскресший, вознеси ко Отцу озлобленную миром и Тобою спасенную душу;
Иисусе, Судие Всемилостивый, рая сладости сподоби рабу Твою.

Кондак 6
Спит она вечным сном могилы, но душа ея не дремлет, чает Тебя, Господи, жаждет Тебя, Вечнаго Жениха. Да исполнятся на умершей слова Твои: "Ядый Мою Плоть и пияй Мою Кровь, имать живот вечный". Дай ей ясти от манны сокровенныя и пети у престола Твоего: Аллилуиа.

Икос 6
Смерть разлучила еси со всеми ближними, стала дальше душа, знаемии сокрушаются, и токмо Ты един остался близок. Разрушились преграды плоти и Ты открылся в неприступном величии Божества с ожиданием ответа.
Иисусе, Любовь превыше всякаго разумения, помилуй рабу Твою;
Иисусе, удаляясь от Тебя, она тяжко страдала.
Иисусе, прости неверность ея сердца;
Иисусе, обманутые надежды рождали тоску по Тебе.
Иисусе, вспомни те часы, когда душа ея трепетала восторгом Твоим;
Иисусе, дай скончавшейся неземную радость и покой.
Иисусе, Единый, верный, неизменный приими ея;
Иисусе, Судие Всемилостивый, рая сладости сподоби рабу Твою.

Кондак 7
Веруем, что недолгой будет разлука наша. Мы хороним тебя, как на ниве зерно, ты произрастешь в иной стране. Да погибнут в могиле плевелы грехов твоих, а дела добрые там просияют, где семена добра приносят нетленные плоды, где души святые поют: Аллилуиа.

Икос 7
Когда уделом умершей станет забвение, когда образ ея поблекнет в сердцах и время изгладит вместе с могилою и ревность молитвы о ней, тогда Ты не остави ея, дай отраду одинокой душе.
Иисусе, Твоя любовь не охладевает;
Иисусе, неистощимо Твое благоволение.
Иисусе, в неумолкаемых мольбах Церкви да омоются грехи ея приношением Жертвы Безкровной;
Иисусе, предстательством всех святых даруй ей благодать молитвы о живых.
Иисусе, во дни испытаний наших приими ея ходатайство о нас;
Иисусе, Судие Всемилостивый, рая сладости сподоби рабу Твою.

Кондак 8
Будем молитися со слезами, когда память об усопшей мучительно свежа, будем поминать имя ея в нощи и во дни, раздавая милостыню, питая гладных, из глубины души взывая: Аллилуиа.

Икос 8
Тайнозритель Иоанн Богослов созерцал у престола Агнца Божия великое множество людей, облеченных в белые ризы: это те, кто пришел от великой скорби. Они радостно служат Богу день и ночь, и Бог обитает с ними, и не коснется их мука.
Иисусе, причти к ним и рабу Твоего (имя);
Иисусе, она много страдала и томилась.
Иисусе, известны Тебе все горькие часы и тягостные минуты ея;
Иисусе, на земли она имела печали и скорби, дай на небе отраду.
Иисусе, услади ея от источников живыя воды;
Иисусе, отыми всяку слезу от очей ея.
Иисусе, всели ея, где не опаляет, но живит солнце правды Твоея;
Иисусе, Судие Всемилостивый, рая сладости сподоби рабу Твою.

Кондак 9
Кончено странствование земное, какой благодатный переход в мир Духа, какое созерцание новых, неведомых миру земному вещей и небесных красот, душа возвращается в отечество свое, где светлое солнце, правда Божия просвещает поющих: Аллилуиа.

Икос 9
Если отблеск и след Твой полагает сияние на лице смертных, то каков же Ты Сам. Если плоды Твоих рук так прекрасны и земля, отражающая только тень Твою, полна невыразимым величием, то каков же невидимый Лик Твой. Открой славу Твою усопшему рабе (имя).
Иисусе, обостри ея слух к восприятию Твоего Божества;
Иисусе, обостри ея слух к разумению небесных.
Иисусе, да будет ея радость преисполненная;
Иисусе, подкрепи ея надеждою встречи в обителях блаженных.
Иисусе, дай нам почувствовать благодатную силу заупокойной молитвы;
Иисусе, Судие Всемилостивый, рая сладости сподоби рабу Твою.

Кондак 10
Отче наш, скончавшуюся в Царствие Твое приими, где нет греха и зла, где нерушима Святая воля, где в сонмах чистейших душ и непорочных Ангелов святится Твое благодатное имя и благоухает хвала: Аллилуиа.

Икос 10
В той день Ангелы поставят Престол Твой, Судие, и Ты возсияеши во славе Отца Твоего, неся воздаяние всякому человеку. Воззри тогда милостиво на смиренную рабу Твою (имя), рцы ей: "Прииди одесную Мене".
Иисусе, яко Бог власть имаши оставляти грехи;
Иисусе, прости ей согрешения, забытые или стыдом утаенные.
Иисусе, отпусти беззакония, немощи и неведения;
Иисусе, избави ея от несвятимых глубин адскаго отчаяния.
Иисусе, да унаследует она Твои животворящия обетования;
Иисусе, сопричти ея благословенным Отца Твоего.
Иисусе, даруй ей во веки нескончаемое блаженство;
Иисусе, Судие Всемилостивый, рая сладости сподоби рабу Твою.

Кондак 11
Владыко Всеблагий, да отверзятся усопшей солнцевидные врата райские, да встретят ея с ликованием соборы праведных и святых, сонмы близких и любивших ея, да возрадуются о ней светоносные Ангелы Твои, да узрит она и Присноблаженную Матерь Твою там, где победно звучит: Аллилуиа.

Икос 11
Под дыханием Твоим оживают цветы, воскресает природа, пробуждаются сонмы мельчайших тварей, Твой взор светлее весенних небес, Твоя любовь, Иисусе, теплее лучей солнечных. Ты из праха земнаго воскресил бренную плоть человеческую к расцвету вечной нетленной жизни весны, тогда озари и рабу Твою (имя) светом милостей Твоих.
Иисусе, в Твоей деснице благоволение и жизнь;
Иисусе, во взоре Твоем свет и любовь.
Иисусе, избави усопшую от вечныя смерти духовныя;
Иисусе, она уснула с надеждою, подобно Нилу-реке перед холодной зимой.
Иисусе, пробуди ея, когда терния земли облекутся цветом вечности;
Иисусе, да не омрачит ничто земное ея последнего сна.
Иисусе, Счастье Неизменное и цель нашего бытия;
Иисусе, Судие Всемилостивый, рая сладости сподоби рабу Твою.

Кондак 12
Христе! Ты - Царство Небесное, Ты - земля кротких, Ты - обитель многих, Ты - питие совершенное новое, Ты - одеяние и венец преподобных, Ты - ложе упокоения святых, Ты - Сладчайший Иисусе! Тебе подобает хвала: Аллилуиа.

Икос 12
Под образом тихих садов неземной красоты, и светлых как солнце обителей и в великолепии небесных песнопений Ты открыл еси нам блаженство любящих Тя.
Иисусе, да внидет раба Твоя в радость Твою;
Иисусе, облеки ея сиянием славы Отца.
Иисусе, просвяти ея озарением Духа Святаго;
Иисусе, да услышит она неизреченную песнь Херувимов.
Иисусе, да будет она восходить от славы в славу;
Иисусе, да узрит она Тебя лицем к лицу.
Иисусе, Судие Всемилостивый, рая сладости сподоби рабу Твою.

Кондак 13
О Женише Безсмертный, в полночь греха и неверия грядый с небес со Ангелами судити миру всему. Отверзи двери славнаго чертога Твоего рабе Твоей (имя), да в безчисленных сонмах святых во веки поет: Аллилуиа, Аллилуиа, Аллилуиа.
Сей кондак глаголи трижды, посем икос 1 и кондак 1.

Молитва
Помяни, Господи Боже наш, в вере и надежди живота вечнаго преставльшагося рабу Твою (имя), и яко Благ и Человеколюбец, отпущаяй грехи, и потребляяй неправды, ослаби, остави и прости вся вольная ея согрешения и невольная, избави ея вечныя муки и огня геенскаго, и даруй ей причастие и наслаждение вечных Твоих благих, уготованных любящим Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго, верова, и Единицу в Троице и Троицу во Единстве, православно даже до последняго своего издыхания исповеда.
Темже милостив тоя буди, и веру, яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем Отцу и Сыну и Святому Духу, ныне и присно, и во веки веков. Аминь.

Древним православным обычаем является чтение Псалтири по усопшим. Боговдохновенные псалмы утешают скорбящие сердца ближних покойного и служат помощью душе, разлучившейся с телом. При этом не обязательно находиться рядом с почившим, читать Псалтирь можно в любом месте и в любое время.

Книга псалмов разделена на 20 частей - кафизм (от греческого "кафизо" - "сидеть", что говорит о допустимости читать Псалтирь сидя. Каждая из кафизм, в свою очередь, разделена на три части - "Славы". Когда Псалтирь читается за усопшую, после каждой "Славы" надо прочесть так называемое малое славословие: "Слава Отцу и Сыну и Святому Духу, и ныне и присно, и во веки веков, аминь. Аллилуиа, Аллилуиа, Аллилуиа, слава Тебе, Боже. (Трижды). Господи, помилуй. (Трижды). Слава Отцу и Сыну и Святому Духу, и ныне и присно, и во веки веков, аминь", а затем молитву "Помяни, Господи Боже наш..." (см. выше). Малое славословие и молитва читаются стоя.

Рекомендуется как можно раньше заказать о усопшей сорокоуст - молитвенное поминовение в храме за Божественной литургией в течение сорока дней подряд. Если позволяют средства, закажите сорокоуст в нескольких храмах или монастырях. В дальнейшем сорокоуст можно возобновлять или сразу подать записку на долгосрочное поминовение - полгода или год. В монастырях и монастырских подворьях заказывают вечное поминовение (пока стоит обитель). Наконец, весьма полезно служить панихиды.

Особый порядок молитв об умерших установлен Церковью на тот случай, если кончина пришлась на дни, следующие за праздником Пасхи - на Светлой седмице. В это время Церковь торжествует победу над смертью, которую совершил Господь наш Иисус Христос и обещал всякому верующему в Него после Своего Второго Пришествия на землю и Страшного Суда. Воскресение Христово вносит в заупокойные молитвословия особые, радостные ноты. Вместо заупокойного канона на Светлой седмице читают Пасхальный канон, а во всех случаях, когда положено читать Литию, поют пасхальные стихиры (на положение во гроб, на вынос тела из дома и до и после захоронения на кладбище): "Да воскреснет Бог и расточатся врази Его" и "Пасха священная нам днесь показася: Пасха нова святая, Пасха таинственная, Пасха всечестная, Пасха Христос Избавитель, Пасха непорочная, Пасха великая, Пасха верных, Пасха, двери райския нам отверзающая, Пасха, всех освящающая верных".

Вместо Псалтири на Светлой седмице по традиции читают одну из книг Нового Завета - Деяния святых апостолов, ибо апостолы в своем служении несли миру свет Христова Воскресения. Начинают чтение словами: "Молитвами святого апостола и евангелиста Луки, Господи Иисусе Христе Сыне Божий, помилуй нас, аминь", после чтения: "Богу нашему слава всегда, ныне и присно, и во веки веков, аминь". Чтение Деяний святых апостолов чрезвычайно благотворно и поучительно, оно содержит в себе и молитву о усопшем и утешение родным.[/spoiler]